احذرو من ساهر

[hgrkhw]

بسم الله الرحمن الرحيم
انت تعرفون ساهر كل يوم بشكل والشكل الجديد هو باص يغيرون لون ويغطون القزاز بحديد اسود ماعدا الكامرا والفلاش رايته اليوم عند جامعه الملك سعود السنه التحضيريه اسف لعدم التصوير

[hgrkhw]

قالبين لون الباص زيتي

[GMC 111]

حسبي الله ونعم الوكيل

لاهنت على التنبيه

[واثق الخطوه-]

وفيه باص لونه عنابي في شارع حمزه مخرج 26

[أبوحمد 505]

الله يجعلة يحترق ويفك المسلمين من السرقة

[مسير عليهم]

على طريق الثمامه كذلك باص لون عنابي بعد جامعة الامام ووجهك شرق

[جي ام سي 2002]

على طريق العويظة حاطين الكاميرة وسط ماصورة وانت متجه جنوب قبل مسجد العويظة

[غواص مظلي]

المملكة العربية السعودية حماها الله... من أكثر دول العالم في ((حوادث السرعة)).
مع احترامي وتقديري للجميع.....

المخالف.. هو الوحيد اللذي يشتكي من نظام ساهر؟؟!!

[ذهب صافي]

المملكة العربية السعودية حماها الله... من أكثر دول العالم في ((حوادث السرعة)).
مع احترامي وتقديري للجميع.....

المخالف.. هو الوحيد اللذي يشتكي من نظام ساهر؟؟!!



المخالف ( المواطن ) يريد لوحات ترشيدية بأن الطريق مراقب بكمرة ساهر ( النظام الجديد ) كما تفعل الدول الخليجية المجاورة وليس كما يفعل نظام ساهر كل يوم سيارة و لون وشكل (حفله تنكرية ) وخلف شجرة وخلف جدار .

[غواص مظلي]

وأقول أيضا بأن المخالف هو... من يخترع الحجة ويجد المبررات الواهية لمخالفته.

[جغرافي2000]

:good2:
وأقول أيضا بأن المخالف هو... من يخترع الحجة ويجد المبررات الواهية لمخالفته.


:good2:

[من يخاويني]

ساهر أفضل نظام تم تطبيقه في البلد حتى الآن
لا يشتكي من ساهر إلا المتهورون والمراهقون

[عاشق - الحور]

وأقول أيضا بأن المخالف هو... من يخترع الحجة ويجد المبررات الواهية لمخالفته.

يعني بتقنعني الحوادث قلت بسباب ساهر
ومجلس الشورى يدرس الغاء الحد الاعلى من المخالفه
واللجنه الامنيه تأيدها لان ساهر ماقلل الحوادث والمخالفات زي مايقلون
وهذا الرابط
http://www.burnews.com/news.php?action=show&id=24052

[رسيس نجد]

وانا اقول ان الحوادث قلت وقل معها مشاكل المتهورين الي مذين خلق الله
كل الشكر للمرور السري وساهر

[سليمان الربيعان]

ساهر أفضل نظام تم تطبيقه في البلد حتى الآن
لا يشتكي من ساهر إلا المتهورون والمراهقون

انا معك ليش ما يسجل مخالفه على الظباط الكبارين والامراء والوزير والمسولين والاجانب يعطونهم نص المخالفه

[ابو99]

هذا سارق ماهو ساهر لو المخالفه100 ولا تدبيل بعد اسبو عين كان معقول اما 300- 600- 900- وتدبل هذا سقه عينك عينك

[سليمان الربيعان]

وانا اقول ان الحوادث قلت وقل معها مشاكل المتهورين الي مذين خلق الله
كل الشكر للمرور السري وساهر
وينهم عن اماكن التفحيط هذاهم قدرو يوصلون للارهابين باي مكان وعجزو يمسكون احد من المحطين ونص الي يفحطون عندهم واسطه

[من يخاويني]

انا معك ليش ما يسجل مخالفه على الظباط الكبارين والامراء والوزير والمسولين والاجانب يعطونهم نص المخالفه

ياكثر الضباط والدكاتره اللي أعرفهم عليهم مخالفات من ساهر وسددوها بدون تردد

أمراء ووزراء ماحصلي الشرف

[عاشق - الحور]

ماعليش من يقول خفت الحوادث هذا يناقض نفس
وياليت الجميع يتكلم بواقعيه واظن الاداره الامنيه ادرا من الجميع بالحوادث هل هي قلت او كثرت
ومااظن بتتكلم في مجلس الشورى وتنطق بلسانه ان ساهر ماله تاثير وهي متأكده ان له تأثير
هذا تصريحهم ماهو كلام نقوله من دون علم

[نمر977]

ساهر أفضل نظام تم تطبيقه في البلد حتى الآن
لا يشتكي من ساهر إلا المتهورون والمراهقون

لا فض فوك وترى جماعتنا ماودهم بالنظام والإحترام إلا (بالعصى........ قصدي ساهر)
ودمتم بود وإحترام

[Bader-M]

