إستشاره في السياره لطلوع الهدا والشفا

[عاشق vip]

السلام عليكم ورحمه الله وبركاته

أهلاً وسهلاً بالجميع

عندي سؤال لا هنتم

_ أنا ناوي إن شاء الله أخذ عمره .. وأطلع على الطايف .. عن طريق الهدا والشفا ..
بس ما عمري طلعت عن طريق الهدا والشفا .. دائماً عن طريق ( السيل ) ..

فياليت تفيدوني عن الخط .. هل هو مرتفع جداً .. أو طريق عايدي ..
ووش أستخدم في الطلوع ( D ) الطبيعي .. أو
( D ) الثقيييل ..

وكم يستغرق الوصول ؟؟ وهل يعتبر خطر ؟؟

ــــــــــــــــــــــــــــــــــــــــــــــــــ ــــــــــــــــــــــــــــــــــ

نوع السياره ( كابرس 90 ) >> رغم كبر عمري إلا إنها سيارتي المفضله ..
:D
تحيه للجميعـ

[سفير الصحراء]

انا جربت اس اس 96 حطيته على Dومافيها اي مشكله ولله الحمد والله يوصلك بالسلامه ودعواتك بالعمره لي برزق الحلال

[_TOYOTA_]

طريق الهدا انتبه من الكداده طايرين في المنعطفات

[الناهسي511]

والله ما ادري

[راعي الأشهب]

عادي دامك منت محمل زود ركاب حطهاD وإذا حسيت انها كل اشوي تبدل نزلها 3 والله يستر عليكم بس انتبه للحراره لو ارتفعت طفي المكيف عشان موترك قديم شوي يحتاج عنايه ودرب السلامه

[المهاجر انا]

رح مع السيل اسلم لك

[ن م ر]

عند الطلوع والسيارة قير تماتيك خل القير على الـ D

وفي النزول غير النمره حسب مستوى الانحدار


اقترح تروح مع طريق السيل اريح لك من كثرة اللفات اللي في طريق الهدا


عموما الطريق من مكه إلى الطايف ( السيل او الهدا ) ملغم بكاميرات ساهر لذلك جرى التنويه

توصل بالسلامه

[بداية رحال]

أخي (عاشق vip) تقبل الله عمرتك وكتب لك الأجر ولا تنسانا من الدعاء

طريق الهدا ( الكر ) جميل وممتع وليس خَطِر بالعكس خط مسارين طلوع ومسارين نزول , والمسافة من مكة إلى الهدا حوال ساعة أو أكثر بقليل .

الطريق به مرتفعات ليست شديدة يعني يمديك تطلع والسيارة على الـ D وانت مرتاح البال وفي النزول ممكن تستخدم الـ D الثقيل في بعض المنعطفات أو الطريق كاملاً .

بس خل بالك إذا تحس إن سيارتك تسخّن وترتفع الحرارة حاول تطلع الصباح بدري أو العصرية من بعد الساعة 5 يكون الجو برد شوي وحتى في الليل ترى الخط منور من أعلى الجبل إلى أسفل ,
وأما إذا إنت واثق من سيارتك اتوكل على الله واطلع الظهر ,
تمنياتي لك بعمرة مقبولة إن شاء الله

[عبدالاله 123]

الان بعد تجديد الطريق صارت سهله جدا ماعدا منعطف واحد فقط يعتبر خطير وبالنسبه للقير ماعليه مشاكل انشالله

[عاشق vip]

انا جربت اس اس 96 حطيته على Dومافيها اي مشكله ولله الحمد والله يوصلك بالسلامه ودعواتك بالعمره لي برزق الحلال


هلا وغلا

والله يرزقك بالي تتمناه .. والله يفتح لك أبوابه يا غلاي ..

والحمدلله إنك طمنتني .. لأن السيارات متقاربه بالموديل ..

[عاشق vip]

طريق الهدا انتبه من الكداده طايرين في المنعطفات


هلا وغلا

والله هذول حقين الكداده مليانيين .. وين ما تروح ..

وأنا أشوفهم على الخط .. ماشيين بالركاب .. ولا يهمهم أعمارهم ..

بس الله يستر علينا وعلى المسلمين أجمعين ..

والله يستر عليك دنيا وآخره يا الغالي .. ومشكوررررررر على النصيحه ..

والله يكثر من أمثالك

[عاشق vip]

والله ما ادري


هلا وغلا

وجودك بس يكفيني يا الغانم

والله يستر عليك

[عاشق vip]

عادي دامك منت محمل زود ركاب حطهاD وإذا حسيت انها كل اشوي تبدل نزلها 3 والله يستر عليكم بس انتبه للحراره لو ارتفعت طفي المكيف عشان موترك قديم شوي يحتاج عنايه ودرب السلامه


هلا والله

لا أبشرك حنى 3 أشخاص .. والحراره ولله الحمد طيبه بالسفر ..

وهي سيارتي المفضله بالسفر .. والمكيف ما يحتاج دام الأجواء طيبه بالطايف ..

والله يعطيك الف عافيه على النصيحه .. والله يجزاك بالجنه ..

ويفتح لك أبواب رزقه ورحمته

شكراً لك

[عاشق vip]

رح مع السيل اسلم لك


هلا والله

والله وأنا أخوك .. أنا قلت أختصر المسافه .. لأن السفر لو بروح مع السيل بيدوم 8 ساعات ونص يمكن .. والله يعطيك الف عافيه على النصيحه ..

