وش رايكم تاهو او gxr v8

[بو شوق]

السلام عليكم ورحمة الله وبركاتة
العنوان واضح ياأخوان ودي بموتر مريح ورزه وخاطري فيgxr.
وعندي خويي جرب gxr2003 والحين معه تاهو2011وينصحني بتاهو.
والمبلغ الي معي يجيب لي تاهو جديد .لكن gxr لازم أكمل المبلغ أقساط.
وش نصيحتكم ياأخوان

[محطم عنيد]

والله إني ماعلم ياخوك

بس تخبر الأمريكي يوهق

لكن ترى التاهو موتر طيب ماعليه ورزين وكشخه وراحة

بس أنا دايم أخاف من الأمريكي

شف أنا ودي من زمان بسييرا وكالة بس مرددني إنه أمريكي

وإذا بتقارن بين الجكسار والتاهو

إذا أنت راعي بر خذ جكسار

وإذا خطوط وسفريات التاهو جدا رائع

اتمنى إني أفدتك

[aboalbara'a]

التاهو هو سيارة العائلة لا يقارن من ناحية الفخامة وراحة المركب والسفر مع (الجي اكس ار) وما عليك السيارات الامريكية جيدة الصنع (طبعاً انا جربت 98) لا يقارن بأي سيارة من ناحية المكدة في السفر والبر عيب الامريكي الوحيد مقارنه بالجيب هو عند البيع,
لكن اذا انت رجال تستخدم فأنصحك بالتاهو الدبل ,الخسارة بالعمر واسأل الله ان يكتب لك الخير ,, وانصحك(اقول اخلص) قبل كل شيء الاستخاااااااااااااااااااااااااااااااااااااارة, والسلام عليكم (الحمد لله على السلامة).

[mr.قهد]

تقااارن القررد بلغززززال ( اكيد الجي اكس ار )

[السومر]

الجي اكس ار لك ولزمن ومو شرط تاخذ وكاله لكن اهم شي خذ 8 سلندر ومن موديل 2008 وانت طالع

التاهو حلو وشكله يعجبك لكن تمل منه من اول أسبوع ولا يتحمل مثل اللاندكروزر

[فيصل الدريويش]

إذا أنت رجال راكد وراعي حشمة للموتر ووراك خطوط وسفر وتبي الراحة التامة والامان بعد الله لك ولعيالك وتبي الرساوة والقوة الي تنومسك خذ تاهو .. خصوصا أنه في متناول اليد بالنسبة لك ,

والي يتكلم عن الامريكي أنه يخوف وخرابات وباقي الكلام المعلب هذاك فهو يتحدث بعقلية ومفهوم الثمانينات ولا جرب الجديد ولا يدري عنه

ومن ناحية السعر كلام النت كثير لكن رح للمعارض وشف أسعار التاهو واليوكن وكيف ماسك سعرة في السنين الاخيرة بنسبة إنخفاض أقل من نسبة إنخفاض الاندكروزرات مقارنة بـ أسعارها وهي جديدة !!

والمعارض تشهد

.

[مدردب شاهي]

انا مجرب تاهو2009 وGXR-V8فل 3 2010
فرق السماء عن الارض الجي اكس ار فضل
والناس مختلفة في الامزجة بارك الله فيك

[بو شوق]

نتمنى سماع الأعضاء الأخرين

[كاشت وحداني]

اخوي بو شوق
يحكمها طريقة استخدامك
الموترين فيهم حقهم من المميزات وفيهم حقهم من العيوب بدون تعصب وبدون مجاملات
اذا استخدامك هادي في تعاملك مع الموتر عليك بالتاهو
واذا انك رجال عجل وترجع النمره قبل يركد الموتر خذ لك جيب تويوتا لكن 8 سرندل لاتقرب ال 6
قطع الغيار متقاربه تقريبا
الراحه للتاهو
التحمل والصبر والحفاظ على القيمه عند البيع لتويوتا بصفه عامه
توفير البنزين التاهو بسبب التقنيه الجديده وهي الاستغناء عن عمل السرندلات الكترونيا اذا لم يكون الموتر بحاجتها .
التاهو من محطة النجمه قبل التفتيش والسرعه مثبته140 ووصل الطايف بحمد الله بنفس التعبيه .
والاستخاره والنفس وما تعشق

[ابوريان القحطاني]

انا مجرب تاهو 2009 فل كامل ومجرب جكسار 2010 والان فكسار 2009

التاهو فخامه وراحه بس مؤقته يعني بعد مايمشي 100 الف وانت محافظ
بتبداء قصة الورشة والكلام الفاضي

بس الجيب وانت محافظ والا شاب عليه انشاء الله الى 300 الف والديكورات وكل شي متماسك ونعومك

انصح بالجيب وبشده لا تاخذ قرض خذ شي مستخدم ونظيف

[بو شوق]

شكرا لكم ننتظر المزيد

[زيــآدِ]

تويوتا لك وللزمن GX v8 وبس

[ابو يوسف GX-R]

شف ياخيي تحصل التاهو مع كل الناس حتى حثالت القوم كانك تبي الرزه عليك بل جكسار وترى على فكره التاهو بعد 160 مافيه رساوه اما الاندكروزر فسياره قويه ورزه وتانكين وثلاجه وعلى فكره التاهو مساحة التحميل الخلفيه صغيره جدا الاندكروزر اكبر مسااااحه عن واقع تجربه وبمكانك تشوف الفرق بلمعارض والله يكتبلك الي فيه خير

[بو شوق]

شكلي ناوي على GXR

[tevo]

شف ياخيي تحصل التاهو مع كل الناس حتى حثالت القوم كانك تبي الرزه عليك بل جكسار وترى على فكره التاهو بعد 160 مافيه رساوه اما الاندكروزر فسياره قويه ورزه وتانكين وثلاجه وعلى فكره التاهو مساحة التحميل الخلفيه صغيره جدا الاندكروزر اكبر مسااااحه عن واقع تجربه وبمكانك تشوف الفرق بلمعارض والله يكتبلك الي فيه خير
الله يهديك بس الحين صار فيه سيارات للحثاله وسيارات لعيال الناس.
هذي اراء وكل واحد ممكن يختلف برايه ومسألت ذوق في الأول والأخير .
بس لو باخذ علي كلامك ليس الجي اكس ار هو الرزه والفخامه مع ان فيه الفكسار افضل منه؟
وبعدين من ناحية القوه فلا يوجد اي مقارنه بين مكينة اللاند والتاهو التاهو أقوي وياليت تسأل ناس مجربه .
وبالنسبه لتانكين انا اشوف انها ما فيه فرق بين تانكين صغار وتانكي واحد كبير اللهم ان كان كل تانكي فيه طرمبة بنزين فهذي الميزه الوحيده الي تكون لصالح اللاند اذا كان بطرمبتين ففي حال تعطل واحده تستخدم الثانيه اما اذا كان بطرمبة واحده فأشوف ان هذا ماله اي داعي وبعدين صرفية التاهو اقل لو جيت تحسب كل لتر بنزين كم يمشيك من مسافه.
واخوي ابو شوق
ياليت تجرب السيارتين قبل وتحكم بنفسك .
لان انت ادري الناس بحاجتك للسيارة واستخدامك لها .
ومبروك مقدما

[Hwer]

مايتقارن التاهو مع اللاند انما يتقارن التاهو مع السكويا