ساهر كلمة حق اريد بها باطل
وألا لماذا مضاعفة القسيمة هذا ظلم كبير و جباية
اذا كان المرور يدريد تخفيف الحوادث كما يزعمون
تكون مثل النقاط
مثلا انا حصلت على مخالفة سرعة معقولة يعني السرعة 70 كنت امشي 80
حصلت على مخالفة و لكن اذا لم تتكرر مني مثلا خلال ست اشهر تسقط عني
اما في حالة التكرار فان المخالفة تضاعف
هذا هو الحل اذا اردو الاصلاح كما يزعمون

[شنطة عده]

معاد ندري نكد ونشقى ونطعم اطفالنا او نكد ونشقى ونكد للحكومه

انا شخصياً منزل اللوحه الامامية
120 في الرياض ما اتعداها لو الخط فاضي
بلاك من رصد السرعه الي من 80 ونازل
هذا السرق عيني عينك
السؤال الي يطرح نفسه
ليش ما يحطون كميرات ساهر في الاماكن كثيرة الحوادث
وهم شاطرين بس في ترصد الناس الغافله في شوارع لا يمكن للواحد انه يتجاوز سرعة 100
فيه شوارع في الرياض التريلات تمشي معه بسرعة تتجاوز 140
ليش ما يحطون فيها كميرات ساهر
وقبل كل هذا خلهم يصلحون امور البلد الضايعة قبل يطبق علي نظام سارق قوت اطفالي

[alfaiz]

ساهر كلمة حق اريد بها باطل
ولا لماذا مضاعفة القسيمة هذا ظلم كبير و جباية
اذا كان المرور يدريد تخفيف الحوادث كما يزعمون
ليه ما تكون مثل النقاط
مثلا انا حصلت على مخالفة سرعة معقولة يعني السرعة 70 كنت امشي 80
حصلت على مخالفة و لكن اذا لم تتكرر مني مثلا خلال ست اشهر تسقط عني
اما في حالة التكرار فان المخالفة تضاعف
هذا هو الحل اذا اردو الاصلاح كما يزعمون

:good2::good2:
كلام سليم 100%

[سليمان الربيعان]

ياكثر الضباط والدكاتره اللي أعرفهم عليهم مخالفات من ساهر وسددوها بدون تردد

أمراء ووزراء ماحصلي الشرف
الظباط من عميد او عقيد الى لوء وفريق

[حزوبر]

شر البلية ما يضحك
الأن ساهر هو إلي خفف الحوادث!!!
طيب خلينا نفرض جدلا" إن هذا الكلام صحيح، بس يظل ساهر هو الجلاد الذي يجلد بالسيف ، لا بالعصا:D
يعني بالله عليكم كيف شارع عرضه 100، والسرعه 60
أو أسافر للقصيم أو الحجاز بسرعة 110 !!!
ساهر عصابه تساعدنا على التخفيف من الحوادث:good2:
لو كانو حريصون على سلامتنا، وراحتنا، كان وضعو حد لسرقة السيارات، وتهور الشباب فيها، والنتيجه حوادث وجرائم،لا نستطيع حصرها، وياليت يعوض المواطن عبر شركات التأمين ‘إلي فرضت علينا، مسكين يالمواطن
والغريب المواطن هو يردد شعاراتهم:
ساهر يخفف الحوادث
المتهورون هم الذين يحاربون ساهر

[الصــرح]

ليتك ياأخي الكريم صاحب الموضوع

قلت أحذروا السرعة
...

أرواح تزهق وأموال تهدر

حتى أصبح الإنسان إذا قاد سيارته

وكأنه داخل في معركة

كلامي هذا لا يعني أن مضاعفة القسائم

حق ولكنه نظام أجبرنا عليه

فليس لنا من أمرنا خياراً

سوى الرضى وسؤال الله المعونة

[عابر الشمالي]

طيب لا تمشي الى بسرعه القانونية ولا تخاف من ساهر ولا من غير ساهر


و الله انا ساهر ان شاء الله بعقل العقول السرعه الى كل يوم ميت لنا واحد الله المستعان


ولا مو كذا بس يتسبب في حادث بسرعته الجنونية يحصد كم واحد في طريقة و يتسسب في حادث مروع مميت


تروح فيه الارواح و خسائر هو غني عنها و متسبب به


و نتفائل في ادارة المرور في مرجعة الاسعار المخلفات و وضع مواقع الكيمرات في موقعها الصحيح

[دواس غدراء]

حفظ النظام / المتهوريين / مراهقيين / ههههههههه
وش ذنب الشيبان اللي يمشي 80 وياخذ قسيمة سرعه ويمكن ما يعرف يقراء ويكتب .. وينهم عن سرقة المنازل والتفحيط الخ .... والمشكله معرووف اماكن التفحيط و مشاكله ما تخلص سرقه سياراات وفيات الخ ..
أقووول كييف الحال .

[عاشق - الحور]

يابعدي لو ساهر صدق يراد به تخفيف الحوادث كان كان للكامرات الثابته مواقع مدروسه
لا توضع في اي محل المهم انها تكشح وبس
عندك مثال
لو كان هناك كامره قبل كوبري حراج بن قاسم وانت متجه غرب او على الكوبري
هل بتشوف الحوادث اللي نشوفه الحين
لا لإن الناس عارف ان فيه كامره ثابته وبكذا تهدي قبل الكوبري فيكون الهدف هنا
التهدئه ماهو المخالفه زي ماحنا نشوف

[سليمان الربيعان]

حفظ النظام / المتهوريين / مراهقيين / ههههههههه

وش ذنب الشيبان اللي يمشي 80 وياخذ قسيمة سرعه ويمكن ما يعرف يقراء ويكتب .. وينهم عن سرقة المنازل والتفحيط الخ .... والمشكله معرووف اماكن التفحيط و مشاكله ما تخلص سرقه سياراات وفيات الخ ..
أقووول كييف الحال .

