المساعد الشخصي الرقمي

مشاهدة النسخة كاملة : وش رايكم سييرا z71


سعد2006
23/06/2011, 12:58 AM
ابي راي المجربين للجمس السييرا الغماره z71
سمعت كلام كثير ولا ادري وش الصدق وقلت مالها إلا مكشات الله لايهينهم
هل هو يجمل بالنفود؟
وهل هو يجمل في الخط ؟
وهل هو يجمل في قلت الخرابات؟
وفي الوعر؟
ونا راعي خط وبر
من مديل 2009 وطالع...
شاكر ومقدر
ارفع مقامك
23/06/2011, 01:01 AM
الله يرزقك اللي فيه خير
سعد2006
23/06/2011, 01:04 AM
الله يرزقك اللي فيه خير
امين وشكرا لمرورك
((ابوملاك))
23/06/2011, 02:41 AM
هج عن السييرا الا ان كانك بتاخذ 3500

هذاك اللي يكد

اما 1500 اول ما يشم ريحة الغبار قال هذا مكاني خوان وغدار وماله خوي

متى ما ابعدت وقف بك اما بالخطوط والديره ممتاز
ذئب اليل
23/06/2011, 03:13 AM
الجموس من 79 إلى 99 ينشدبة الضهر وتجمل ومتقول لا وين ماتبي تروح وراحة وفخامة لاكن من 2000 وفوق ما اعرف شي عنها وان شاء الله الخوان يفيدونك
مسير عليهم
23/06/2011, 11:40 AM
حدد اي نوع

1500 او 2500

معي 2500 z71 موديله 2009 في الخط راسي وشيخ وان عطيته مايقول لا وجربته في النفود بدون دبل والهواء على 20 ولا ازين منه

z71 يكون اقسى من العادي لإنه مخصص للبر اكثر ومواصفاته افضل

عيبه الوحيد يصرف بنزين داخ المدن

1500 اريح في الممشى واخف واقل نزول من 2500
وهذا ماجربته ناس تمدحه وناس تذم بعض الاشياء فيه
شب المشاعيل
23/06/2011, 01:08 PM
اسال وش تبغى تسال عنه بالظبط ::

وابشر بعزكــ وعندي خبره 1500 او 2500
شب المشاعيل
23/06/2011, 01:21 PM
هل هو يجمل بالنفود؟

ج\ يجمل ويعجبك ,, وخاصه 2500


وهل هو يجمل في الخط ؟

الخط ما يحتاج ,,

خاصه 2500 , لان دركسون اثقل ,, وفي اللفات ارسى مايزحف زي 1500


وهل هو يجمل في قلت الخرابات؟

خرابات قليله بصفه عامه ,,

ولو يكون 2500 ودبل ارضي ,, افضل ,,

لان ابو ازرار احياناً يعلق ما يشتغل معاك الا اذا تحرك قدام او ورا , وهذي ممكن توهقك اذا غرزت ,,

و2500 حساساته اقل ,,

من ناحية المراوح الكهرب,, وعدم تواجد نظام مانع الانزلاق..

والسيارة اعتماديه ,, وجدا ممتازة ,,


وفي الوعر؟

طيب بس المطب قاسي .. ومشكلته يتفكك من داخل ,, يتهلهل

ونا راعي خط وبر
من مديل 2009 وطالع...
شاكر ومقدر

العفو ..

وادينا الواجب:
واعطيتك العلم الوكاد , ومن خبرة جمس:2500 موديل 2007,, وجمس 1500 موديل 2008

وحبيت اقول لك,, ان مكيف ال1500 احسن من 2500 ,,

لان مراوح 1500 كهربائيه ,, وتبرد على راديتر المكيف على طول ,, عكس 2500 ميكانيكيه..

