ماهي افضل طريقة تحميل "العفش" للجمس ؟

[عاشق هلوكس]

السلام عليكم ورحمه الله وبركاته

ياشباب الله لايهنيكم ..

الوالد يبي يسافر الصيفية لمكة وما جاورها..
المهم هو معه سياره جمس يوكن xl

وش تقترحون عليه في ..
طريقة تحميل العفش :

1- سله خلفية .
2- فوق السيارة .
3- مقطورة (عربية سحب ) .

سؤال:
هل السلة الخلفية مخالفة لانظمة المرور؟

"وبس"

شكرا لكم

[قناص مزاجي]

اللأمن هو فوق السياره مع تثبيت العفش جيدا
والتربيط للعفش

لان الحمل يكون متوان بالسياره

السله الخلفيه خطير ولا تجعل السياره متوازنه

[القلب المحروم]

اللي فوق افضل كي يكون الحمل موزع على الموتر


اللي وراء يضر القير مع الوقت لانه اذا دعست تلها الموتر بثقل فوق ثقل الموتر المبرمج

[غاوي قهاوي]

فوق افضل بمررراااااااااحل

[بيق مان]

الافضل على التوالي:
1- فوق
2- مقطورة سحب
3- سلة
استعملت السلة لمدة سنتين في السفر ولم اخالف من قبل المرور .. ولا اعلم ان كانت ممنوعة.

[هاوي موتري96]

فوق الموتر افضل بكثير عندنا جمس


وشاري له الشراع الي يجمع فيه الاغراض يباع عند حقين الخيام الي في الغرابي


مممممممتاز وميزته له رباطات ومريحين نجمع فيه الاغراض ولا تقول فيه شنطه ماربطتها زين ولا شوي والاغراض منتثره في الطريق حطها في الشنطه وصك السحاب وربطها وتوكل على الله




وسعرها رخيص مايتعدا الميتين ريال 200

[mobe]

مثلما قالوا الشباب فوق السيارة بس خذ الشراع اللي على شكل كيس له سحابات اللي ذكر اخونا هاوي موتري بعدما تعبيه بالعفش سكر السحابات وشد الاحزمة الجانبية وتوكل على الله
عيبه الوحيد انه يصرف بنزين بسبب مقاومة الريح وحاجة محرك السيارة الى المزيد من الاحصنة لكن هذا غير مهم قياسا بفوائده وسهولة استخدامه ومأمونيته

[no fear 78]

فوق السيارة احسن ابكثير بس ابحدود المعقول واذا بعد تاخذ ابنصيحة مجرب في محلات الخيام و زينت السيارات عندهم شنطة امفصلة على الموتر بارزه صناعة قوية مقاوم للماء و التمزق قوة جدا و قوي سبحانه انه شارية اب 100 ريال من محلات الزينة السيارات في الثقبة
بتوفيق

[عاشق هلوكس]

مشكورين ..
الله يعطيكم العافيه ..

الوالد حفظه الله إقتنع انه يحط العفش فوق السيارة