وينهم عن التلاعب بالاسعار والاسهم والاراضي والفساد الاداري والتفحيط وسرقه البيوت
كلامك صحيح 100%:good2:

[سليمان الربيعان]

طيب لا تمشي الى بسرعه القانونية ولا تخاف من ساهر ولا من غير ساهر

و الله انا ساهر ان شاء الله بعقل العقول السرعه الى كل يوم ميت لنا واحد الله المستعان

ولا مو كذا بس يتسبب في حادث بسرعته الجنونية يحصد كم واحد في طريقة و يتسسب في حادث مروع مميت

تروح فيه الارواح و خسائر هو غني عنها و متسبب به

بس نتفائل في ادارة المرور في مرجعة الاسعار المخلفات و وضع مواقع الكيمرات

يحطون لوحات بالسرعه المحدده ثم يحطون االنظام

[سليمان الربيعان]

شر البلية ما يضحك
الأن ساهر هو إلي خفف الحوادث!!!
طيب خلينا نفرض جدلا" إن هذا الكلام صحيح، بس يظل ساهر هو الجلاد الذي يجلد بالسيف ، لا بالعصا:D
يعني بالله عليكم كيف شارع عرضه 100، والسرعه 60
أو أسافر للقصيم أو الحجاز بسرعة 110 !!!
ساهر عصابه تساعدنا على التخفيف من الحوادث:good2:
لو كانو حريصون على سلامتنا، وراحتنا، كان وضعو حد لسرقة السيارات، وتهور الشباب فيها، والنتيجه حوادث وجرائم،لا نستطيع حصرها، وياليت يعوض المواطن عبر شركات التأمين ‘إلي فرضت علينا، مسكين يالمواطن
والغريب المواطن هو يردد شعاراتهم:
ساهر يخفف الحوادث
المتهورون هم الذين يحاربون ساهر
100 % كلامك صحيح
والغريب المواطن هو يردد شعاراتهم:
ساهر يخفف الحوادث
المتهورون هم الذين يحاربون ساهر

[saalh123]

المملكة العربية السعودية حماها الله... من أكثر دول العالم في ((حوادث السرعة)).
مع احترامي وتقديري للجميع.....

المخالف.. هو الوحيد اللذي يشتكي من نظام ساهر؟؟!!




كلامك صحيح
نبغى الناس تترك السرعة والتهور
وش طايرين عليه الدنيا ملحوقه

[خط الديرة]

مااقووول إلآ حسبي الله ونعم الوكيل على اللي اخترعه ووافق عليه

لأنه نصب واكل لمال المواطن الضعيف بدون حق اللي يتعب ويشقى ويجني لأجل يعيش عياله ويعيش مستور مهما كان راتبه فوق ولا تحت

اصبحت الان واول مافتحت الجوال إلا جاتني رساله بمخالفه الله لا يوفقهم ومتأكد إن قدر المستطاع باعد عن السرعه وممكن اكون زليت السرعه اللي حاطينها لكن بواحد او اثنين دون انتبه

وش ذنبي إن كان كلب يوقفلي وراء كبري ولا خلف الاشجار ويدسس علينا لأجل يرصد أي شئ

إن كان فعلا صادقين خايفين على ارواحنا والله يكثر الدوريات اللي توقف بوسط الاحياء وخلف سوق وطاقينها سوالف وقراية جرايد

هذولي ليه ماتحط كل بعد 5 كيلو ولا اقل ولا اكثر بالطرق منها محافظه على روح المواطن مثل ماقلتو وكذلك امن للمواطن وكمان إذ احتاجهم المواطن يحصلهم على طول

مو ضرب عليه كفر لاسمح الله ولا صار حادث ما يجون ويحضرون إلآ بعد 4 ساعات!!!

وتعااال انت وهو اللي يتفلسفون ويقولون ساهر سوو وساهر سوو عساه القراده

يا اخوي انا بالرياض مالي كم يوم وشفت العجب العجاب
والوالد الله يحفظه كبير ويسوق وهادي بسوقته ويخبرني عن اللي يشوفه والخبلان اللي بالشوارع هنا إلا من رحم

يجي الواحد مطير 100 من وسط حي ويأخذ المطب زي سلام عليكم ولا بعد يتجاوز من اليمين ولاينط عليك ولا غماز ولا يحزنون

وين ساهركم ومروركم عنهم

ولا بس بالضعافه اللي مستعجل ع شغله ولا ما يدري ان في واحد ينبح قدام الكبري!!!


