أفضل رشة لحماية السيارة وقت السفر

[ابو طوق]

السلام عليكم
ابسألكم عن افضل رشة لحماية وجهية السيارة بحث انه ماتضر لمعة السيارة وتنضيفة يكون سهل

[ملك الفكتوريا]

ايه تكفون


حتى كنت بنزل موضوع بس يالله يا أبو طوق ننظم معك وأهم شئ لا تسرع






أنا اذا ما أحد افادني بحط شامبو لا دموع بعد اليوم أو نايلون

[مراسل الرين]

فيه ناس يقومون بوضع عازل شفاف على وجهيه السيارة بصراحة أنا مجربة

[عديم الوصف]

ماينفع اي رشششششه ابدا ابد ينفع البرقع فقط ...

[alith]

الفيري
بخمسه ريالات فقط
http://www.aleqt.com/a/261419_50245.jpg

[ابو طوق]

الفيري

بخمسه ريالات فقط

http://www.aleqt.com/a/261419_50245.jpg



الفيري وانا اخوك ماينفع لمعة السيارة تروح


ننتظر باقي الاعضاء ونشوف رايهم

[المهند 1]

وعليكم السلام ورحمة الله
اذا وضع الفيري على السيارة وهي باردة مايضر على ماسمعنا وسئل



مع التحية
ابومحمد

[alabewy]

السلام عليكم

انا انصحك بالفيري بس بشرط
اول ماتوصل بالسلامه للديرة اللي انت رايح لها على طول غسيل

وانا جربت انواع كثيرة منها تغبيرة الرملية اللي عند محلات الزينه وهذي اول ماتمسك خط تطير
والثانية اللي يجي بخاخ شفاف انحش ولاتقربه لاني طير لي صبغه الموتر

والبرقع افضل منهم كثير بس يبيلك واحد فنان عشان يضبطه لك وما يطقطق على الكبوت اثناء السفر


وبالاخير ما اقول الا ان الله يجمعنا واياكم بجنات النعيم يارب

[ابو طوق]

رايكم بالتضليله على الانوار والشبك الامامي والزجاج الامامي للسيارة بينفع والا لا

[شعيب النمر]

رايكم بالتضليله على الانوار والشبك الامامي والزجاج الامامي للسيارة بينفع والا لا

الا ماينفع يا عزيزي لأنه رايح يضعف الانارة عندك ويقلل من قوة الانارة وهذا فيه خطر عليك

[فهد بن مشبب العاصمي]

الفيري ممتاز جدا بس كثر شوي ولازم اول ماتوصل تغسله لأنه لو طول يروح اللمعه

[العواد 2]

وعليكم السلام ورحمة الله
اذا وضع الفيري على السيارة وهي باردة مايضر على ماسمعنا وسئل

[قناص*07]

الفيري وبس

بس اول ما تاصل غسل الموتر وحاول ان شمس الظهر ما تجيه
وسلامتك

[عاشق الموطن]

كثير من الطرق جربتها
البخاخ والفيري والتغبيره واللصق الشفاف والفازلين والشحم والسفن اب الله يعز النعمه لاكن اضطريت لعدم وجود الوسائل السابقه
ووجدت ان اللصق الشفاف للشمعات ممتاز ولايعلى عليه تجليده من المكاتب واللصق الابيض للبدي من محلات الزينه ويليه الفازلين والشحم والفيري للرجال المستعجل

والافضل من هذا كله اذا واجهت سافي او غبار هدي السرعه ولاتمشي اكثر من 60
والله يوفق الجميع ويبعدهم عن مشاكل الخطوط ويوصلهم سالمين ان شاء الله

[B Z B O O Z]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[-ahmed-]

أدري كثرة عليك الاختيارات بس انا مجرب شامبو بانتين او هيد اند شولدرز ممتاز لانه بارد على السيارة بس الفيري في الاجواء الحارة يحتمي واحس انه يصفر البدي والشامبو اقعد بالاسبوع والعشر ايام بس كل ما غسلته بدري افضل.. وسلامتك

