قررت شراء كفرات ومحتاج رائيك عزيزي القارئ

[رحال300]

السلام عليكم ورحمة الله وبركاته

قررت اركب كفرات ومع ارتفاع الاسعار يصير الواحد رايق شوي

المهم احترت بين كفر
1 - كوبر
2-يوكوهاما
3- بف قدرتش بس ماحصلته في السعوديه ولا هو رقم 1
4-مستر كرافات

طبعا مابي غير ذولي لاحد يقول دنلوب وماكسس ومدري وش

تحياتي للجميع

[محرين باالخير]

يا اخي يوكوهاما بلا مقارن يعتبر من افضل الموجود من بين مشلان . برلي .برجستون ياباني وباقي اختيارك الصراحه لا انصح بها غير عمليه

[رحال300]

شكرا على مرورك وسؤال هل جربت الكوبر؟ او البف قدرتش؟

[فصاص]

يوكوهاما اليابانيه حجري

شفتها على موتر خوينا ابو صالح (عدو الحراميه) الباثفايندر وكان يمدحها بالحيل ويقول انها افضل من الهانكوك الي كانت قبل عليه ,, وانت تعرف ابو صالح اكيد راعي مراقى ومطامر

مستر كرافت اذكر اشتكى منها واحد من الشباب انها قاسيه شوي , اذا تبي كفر امريكي جرب الجنرال بس لاتاخذه الا من وكيله في الرياض ,, هو نفسه وكيل كفرات بريلي على مااظن لان الي في الغرابي كاها مغشوشه ( الجنرال هو الي يجي على التاهو شد بلد اسال مجربينه )

بس وراك على الدنلوب ههههههههههه انا مركبها في موتري الباترول ودخلت بها كل مكان ماقالت لا بس انها تزاعق شوي مع اللفات

[كريزي نت]

وش السياره طيب ...؟ هل هي اللي في التوقيع أو غيرها ...

اذا هي اللي في التوقيع البافندر ان اصوت لليوكوهاما ... والله يوفقك ويكتبلك الخير والخيره

[رحال300]

فصفاص
منورر الموضوع عزيزي
اليوكوهاما انا بركب عادي موب حجري المقاس 265/65/17
ويقولون ثقيل مع انه داخل مزاجي بلحيل
المستر كرافت انا جربتها لمدة سنه الحجري عزالله انه كفرر ركبه وانس البناشر
بس عيبه الصوت
ويجي منه ناقشه ناعمه مافي صوت بس ماجربته الصدق لاكن انه لين الين من الدنلوب
وتراي مابي الدنلوب انا قصدي 17 اما ال16 حلو وماعليه كلام لاكن 17 كانك تمشي على جنط حديد مافي كفرات عيون القطط براسك وعادي يطلع الرباق من قوه المطب يابس عن تجربه اما الي يطبله
قله السلام عليكم

والاسلام عليكم

[رحال300]

وش السياره طيب ...؟ هل هي اللي في التوقيع أو غيرها ...

اذا هي اللي في التوقيع البافندر ان اصوت لليوكوهاما ... والله يوفقك ويكتبلك الخير والخيره
هي الى في التوقيع وهذا اكستيرا موب باث فندر

وحياك الله ومشكور على التصويت
والله العالم انه اقرب ماله اليوكوهاما

[بحر الاشواق]

ليه ماتشوف الهانكوك لها مهي اكثر من سنتين وماشاء الله روعه

[تركي98]

يوكوهاما ولا كوبر وغيره لاتدور ... ينفع لموترك وجوده عاليه عن تجربه
ولا يهون الهنكوك رغم ان العالم حاقرته مدري ليه مع اني جربته والله على موتري سفاري 91 وجلس 3 سنوات والله العظيم وبعت الموتر وهي مافكت مع اني راعي شعبان ونفود وحتى راعيه اللي شراه قلت له ترى الكفرات قديمه لها 3 سنوات والله انه ماصدق ويناظرها ويقول لا يارجال ماجاها استخدام مع اني كارفها كرف لكن مشاء الله تبارك الله ماشفت منها خلاف ويالله اقتنع الين وريته تاريخ التصنيع.

اليوكوهاما على موتر واحد من ربعي وماشاء الله ماشيه معه مع انه راعي وعر لكن يقول قاسيه شوي

اما الكوبر ..شريت للوالد الله يحفظه (اكسبلورر) امريكي قبل سنتين جبته له من دبي وعليه كفرات كوبر تاريخهن 2008 ولا غيرناهن مع انهن واضح عليهن الكرف ومتاكلات لكن الوالد قال بغيرهن بعد 6 شهور الين يجي الصيف لاني شاري له الموتر باول الشتاء ووالله انه خلاهن ولا غيرهن بالصيف الماضي وراح عليه للقصيم اكثر من مره وراح عليه للوجه يقنص وماشاء الله تبارك الله ماشتكى منهن وغيرتهن عاد قبل شهر تقريبا قلت له لازم عاد نغيرهن خلاص ماقصرن والوقاية خير من العلاج وركبت له طقم هانكوك.
ان شاء الله اكون افدتك ياخوي وتقبل تحياتي.

[شيخ المواتر]

والله الوالد ذم الكوبر ركبها مره ,,,و غيرها إلى برجستون.

من عام 2004 إلى الأن (ماشاءالله).

و بالنسبة لسؤالك .

أفضلها اليوكوهاما بوجهة نظري .

[رحال300]

الله يعافيكم
تم تركيب كوبر 17 245/65ب600ريال الواحد

[بيق مان]

الله يبارك لك فيما شريت
بي اف قود ريتش موجود في السعودية ووكيله الجفالي وضمانه مفتوح .. للعلم فقط.

[WWS]

الله يعافيكم
تم تركيب كوبر 17 245/65ب600ريال الواحد


الله يعطيك خيرهن ؤ يكفيك شرهن
مطآمر آلعآفية بآذن الله .,.,.:D:f
من ؤين آخذتهن آذآ آمكن

[عفط]

حبيبي انا مجرب كفرات فيدرال لجيب باترول
الصراحة قمه بالروعة لينات نوعآ ما وينصبن الموتر وسعرهن ممتاز بـ370
صدقني راح تدعيلي