والله ظلم وحتى مضاعفة القسائم ظلم

وانا مااتكلم إنهم سجلو علي لا ماهمني اخذ حقي من جلودهم يوم القيامه

اللي بيطبق النظام يطبقه مثل ماهو مطبق دولي لوحات تحذيريه وتكون امامك

ياراجل بس لوتتكلم لبكره ماسمعوك
وليت بهالفلوس يتعين العاطلين ياارب وقتها انا احتسبها لوجه الله ولا ابغى شئ بس وظفو الخلق اللي عندنا شاب راسها ولا توظفة ومعاهم شهادات عاليه ومراتب شرف لكن حسبي الله




وينهم عن التلاعب بالاسعار والاسهم والاراضي والفساد الاداري والتفحيط وسرقه البيوت
كلامك صحيح 100%:good2:



تكفى لا توجع لنا قلوبنا
ايه والله وينهـــــــــــــــــــــــــــم لا بارك الله بالبطانه الفاسده والناس اللي تأكل امول الناس بغير حق

اراضي فشهر ترتفع دبل تخيل!! والبلدية دارية بالموضوع والتلاعب اللي يصير ولا احد عندك يجي الواحد ياخذ قرض وبيشتري يلقاهم رفع السعر دبل طيب ليه قالو لعب المكاتب!!

وين البلدية والاماره عنكم قالو منا وفينا أها إذا عرف السبب بطل العجب

والتفحيط وانا اكتب ردي الان اسمع انواع الموسيقار تبعهم ولا بعد بوسط الحي!!

[ايقاع المطر]

قال حمايه قال وين اللوحات الارشاديه اين توعيه المواطن على الخطوط فالمدن وفي نقاط التفتيش
لا يوجد اقلها مطويات تعرف عن النظام توزع في نقاط التفتيش.. شوارع ياربي لك الحمد تلاقي الشارع ياكبره 3 مسارات ماتقدر تمشي الا في مسار واحد من المطبات والحفريات تبعد عن مطب تصدم سيارة
وساهر ليه يندس خلف الاشجار وبراميل الزبايل الله يكرمكم وكل مرة يغيرون لون سياراتهم
ليه يختارون الاجانب في مشروع ساهر والسعوديون قله لانهم يدربونهم تجيب قسايم كثيرة نزيدلك الراتب
وهذا الي ضرنا والسعودي مايرضاها ابداا بعكس الاجانبي
ياحبي لكم يالي تاشرون بالنور والفلشر وتنبهون بمكان ساهر

[بندر النويشر]

أصبح ساهر جزء من حياتنا اليومية تعودنا عليه وأصبحت له حسنات لا ننكرها وأصبحت واضحة للعيان ولله الحمد
لماذا لا نهذب أنفسنا ونعودها على احترام الأنظمة دائماً نتذمر بالرغم من أن هذا الشئ أقره ولاة الأمر وأيدوه

[خيال الغلبا]

رايي ان كل من يؤيد هذا اللص ( ساهر ) فهو مشارك في الاثم

اكل اموال الناس بالباطل بحجة الحفاظ على ارواحهم .. طيب ليه ماتوفرون لنا اسرة في المستشفيات ان كان قصدكم الحفاظ على ارواحنا

قيمة المخالفة ان كنتم صادقين ضعوها لشراء اسرة للمرضى في المستشفيات

قال الحفاظ على ارواحنا ...
تقصد تزهيقنا من الحياة من خلال نظام ساهر ...

الشعب يريد اسقاط ساهر

[سليمان الربيعان]

أصبح ساهر جزء من حياتنا اليومية تعودنا عليه وأصبحت له حسنات لا ننكرها وأصبحت واضحة للعيان ولله الحمد


لماذا لا نهذب أنفسنا ونعودها على احترام الأنظمة دائماً نتذمر بالرغم من أن هذا الشئ أقره ولاة الأمر وأيدوه

يعني ماعندك مانع تدبل عليك المخلفه حتى توصل 900 ريال
وبعدين وين السرعه الجنونيه 80 والسرعه المحدده 70 مخالفه
ما اقول الا الله يخسف بالي حط القرار ولا يوفقه

[سليمان الربيعان]

رايي ان كل من يؤيد هذا اللص ( ساهر ) فهو مشارك في الاثم

اكل اموال الناس بالباطل بحجة الحفاظ على ارواحهم .. طيب ليه ماتوفرون لنا اسرة في المستشفيات ان كان قصدكم الحفاظ على ارواحنا

قيمة المخالفة ان كنتم صادقين ضعوها لشراء اسرة للمرضى في المستشفيات

قال الحفاظ على ارواحنا ...
تقصد تزهيقنا من الحياة من خلال نظام ساهر ...

الشعب يريد اسقاط ساهر
الفلوس ما والله تطلع الا للجانب والحراميه

[بندرالعتيبي]

يالربع عينو خير عيونك انت وياه ماتكذب والله لاخفت حوادث ولاشي وين ساهر عن الهنود الي يكدون فالبطحاء بسياراتهم الخاصه وبسيارات الشركات وين ساهر عن الي يففحطون ويسرقون البيوت وسيارات الناس ولو بعدد اشياء ثانيه ماراح اخلص مع احترامي الشديد حراميه انا ماقد صورني الا مره وحده فقط الحمدلله بس كنت مودي الوالده الله يحفظها المستشفى ومستعجل ومادريت عنه كان مندس وسرعتي والله انها 90 فقط على شارع رئيسي مافيه الا اشاره وحده

مع احترامي الشديد هذا سرق عيني عينك

[راعي جملاء]

