عيوب الاف جي كلوزر

[ارفع مقامك]

عيوب الاف جي
عيوب الاف جي


كثرت المواضيع التي تتحدث عن الاف جي وتثني عليه دون التطرق لعيوب الاف جي الواضحة
وقلت مثلما نمدح فلابد من اظهار الحقيقة كاملة والتطرق لعيوب السيارة ولكل سيارة عيوبها

اهم عيوب الاف جي من تجربة رقم 1 موديل 2008 :

1- لا يوجد اف جي مع فتحة سقف فاين سيارة المغامرات وانت لا ترى شيئا.

2- اغلاق العداد عند 180 كلم تقريبا. فكل السيارات تتجاوزك بسهولة !

3- المقاعد هابطة خاصة مقعد الراكب بجانب السائق حيث لا يمكن تعديله فتشعر انك غارق بداخل المقعد

4- الرؤية الخلفية صعبة بسبب الاطار الخلفي وايضا بسبب تصميم خلفية السيارة

5- وزن السيارة 1600 كلج فقط وهو وزن كامري ولهذا هي قوية في القومه وليس السبب قوة المحرك فمحركها 240 حصان فقط وب6 سلندر

6- الثبات صفر حيث من تجربة دخول الدوار على سرعة معقولة اجد السيارة تنزلق بسهولة ولو لم تنتبه فهي سوف تنقلب بكل سهولة وبصراحة فرق كبير بينها واللاندكروزر في الثبات بل الكرولا اثبت منها عن تجربة وليس اعتباط والسبب ان السيارة ليست عريضة ووزنها خفيف

7- صعوبة دخول وخروج الراكب بالخلف لانه لابد ان يفتح باب السائق ثم يفتح بابه وعندما يغلق الابواب لابد ان يغلق بابه اولا ثم باب السائق

8- ليس به مصابيح داخلية للسائق الامامي والراكب فقط لمبة قديمة بمنتصف المقصورة

9- المرآة الوسطى قديمة لكروزر 85 ولا تعكس عند تعرضها للفل ليت

10- الراحة فهي غير مريحة مقارنة باللاندكورز او اي سيارة تويوتا اخرى فكيف لمن يقارنها بالجمس في الراحة ! كانك تقود كروزر

11- الالوان الداخلية لون واحد فقط يسيطر على السيارة وهي الاسود ولا يتوفر اوبشن غيره

12- الدخول للسيارة بفتحها مثل السيارات القديمة فلايوجد بصمة رغم انتشارها الان.

13- التشغيل بالمفتاح فلا يوجد ستارت وستوب مثل السيارات الحديثة حاليا

14- لا توجد كاميرا خلفية رغم صعوبة الرجوع مقارنة بغيرها من السيارات.

15- رغم السعر المرتفع لاتوجد شاشة ولا خرائط وغيرها من الاكسسوارات

16- الرنجات 16 فقط بالرقم 1 !!

17- لاتوجد قفل لفتح الباب الخلفي فلو اراد الراكب فتحه من الخارج فلا يمكن ذلك فقط تفتح باب السائق وتمد يدك لتصل للقفل الداخلي

18- توجد هزة معروفة في تبديل الجير ل2 وايضا عندما تدعس البريك تشعر بها

19- السيارة ضيقة بالنسبة للراكب بالمقعد الخلفي.

20- عند جلوسك بالمقعد خاصة الراكب الامامي تجد ان المرآة الوسطى والشماسات بعيدة عنك بشكل غريب لنزول الكرسي وتثبيتها باخر نقطة من السيارة

21 الكراسي من القماش الاسود وليست مخمل

22- طبعا الكراسي ليست كهربائية وكرسي الراكب الامامي لايمكن التحكم بارتفاعه مثلما ترتفع كرسي السائق يدويا على الاقل.

23 - الصوت العالي على الفاضي فسرعتها 185 كلم فقط

منقووول
رد مع اقتباس

[دل البحار]

تويوتا ماعليها شرهه

[ارفع مقامك]

لا تعمم الله لايهينك

[ابوالشيهانه.]

بنظري حسب السواق

[Abo gssar]

ياخوي الموضوع ذا له اكثر من ثلاث سنوات وهو في المنتديات الخليجية وانت جاي الحين تكرره لنا ...لا وفي منتدى مثل مكشات
ثانيا كان ودي انك تكتب عن السيارة من تجربة لان فيه اشخاص كثير يرتادون هذا المنتدى الشامخ للبحث
عن اجوبه لاستفساراتهم لما لمسوا من مصداقية اعضائة فلا تنقل مثل هذا المواضيع اللي اكل عليها الزمان وشرب ....لكي لاتصل معلومة مغلوطة لاحد عن طريق منتدانا المحبوب ....
وشكرا

[أطلال نجد]

يعطيك العافية أخوي على هذه المعلومات الوافية

ولكن في نظري القاصر أنه تم تلافي بعض من هذه العيوب في الموديلات اللاحقة وأبرزها الكاميرا الخلفية والهزة على ما أعتقد .