[mamoun126]

الاخوة الاعزاء هل فعلاً البانتين مناسب للسيارة وافضل
تاكيداتكم رعاكم الله

[قناص 28 عفيف]

شامبو حق الاطفال جونسون كثير ناس يمدحونه
وانا ماجربتهم

http://i395.photobucket.com/albums/pp34/sahoor/johnson-and-johnson-baby-shampoo-ch.jpg

[مسير عليهم]

اذا موترك جديد ركب عازل شفاف ولو كلفك 1000 ريال


اعرف قريب لي سافر الامارات بيوكون 2012 وحط فيري وبعد مارجع راحت عليه الكشافات والشمعات

اخوي قبل اسبوع على لومينا جاي من الشرقية حاط فيري يوم وصل لقى الصدام طايره بويته

معي جمس عليه عازل للوجهيه ومشيت مسافه 100 كيلو كله عج وغبار وعلى سرعه 140 الى 180 والحمدلله ماتغير فيه شي

ركب العازل وريح راسك

[خيال المفخره]

موضوع مهم وجاء بوقته

يعني الاجازه رح تبدأ بعد كم يوم او اسبوع والسفريات راح تكون كثيره

المهم

شف يا حبيبي انا جيبي اسود وأعاني من المشكله وقت السفر
وأرجح حل (الفيري أكيد لا !! التغبيره الشفافة او الرمليه طبعن لا

والحل هو رح لمحل مضمووون ومعروف متخصص بتلميع والتجليد وقل ابي تجليد الواجهه ، هذي لك ولزمان بس مؤ معناته ان الترميل مايلزق بالنور ولا بصدام ولا بالمرايا بس اول ماتشيل التجليد ما كان في اي شي

أعطيك مثال بسط ))

المحل الي تركب عنده يعطيك عروض يعني هي راح تكلفك 1000ريال اما تزود شوي او تقل
ورحت لبها البهيه او الشرقيه ورجعه لديرتك بس يوم رجعت الا الواجهه منعدمه من الترميل او الضباب
ورحت تبي تغيرها من نفس المحل راح يفكها وركبها 500 ريال

وهذي التجليد مضمون بعد الله وهذا يشمل الأنوار ونص الكبوت والصدام المرايا و التنده الي فوق البزاز الأمامي بشوي ركبها وأنسا العجاج والضباب

واتمنى انتي افدت الجميل

[هيصم]

الله يوفقكم بي فكره جيده

[hassan611]

احسن شي هو العازال علي وجهيه السياره كامله مع الانوار والقوايم والمرايا رهيب بقووووووووووووووه ركبه ولا تشاور

[أطلال نجد]

السلام عليكم
والله يا أخوان أنا ما أسرع وممشاي بالركادة عشان كذا ما حطيت فيري ولا فلم شفاف ولا غيره
توكلت على الله ورحت للشرقية قبل أسبوعين وكان الجو زين لكن تفاجأت وأنا راجع بالليل وقبل الرياض تقريبا بـ 50 ك.م
عاصوف قوي جداً قاطع الخط وبسرعة لا تقل عن 100 ك.م في الساعة اضطريت أني أوقف بشكل مفاجأ وفي نصف الخط لأني ما عاد أشوف أبد واستمر ذلك مدة 20 ثانية تقريباً أو أقل !
النتيجة أن المرايات النيكل تأثرت كذلك الكشافات والشبك نيكل تأثر والشمعات لكن بشكل خفيف والبدي الحمدلله سليم.. لذا أنا أنصح الأخوان بوضع اللاصق أو الفيري أو البرقع مع تركيبه بشكل صحيح قبل السفر خصوصاً إذا كانت السيارة جديدة.
وبالتوفيق للجميع

[ksa 8888]

الفيرى ممتاز احسان من رشة وسل مجرب :f:good2:

[md_sabra]

والله يا طيبين سافرت الى عمان ورجعت على مار 6 سنوات وما ستخدمت غير فيري .. مناسب ولا اثر بالسيارة وغسلة بسهولة ولو طول ما ضر