عروض على الشاص 2011 خصم 8000 إلى 10000 ريال [الأرشيف]

بروق ساق

26/06/2011, 07:15 AM

السلام عليكم
كنت بالأمس القريب عند معرض اليحيى ببريده ــ مورد السيارات الخليجية ـــ يقول الآن فيه عرض على الشاص .
1 ـ بدون ونش ودفلك السعر السابق 138000 بعد الخصم 130000
2 ـ ونش ودفلك السعر السابق 148000 بعد الخصم 138000
3 ـ رفارف ، جنوط ألمونيوم ــــــ غير متوفر
هذا الكلام أمس 1432/7/23 لا أحد يقول الكلام قديم ،،،،،،، كذلك الهايلكس نزل سعرها قرابة 3000 ريال

إن شاء الله الأسعار بنزوووووووووووووووول ،،،،،،،، الله يوفق الجميع

احمد الشمال

26/06/2011, 07:27 AM

جزاك الله خير وبارك الله فيك والله يكثر من امثالك

بروق ساق

26/06/2011, 07:37 AM

جزاك الله خير وبارك الله فيك والله يكثر من امثالك

وإياك ،،،،،، ما سوينا شي

0أبومحمد0

26/06/2011, 08:25 AM

الله يجزاك خير
وإن شاء الله باقي السيارات ترخص

rpk

26/06/2011, 08:45 AM

الجمس 2500 غماره بالحديد الي فيه يصنع شاصين وسعره 98 ومعه دفلك لو تجهزه من الى ما وصل 130 ليش هذه الاسعار يا تيوتا يا ناس قاطعوا تيوتا عشان تنظبط اجل هايلكس دبل 108

* ابو باسل *

26/06/2011, 09:09 AM

سليمان الربيعان

26/06/2011, 09:09 AM

اللهم امين ان شاء الله تنزل الاسعار
وعافك الله على الخبر

مسير عليهم

26/06/2011, 09:25 AM

غش في غش مساكين الشعب السعودي رفع عليهم 20 الف ويوم نزل 2000 طارو يشترون وهم مغشوشين في 18 الف وهذ الحقيقه يرفعه الى اسعار خياليه ثم قال ايش قال عرض نزل كذا الف وطارو فيه العالم مغشوشين يعني حتى لو نزل 20 الف يبقى سعره مرتفع شاص غماره وسعره 130 الف ريال وين عايشين ياعالم وفوق ذلك مافيه مواصفات ولا راحه ومكينه 4000 الاف سي سي واخر شي يحمل فيه علف وشعير .

شفت مستوى تفكير بعض الشعب

قبل فترة وصل سعر الشاص ابو ونش فوق 130 الف ريال وبعد كارثه اليابان ارتفع ومحد شرا شي واللحين يقولون عليه عرض ويبيعونه بسعره القديم واللي هم غاشين الناس به

اجل شاص بدون اي وسائل سلامه سعره 130 الف

كرويف

26/06/2011, 09:35 AM

الاسعار نار
اجل الددسن ب 71 الف الجي ال غمارتين !

Bader-M

26/06/2011, 12:47 PM

اسباب النزول من وجهة نظري
قرب نزول الموديل الجديد و كذالك عزوف المستهلك على الشراء و دخول بديل اخر بسعر اقل
تحياتي اليك

بروق ساق

26/06/2011, 01:34 PM

اسباب النزول من وجهة نظري
قرب نزول الموديل الجديد و كذالك عزوف المستهلك على الشراء و دخول بديل اخر بسعر اقل
تحياتي اليك

:good::good::good::good::good::good::good2:

قناص خلاوي

26/06/2011, 02:13 PM

خلوها تنشب بحلوقهم
الاسعار هذي هبال
على ويش اشتري كومة حديد ب130 ألف ؟؟

rpk

26/06/2011, 02:48 PM

خلوها تنشب بحلوقهم

الاسعار هذي هبال
على ويش اشتري كومة حديد ب130 ألف ؟؟

ياليته كومه حديد حديده كله مايجي طن

الركن الهادي

26/06/2011, 04:39 PM

الله يوفق الجميع

برق الفايزية3

26/06/2011, 05:12 PM

مع احترامي الشديد لكتاب الموضوع =بروق ساق=

للاسف هذا هو الشعب مجرد مايسمع تخفيض يعتقد انه تحصل على غنيمة

جيب شاص يباع العام الماضي بعزة 128000 والحين 146000 يارجل

رهيب الرهيب

26/06/2011, 05:30 PM

انا لاقي عند عبد الطيف موديل 2010 سياحي طبعا اصفار ب117 الف بس الميزه الي فيه تانكيين بنزيم ومدري لو هذي تجي اساسيه بالشاصات كلها ولقيت الهلي 2011 دبل طبعا قير عادي فل ب102 شف الفرق 15 الف بس

zulfi

26/06/2011, 05:37 PM

كويسسسسسس...

