مشكلة المكيف ما يبرد لم توقف السيارة وش الحل

[صخر111]

بعد التحية عندي مشكلة بهاصيف اكسبلورري موديلة 2005 ها سنة من بداية الصيف ما يبرد المكيف مثل اول و خصوص لما تكون السيارة واقفة حاررررررررررررر المهم و ديته الصناعية لمحلين و كلهم يقولون هواء الكبرسر ناقص غير الكمبرسر و عب فريون التكلنا على الله وغيرنا الكمبرسر تحسن بسيط بس رجعت نفس المشكله الحين وش السوات دلوني مأجورين و الله يوفقكم مقدما

[hytham]

يا غالي الكمبروسر ما ينقص الغاز حقه الا وفيه تنسيم في مكان من عده اماكن جرب روح عند متخصص مكيفات يكون معروف عنه انه شاطر وخليه يشيك على كل شي من كمبروسور وليات ( اهواز ) المكيف الى الثلاجه الداخليه هذا تسويه كله والتشييك اذا وجدت ان الغاز الجديد ناقص
اما اذا الغاز الجديد في الكمبرسر ما نقص ضغطه وكل شي تمام شيك الثلاجه ممكن تكون متسخه ويبيلها غسيل وغير فلتر المكيف خذ الفلتر من الوكاله ولا تركب غير حق الوكاله

اتمنى ما تكون ركبت كمبرسور تجاري او مستعمل لأنها اثنينها ما تنفع ولا تستحق الشراء ولا التعب الاصلي وفقط الاصلي ( الغالي ثمنه فيه )

غاز الكمبرسور يجب ان يكون الامريكي الاصلي قيمته حدود ال 180 ريال فيه صيني او كوري يكون في حدود 80 الى 100 ريال هذا يكون نكبه على جميع اجزاء المكيف بدايه من الكمبرسر الى الثلاجه فيه ماده مذيبه تلعب بحسبه المكيف لعب

اتمنى يكون حل مشكلتك هذا هو والسلام عليكم ورحمه الله

اخوك هيثم

[السومر]

اذا كان المكيف وانت ماشي تبريده حلو وراضي عليه ولا وقفت صار تبريده ضعيف

فا مشكلتك ( الترموستات ) حساس يفصل الكمبرسر عند البروده الزايده ويرجع يشبك مره ثانيه للحفاظ على البروده المحدده

لانه اذا شبك الكمبرسر ولا فصل راح يجمد ونفس ما يصير في مكيفات المنازل اذا جمد ما عاد يبرد لكن لو فصل

بشكل منظم ما يجمد

فا تأكد من الترمستات واذا غيرت الكمبرسر الاول ياليت ترجعه اذا هو اصلي

وان شاء الله اني افدتك

[صخر111]

يا غالي الكمبروسر ما ينقص الغاز حقه الا وفيه تنسيم في مكان من عده اماكن جرب روح عند متخصص مكيفات يكون معروف عنه انه شاطر وخليه يشيك على كل شي من كمبروسور وليات ( اهواز ) المكيف الى الثلاجه الداخليه هذا تسويه كله والتشييك اذا وجدت ان الغاز الجديد ناقص
اما اذا الغاز الجديد في الكمبرسر ما نقص ضغطه وكل شي تمام شيك الثلاجه ممكن تكون متسخه ويبيلها غسيل وغير فلتر المكيف خذ الفلتر من الوكاله ولا تركب غير حق الوكاله

اتمنى ما تكون ركبت كمبرسور تجاري او مستعمل لأنها اثنينها ما تنفع ولا تستحق الشراء ولا التعب الاصلي وفقط الاصلي ( الغالي ثمنه فيه )

غاز الكمبرسور يجب ان يكون الامريكي الاصلي قيمته حدود ال 180 ريال فيه صيني او كوري يكون في حدود 80 الى 100 ريال هذا يكون نكبه على جميع اجزاء المكيف بدايه من الكمبرسر الى الثلاجه فيه ماده مذيبه تلعب بحسبه المكيف لعب

اتمنى يكون حل مشكلتك هذا هو والسلام عليكم ورحمه الله

اخوك هيثم

مشكور يالغالي الكمبرسر خذتة من موزع و يقول اصلي لكن و واضح ان المشكلة ليست من الكمبرسر و الدليل ان نفس المشكلة موجودة.