والف شكر لك .. والله يطعمك من حلاله ويبعدك عن حرامه ..

[عاشق vip]

عند الطلوع والسيارة قير تماتيك خل القير على الـ D



وفي النزول غير النمره حسب مستوى الانحدار



اقترح تروح مع طريق السيل اريح لك من كثرة اللفات اللي في طريق الهدا



عموما الطريق من مكه إلى الطايف ( السيل او الهدا ) ملغم بكاميرات ساهر لذلك جرى التنويه



توصل بالسلامه



هلا والله

لا أبشرك إني نظامي درجه أولى .. لو لمبه الأسطب تخرب أروح أغيرها ع طول ..

ههههههههههههههههههه

والله يعطيك الف عافيه على النصيحه .. والف شكر لك ..

وإن شاء الله أخذ رايك بعين الأعتبار .. والله يرزقك الجنه .. والفردوس الأعلى ..

[عاشق vip]

أخي (عاشق vip) تقبل الله عمرتك وكتب لك الأجر ولا تنسانا من الدعاء



طريق الهدا ( الكر ) جميل وممتع وليس خَطِر بالعكس خط مسارين طلوع ومسارين نزول , والمسافة من مكة إلى الهدا حوال ساعة أو أكثر بقليل .


الطريق به مرتفعات ليست شديدة يعني يمديك تطلع والسيارة على الـ D وانت مرتاح البال وفي النزول ممكن تستخدم الـ D الثقيل في بعض المنعطفات أو الطريق كاملاً .


بس خل بالك إذا تحس إن سيارتك تسخّن وترتفع الحرارة حاول تطلع الصباح بدري أو العصرية من بعد الساعة 5 يكون الجو برد شوي وحتى في الليل ترى الخط منور من أعلى الجبل إلى أسفل ,
وأما إذا إنت واثق من سيارتك اتوكل على الله واطلع الظهر ,

تمنياتي لك بعمرة مقبولة إن شاء الله



هلا والله

اللهم آميــــــن .. اللهم آميــــــن .. اللهم آميـــــــــن ..

ولك مثلها يا الغلا

والحمدلله .. سفراتي دائماً الظهر ولا العصر ولا الصباح .. وبعض الأوقات ليلاً ..

يعني ولله الحمد جربت السياره بكل الأوقات .. والله يطعمني من خيرها ويبعد عني شرها ..

والله يعطيك الف الف الف الف عافيه على النصيحه .. والي أثلجت صدري ..

والله يرزقك من وااااااااسع رحمته .. ويعطيك كل ما تقر به عينك .. وتشتهي به نفسك ..

ولك الشكر والتوفيق والسداد

[Abo gssar]

توكل على الله وامش خط الهدا افضل لك من خط السيل لان خط السيل كله شاحنات اما خط الهدا ممنوع على الشاحنات السير فيه ومن ناحية ان الخط خطير هذا كلام مبالغ فيه بالعكس خط السيل يعتبر اخطر خصوصا منعطفات السيل الصغير اذا مشيتها بالليل...
وبعدين خط الهدا خط سياحي يعني راح تتمتع بالمناظر اللي فيه
نسيت شي ...وانت نازل منه بالنهار لاتنسى تاخذ لك بريال خبز عشان تمر على القرود هناك وتتونس انت والاولاد عليها ...رحلة موفقة ...

[fawwaz1]

روح مع طريق الهدا الحمد لله بعد التجديد الاخير سيدين ووسيع ومافي منحدرات قويه زي اول

توصل بالسلامه إن شاء الله

[الصقر الحربي]

الان طريق الهدا مو مثل أول
ماشاء الله موسعينه ومنورينه
يعني ماكو خوف مثل أول

[* ابو باسل *]

ترى الوضع عادي وانا خوووك ولاتحمل المسأله اكبر من حجمها الطريق مزدوج وفوق ذلك كله سهالات انت حط موترك في الدي وتوكل على الله مايحتاج كل هذا التوتر وانا خوووك وصدقني بعد ماتجرب رايح تشوف انك معطي الموضوع اكبر من حجمه موفق خير .
الهدى بسيطه اجل وشلون لو كنت تبي تطلع مع شعار او مع ضلع بالجنوب .

[قناص مزاجي]

الافضل لك تحط القير على النمره الثقيله افضل

يعني من غير الدرايف

مثل عندك القير 1.2.3.d

حط القير ب 3 ولا تتعب الموتر بالدعس

وتقبل الله عمرتكم

[ابوجهاد]

افضل طريقه 3 وانا اكاد اسبوعيا اطلع وانزل من طريق الهدي
ومميزات 3 تحافظ علي عزم السياره
وتجعل قائد السياره متمكن اكثر في الطلوع والنزول
هذامن واقع تجربه اكثر من 35 سنه
واسال الله لنا ولكم التوفيق والجنه

[TAI CHI]

انا دائما اطلع وانزل منه .. بحكم عملي في الهدا .. يا اخي خليها على D واضغط على الزر اللي يحافظ على التروس واطلع عادي .. لا تقلق .. وسيارتي فورد 98 والحمدلله

[سلكي نت]

الجمس عندي على 3 طول الهدى طلوع او نزول