ابوسامي 2011

26/06/2011, 05:42 PM

الاسعار هذي هبال

ALBDRANE

26/06/2011, 08:08 PM

هناك رابط وعلاقة مشتركة بين أرتفاع أسعار الجيوب ومزاينات الأبل .....
أذا صارت الناقة تنباع بالملايين وش المشكلة يشتري سيارات مكيفه وتشيله مع ربعه وتنقله لاي ديرة ويترزز فيها عند ربعه و بمئات الالوف
ولا ننسى هرمون ( HT ) المنشر بين الناس فهو السسب أيضاً في الأرتفاعات هههههه .

**عاشق الشواهين**

26/06/2011, 09:55 PM

الجديد استهلاك دراهم وارواح كله بلاستك والمنيوم الله يكفينا شر هالسيارات

ذئب اليل

26/06/2011, 10:39 PM

والله لو تكون فيه مقاطعة 100% لمدات 6 شهور بس كان عرفو ان الله حق وعاضو اصابع الندم لا كن كل المقطعات الي حصلات وتكلمو عنها مجرد كلام في كلام ......................... ومثل مقال المثل كلام الليل مدهون بزبدة

ن م ر

26/06/2011, 11:58 PM

ما طايرات الا وهن وقوع

fawwaz1

27/06/2011, 04:45 AM

لا وتبونهم ينزولن اسعاره الحين ليه جاي تبشر الناس وهو بالساس ضاحك عليك ورافع سعره يا ناس يا عالم خلاص الشاص خرب وزوودو سعره على ايش لا راحه لا فخامه لا مواصفات ولا اي شي كومة حديد فقط ليه انا اخذه والبديل موجود

ابومناحي

27/06/2011, 04:53 AM

وش تقاطعون الله يصلحكم كل الي يرفعون الاسعار حلال عليهم لانكم ماتصنعون حتي ثيابكم الي عليكم
اي والله شر البليه مايضحك

رسيس نجد

27/06/2011, 05:08 AM

التجار هم سبب رفع الاسعار دون مبرر 0

أبو أسامة

27/06/2011, 05:23 AM

الله يهديك يا أبو مناحي

إدا الثياب اللي نلبسها على قولتك ما نصنعها ........ الثياب أو غيرها أمرها بسيط ....... لكن لا تنسى الأهم وهي فلوسنا اللي يطاردون وراها دا التجار تراها من صنعنا وهي العز بعد الإسلام خل عنك مواترهم اللي الجديد مصيره يقدم ويجي أجد منه فلوسنا معنا وكومة حديدهم عندهم ......

مجنون نحم

27/06/2011, 10:36 AM

مهبوووؤؤؤل انت تشتري موتر غمــــارة بــــ 130 بدون تصنيف سلامة وبدون راحة ومكينة 4،0 ؟؟؟

اخذ جمس 2500 فخامة قوة رساوة مكينة شاصي ونص بعد 6،0 وديكورات وكمبيوتر رحلات وقير من الاقوى في العالم ومكينة نفس سعه مكينة البنورما 12 سلندر ومووووووتر له هيييييبه

AUDIO

27/06/2011, 12:30 PM

السلام عليكم \

هو لو يقعد الواحد افكر قبل يشري الشاص بهذا السعر خمس دقايق ويقارنه بالسيارات المماثله له كان طلع له فروق كثيره وحس ان اللي يبي يشري معلف به مكينه.

