إلى شباب القصيم فزعتكم بالرأي

[بركا111ن]

إلى شباب القصيم فزعتكم بالرأي

السلام عليكم
اسعد الله أوقاتكم بكل خير
يقولون من طلب الاستشارة مانــــدممممم
أنا عندي جيب GXR محركه ديزل موديله 2002
وأريد ان أبدل ماكينته إلى بنزين
هل يمكن أن أجد في منطقة القصيم من يبدله لي ويضبطه مع الضمانات
وكم يكلف تبديله ؟؟
وش رأيكم الفزعــــة أو أخليه على شكله رغم أنه عاااالني يالله يمشي

[بروق ساق]

حياك الله أخوي ،،،،، تقدر تغير المكينه لكن يكلفك دراهم ،،،،، لك حل أنك تبيعه وتشتري غيره

[أبوياسرالقصيم]

السلام عليكم

رأيي انك تبيعه وتشري بنزين أفضل لأن المكينة يمكن ما تضبط !

[ابوصالح77]

أنا مع الربع
بعه وإشتر غيره
وبيكلفك واجد
إضافة إن الدفرنسات تختلف عن البنزين
البنزين يجي الدفرنس الخلفي بارز وقدام فليور وليس دفرنس
وتر الديزل له أهله
تقبل تحياتي

[turke2545]

فيه ورشة الصمعاني ابو عبدالله في بريدة الموقع التشاليح بس مكلفه (والتحمل اقوى لانه يصبح دفرنسات من ناحية السحب)

[غلطه ثمنهاروح]

نصيحتي لك أخوي : بركان
خله معك ويازين مشيه
على الأقل فاكك من ساهر
وقسايمه .. قصيمي بالرياض

[بركا111ن]

الاخـوة /بروق ساق
و أبو ياسر القصيــم
و ابو صالح 77
و TURKE 2545
وغلطة ثمنها رووح
جزاكم الله كل الخـير
ورزقكم من حيث لا تحتسبون
وغفر لكم ولوالديكم وللمسلمين اجمعين

[الركن الهادي]

أنا مع الربع بعه وأشتر غيره افضلك من الخساير

[بركا111ن]

شكـــرا لك اخي الركــن الهادي

[غلطه ثمنهاروح]

أخوي بركااان
كلمه طيبه من وجه طيب
والله لايحرمك الأجر
ولك بمثل مادعوت لنا

[AxR979]

لو هي على المكينة بس كان امره سهل ..

لكن بتغير معه السلف و نظام الوقود و على ما اعتقد ان القير و عمود الدوران يجن غير اللي بالبنزين و اشياء لما قبل ..

[قناص مزاجي]

إلى شباب القصيم فزعتكم بالرأي

السلام عليكم
اسعد الله أوقاتكم بكل خير
يقولون من طلب الاستشارة مانــــدممممم
أنا عندي جيب GXR محركه ديزل موديله 2002
وأريد ان أبدل ماكينته إلى بنزين
هل يمكن أن أجد في منطقة القصيم من يبدله لي ويضبطه مع الضمانات
وكم يكلف تبديله ؟؟
وش رأيكم الفزعــــة أو أخليه على شكله رغم أنه عاااالني يالله يمشي



اخي العزيز

الترهيم خساره على الفاضي

النصيحه لك بيعه واستبداله باخر

تحياتي

[* الخطيب *]

بعه واشتر غيره
نصيحة أخ لأخيه .

[بركا111ن]

قناص مزاجي
والخطيب

شكرا لكم ووفقكم الله

[بركا111ن]

للمعلوميــة بعد البحـث والتحــري هناك في سكراب بريدة ورشـة الخضـير
يقوم بتغيير المحرك من ديزل الى بنزين والعكس ويعطيك كفالة مدتها شهـر
وصراحة مايكلف شي كثير فقط 13 الف ريال
وتتحول سيارتك من صوت حـراثة الى صــوت شبــح
وسلمتهم السيارة وواعدوني بعد العيد اجي استلمها

[Ziyad alZaida]

الله يوفقك .. للديزل عشاقه :)

[راعي8100]

للمعلوميــة بعد البحـث والتحــري هناك في سكراب بريدة ورشـة الخضـير



يقوم بتغيير المحرك من ديزل الى بنزين والعكس ويعطيك كفالة مدتها شهـر
وصراحة مايكلف شي كثير فقط 13 الف ريال
وتتحول سيارتك من صوت حـراثة الى صــوت شبــح


وسلمتهم السيارة وواعدوني بعد العيد اجي استلمها

الله يوفقك ويطلع بالسلامة من غرفة العمليات ..
طيب السعر الي اتفقت عليه مع بدل المكينة حقتك ..
وانا معي GX 2003 "ديزل" والنية اغير المكينة الى بنزين ..

[Ziyad alZaida]

ياجماعه .. بيعوا سيارتكم ولاتكثرون اللعب بهن ..

الديزل له ناس يرغبونه والفرق حطوه على مواتركم واشتروا بنزين بدل ماتضيعون الوقت والجهد ورا هالورش