حاطين كمره ثابته فوق كوبري الفحص وانت متجه غرب

[فتى شنه]

اجل قلبوها حفلات تنكرية كل يوم لون مختلف :mad:

والله لو يحطون المقبل ويعلقون برقبته كميرا وفوق راسه فلاش :D

ان نظامهم فاشل مثلهم والناس كشفت ساهر وفضحت مواقعه وقاموا يتنكرون بتغيير اللون

شباب لا اوصيكم على الفلشر اذا حصلت ساهر لتوعيه اخوانك من الحرامي ;)

[امير الامراء]

وانا اقول ان الحوادث قلت وقل معها مشاكل المتهورين الي مذين خلق الله
كل الشكر للمرور السري وساهر
هههههههه اول شي المتهورين مايمشون بالوحات ابد او يغطونها بلزقات وهاذا الي صاير لا يجي واحد يقول المرور في المرصاد اقسم بالله ان المرور نايم ولايدري وش الي صاير في البلد ولا يدرون وين راسهم من رجليهم اذا كانت سيارات المرور صار يحطون الدعامات على الوح ويحطون انوار كشافات صفرا على الوح فاذا المرور نفسه يخالف النظام والنظام فقط يطبق على الشيبان والرجال المحفظون او المساكين فقط ربما كان يمشي 70 والشارع 60 فما الذنب الي ارتكبه وسياراتهم بالخش والدس اقول لانلعب على بعضنا ونقول انه حد من سرعه المتهورين فاقسم بالله مافكرو مجرد تفكير فيه وانا لم اقول هاذا الكلام الا وانا قده وعلمن اعرف واحد والله انه شايل الوحات الثنتين من تقريبا سنه ونصف ولا مرور ولاهم يحزنون خلهم يحلون مشكله الزحمه في الرياض بعدين يا كلون من الشعب
والشمسسسسس ماتغطى ؟؟؟؟؟

[رامي ع الموت]

قبل لايحذف الموضوع اعطيكم رايي


يوميا امسك خط الدمام الجبيل رايح جاي واول ما جانا ساهر بالشرقية صارت السواقة هادية على هالخط شهر واحد بس وبعدها رجع مثل اول يشطفون مع الزحام زي الحية فوق الـ180 وساهر يضيع ما يقدر يصورهم وخاصة خط الكتف لدرجة انهم يشوفون الناس تحذرهم بالفليشر والتكبيس ولا جابو خبره وللاسف ما يرصد الا السرعات المحدودة والمتهورين ما يجيهم شي ..بس الحقيقة ساهر في الخط هذا ما يتخفى ورى حاجز لانه مافي مكان يقدر يتخفى فيه. ساهر ظالم ولا منه اي فايدة واللي يقطع خط الجبيل الدمام يعرف الشي هذا الناس ماهي معبرته الا الشيبان امثالي .. الله المستعان:(

[995]

الحلوين اللي يقولون ان سارق خفف الحوادث اعتقد انهم يغالطون انفسهم :eek:
الحوادث ماخفت ولا شي والواقع هو اللي يحكم .
وبالنسبة للحفاظ على ارواح المواطنين هذا واضح من خلال تاخير سيارات المرور عن مباشرة الحوادث وان كانت خفيفة(دقشة) ورب البيت اني اكثر من مرة اللي اصادف سيارتين متداقشات دقشات بسيطة وامر من عندهم العصر واروح لصلاة المغرب وهم ماجاهم المرور والا الظهر وتجي صلاة العصر وهم ماجاهم المرور .
اوحلول جذرية للزحمات اللي ماعاد تنطاق واصبح العيش معها صعب للغاية.
اوتاخر سيارات الاسعاف او الدفاع المدني .
او عدم ملاحقة المتسولين اللي الله اعلم وين يودون الفلوس اللي ياخذونها من المحسنين .
وقبلهم البنقالية اللي عاثين في الارض الفساد الكبير .
وغيرها الكثير لكن الله يصلح الاحوال:good2:

[دواس غدراء]

مع ذكر ما سبق ..........
تخيل قيادة المراءه (( الحرمه/المعزبه/العجوز/البنت )) ههههههههههههههههههههههههههههه
ههههههههههههههههههههههههههه
هههههههههههههههههه
ههههههه
ههه

[سليمان الربيعان]

مع ذكر ما سبق ..........

تخيل قيادة المراءه (( الحرمه/المعزبه/العجوز/البنت )) ههههههههههههههههههههههههههههه
ههههههههههههههههههههههههههه
هههههههههههههههههه
ههههههه
ههه

كان الواحد يموت من المخالفات والحوادث

[سليمان الربيعان]

الحلوين اللي يقولون ان سارق خفف الحوادث اعتقد انهم يغالطون انفسهم :eek:
الحوادث ماخفت ولا شي والواقع هو اللي يحكم .
وبالنسبة للحفاظ على ارواح المواطنين هذا واضح من خلال تاخير سيارات المرور عن مباشرة الحوادث وان كانت خفيفة(دقشة) ورب البيت اني اكثر من مرة اللي اصادف سيارتين متداقشات دقشات بسيطة وامر من عندهم العصر واروح لصلاة المغرب وهم ماجاهم المرور والا الظهر وتجي صلاة العصر وهم ماجاهم المرور .
اوحلول جذرية للزحمات اللي ماعاد تنطاق واصبح العيش معها صعب للغاية.
اوتاخر سيارات الاسعاف او الدفاع المدني .
او عدم ملاحقة المتسولين اللي الله اعلم وين يودون الفلوس اللي ياخذونها من المحسنين .
وقبلهم البنقالية اللي عاثين في الارض الفساد الكبير .
وغيرها الكثير لكن الله يصلح الاحوال:good2:
اقل شي لو حطو القطارات و توسيع الطرق وغربله كامله على قطاع الالامن العام

