إلى كل ملاك الباترول & اللاندكروزر

[محطم عنيد]

السلام عليكم ورحمة الله وبركاته :D

صباحكم / مساكم سعادة وإيمان ومغفرة من الرحمن :l

أتمنى تكونوا في تمام الصحة والعافية وأسآل الله أن لايري هالوجيه مكروة ولاهم ولاكربة يارب العالمين

قبل أخش بموضوعي
سواء الباترول ولا اللاندكروزر الفخر والمفاخرة لمن صنعهن وهم اليابنيين أو بالأحرى شركة نيسان موتورز وتويوتا

والعصبيات والنقاشات الحادة ماتنفعنا هم المستفيدين :p

لكن أنا أبي أشوف من صاحب الشعبية الأكبر مع ذكر السبب

أنا عن نفسي باترول ومع احترامي لملاك التويوتا جودة فقط لكن ك نشاط وعزم لاتقارن بالباترول ولا أختار من تويوتا إلا الشاص

واللي ياشباب يعرف يحط فوق تصويت ياليت يحط لأن أنا ما أعرف

موضوع حب إستطلاع ومعرفة من هو أكثر شعبية

دمتم بود وانتظر مشاركاتكم على أحر من الجمر

[قناص الأشهب]

الموضوع بيطول أذا بتحط تصويت وبصير أراء متفاوتة الموضوع ومافية
الاندكروزر كماذكرت جودة ولو هذي الميزة فيها وبس تكفي ولكن نقول نشاطها قوي ولكن لايتعدى النيسان ابدا لها أستخداماتها اللي تناسب ما صنعوها لة كذلك متماسكة ولاتهربد بسرعة قطعها ارخص من البترول وتنفع للجبال أكثر من الرمل ولكن مو معناتة انها ماتنفع للرمل بالعكس قوية وجبارة بالرمل ولكن البترول افضل نسبيا


البترول موتر قوي وجبار ومحركاتة دائما أقوى من الاندكروزر ولكن يتهربد أسرع من الاند ممكن من قوة محركاتة قطعه علا الأغلب أغلا من الاند دائما ماتسمع اهل البتاريل يشتكون من الحرارة ورجة بالموتر وشوف المنتديات ولا أحد يقدر يكابر علا هذا الموضوع الموتر في الرمل افضل من الاند ولكن صرفيتة بالبنزين أكثر من الاند
أستخدمت بترول وكان رئيي فيه خفيف ووذف وممتع ولكن كل شي بحسابة وأمتلك حاليا لاند كروزر وأشوفة لأستخدامي أنا أفضل
في النهاية كل واحد ورغبتة في الموتر أذا كان يشوف ان البترول أفضل يستخدم البترول ولكن الله يعين جيبة وللي يبي يستخدم الاند كروزر يستخدم ولكن لايتحدى البترول في قوتة والمسئلة نسبية ولايوجد فارق كبير
وأرجوا اللي يعلق لايعلق الا أذا استخدم الأثنين لأن بعضهم يجون مندفعين ويمدح موترة ويذم الثاني وهو ماجرب وفي الأخير كلهم مواتر كفو والفخر لليابانيين وليس لنا
وشكرا

[محطم عنيد]

قناص الأشهب صح لسانك كلام جدا سليم

بس إخوي ترى الباترول موتر حتى بالجبال أنا جربته لايعلى عليه

أنا ما أغبط هل اللاندكروزر إلا على إنه مايصرف بنزين ومتامسك بالسعر وبجودته فقط لاغير

والله يستر علينا من هالحديد

شرفني مرورك

[جزاء الشمري]

كلهن مواتر جيدات الله يكفينا شرهن

[قناص الأشهب]

قناص الأشهب صح لسانك كلام جدا سليم

بس إخوي ترى الباترول موتر حتى بالجبال أنا جربته لايعلى عليه

أنا ما أغبط هل اللاندكروزر إلا على إنه مايصرف بنزين ومتامسك بالسعر وبجودته فقط لاغير

والله يستر علينا من هالحديد

شرفني مرورك

هلا اخوي محطم عنيد ونا برضة جربتة بالجبال وجا قوي ولكن انا قلت بشكل نسبي يعني كلهم قويات يعني الفرق ليس بكبير وما اضنك تختلف معي لو جربت الأثنين

[محطم عنيد]

بس لو جيبنا 10 من معاريفي اللي أعرفهم يعني وهم أهل صيد ومقانيص وكشتات اللي يملكون الباترول منهم تلقى يجون ستة