[صخر111]

اذا كان المكيف وانت ماشي تبريده حلو وراضي عليه ولا وقفت صار تبريده ضعيف

فا مشكلتك ( الترموستات ) حساس يفصل الكمبرسر عند البروده الزايده ويرجع يشبك مره ثانيه للحفاظ على البروده المحدده

لانه اذا شبك الكمبرسر ولا فصل راح يجمد ونفس ما يصير في مكيفات المنازل اذا جمد ما عاد يبرد لكن لو فصل

بشكل منظم ما يجمد

فا تأكد من الترمستات واذا غيرت الكمبرسر الاول ياليت ترجعه اذا هو اصلي

وان شاء الله اني افدتك

اللة يخليك لعين ترجيك التبريد و السيارة ماشيه جيد بس الترمستات وين موقعة في المكينة بس ما التوقع لان السيارة اول ما شغلها يضل المكيف حار لمدة دقايق ثم يبرد.

[وبل]

ياصخر عندك مشكله في مراوح التبريد ....وخاصه المروحه اللي تشتغل مع المكيف...

واذا تقول مافيه الا مروحه وحده ...صح مافيه الا وحده بس المروحه هذي له سرعتين ..السرعه العاليه مع تشغيل المكيف...

هذي المشكله سبق وصارت معي بكراون فكتوريا...وبعد الفحص تبين ان سرعه المروحه الثانيه ماتعمل..

شيك على المروحه قبل تخسر ...ويضحكون عليك العماله التعبانه ....انتظر ردك :)

[مريتو]

الحل غير فلتر المكيف

[العواد 2]

انا عندي اكسبديشين 2006 اذا مشيت يبرد واذا وقفت يحتر اجبوني لني ناوي اطلع علية مكة

[أبوياسر1]

موفق يالغالي..وأعانك الله

[السومر]

ياصخر عندك مشكله في مراوح التبريد ....وخاصه المروحه اللي تشتغل مع المكيف...



واذا تقول مافيه الا مروحه وحده ...صح مافيه الا وحده بس المروحه هذي له سرعتين ..السرعه العاليه مع تشغيل المكيف...


هذي المشكله سبق وصارت معي بكراون فكتوريا...وبعد الفحص تبين ان سرعه المروحه الثانيه ماتعمل..



شيك على المروحه قبل تخسر ...ويضحكون عليك العماله التعبانه ....انتظر ردك :)



التوقع لو كانت المشكله من المروحه كان ارتفعت الحراره

[السومر]

يا أخي الكريم

انت تاكد بنفسك افتح الكبوت وشغل المكيف

اذا ما سمعت الكمبرسر يفصل فهذا من الترمستات

وانت اذا رحت للورشه قله ان مشكلتك المكيف اذا وقفت ما يبرد

وقله شيك على الكمبرسر يفصل ولا لا

[السومر]

بعض الاخوان ذكروا اسماء لمحلات مختصه بمكيف السياره يمكن تفيدك


البليسي اللي بالصناعية القديمة ؟



شارع عبدالرحمن بن عوف شرق معارض النسيم يوجد محل بعد مغسلة الجبر سوري (امين)اسم على مسمى وسعره معقول .

[رسيس نجد]

ممكن من الفلتر حق المكيف 0تلقاه في الدرج 0

[خشم العرمة]

شوف حبيبي مشكلتك في مروحة التبريد الامامية

السعودي يجي له مروحة تبريد خلف الشبك الامامي تشتغل مع المكيف وتطفى مع المكيف على سرعتين

اذا سيارتك سعودية شريك مروحة التبريد
اذا سيارتك امريكية ولا يها مروحة تبريد انصحك تولف لها مروحة ويشبكها لك مع زر المكيف

[مطر وسم]

مشكلتك صارت معي بس في سياره ثانيه مو اكسبلورر
فحصته كم مره كلهم يقولو الكمبروسر ضعيف لازم توضيب وفعلاً وضبته عند ناس متخصصين والحمدالله له سنتين تبريد عالي ثلاجه ماتغير ابد
يمكن انت غيرت كمبروسر مو اصلي او موضب توضيب مشي حالك
وفي اعتقادي المراوح مالها تأثير كبير على التبريد لأن عندي بعض الاحيان تفصل المراوح والتبريد عالي

وشكرا

[comheeros]

اما عكسك تماما في السيارة 2007 اكسبلولر اذا ماشي فوق 80 كم المكيف ما يبرد واحس برطوبه خفيفة واذا واقف يصير بارد

ماني عارف السبب .

[نور الرجعة]

انا عندي فورد ماركيرز موديل 99 اذا وقفت ما يبرد المكيف واذا مشيت برد سألت الاصدقاء يقولون مروحة المكيف وانا سيارتي امريكي وش الحل ،،،،،،،،،،،،

[السومر]

بالتوفيق وان شاء الله تجد الحل