[ابوغزاي]

ساهر كلمة حق اريد بها باطل
وألا لماذا مضاعفة القسيمة هذا ظلم كبير و جباية
اذا كان المرور يدريد تخفيف الحوادث كما يزعمون
تكون مثل النقاط
مثلا انا حصلت على مخالفة سرعة معقولة يعني السرعة 70 كنت امشي 80
حصلت على مخالفة و لكن اذا لم تتكرر مني مثلا خلال ست اشهر تسقط عني
اما في حالة التكرار فان المخالفة تضاعف
هذا هو الحل اذا اردو الاصلاح كما يزعمون
:good2:كفيت وفيت يابدر:good:

[ALBDRANE]

من وجهة نظري أن نظام الرصد ناجح في كل دولة ولا أرى ضرورة في تغيير ألوان الباصات المخصصة للرصد وهذا يدل على الهدف المادي يعني ملاييين
وبعدين هل نحن أفهم دولة في العالم علشان نطلع بفكرة تدبيل المخالفات ليش ما تكون المخالفة ثابته وبسعر متوسط يتناسب مع دخول الناس ولاكن هذا ايضا يعكس الهدف المادي للنظام والدليل ايضا أننا لا نشاهد أي حملات توعيه ولا أعلانات لانها تكلف المرور مبالغ مالية وتحتاج متابعه فقد ركنو الموضوع على النظام ولا ننسى حزام الامان لا تجد من يربطه الا القليل لم يستطيعو تطبيقه ولا على دوريات المرور نفسها لاكن ساهر مثل البقالة الي تسلمها للعماله وأخر الشهر تستلم نصيبك بدون وجع راس . الزبدة أن النظام ممتاز ولاكن ليس بهذا التنظيم المادي

[ALBDRANE]

على فكرة المخالفة للسرعة في المجمعه 900 ريال ثابته يعني 81 تاخذ مخالفة أول ما تخش المجمعه طيب الناس بعضهم على الضمان بيروح نص الضمان في مخالفة والله حاله

[صاحب الذئب]

لاحول ولاقوة الا بالله
تصدقون فيه شارع عندنا في موقعين ساهر والسرعه 80 كم وفي حدور اي نزول يعني لازم تمسك السياره
والمسافه بينهم يمكن 1كم او زياده نصف كم . والاول فيهم حاطينه بسياره خربانه وجنبها ساطحه واي واحد في المدينه اكيد شاف هذا الطريق حق الاستاد الرياضي وانت نازل من الدائري الثالث

[اسعاف1980]

بسم الله
مين قال لأجانب يعطونهم نصف المخالفه
اولا"الاجنبي هو لى اصله غير عربي و لاينطق العربيه هدا تعريف الأجنبي انتا تحسسني انكم انتو بس العرب
-ثانيا"عندما تقول لواحد عربي انتا اجنبي هده اهانه له لأنك جردته من عروبيته واصله
,زلك ايضا"انتا تجردت من عروبيتك كما جردته من عروبيته, والافضل تقول له غريب !!!!!! أو غير سعودي حتى لاتثار الحزازيات
بعدين ياأخى ادفع قبل ال30يوم ماتدبل عليك المخالفه وتصير كحد اعلى
مره انا اخزت مخالفه سرعه ويقول انى مسرع مع العلم كنت ماشي 110 على خط الجبيل والغريب المخالفه كانت مكتوبه قبل الأجيهم بس كتب الأسم ورقم الأقامه وطلعني ماسي 180 وسيارتى ماتجيب ال150 لأكلتشها تعبان (مغرز فى الهافمون) وشفت 4أ5اوراق من الدفتر مكتوبه بنفس الحكاية . وما نزلت لابعد 32يوم مدبوله مع العلم انى كل يوم اروح للصرف واشيك ومااحصل شي والله800 ريال نازله الله المستعان ادا كانت زى كزا الأمانه للى أوتمنو عليها,والله اعلم
ابو احمد

[* ابو باسل *]

ياشاباب خلونا نقوم بحمله تضامنيه للشباب ضد نظام ساهر يعني هم يبون سلامتنا صحيح خلاص نبي نثبت صدق نواياهم
الحمله هي ان كل و احد يمر ويشوف سياراة او كميرا ساهر امامه يولع فلشر والي جنبه يولع فلشر والي امام والي خلف بحيث يتنبهون الي بعدهم وحتى الي في المسار الاخر اذا شاف سيارة ساهر في الجهه الاخرى يبدون بتكبيس الانوار للي في جهة سيارة ساهر وبكذا اذا انتشرت هذي الطريقه بين الشباب والشيبان والشعب السعودي صدقوني رايح تقفل وتخسر شركة ساهر وانا عني شخصياً من يوم اشوف سيارة ساهر وانا مولع الفلشر للي بعدي واذا شفته على الجهه الثانيه على طووول اكبس بالنور للي مقابلني يالله ياشباب طبقو وانشرو .

