ليه بالكويت غير عنا يا اهل ال كسبلورر

[النصار]

السلام عليكم
يأخوان ابن عمي بالكويت ومعه اكسبلورر 2010 الوكاله عندهم قالت لهم تجون تغيرون الزيت كل 5000 كيلو
ولا تتعدون هذا الرقم ولا يعتبر الضمان لاغي ....
السؤال ليش عندنا كل 8000 وهي كثير بنظري بس سألته وش الزيت اللي تغيرونه قال والله ما ادري

اللي عنده معلومات يفيدنا وخاصه الأخوان اللي بالكويت

كذلك لو بدلته انا خارج الوكاله كل 4000 واذا مشيت 8000 اروح الوكالة وابدله هل فيها شي ؟؟
ولو طلبت من الوكالة ان يبدلونه بعد 4000 هل يرفضون او لا؟؟؟

افيدونا بارك الله بكم ودمتم بخير

[T-Tamimi]

اهلا ومرحبا ابن نصار

عن نفسي اترك الزيت في المكينه 8000 كلم
واذا جيت اغير الزيت الاحظ فيه نقص بسسسيط ولونه مسود شوي
لكن ما يهم مدام مشاويري داخل المدينه

اذا بغيت امسك خط طويل وسفر او كثرت مشاوير في عز الصيف و الحر والشموس ما يمنع اني اوقف عند مشحمه واغير الزيت فقط بعد 4000 كلم .. كلها 70 ريال

هذي سياستي والله يرحم حالي وحالك وحال كل مسلم ويكفينا شر الحديد

[النصار]

اللهم آمين ويعطيك العافية على المرور

لكن وش الزيت اللي تستخدم نفس زيت الوكالة او غيره ؟؟

وكم علبة يستهلك اكسبلورر 2010 ( 6 سلندر )

[T-Tamimi]

استخدم نفس زيت الوكاله كاسترول 5 علب تقريبا ( والله اني ناسي) مانيب متاكد بس اهل المشاحم يعرفون بالضبط كم علبه وانت تاكد من العيار

على فكره كل مارحت لمشحمه بيقراء الكلام المكتوب على غطاء المكينه وبيقولك ان السياره لها زيت خاص الي هو (w5) وهو سعره 50 ريال للعلبه ويمشي معك 10 الاف كلم >> قله سسسقها ولا يهمك انا سالت الوكاله وقالو ذالزيت ما يناسب منطقه الخليج واستخدم الي يستخدمونه توكيلات الجزيره وتوكل على ربك والله المستعان

بالتوفيق ان شالله

[lazyboy]

يستخدمون في الكويت زيت motorcraft تابع لشركة فورد .

[النصار]

الله يعطيكم العافية واشكركم على المرور

والله الحرص بالحيل ماهو زين

[Dead]

في الكويت الزيت المتوفر للفورد هو زيت موتور كرافت والصراحة بالوكالة بلغوني أبدل الزيت كل 5000 كيلو وبكتالوج السيارة مكتوب كل 8000 كيلو ! عموما خدمة فورد بالكويت رخيصة ومعقولة يعني كل 5000 كيلو تدفع بين 130 ريال إلى 175 ريال تقريباً

أنا أتكلم عن إكسبدشن 2011