هنقلين ( غطاء حوض الونيت ) فيبرغلاس

[محتري السيل]

السلام عليكم ورحمة الله وبركاته


زرت الكثير من المواقع الأجنبية متخصصة في الرحلات والكشتات البرية

ولاحظت انهم يعمدون الى أخذ ما خف وزنه وزادت الحاجة اليه

ولاكن عندنا العكس

تلاحظ الواحد محمل موترة تقول شاد من بيتهم هههههههههه

واللي لفت نظري الهنقلين الحديد

صحيح شكله ذرب وقوي لاكن ثقيييييييييييل ويقربع ومزعج جدا

ويمكن يصدي ويؤثر على بوية الموتر

ناهيك عن صعوبة فكه وتركيبة

لذلك طرى علي تركيب هنقلين فيبرغلاس لو أفصله تفصيل

فهو خفيف وعازل ونظيف ولايحدث صوت مع المطاب

وسهل الفك والتركيب ويمكن أرخص بكثير من الحديد

وألا وش رايكم ؟



وشكرا

[دسم الشوارب]

كلامك صحيح يامحتري السيل
صدقني من زمان ناوي اركبه
بس اشتري الموتر
بس انت تقول انه يفصل!
ياليت تكتب عنوان واسم اللي يفصله لأستفيد وتعم الفائده

[محتري السيل]

حياك الله دسم الشوارب

أنا من أهل الشرقية
زرت محل في الخضرية في الدمام يبيع أنواع كثيرة وأشكال من الفيبرغلاس
( توانكي - برك سباحة - مغاسل -نوافير - كل شيء على الطلب )
سألته مرة عن تصميم بركة سباحة ... قال أي شيء تبيه ... نسوية لك في المصنع
حسب المواصفات المطلوبة

لاكنهم غالين واعتقد في الرياض يمكن أرخص .. والشغلة يبغالها واحد يلف الصناعية
وأذكر فيه مصنع الجعيثن للفيرغلاس في الخرج ولاكن من مبطي ولا أدري وين محله
واتوقع السنيدي وغيره من محلات التجهيزات ما تطوفهم مثل هالشغلات

أهم شيء يكون لون الهنقلين الفيبر أسود ... قطعة وحده ...موازي للتنده
مقوس مع الأطراف ... بروز كبروز الحنايا ....مع فتحات تهوية جانبية مخفية
يعني نفس تصميم وشكل الحديد لاكن فيبر



وشكرا

[تيتشر]

فكره حللووه

[محتري السيل]

طبعا فيه أنواع كثير مايجيبها لنا موردين الونيتات علشان الواحد
يضطر يشتري سيارات الصالون العائلية الغالية

ولاكنها موجودة في الدول الأخرى وعشاق البحث عن المتعة والتوفير

مثل اللي في الصورة

http://i2.ebayimg.com/04/i/04/90/f9/4d_1_sbl.JPG

[دسم الشوارب]

مشكور على الافاده يامحتري السيل
والله يجيب السيل

[ذيب حضن]

الفيبر موجود وجاهز مملي الشوارع ابو قزازه في الخلف ودرايش