[صاحب الذئب]

ياشاباب خلونا نقوم بحمله تضامنيه للشباب ضد نظام ساهر يعني هم يبون سلامتنا صحيح خلاص نبي نثبت صدق نواياهم

الحمله هي ان كل و احد يمر ويشوف سياراة او كميرا ساهر امامه يولع فلشر والي جنبه يولع فلشر والي امام والي خلف بحيث يتنبهون الي بعدهم وحتى الي في المسار الاخر اذا شاف سيارة ساهر في الجهه الاخرى يبدون بتكبيس الانوار للي في جهة سيارة ساهر وبكذا اذا انتشرت هذي الطريقه بين الشباب والشيبان والشعب السعودي صدقوني رايح تقفل وتخسر شركة ساهر وانا عني شخصياً من يوم اشوف سيارة ساهر وانا مولع الفلشر للي بعدي واذا شفته على الجهه الثانيه على طووول اكبس بالنور للي مقابلني يالله ياشباب طبقو وانشرو .

نفس الشي عندنااا
لدرجة ان فيه واحد قفل الطريق امامنا ومولع الفلشر والعالم بواري وصجه لاكن يوم شفنا ساهر قدامنا كلا رفع يده له سلام

[mifleh]

اقول والله مارايح فيها الا حنا يالعاقلين وشيبانا معنا
والا المتهور والله مادرى عن سارق لانه حاذف اللوحات تحت رجليه

[راعي تويوتا]

نعم ان ساهر له موفيد عن الحوادث وعن السرعه ....وشكرا

[عبدالله44]

لايؤمن احدكم حتى يحب لأخيه مايحب لنفسه...الحديث
لكن إن شاء الله تغرق ياغواص مظلي باحدقسآئم سآهر الظالمةعندتجاوزك السرعة بــ"1"كم سهواََ
اوعندمايجبرك احدالمتهورين من الخلف لفتح الطريق له

[قاصد_الخير]

لتفادي ساهر
ركب قربة ماء
واربطها بشبك السيارة الامامي
وخلها تدودل على اللوحة وتغطيها

[أميرالعشاق]

سؤال لكل من يؤيد نظام ساهر/
هل السرعة هي المشكلة الوحيدة في بلادنا؟؟؟؟؟
ماذا عن/
البطالة؟الديون؟الأقساط؟الفواتير؟
الخدمات؟الرقابة؟
المشاكل الأسرية؟التعليم؟الصحة؟
التلوث البيئي؟السرقات؟
غلاء الأسعار؟

وغيرها الكثير والكثير والكثير؟؟؟؟؟

[سليمان الربيعان]

بسم الله
مين قال لأجانب يعطونهم نصف المخالفه
اولا"الاجنبي هو لى اصله غير عربي و لاينطق العربيه هدا تعريف الأجنبي انتا تحسسني انكم انتو بس العرب
-ثانيا"عندما تقول لواحد عربي انتا اجنبي هده اهانه له لأنك جردته من عروبيته واصله
,زلك ايضا"انتا تجردت من عروبيتك كما جردته من عروبيته, والافضل تقول له غريب !!!!!! أو غير سعودي حتى لاتثار الحزازيات
بعدين ياأخى ادفع قبل ال30يوم ماتدبل عليك المخالفه وتصير كحد اعلى
مره انا اخزت مخالفه سرعه ويقول انى مسرع مع العلم كنت ماشي 110 على خط الجبيل والغريب المخالفه كانت مكتوبه قبل الأجيهم بس كتب الأسم ورقم الأقامه وطلعني ماسي 180 وسيارتى ماتجيب ال150 لأكلتشها تعبان (مغرز فى الهافمون) وشفت 4أ5اوراق من الدفتر مكتوبه بنفس الحكاية . وما نزلت لابعد 32يوم مدبوله مع العلم انى كل يوم اروح للصرف واشيك ومااحصل شي والله800 ريال نازله الله المستعان ادا كانت زى كزا الأمانه للى أوتمنو عليها,والله اعلم
ابو احمد
هلا اخوي ابو احمد بالنسبه نتكلم عن مخالفة ساهر .
وثاني شي اما قوله اجنبي ما فيها شي اجنبي او غير سعودي كله سوا
مشكور على المرور...

[العابر2222]

حل ساهر بسيط

غبر اللوحة خفيف لدرجة التبهيت ولبسها بلاستك مقوى 3 ملي

البلاستيك السميك 3 ملي يخلي ساهر ما يقدر يسوي لها مسح اشعاعي

فيرجعون للصوره ... وما راح تطلع معهم

=================

واحد من اعيال عمي يداوم في الخرج وهو من سكان الرياض

كان كل يوم قسيمتين قسيمه وهو رايح وهو جاي ... على انه راجل ماهوب راعي سرعه

بس يقول بعض الأيام امشي زيادة فوق الحد المطلوب واشوفه قدامي بس غصب

المهم سوينا له الحركه هذي ... له الحين شهرين ما جته ولا قسيمه

[ناصح]

موضوع فيه تجني وتحايل على انظمة الدولة


والتحريض على طمس لوحات السيارت


ومحاولة إفشال جهود الحكومة وفقها الله في الحد من الحوادث


كان الأجدر أن تحقن دماء الشباب والنساء والأطفال الأبرياء


بالتحذير من السرعة والتهور التي تؤدي للحوادث الشنيعة


وأنا اسأل الجميع لماذا تقدمت الدول المتحضرة في النظام العام والمروري


ولا تجد أحد يرمي حتى المخلفات وهو يقود السيارة


السبب النظام الصارم في المخالفات



وفيما يلي بعض الصور لحوادث قاسية فقد على أثرها الكثيرين وأعيق الكثيرين ..