لكنها تبقى سيارة مغامرات قوية وجيدة رغم تحفظي الشديد على سعرها المرتفع .

شكراً لك

[أبو مهند الزهراني]

عيوب صحيحة من واقع تجربة
وأهمها واللي طفشني الأبواب الجانبية الخلفية

[رسيس نجد]

المشكله في مظهرها الخارجي 0

[ذيب النجيل]

اتوقع الباب الخلفي مع الوقت راح يطلع اصوات وقرقعة وذلك لكبره ولانه قطعة واحده ووجود الاسبير على الباب

مجرد توقعِ

[الباحث_6610]

اخي الكريم
لو انك ناقل لنا المعلومات من تجربه خاصة فيك كان أفضل
لان الشخص لا يعرف مدى مصداقية الشخص المنقول عنه هذا الكلام
وتقبل مروري

[المنيعي1]

ياخي أنا من طلع موديل 2008 و أشوف شكله غلط
قيادته متعبه لصعوبة الرؤية وخصوصاً الزوايا الخلفية

[N A S E R]

السلام عليكم

من واقع تجربة موديل 2010

أكثر ما أزعجني صوت الهواء ( إذا أحد عنده حل يخبرنا )

الزجاج الأمامي راكب بطريقه غير صحيحه من وجهة نظري
وسريعة التلف ويظهر عليها التكسر الخفيف من أبسط ضربه

الرؤيه للخلف غير واضحه

الكشنات غير مريحه ومتعبه في السفر

السعر مبالغ فيه

خزان الوقود صغير نوعاً ما

الشئ الإيجابي فيه أنه موتر جامد وما يتخلل بسرعه

[Joker fj]

مع كل هالعيوب الي ذكرته ومع عدم صحته إلا البعض الحق يقال لاكن وصل سعره الحين جديد 150 و155 لا وماتلقاه على سيره بعد ومع ذالك إلى الحين عليه الطلب بعدين أذكر 2011 وأكثر العيوب الي ذكرته اختفت
وخاصتن المكينه تغيرت والقوه زادت والكميرا وغيره وغيره ونزل القير العادي وكثر الطلب عليه والسلام خير ختام

[ماجد الحايلي]

يا ساتر عليكم FJ سيارة عمليه
مثلها مثل الربع والشاص
ماهو موتر راحه وفخامه
واللي يدور راحته ياخذ له من يوكن
او GXR- او VXR
وعلى فكرة اللي عنده جيب ربع يفتح الكتيب
حق الوكالة ويلقى مكتوب فيه وبالخط العريض
انه سيارة عمليه وليست فخمه ومعرضه للانقلاب
اكثر من غيرها

[مجنون نحم]

سيارة بدون نفقيشن ولا شاشه معلومات وبدون فتحة وبجنوط 16 وقماش اسود واكسسوارات العاب اطفال ومسجل هايلكس وزوايا عمياء غريبة


كل هذا يا عزيزي وسعــــــرهاااااا وصل فــــوق 150 الفــــــــــــ !!!!!

[المنيعي1]

يا ساتر عليكم FJ سيارة عمليه
مثلها مثل الربع والشاص
ماهو موتر راحه وفخامه
واللي يدور راحته ياخذ له من يوكن
او GXR- او VXR
وعلى فكرة اللي عنده جيب ربع يفتح الكتيب
حق الوكالة ويلقى مكتوب فيه وبالخط العريض
انه سيارة عمليه وليست فخمه ومعرضه للانقلاب
اكثر من غيرها

ياخي ظلمت الربع والشاص بمقارنته بـ ال ف جي
الشاص لحاله. والربع على الأقل شكله سكبه, أما البطه لامظهر ولامخبر يعني لاشكل زين ولا أستعمال مريح ومع ذالك الناس تسحب والسعر ماشي بالأرتفاع .
عموماً هذي وجهت نضري بسيارة وكل واحد وله رايه.

[ماجد الحايلي]

ياخي ظلمت الربع والشاص بمقارنته بـ ال ف جي
الشاص لحاله. والربع على الأقل شكله سكبه, أما البطه لامظهر ولامخبر يعني لاشكل زين ولا أستعمال مريح ومع ذالك الناس تسحب والسعر ماشي بالأرتفاع .
عموماً هذي وجهت نضري بسيارة وكل واحد وله رايه.

