التشليح يرفع الاسعاااااار وصار اغلى من الوكاله

[أرمادا]

السلام عليكم ورحمة الله ...

ياخوان الظاهر التشاليح بتصير اغلى من الوكاله كل يوم ارتفاع بالاسعار ،،

خرب عندي الكمبريسور حق المكيف ليسارتي التشارجر رحت للوكاله قالوا لي سعره 1995 ريال واذا كنت بتركبه عندنا بورشة الوكاله نعطيك خصم بيطلع سعره 1750 قلت بشوف التشليح دام سعره بالوكاله كذا اكيد بالتشليح ما يتعدى 500 ريال مريت على العجلان ببريده وقالي سعره 1500 :eek: قلت شلون كذا سعره بالوكاله 1700 قالي لا سعره مو اقل من 3000 ريال .. قلت له يا ابو يمن انا رايح للوكاله قالي اكيد مو الكمبريسور يمكن بس البكره :eek::eek: حديته شوي وقالي خلاص خذه بــ 1000 ريال قلت معصي :mad:


المفروض التشاليح سعر القطعه تصير 30% من سعرها جديده .. لكن لا حياة لمن تنادي انا ما ادري فيه جهه رقابيه عليهم والا الدنيا ماشية بالبركه ..!!

[yazn2322]

وعليكم السلام عليكم ورحمة الله وبركاته

على فكره أسعار التشاليح يعتمدون بشكل كبير بأسعارهم على اسعار الوكاله

[مسير عليهم]

ذكرتني فيهم رحت امس لتشليح الحاير وقلت بسأل عن عفريته جمس سييرا الجديد لقيت واحد قالي بـ 650
والثاني قال لي بـ 400

هم يقيسون قيمة السيارة يوم يشترونها ويقسمون المبلغ على القطع اللي مالها سعر معين ومعروف يعني كل واحد يحط السعر اللي يبيه

[غلطه ثمنهاروح]

الحين كل شي أرتفع سعرة
ولا تستغرب
وماقول إلا الله يرحمنا برحمته

[عاشق ترابها]

أنا من فتره طويله لا أشتري منهم عندما إكتشفت أن أسعارهم تزيد أو تساوي أسعار الوكاله وهذا ليس كلامي وكلامك بل كلام الكثير الجشع أعمى أعينهم

[التعـ King ـديل]

بقولكم سالفه صارت لي بالتشليح قبل اربع سنوات .. كان معي باترول وكان عندي مشكله بالعداد اتصلت على السوداني حق تشليح الرياض وقلت له بكم

قالي ب 1300 وسعره بالوكاله وقتها كان 2100 المهم تركته يومين ورحت له التشليح وقلت له عن طلبي قالي ب 1200 قلت شلون مكلمك قبل يومين

وتقولي ب 800 امداه ارتفع سعره قالي طيب خذه ب 800 .. اصحاب التشليح يعتمدون على المزاج ولا لهم دخل بالوكاله ولا يدرون عنها عندهم قناعه

انك ماجيت للتشليح الا ان القطعه غاليه مرررره او غير موجوده علشان كذا يحط السعر اللي بمزاجه .. جنوط باترول 17 بالتشليح الواحد ب 1500

يعني الاربعه ب 6000 وبالوكاله الاربعه ب 10 الاف وبشارع الغرابي الاربعه ب 2500 شفتو الفرق؟؟؟؟

[ملك الفكتوريا]

صدقت



تصدقون رفرف امامي فورد 99 بالوكاله 700 ريال الواحد


وبالتشليح 300 ريال وحق دورية ولاعب فيه الصدأ يالله تلقى النظيف

[ذئب اليل]

التشليح يحطون السعر الي يبون لن مافي احد يردهم