الرمله و الحجره و هوا الكفرات (للأهميه)

[بوغلب]

السلام عليكم ..
ياشباب وياأهل الخبره أفيدونا
من المعروف أنك إذا تبي تدخل الرمله ومكان فيه غرازه أنك تنسم على هوا الكفرات ...
بس شلون عالحجره؟؟ كنت في نقاش مع الشباب البارح .. أنا أقول أنك تعبي الكفرات هوا علشان البنشر بالحجره وتقلل الأحتكاك بين الكفرات و الرضم والشباب يقولون (لأ) نسم عالكفر! يقولون شف إذا عندك كفر فيه بنشر (مسمار مثلا) لازم تعبي هواه علشان يدخل المخرز بالكفر وترقع الكفر بس إذا هواه نازل ماتقدر تدخل المخرز وهذا الشي ينطبق على الحجره بعد. يقولون نزل هواك وأقنص الحجره!
ياشباب ياأهل الخبرة في قنص الأماكن الوعره والحجره أفيدونا من باب تجربه (نعبي هواه وإلا نزل) وماهو أفضل كفر للحجره؟
وجزاكم الله خير

[محب النياق]

البالون علاج الحجره

[الصحافة 15]

بالون مكسس ولاغير من أفضل الكفرات التي جربت

[سيف الظفير]

البالون علاج للحجره ولكن خل فيه 40 وابشر بالسعد بالزفلت او الحجرة

اما الرمة شئ طبيعي تنسم فيها

[قناص الصمان]

عندك للرمال الوعره البوالين و هانكوك هذي افضل الكفرات للنفود ..
ولابد من تنسيم الكفر ولا والله ما تطلع لو معك مرهم

[دواس غدراء]

افادوووك الاخون بس اللي يقوول 40 ما اوافقه ؟؟
خل فيها 25 هواء تقنص وانت مرتااح من واقع تجربه وسلامتك ........

[الحصان 1]

رايي ياخي التنسيم للكفر افضل في الرمل والحجرة
لانه مع قل الهواء يكون مطاوع ولين مع الحتيفه ولاينشق بس بشرط تجنب السرعة

[* ابو باسل *]

زد الهواء في المناطق الوعره والجبال اذا كانت صعود بس اذا كان هناك بطناج او رمل خفف الهواء

[شبح الصحراء]

بالنسبة للطرق الصخرية اظن والله اعلم ان ضغط 25 مناسب لها عشان يخف عنك البطناج وترتاح من الأصوات بس ما اعرف عن ضرره على الكفرات في المدى البعيد ، وبالنسبة للرمال ضغط 15 مناسب جداً واحيان اخليه على 10 خصوصاً لو هايلكوس دبل لأن عزمها ماهو مثل الجيوب .
بالنسبة لنوع الكفرات اظن الدنلوب افضل للطرق الصخرية بحكم قساوته والهانكوك افضل للنفود بحكم ليونته .
وعندك مقاس الكفر حسب علمي كل ما صار اسخف فهو افضل للطرق الصخرية وكل ما صار اعرض فهو افضل للطرق الرملية مع ملاحظة ان عزم الموتر يخف كل ما زاد عرض الكفر خصوصاً الأربعة سيلندر .

[بدوي جنوبي]

كلام ابو باسل سليم
لان الكفر اذا كان منسّم يعطى الحجر مجال يشقق الكفر

[بدوي جنوبي]

كلام ابو باسل سليم
لان الكفر اذا كان منسّم يعطى الحجر مجال يشقق الكفر

انا ردى هذا على أساس ان المنطقه جبليه يعنى السرعه فيها بطيئه يكون بدون تنسيم .

اما في السرعات العاليه أفضل وزن ما بين 30 وال25

[ابوصالح77]

بالون ماكسس
ولايزود الهواء عن 30 ولا ينقص عن 20

[عالي الكيف]

عن تجربتي افيدك :

الكفرات العاديه (غير البالون) بالرمل (20-30) بالحجره (30 -40) لأن نقطة ضعفه الجنب فإذا نزل
الهواء زاد احتمال البنشر وجميع حالات البنشر اللتي مريت بها بالحجره بالجنب لأني كنت اظن ان نزول الهواء
يزيد مرونة الكفر وعدم تأثير الحجر عليه ,, وهذا صحيح لكن له ضريبه وهي ضعف الجوانب .

