ياراعين الترهيم

[نسر العرب]

السلام عليكم ورحمة الله انا عندي باترول 99 ربع ورهمتة مكينة يوكن

سؤالي وشو افضل الدائر اللي اركبة وكم سعرة ؟؟؟؟؟؟؟؟
ارجوا الرد ولكم خالص تحياتي

نسر العرب

[رسلان الوايلي]

والله مدري وننتظر اهال الخبره

[مسير عليهم]

وش الدائر ..!!

[الوسيطاء]

القفاري والا استرالي

[قدر مكتوب]

والله يااخي كلن وله نظرته واللي جربه وكل شي لخ ميزه وعيب

مثلا يوجد تحويلات (داير) كثيره
1- الاستراليه
2- تحويلات الصب تقليد الاستراليه شغل السعودية ومخارط السعودية مثل تحويلة الحمد والقفاري وغيرها

التحويلات بشكل عام كويسة بس لكل شي ميزه وعيب
- من عيوب التحويلة ان الكلتش المركب كلتش جمس
- تكون المكينه متقدمة مره قدام مما يسبب ضيق عليك بين الاديتر والمكينه وتكون تبي ترهيم كراسي مكينه
- مشكلة عمود السرعه دائما تسبب مشاكل خصوصا لمن يجلد الموتر بشكل عنيف
-مشلكة قره القير احيانا وخصوصا بالتحويلات السعودية القفاري وبدر الحمد وغيرها اللي كلها صب تقليد الاستراليه او فيها اختلاف بسيط مشكلته بان القير على الار بي ام العالي مايعشق او يقر او مايلقم القير وخصوصا اذا صرت زار الموتر وتبي تعشق والار بي ام على 5 ونصف وطالع او سته احيانا بعضها يقر او مايلقم القير بالنمره اللي بعدها.
- الغلاء مقارنه بغيرها من الحلول الاخرى حيث ان الاستراليه بـ 4200 او اكثر وبدر الحمد ب 3000 والقفاري ب 4000 تقريبا


البليته :

1- تفصيل سعودي شغل مخارط
2- تركب المكينه وتكون راجعه كثير للغماره مما يعطيك مساحة كبيره قدام
3- تركب كلتش الباترول على دسق جمس مما يعطيك سلاسه قير الباترول وكلتس الباترول وقيره يتحمل الى 700 حصان فلذالك لاتشيل هم
4- تركب المكينه على كراسي شد البلد من دون تلحيم كراسي جديده وخربطه مثل ماهو موجود في شغل التحويلات االاستراليه
5- سعرها 1500 وقبل فتره كانت ب 1200
6- تبي فنان بشغلها لانها تبي وزن صح بس اذا ضبطت نم .


هذا رابط موضوع بين التحويلة والبليته :
http://www.t63ys.com/vb/t149279.html


في الاخير على موتري مركب مكينه شفر ومركب بليته لانها افضل وارخص وكلتش باترول , ولو حبيت تتواصل معي ادلك على من يفصلها ومن يركبها وممكن تروح تجرب هالبليته قبل ماتركب

[نسر العرب]

وضحت الصورة ياقدر ومكتوب وشكرا على الافادة الرئعة ولك خالص تحياتي