الفريون صار بـ 200 ريال وقطع الغيار ارتفعت 100%

[ملك الفكتوريا]

السلام عليكم ورحمة الله وبركاته






أسعار قطع الغيار والفريون إلى أين يا جماعه :(




بالامس اشتريت عدة قطع غيار وراح تشوفون اختلاف الاسعار في سنة وحده إلى أكثر من 100%



طبعا السيارة كراون فكتوريا




اشتريت قطع غيار السعر كامل غير شغل اليد بـ 650 ريال


وبالسابق قبل سنة نفس القطع بـ 420 ريال



الفرق 230 ريال والفرق والله مو سهل وخاصه لا كنت حاط في بالك يرجع لك من الخمسمية 80 ريال


تطلع بالاخير تحط فوق الخمسمية 150 ريال :eek::f:f:f:f



طبعا غير شغل اليد واللي يكلف 200 ريال



يصير المجموع 800 ريال بدلا من 600 ريال يعني فرق الـ 200 فارق فارق





والفريون معبي الفريون بـ 200 ريال :eek:





وبالصيفيه الماضيه



شريت بلف للمكيف وفلتره والزيت وعبيت فريون وشغل اليد كلها بـ 150 ريال



البلف 45 ريال

الفلتر 15 ريال

الزيت 5 ريال

والفريون 85 ريال



الحين تعبية فريون بس 200 ريال








وش الحل يا جماعه

[Bader-M]

كل شي في ارتفاع والسبب يرجع الى التضخم و ارتفاع العقار و كذالك غياب الرقيب

تقبل مروري

[محمد الظاهري]

ما فيه
رقابه
وإهمال منهم
هاذا الذي يخلي كل شي يرتفع
ولا حول ولاقوه إلابالله

[yazn2322]

السلام عليكم ورحمة الله وبركاته
الحل هو المقاطعه,,
لو الواحد يطلب القطع من برا ويركب اللي يقدر عليه ببيته كان ما أحد فكر أنه يرفع اسعاره ,
وأشوف الحين أغلب الشباب صاروا يشتغلوا بنفسهم :)

[* ابو باسل *]

اي مقاطعه تقاطع وتجلس سيارتك خربانه في الشارع .
الحين ياناس ملكنا يقووول يحاسب كل من يرفع الاسعار وستغل المواطنين وين الجهات المعنيه بهذا الامر ماتنفذه وتطبق ماقال ملكنا .

[سلفاريو]

اي مقاطعه تقاطع وتجلس سيارتك خربانه في الشارع .

الحين ياناس ملكنا يقووول يحاسب كل من يرفع الاسعار وستغل المواطنين وين الجهات المعنيه بهذا الامر ماتنفذه وتطبق ماقال ملكنا .

ابوباسل انت :good2: كلام سليم يبقى السؤال ...؟وين

[عاشق ترابها]

من حقهم أن يفعلوا ما يريديون إذا مافيه أحد يحاسبهم والشعب لا يقاطع ولا يشكتي ويزعل شوي ويرضى وهذه سياستهم

[التعـ King ـديل]

بالنسبه للفريون لاتلوم الورش لانه يشتري الاسطوانه ب 1300 ريال ويالله تكفي من 5 الى 7 سيارات .. من وين تبيه يستفيد ؟؟

اللوم على تجار جمله الاسطوانات .. انا لاقيها بالامارات ويقالك الهندي لاعب علي على 800 ريال وبالجمله ب 700

[yazn2322]

اي مقاطعه تقاطع وتجلس سيارتك خربانه في الشارع .
الحين ياناس ملكنا يقووول يحاسب كل من يرفع الاسعار وستغل المواطنين وين الجهات المعنيه بهذا الامر ماتنفذه وتطبق ماقال ملكنا .


مقاطعه عاد على اللي تقدر عليه

[برهان1]

يابن الحلال المشكله ليتهم على هال200 يركب لك فريون امريكي اللا صيني ويقول امريكي لا ويحطه بكرتون مكتوب عليه usa يقالك اقنعك الله يعين بس

والمشكله اني سائل راعي تبريد اللي يصلحون الفريزرات والثلاجات ويقول ما زاد اللا ما يقارب 5% من 5 سنوات يعني نصب واضح واللا وش زود فريون السيارات يعني ربعنا لو موتره 2010 ويقول له زود الفريون يجيك على طول يصدق لا وواحد يقول لي كل سنه اغير الفريون وموتره جديد من باب الصيانه يقاللك ؟؟؟؟
خلصوا من النصب علينا بالزيت كل 1000 ربعنا كانو يغيرونه حولو على الفريونات

الله يخلف علينا بس والله يبعض الناس لو تفتح له الكبوت تقول وين الرديتر انه ما يعرف

وصديق شغال نصب علينا هو وبو يمن

[aooa]

ما فيه تعاون من المواطن

يجب الاتصال على لجنه رقابه الاسعار وابلاغهم ...

[ذئب اليل]

هم يتبعون المثل الي يقول يائرض اشتدي محد قدي

[youssf]

لله يطول عمرك على طاعة عندي كرسيدا موديل 90 والله العظيم اني معبيها فاريون في صناعية العروبة 250ريال بعد حبة خشم ورافض يراعي يقول ان الفريون وصل قيمة1000ريال

[هواوي الشمال]

بجنوب الرياض معبي فريون امريكي بـ130 ريال جنرالز
الشمال غالين الله يحييك

[امير الامراء]

والله اني لاف الصناعيه كل الي اقول له عبي فريون يقول 350 ريال ولا هلله تنقص

السياره لاندكروزر

[مهوس صيد]

انا عمي عنده ورشة تكيف من سنه كان ياخذ الفريون بحدود 500 الحين وصل 1300

[ALBDRANE]

السلام عليكم

أخوي الفريون تقول أن قيمته 85 الصيف الماضي والصحيح أن السعر من العام فوق 120 ريال
الا كانك تقصد النوع الردي يمكن
من حدود 2 شهرين معبي فورد 150 ريال بس الصراحة ياهو فريون ماشاء الله تبريد ما تتحمله

وكان فيه فريون من فبل وتسرب خلال الشتوية ووديته لها السوري وطلع لي مكان التنسيم وأستبدلت البلف وكل شي تمام والحمدلله

وعلى فكرة شغلة الفريون للغش ما أسهل منها وأنت وحضك

[الزافر]

الغش في مراقبة الغش
مو في التجار

[سوبر VTC]

حسب علمي كان سابقا الفريون ب450
ثم ارتفع الى 750
ثم وصل الان الى 1200 و طالع
الفريون يكفي 7سيارات
بشرط ان هالسيارات ال7 تمام
اما اذا كان فيه خلل من تنسيم و خلافه
فانه يكفي فقط 5سيارات و نازل

[myking]

يقول المثل: وش اللي حدك على الشين قال اللي أشين منه

مادام انك دافع سعر غالي لازم تنتبه للجودة والكفاءة لكي لاتقع في شراك النصابين وبهذا اتمنى من الاخوان يفيدوننا عن أفضل ورش تعبي فريون ((أصلي )) بالرياض أو بالقصيم أو الدمام لكي نضمن على الاقل ان الفريون مايخرب الكومبرسر ويكلفك أضعاف أضعاف اللي دفعته.