البالون رمل وحجره (25-35) حسب الحموله .

[محيسن1]

السلام عليكم
اخوي عن تجربه كفر البالون هواه لايزيد عن العشرين
في الرمل والحجره وبأذن الله تنسي البنشر

[بوغلب]

بالون مكسس ولاغير من أفضل الكفرات التي جربت
تسلم ياخوي

البالون علاج للحجره ولكن خل فيه 40 وابشر بالسعد بالزفلت او الحجرة

اما الرمة شئ طبيعي تنسم فيها
الله يسعدك دنيا وأخرة

عندك للرمال الوعره البوالين و هانكوك هذي افضل الكفرات للنفود ..
ولابد من تنسيم الكفر ولا والله ما تطلع لو معك مرهم
جزاك الله خير



افادوووك الاخون بس اللي يقوول 40 ما اوافقه ؟؟

خل فيها 25 هواء تقنص وانت مرتااح من واقع تجربه وسلامتك ........

الله يسلمك



رايي ياخي التنسيم للكفر افضل في الرمل والحجرة


لانه مع قل الهواء يكون مطاوع ولين مع الحتيفه ولاينشق بس بشرط تجنب السرعة

والله ... عند وجهة نظر في مسألة السرعه مع الحجرة .. شكرا

زد الهواء في المناطق الوعره والجبال اذا كانت صعود بس اذا كان هناك بطناج او رمل خفف الهواء
شي طبيعي .. جزاك الله خير

بالنسبة للطرق الصخرية اظن والله اعلم ان ضغط 25 مناسب لها عشان يخف عنك البطناج وترتاح من الأصوات بس ما اعرف عن ضرره على الكفرات في المدى البعيد ، وبالنسبة للرمال ضغط 15 مناسب جداً واحيان اخليه على 10 خصوصاً لو هايلكوس دبل لأن عزمها ماهو مثل الجيوب .
بالنسبة لنوع الكفرات اظن الدنلوب افضل للطرق الصخرية بحكم قساوته والهانكوك افضل للنفود بحكم ليونته .
وعندك مقاس الكفر حسب علمي كل ما صار اسخف فهو افضل للطرق الصخرية وكل ما صار اعرض فهو افضل للطرق الرملية مع ملاحظة ان عزم الموتر يخف كل ما زاد عرض الكفر خصوصاً الأربعة سيلندر .
جزاك الله خير

كلام ابو باسل سليم
لان الكفر اذا كان منسّم يعطى الحجر مجال يشقق الكفر
وهذه وجهة نظري أيضا .. عشت



بالون ماكسس

ولايزود الهواء عن 30 ولا ينقص عن 20

بكم سعر الماكسس؟

عن تجربتي افيدك :

الكفرات العاديه (غير البالون) بالرمل (20-30) بالحجره (30 -40) لأن نقطة ضعفه الجنب فإذا نزل
الهواء زاد احتمال البنشر وجميع حالات البنشر اللتي مريت بها بالحجره بالجنب لأني كنت اظن ان نزول الهواء
يزيد مرونة الكفر وعدم تأثير الحجر عليه ,, وهذا صحيح لكن له ضريبه وهي ضعف الجوانب .

البالون رمل وحجره (25-35) حسب الحموله .
تجربة مفيده .. جزاك الله خير

السلام عليكم
اخوي عن تجربه كفر البالون هواه لايزيد عن العشرين
في الرمل والحجره وبأذن الله تنسي البنشر
الله كريم

[على قد الحال]

يا إخوان للرمل و للحجر يجب التنسيم

طبعا للرمل لتجنب الغراز

و للحجر لتجنب إنفجار الإطار و إطالة عمره

هذا من واقع تجربة كل إسبوع في البر صيف و شتاء

لا تغلطون غلطتي أول ما ركبت بالون كنت حاط هواه 40 و دخلت الحجر و طلعت لقيت شقوق تشيب منها الراس