لاوالله يالغالي ماقصدي مقارنه بينهن وانا معي جيب ربع
واقول ان الربع والشاص اطلق وانفع واحسن شكل بعد
بس التشابه بينهن انهن ماهن مريحات بالركوب بس
ولا انا اعتبر ظالم اذا شبهت ال ف جي بالربع والاخص الشاص

[Abo braheem]

الصراحه الفرق شاسع
مافيه اي مجال للمقارنه
ما احترامي لوجهات نظركم

[دل البحار]

لا تعمم الله لايهينك


لاتعمم وأشبني سبيت الحين مبروك عليك الاف جي والمميزات وهذي وجهة نظري كما لك وجهة نظر في اي سياه ثانيه..مو أنتا الي بتقيدني

[الزافر]

ياخوي اسمه
اف



جى



سد خشمك

[عاشق السيل]

سواء أنت اللي كتبت التقرير أو غيرك والله إنه أعجبني يوم طلع عيوب هالموتر لأن العالم دايم تمدحه ويوم ركبته مع واحد من الزملاء لقيت عكس المدح تماااااااااما ،،

مع إنك للأسف ماذكرت شكله الخارجي اللي ماشفت أسوأ ولا أقبح منه <<< وجهة نظر خاصة مع احترامي الشديد لعشاقه !!!

ياحبيلك يالربع بس ......

[بدر بن براهيم]

معليش .. ماعندكم ماعند جدتي .. الي ما جربه لا يحتسي .. اشعب السعودي اصلن لو تعطيهم مجال يصنعون سياره كان عيبوها ولا صنعو ..
انا معي اف جي اول ما تشتريه تقول ما يصلح .. بعد مده يتغير رايك ولا تعرف تركب غيره ..

يكفي انه حق طرقيه من بد سيارات تويوتا ومريح بالنسبه لربع والشاص .. وبالنسبه لسيارات من الشركات الثانيه ... ان مكينته قويه ولا يقرقع ..

وداخليته عمليه جداااا للكشاته .. وقماش مراتبه ضد الماء ولا حطوها لراحه ..
والي يقول مراتبه نازله .. لاكنتا قصير وانا اخوك حط تحتك وساده

واعتقد انتم ناظرتوه من جهه وحده الي هي العيوب .. طيب مميزاته وين راحت .. وذا قارنت ياخوك لاتقارن باف جي 1 ستاندر ! ترا فيه 2 دفلك امامي وخلفي < طلعها لي في الربع والي ما صدق يقرا في كتاب الوكاله حق الاف جي

وفيه ميزه حلوه .. موتر يصلح بالمدينه والبر والسفر < سطرني تسافر على ربع يالي تقول لا تشبهه
وعندكم اليوتيوب يوريك عزمه
وتحضر به المناسبات والزواجات عااادي جدا ..
وتتنقل به سياره خفيفه .. مب بااص
والي يقول ان محد التفت له .. شف وش كثرها بالشوارع وانتشارها بالوقت هذا ويحق له انه يرتفع سعره لا صار عليه طلب

واسف اني طولت عليكم بس حمستوني هههههه ويمكن جاء مني خطاء والعذر والسموحه ..


واول مره صراحه اتحمس ورد ههههههههه

[ALBDRANE]

كل السيارات تنتشر عندنا أهم شي تكون غريبه و(فاطمه جمعه) قصدي الاف جي أبيخ سيارة أشوفها في الشارع ولا تلقاها الا مع صغار السن منيب قايل ..... أخاف يزعلون علينا يعني سيارة لعب وتغيير الوان ولفلفه في الشوارع لا تقولي سفر ولا طريق ولاغيره سيارات السفر والطريق والراحة معروفه

[Zizo_1977]

اخوي بدر انا معك ١٠٠ ٪
اما اللي يبيها تمشي فوق ١٨٠ يروح يشتري له سياره سبورت ويسابق فيها لا هذي السياره لم تصمم للسباق
والي مايدري ان القماش اللي محطوط علي الكراسي هو قماش مصنوع لحفض السياره من المياه وانه ضد الماي يروح يشتري له سياره امريكيه كراسيها جلد
واللي يبي سياره للخطوط او هو طرقي يشتري له الماني
هم يقولون انه مو زين وسعره مبالغ فيه وانا اقول بعد الشاص سعره مبالغ فيه مكينه قويه وما عليه بدي ولا فيه مميزات ليه غالي
ياجماعه السيارات هي مساله احتياج وامكانات ولا انا اشوف ان ابو عزيز (الددسن جعله يسلم ) مافي احسن منه تبيه بر تبيه بالديره تبيه رزه بعد ما عندك مشكله بس الرجاء لا احد يتكلم عن شي مايدري عنه وينقل مواضيع وبس ترى المساله ماهي كوبي وبيست(نسخ ولصق)
مع حبي واحترامي للجميع وتقبلو مروري

[الحمدآن]

GMC سييرا 3500HD وارفع يدك !!

