كفرات الباثالأمامية بها مسحيةوجهاز الميزان لايركب على الجنوط.التفاصيل بالداخل.ما الحل

[البـدر]

السلام عليكم

يا شباب عندي باث فاندر فيه مسحية بالكفرات الي قدام وديته لواحد عنده ميزان، قال لي جنوط الباث ما يركب عليها الميزان لأنه يثبت شي في الجنط الي له شفه (مثل الجنوط الي يركب عليها قطع الترصيص من برا) أما الجنوط الي عندي مافيهن الشفة هذه حتى يركب عليها جهازه ... أتوقع المشكلة وضحت :good: .
سألت الوكالة وقالو لى ما عندنا ميزان :mad: .

السؤال .. ما هو الحل لهذه المشكله لأن الكفرات متمسحه وأبي أغيرهن بس قبل لا أغيرهن أبي أشوف حل لمشكلة المسحية .

يالله عطوني الحل عشان أسألكم عن الكفرات المناسبة للباث فاندر :D

جزاكم الله خيرا

[ولد الشايب]

لو تروح لمحلات كبيرة ولها مجال الخبرة في وزن الأذرعة عندك القحطاني والراشد وكالة برجتسون

كلها توزن الأذرعة ولا في مشكلة لكن المشكلة اللي بتواجهك زي مشكلتي وهي افتراش الكفرات شوي

هذي طال عمرك بيلك تروح لورش متخصصه فيها أو الوكالة . طبعا كل السالفة يبي يفتح الكفر وفوق

الهوب في مسارين يبي يفكهم ويوسعهم شوي بعدين تروح للميزان ويبدا يوزن فيها على كيفة .

أما الكفرات فأنصحك بالدنلوب 265/65/17 تراها ممتازه شكلاً وراسية ورخيصة نوعا ما مقارنة بأسعار

الميشلان والبرجستون . عموما تقدر ترجع لموضوع قرم كاتب عن هذه الكفرات

[البـدر]

مشكور أخوي أنا من المدينة والسيارة كفراتها ممسوحة جدا، وما أضمن أنها توصلني للرياض للمحلات الي ذكرت .. أيضا ما فهمت حكاية الإفتراش الي تقول عليها .. أيضا خطرت في بالي فكرة إذا لم أجد محل عنده جهاز يناسب جنوطي وهي أني أركب كفرات سفاري أو باث فاندر مديل قديم أو الفئة الأقل الي جنوطه لها شفه .. فهل في رأيكم الحل هذا مناسب .. أو أختلاف الجنط يؤثر على الوزنيه .

[NOOOMAS]

اخوي البدر السلام عليكم ورحمة الله وبركاته
انا معي باث وازن عند بريدجستون في الرياض اتصل عليهم اكيد لهم فرع في جدة

[البـدر]

بحثت في المدينة عن ميزان الكتروني لكن وجدت أكثر من محل عنده ميزان يدوي فقط وبعد بحث وجدت فرع لشركة الجميح للخدمات السريعة وخدمة الإطارات على طريق المطار بعد صيدلة النهدي مباشرة وقبل سوق البدر بقليل وجدت عندهم ميزان إلكتروني حديث ووزنت السيارة ولله الحمد وأخذ علي 150 ريال، ثم ذهبت إلى محل قريب منه ووجدت عنده ثلاث كفرات دنلوب مقاس 256/56/17 تاريخه 2005 الاسبوع بين 22و20، حسبها لي 490 للكفر الواحد وبحث عن كفر رابع ووجده عند محل بجواره تاريخه2005 الاسبوع 28، ورفض بيعه إلا 550 ريال، اشتريته مع الثلاث السابقات وركبتهن كلهن وطلعن من أحسن مايكون حتى وجدت راحة في السيارة أكثر من السابق واللحمد لله رب العالمين، ومشكورين على تعاونكم .

[الطير الأبرق]

8
8
لو انا شايف موضوعك قبل لا تروح للميزان كان عطيتك طريقه خياليه واحسن من وزن الكمبيوتر واتحدى الكمبيوتر فيها

لكن ما دام دفعت فلوس فخلاص


مان الله

[البـدر]

8
88
888
لا تبخل علينا فيها ممكن غيري يستفيد منها أو أنا في المستقبل، ثم أنيلم أكتب ماكتبت في ردي السابق إلا من أجل أن يطلع عليه غيري من الأعضاء لعله يجد فيه ما يفيده