فهل تريد أن تكون عونا على المزيد من الحوادث وشريكا في صنعها ...؟؟؟




http://www.rt.gov.sa/accident/7a25622d9f659049797cc32ca5ed1bc3.jpg (http://www.rt.gov.sa/accident/7a25622d9f659049797cc32ca5ed1bc3.jpg)




http://www.rt.gov.sa/accident/1cf50db0c81fe3223a990cdf99c3fc98.jpg (http://www.rt.gov.sa/accident/1cf50db0c81fe3223a990cdf99c3fc98.jpg)


http://www.rt.gov.sa/accident/26147990ba40f402c3fc75a01284ce97.jpg (http://www.rt.gov.sa/accident/26147990ba40f402c3fc75a01284ce97.jpg)





http://www.rt.gov.sa/accident/8e8f70b94c25a0dc5a0529f1d9a67b98.jpg (http://www.rt.gov.sa/accident/8e8f70b94c25a0dc5a0529f1d9a67b98.jpg)




http://www.rt.gov.sa/accident/4b3b1eb3dc87c107753ea5500d8ee7d4.jpg (http://www.rt.gov.sa/accident/4b3b1eb3dc87c107753ea5500d8ee7d4.jpg)






http://www.rt.gov.sa/accident/7c8c7569164d6d4edd028d418bb5414c.JPG (http://www.rt.gov.sa/accident/7c8c7569164d6d4edd028d418bb5414c.JPG)




http://www.rt.gov.sa/accident/0653a6018f41314fe2f14f230924adcb.jpg (http://www.rt.gov.sa/accident/0653a6018f41314fe2f14f230924adcb.jpg)




http://www.rt.gov.sa/accident/e6143c166f5e14de0391acbee920afb7.jpg (http://www.rt.gov.sa/accident/e6143c166f5e14de0391acbee920afb7.jpg)




http://www.rt.gov.sa/accident/addb324f6c46ffd85ea489098c0d670f.JPG (http://www.rt.gov.sa/accident/addb324f6c46ffd85ea489098c0d670f.JPG)




http://www.rt.gov.sa/accident/4e9dd927a8028a5b92620430abbfcbf2.JPG (http://www.rt.gov.sa/accident/4e9dd927a8028a5b92620430abbfcbf2.JPG)



http://www.rt.gov.sa/accident/fc00d1274f92e497f2053867d3a5ed27.JPG (http://www.rt.gov.sa/accident/fc00d1274f92e497f2053867d3a5ed27.JPG)




http://www.rt.gov.sa/accident/78215269f9e975be0f4ebc9d88ba52f0.JPG (http://www.rt.gov.sa/accident/78215269f9e975be0f4ebc9d88ba52f0.JPG)



http://www.rt.gov.sa/accident/e762468a0c290dbb9fc44331c1d858ac.JPG (http://www.rt.gov.sa/accident/e762468a0c290dbb9fc44331c1d858ac.JPG)



http://www.rt.gov.sa/accident/abddcbdfa59eab933d822f0ab12fa0a1.jpg (http://www.rt.gov.sa/accident/abddcbdfa59eab933d822f0ab12fa0a1.jpg)


1http://www.rt.gov.sa/accident/88e9390b583ec904907aa5f93e628b5e.JPG (http://www.rt.gov.sa/accident/88e9390b583ec904907aa5f93e628b5e.JPG)

http://www.rt.gov.sa/accident/c6e388ad56d90aba7cec50452a959fda.JPG (http://www.rt.gov.sa/accident/c6e388ad56d90aba7cec50452a959fda.JPG)




http://www.rt.gov.sa/accident/7fcd004a720cce6a402bbd4e4ca6bd5e.JPG (http://www.rt.gov.sa/accident/7fcd004a720cce6a402bbd4e4ca6bd5e.JPG)




http://www.rt.gov.sa/accident/84a4be0ca8d9927a5c847f1ae542b329.JPG (http://www.rt.gov.sa/accident/84a4be0ca8d9927a5c847f1ae542b329.JPG)


وعندما يصاب أحد بالاعاقة أو يموت قريب وعزيز

يتمنى أن هناك نظام مروري صارم

لكن بعد فوات الأوان

فلا بارك الله في المال

إذا مات العزيز وفقد القريب
وأصيب الكثير بالإعاقة

أتمنى أحد منكم يزور مسشقى النقاهة على طريق الخرج لتشاهدوا بأم أعينكم مصائب السرعة والتهور

بعدها سوف تتمنون لو أن الغرامة عالية جدا

لحفظ أرواح وصحة الناس