يعني لو بحطها نسبة يعني ستين بالمائة من هل المكشايت يفضلون الباترول أقدر أقول ؟؟؟؟؟؟؟؟؟

إحصائيات من عندي هههههههههههه

[abarre3an]

ارى الموضوع ماله داعي ابدا"...والسيارات مثل الجوالات وبقية الاجهزة والصناعات...والناس ازوااااااااااااااق...
الا اذا ناوين تخاطبون الشركات اليابانية او وكلائها عشان يكونوا بالصورة...ويعدلوا او يتحاشوا المشاكل والسلبيات والعيوب المصنعية...وطبعا" ارى انه صعب جدا"...هم يصنوا على حسب رؤيتهم هم فقط...
وبالاخير,,,ماجاينا شي منهم...:alarm:
تذكرت اللي يقول: ايهما افضل النصر والا الهلال... الاندية مافكرت بهم...وهم تشجيع وعصبية وزعل وضغط دم وامراض ومضاربات ومشاكل...العقل والحكمة يااخوان...

اقترح يصير السؤال او التصويت مع المراقبة (لأن البعض يصوت بعصبية لكي يخفي عيوب سيارته؟!): ايجابات وعيوب او مشاكل ويكون مرتب بشكل دقيق بجدول لكل السيارات بالتفصيل (داخل المدن, صحراء, رمل, خطوط, ثلوج , وعورة, جبال,)...بكذا تكون الفائدة عامة...ويبقى للشخص نفسه حرية الاختيار...

طبعا" عن نفسي...غير الفتك 2004 ماابي هو والشاص تويوتا...
والامريكي صعب الاستخدام ومتعب...استغرب صانعي السيارات الامريكية...ماعرفوا يجيبوا سيارات تصلح للبر مثل الياباني...عاد هل هو جهل منهم طوال عشرات السنين الماضية او فعلا" مصرين على طريقة صنع سياراتهم. طبعا انا اشوفها فاشلة...صحيح مريحة وفاخرة وقوية...بس بالنسبة لي...الفتك مثلا" داخل المدينة ممتاز...للسفر...ممتاز...للبران والقيلات والرحلات...ممتاز...للجبال ممتاز...للصحراء والرمال مريح جدا"...والشاص للبر والرمل...

[- النشمي -]

الناس فيما يعشقون مذاهب فيه اللي يحب اللاند وفيه اللي يحب الباترول وفيه اللي يحب الباجيرو
والرنج والرابتر والمرسيدس جي والاتش ون وغيرها من مواتر الوعر

ماتقدر تقول من اللي شعبيته اكبر لان الشعبيه تتفاوت من بلد لبلد ومن ديره لديره
بالنسبه لنا فالسعوديه شعبية اليوكن والتاهو هي الاعلى وبعدها يجي اللاند لكن الباترول والباحيرو مبيعاتها قليله جدا
الامارات التنافس بين الباترول واللاند وبعدها الباجيرو لكن التاهو واليوكن مبيعاتها قليله جدا
في قطر اللاند والسييرا
في الكويت الباجيرو ثم يجي اليوكن والتاهو

وهكذا كل دوله تختلف شعبية السيارات فيها

[عمري قطر]

النيسان يمكل قوه فقط
وجهة نظر >> ويحب الصناعيه واجد
ونزله المعارض وشوف كم يطيح من سعره



سلام الله على عطايا الله تويوتا

[abuode]

انا من الاشخاص المعجبين بالنيسان لما الاحظ انه في السنتين الاخيره صراحه اررتفع سوقه وشعبيته بشكل كبير .. فعلا بدا يتحسن
طبعا انا املك جيب تويوتا .. وبصراحه على اعجابي بالنيسان نوعا ما ..
الا اني مافكر اشتري سياره نيسان ..
لاني من الاشخاص اللي يكرهون القرقعه والتفكك
ومن اكثر الاشياء اللي احرص عليها تماسك السياره قبل كل شي
لانه بصراحه بالنسبة لي كثرة الاصوات تكرهك بالسياره ..
طبعا الناس اذواق .. لو تسال شخص اخر ممكن يقولك انا يهمني القوة والعزم ولا اهتم بتماسك السياره .. طبعا كذا يكون نيسان افضل ..
ف مهما كان ومهما طال الحديث .. تبقى المساله مساله اراء ونقاشات زيها زي الكوره .. زيها زي اجهزة الجوال .

موضوع ماينتهي واشكرك على الموضوع .