---------------------
ولو تبغى المزيد عطيتك

بالتوفيق
بيكال وغزال
23/06/2011, 02:11 PM
انا معي اخوي واحد 2010دبل والله مافي مكان مايطبه ولو اوريك اماكن مصوره فيها غير ماتصدق ماشاء الله لاكن في حاجه معروفه عن السيارات الامريكي بشكل عام انه لازم رجل وحده الي تسوقه ماهو مثل اليابني علق المفتاح بالبيت وكلن يسوق
* ابو باسل *
23/06/2011, 05:02 PM
اشتر وتوكل على الله ماعليك من كلام اصحاب الياباني مقهورين وانا خوووك موتر شل عفشك وشل عيالك ولا عليك خوووف وعليك بالموديل الجديد 2010 وانت طالع لان القير تغير فيها والشاص واشيا كثيره موفق خير ان شاء الله وشف ادخل على رابطه اهل الجمس تبي تحصل ناس سألين كثير واردين عليهم بالقول الصحيح وقول العقال وليس من يقول انحش وانحش وهو سيارته ددسن 84 ولاعمره ركب غمارة الجمس .
* ابو باسل *
23/06/2011, 05:07 PM
هج عن السييرا الا ان كانك بتاخذ 3500

هذاك اللي يكد

اما 1500 اول ما يشم ريحة الغبار قال هذا مكاني خوان وغدار وماله خوي

متى ما ابعدت وقف بك اما بالخطوط والديره ممتاز


ههههههه خوان وغدار وماله خوي يهودي ذا اجل متى ماتطلع من الخط يوقف على طووول والله مشكله لااحد ينزل عن المزفلت ترى يوقف على طووول مبرمج على كذا ههههههههه
ياخي كل ردودك اشوفك فيها تهاجم حتى لو احد سأل عن اي شي طبيعي لو قال لون الطماطم احمر دخلت وقلت لا ولونها اصفر وانتو وانتو ليش مأدري وانا دايم اشوف ردودك كلها ردود غير منطقية وغير صحيحه وفيها اتجاه معاكس للناس ليش مدري .
وتقلو ميد الرجال خذ 3500 هذا كم قيمته هذا اول وكيف تبيه يتنقل به دبل تاير وعريض وطويل ومخصص للسحب والمقطورات الكبيره هو وش يبيبه لاحووول ولا قوة الابالله الرجال يبي موتر حق طلعات البر والمدينه ويشيل عفشه وعياله ماقال يبي يسحب ويجر مقطورات .
وهذا اذا دل على شي دل على عدم معرفتك والمامك بهذا الشي فلا تفتي بما ليس لك به علم وانا خووووك .
وثاني شي تسب وانا اشوف الشباب كلهم معهم 1500 ويطلعون طعوس ونفود ماتطلعها الجيوب ولا اشتكت مواترهم ومعروف الي بيلعب بالسياره حتى لوهي مصبوبه صب رايح تخرب .
الله يشفيك والله انه صدق اسمك صحيح على اسلوبك .

ياصاحب الموضوع ادخل هنا وتنقل بين الصفحات ورايح تجد مايسرك من ناس عاقله ومجربه وفاهمه ماهي ناس معها ددسن 85 والا هايلكس وابوه شاريها له يداوم عليها في المدرسه وجالس يسب ولايدري وش العالم فيه من التطور وانا خوووك .

ملاك سيارات جمس وشفر (http://www.mekshat.com/vb/forumdisplay.php?f=159)
رسيس نجد
23/06/2011, 05:32 PM
فيه بركه 0000 مكينه ثمان سرندل0وحديد قوي 0
كاشخ 24 ساعه
23/06/2011, 06:32 PM
يمكن يفيدك هالموضوع

http://mekshat.com/vb/showthread.php?t=356811
((ابوملاك))
24/06/2011, 04:15 AM
اشتر وتوكل على الله ماعليك من كلام اصحاب الياباني مقهورين وانا خوووك موتر شل عفشك وشل عيالك ولا عليك خوووف وعليك بالموديل الجديد 2010 وانت طالع لان القير تغير فيها والشاص واشيا كثيره موفق خير ان شاء الله وشف ادخل على رابطه اهل الجمس تبي تحصل ناس سألين كثير واردين عليهم بالقول الصحيح وقول العقال وليس من يقول انحش وانحش وهو سيارته ددسن 84 ولاعمره ركب غمارة الجمس .





