استفسار بخصوص البطارية الإضافية . . .

[عطي الله]

السلام عليكم وحمة الله

عندي إستفسار بسيط بخصوص البطارية الإضافية

أنا عندي هايلوكس بطاريته 55 امبير

وفكرت أحط بطارية إضافية وعندي إستفسارين :

الأول : ما أدري وش الامبير المناسب للبطاية الإضافية

هل أركب مثل البطارية الموجوده 55 امبير مع أني أحس انها شويه أو أركب 80 امبير؟

والاستفسار الثاني : وش الأفضل منظم رفيق الدرب ولا الكتاوت الأصلية ؟

وشكراً

[شاص نيسان 93]

وش استخدامك على البطاريه الثانيه

[سوبر VTC]

ياطويل العمر كل مازاد الانبير فهو افضل
يعني مثل تانكي الجيب يجي تانكيين تانكي 90لتر و تانكي صغير 45لتر
الشاص تانكيين كل تانكي 90لتر
الباترول نفس الكلام 90لتر و 45لتر
احد الاعضاء معه فورد و مركب بطارتين اضافيتين بموتره يعني 3بطاريات
لتوضيح الصورة تخيل بطارية موترك مثل تانكي الكورولا 50لتر
و تحط بطارية اضافية يعني كانك حاطن تانكي جيب 90لتر
لو تحط 10بطاريات العملية وحدة بط1 + بط2 + بط3 = 12فولت مهما زاد الانبير فان الفولت ثابت12
طبعا انصحك تحط 80انبير و طالع لك وللزمن و احرص على بطارية دايو كورية
على فكرة
اذا شغلت الموتر لشحن البطارية الاضافية فان الدينمو سيشحن فقط الاضافية لان الاساسية فل
يمر الكهرب من خلال الاساسية و يذهب لشحن الاضافية
مافي ضرر على الدينمو كانك تشحن الاساسية
اخبر واحد مركب بطارية 120انبير اضافية حقت تريلة و مثبتة ل3 سنوات في شنطة كورولا م2002 و الدينو يشحنه و الوضع تمام

[عطي الله]

أخوي شاص نيسان (http://www.mekshat.com/vb/member.php?u=205139)93 (http://www.mekshat.com/vb/member.php?u=205139)

أنا مركب شد حايلي وقالوا ضروري تركب بطارية إضافية عشان يكون كهرب الشد عليها

أخوي سوبر (http://www.mekshat.com/vb/member.php?u=53291)VTC (http://www.mekshat.com/vb/member.php?u=53291)

الله يعطيك العافية على هالتوضيح الجميل

بس اللي أشكل علي في الموضوع هو أني يوم رحت لأحد المحلات قالي لازم تكون إمبيرات البطارية الإضافية نفس إمبيرات البطارية الأساسية يعني إذا الأساسية 55 امبير تكون الإضافية 55إمبير

[كوكب منير]

:s
السلام عليكم ورحمة الله وبركاته
أخي عطي الله يفضل دائماً التوازن في كل شيئ وتعتمد على حسب الأضافات التي سوف تستخدمها (كالثلاجة-تلفزيون ودش-مكيف مراوح تلطيف ((بخار)) )
وكلما كانت أستخداماتك كثيره أجعل الأساسية 90 أمبير وكذلك الأحتياطية فيكون عندك 180 أمبير تطول معك ولا تضعف.
ونصيحة مجرب لا تضع أي منظم للكهرباء بحيث لا يتم التعبئة إلا والموتر شغال حيث أن ذلك سوف يفسد عليك جميع البطاريات.
:l دع البطاريتان موصولتان يتم التعبئة لكليهما:l
:sلا تقول ما قالي أخي كوكب منير فهذه من تجربة مني ومن كل من ركب بطارية أضافية حيث بالمنظم تتلف البطارية الأساسية والأضافية:s
:sيشرفني قبول التحية منك وممن شارك وسوف يشارك وشاهد وسوف يشاهد:s

[شفت]

الشباب ماقصروا

[رسيس نجد]

افادوك اهل الخبره

[عطي الله]

الله يعطيكم العافية ولا قصرتوا