شكرا

سلطان_الهديبي

27/06/2011, 03:19 PM

ههههههههههه

يعني المفروض نركض نشتري شاص الحين؟

والله ثم والله ثم والله،،، لو هو بـ 80 ألف ما شريته، وش فيه الموتر علشان يوصل 130 الف؟

لا راحه ولا أمان ولا ورحابه ولا تقنيه ولا أي شئ ومطامر بالبر والسفلت وما تاصل مشوارك إلا وأنت متكسر

لا يشيل عايلتك ولو إنكم 3 رجاجيل ما شالكم إلا متزاحمين والكتف فوق الكتف

وتاليته تشتريه علشان تحمله شعير ولا رودس ولا برسيم ولا تبن الله يكرمكم،

الحمد لله والشكر بس،،،

التعـ King ـديل

27/06/2011, 07:59 PM

الله يرحم الحال نزل 2000 ولا 5000 وش تساوي قدام 50.000 ربح

كانهم صادقين يربحون في كل موتر 20.000 واتحدى اذا فيه شاص يتعدى ال 100 الف بكامل مواصفاته

ذيب الخرج

27/06/2011, 08:14 PM

انا اشهد ان الشاص مثل الخوي الطيب لراعي البر ... والله لاجمس ولاغيره يصف جنبه . بس الاسعار والله نار عسى الله يهدي هالتجار ويخافون ربهم

فيصل التميمي

28/06/2011, 01:04 AM

خلوها تصدي في معارضهم معقولة شاص سعرة 130 الف صندوق وغمارة
لابد من المقاطعة الصحيحة لهم جشع التجار وضلمهم
اسئل الله ان ينتقم من كل تاجر ضالم يارب العالمين

بروق ساق

28/06/2011, 07:57 AM

هههههههه ،،،،،، أحتمى الوطيس ،،،،،،،،،،،،، هذا تويوتا الأسعار غاليه والناس ملي الوكالات تشتري ،،،،،، عكس بعض الشركات مثل نيسان أسعار رخيص وبضاعه رديئه

سوبر VTC

28/06/2011, 08:42 AM

البديل و من مشاهده و من كثرة انتشاره
جمس او شفر استعمال امريكي غمارة و نص او غمارة
م2003 و طالع و بسعر منطقي
ايضا فورد استعمال امريكي غمارة او غمارة ونص
تحصل امريكي مستعمل م2009 و تحت و بسعر معقول و ممشى معقول
الشفر الغمارة و نص م2005 شاريه الوالد قبل سنتين ب50الف و ممشاه بحدود ال100الف
الفورد مهضوم حقه و شعبيته اقل من الجمس و الشفر
لكن ملاحظ الان ان الناس بدات تفكر و تتجه للفورد سعر منطقي و قلة اعطال اقل عن الجمس و الشفر
يكفي صلابة و متانه الدفرنس الامامي و الخلفي للفورد و قارنه بدفرنس الجمس و الشفر
الدفرنس الامامي للجمس و الشفر ضعيف لاحظ البيب المنيوم خفيف ينشعر و ينكسر على طول

شفت

28/06/2011, 09:06 AM

من بئك لباب السمـــــــــــــــــــــــــــــاء اخ بروق

شفت

28/06/2011, 09:08 AM

من بوئك لباب السماء اخ بروق

صحراء الدهناء

28/06/2011, 03:03 PM

هههههههه ،،،،،، أحتمى الوطيس ،،،،،،،،،،،،، هذا تويوتا الأسعار غاليه والناس ملي الوكالات تشتري ،،،،،، عكس بعض الشركات مثل نيسان أسعار رخيص وبضاعه رديئه

:mad: ,,,,,,,,,,,,,

ابوريان111

28/06/2011, 03:30 PM

غش في غش مساكين الشعب السعودي رفع عليهم 20 الف ويوم نزل 2000 طارو يشترون وهم مغشوشين في 18 الف وهذ الحقيقه يرفعه الى اسعار خياليه ثم قال ايش قال عرض نزل كذا الف وطارو فيه العالم مغشوشين يعني حتى لو نزل 20 الف يبقى سعره مرتفع شاص غماره وسعره 130 الف ريال وين عايشين ياعالم وفوق ذلك مافيه مواصفات ولا راحه ومكينه 4000 الاف سي سي واخر شي يحمل فيه علف وشعير .

كلامك ميه بالميه صح

اجل يوم الجمعه بالمعارض شاص 2006 ملعون والديه ب88 لاراحه ولا شي حت ايرباق مافيه

ههههههههههههه والله مهزله