[دل البحار]

أنا من عشاق الالماني
لكن
الاف جي يبقى سياره بنظري من أجمل السيارات
للدفع الرباعي المميز
تحفه هندسيه رائعه جداَ
سيارة عز وهيبه ومغامرات
والله رزه وكشخه وكلش فيه ما شاء الله
تبيه بر
سفر
مدينه
جبل
بحر
بتاع كله وبلأدب كمان
حتى مراتبه شيء جديد وشكل جديد ومميز
بصراحه أفضله على جيب لكز RX اداءَ وشكلاَ
وهذي صور الوحش الياباني "" من تويوتا

http://forum.khleeg.com/imgcache/2/94517khleeg.jpg (http://forum.khleeg.com/146741.html)


http://forum.khleeg.com/imgcache/2/94518khleeg.jpg (http://forum.khleeg.com/146741.html)


وهذا من يشبهك مننننننن

http://www.gulf4cars.com/vb/attachment.php?attachmentid=36885&stc=1&d=1239111350
http://www.gulf4cars.com/vb/images/smilies1/31.gif

[husam111]

اف جي كروزر مصممه لنوع معين من الناس ولو لا إختلاف الآذواق لبآت السلع
السيارة من واقع تجربه متكامله لك وللزمن والوقت سوف يثبت ( وبالنسبه للاخ اللي يقول المقاعد قماش مو مخمل انا أقول صحح معلوماتك المقاعد من أقمشه الشمع المطور لا يتأثر مع الوقت ولا يمتص الماء ولا يصدر روائح ) وهذي معلومه من معلومات كثير خاطئه عن الاف جي ( اللي ما يعرف الصقر ...... ويه ) ( واللي ما يطول العنب ....... ول )

[ashoog]

بصراحه من واقع تجربه لمدة ثلاث شهور ماشوف فيه راحه وبصراحه جدا هي سيارة مغامرات بمعنا الكلمة وخاصه الغابات مدري ليش ونسيت اخوي عيب واحد بعد الي هو قزازه الاماميه واقفه تحس انك تسوق ديانا

هذا رايي ومشكور علي الموضوع

[ماهقيت]

السيارة سيارة بر والفخامة ليست مطلوبه فيها البته ........ وبالنسبه لل 180 الطبلون اذا بغيت موتر يطوف المواتر طق لك بنتلي ياطويل العمر..... مزوح مزوح ^_^

[بيق مان]

مافيه من الراحة شي
لا مركب ولا عزل .. صراحة صوته مزعج في الخط
صندوق راكب على كفرات
ما يستاهل قيمته

[الليث الذهبي]

يا دفع البلا وش هالغلا
155 الف مهب معقول

[ارفع مقامك]

مشكورين ع المرور

[AYMANKO]

.
.
صراحة السيارة فيها من المميزات الكثير وفيها من العيوب الكثير

قد تكون مناسبه وممتازة ولكن ان انخفض سعرها ووضع سعر معقول يعني ما تتجاوز الـ 115 ألف للفل

فسعرها الحالي يضاف للعيوب اللي فيها
.
.

[ابونبيل]

ياجماعه السياره مصممه لناس معينين لفئه معينه يعني يعني مو يجي واحد ابو عيال ويشريه!! ولا واحد راعي قنص!!

[sgl2002]

السيارة مصممة لاستخدام معين

لكن والله الحين الواحد يستحي يركبه

وفوق كذا سعره غالي عليه

لامني وصلت لهالسعر ؛ اطق باترول ربع مكينة فتك ٢٠١٢

[أبو.محمد]

الاف جي موتر مغامراة و صبور .. و مشاكله كثيره باب واحد ( أعتبرها ميزة ) , تانكي صغير , مرتبه الراكب طامنه , الرساوه لك عليها ,, الفصله لـ 180 ناس تعتبرها ميزه و ناس عيب

لكن يبقى في نظري أن تصميمه رهيب , و قوي و نشيط , و خفيف ,, و بالنسبه للرساوه ,, يبي له تغيير مساعدات و يايات استرالية

في النهاية ,, الناس نادر تتفق على شيء

[يالبى الهلا]

سياره جباره بماتعنيه الكلمه لم جريها وعرف مميزاتها واستخدامها :fكل ماكثر سب السلعه اعتبره نجاح لها

[qwertyu987]

GMC سييرا 3500HD وارفع يدك !!

الله يسامحك












http://www13.0zz0.com/2012/09/03/18/198234802.jpg

[qwertyu987]

GMC سييرا 3500HD وارفع يدك !!


الله يسامحك مافيه مقارنه

http://www13.0zz0.com/2012/09/03/18/834901350.jpg