ان كانك تقصدني ترا ابشرك

معاي فورد ونيت وعندنا شفر 2004 وجيب ميركوري وفورتشنر

بس كلمة حق الامريكي غدار قل يهودي قل اللي تبي لا جيت للبر خانك وتسمع انواع القرقعه كل شوي تقول الحين ياقف
((ابوملاك))
24/06/2011, 04:19 AM
ههههههه خوان وغدار وماله خوي يهودي ذا اجل متى ماتطلع من الخط يوقف على طووول والله مشكله لااحد ينزل عن المزفلت ترى يوقف على طووول مبرمج على كذا ههههههههه

ياخي كل ردودك اشوفك فيها تهاجم حتى لو احد سأل عن اي شي طبيعي لو قال لون الطماطم احمر دخلت وقلت لا ولونها اصفر وانتو وانتو ليش مأدري وانا دايم اشوف ردودك كلها ردود غير منطقية وغير صحيحه وفيها اتجاه معاكس للناس ليش مدري .
وتقلو ميد الرجال خذ 3500 هذا كم قيمته هذا اول وكيف تبيه يتنقل به دبل تاير وعريض وطويل ومخصص للسحب والمقطورات الكبيره هو وش يبيبه لاحووول ولا قوة الابالله الرجال يبي موتر حق طلعات البر والمدينه ويشيل عفشه وعياله ماقال يبي يسحب ويجر مقطورات .
وهذا اذا دل على شي دل على عدم معرفتك والمامك بهذا الشي فلا تفتي بما ليس لك به علم وانا خووووك .
وثاني شي تسب وانا اشوف الشباب كلهم معهم 1500 ويطلعون طعوس ونفود ماتطلعها الجيوب ولا اشتكت مواترهم ومعروف الي بيلعب بالسياره حتى لوهي مصبوبه صب رايح تخرب .
الله يشفيك والله انه صدق اسمك صحيح على اسلوبك .


ياصاحب الموضوع ادخل هنا وتنقل بين الصفحات ورايح تجد مايسرك من ناس عاقله ومجربه وفاهمه ماهي ناس معها ددسن 85 والا هايلكس وابوه شاريها له يداوم عليها في المدرسه وجالس يسب ولايدري وش العالم فيه من التطور وانا خوووك .


ملاك سيارات جمس وشفر (http://www.mekshat.com/vb/forumdisplay.php?f=159)




لا والله الا انت اللي ماتدري من وين هي هابه هذا اللي يدل على ( عدم المامك ) :D

ابشرك فيه جمس 3500 4 كفرات مو دبل تاير

او على الاقل ياخذ له 2500 wt قير ارضي

ومثل ما قلت موتري امريكي وفورد بعد والوالد معه شفرولية

وخل التعصب الفاضي
عاشق الvx
24/06/2011, 04:40 AM
توكل على الله وعليك بالدبل اهم شي
وz71 ابو مكينة 5300 لا تاخذ العادي ابو مكينة 4800
واذا بتقدر على ال2500 افضل وهو الجمس لا قالو جمس
بس ال1500 اذا استخدامك داخل المدينة وبيكون موترك الخاص اخف لك واوذف..
سعد2006
24/06/2011, 10:56 AM
شكراً لعموم المشاركين واخص بالشكر شب المشاعيل والله يجزاكم خير
لكن انا ناوي على قطع عشره (الصندوق القصير)
Bader-M
24/06/2011, 02:19 PM
يمتاز ب
1- سعر مناسب
2- حجم كبير
3- قوة محرك
4- فخامة

العيوم
1- اقل تحمل من الياباني (ولسبب لتجهيزات الفخامة ) وهذا شي طبيعي
2- اداء في الرمال و الصحراء ضعيف (ايضا مقارنة بالياباني لان المسافة بين الاطارت الامامية و الخلفية اكبر) و هذا ايضا لا يعني ان اداء ضعيف

اذا كنت راعي طلعات بر وخط انصحك به اما اذا كنت راعي تحمل ثقيل جدا و مطاعس ابحث عن خيار اخر