مشورتكم عن أفضل مكيفات سبليت

[Tracer]

السلام عليكم ورحمة الله وبركاته

حبيت اسألكم عن أفضل مكيفات سبيلت طن ونصف اللي هو 18 وحده

وطنين 24 وحده ..

من ناحية الجوده :good2: والتبريد :) والصياااانه :(...

مع العلم اني من سكان

((المنطقة الشرقية)) والجو:f غني عن التعريف :D ..

[من البدائع]

انصحك في دايكن
يوجد في السوق منه تايلندي وصيني احرص على التايلندي
أداء جيد عملي هدوء

كمان ان شركة دايكن يابانيه متخصصه في التكييف فقط

مشكلته ارتفاع سعره ولكن مقابل جودته لا شئ

[اسهيل]

كلا اخوي حلو دايكن مكيف جيد ايضا مكيف او جنرال وحرص على كلمت اواو ايضا ال جي بس خذ كوري كوري لا تاخذ سعودي لو يقول بلاش

[فيراري]

وعليكم السلام

الله يجزاك الجنه على فتح هالموضوع ...... ابي اشتري واحد من اسبوع ومتحير , ولكن الحين بشوف الراي وين يوصل .

دمتم بخير

[جزر العرب]

اخوي انا سألت وطلع النتيجه هي

1- او جنرال >> انتبه اخوي فيه نوع شبيه بأسمه صيني اسمه جنرال .
2- فوجي تايلندي .

وصاحب المحل يقول ان صنعها واحد بس يختلف الاسم

وانا لم استخدمها ولكن سألت
بس سعرها غالي

والله اعلم

[عساس المطر]

كبر جيبك وخذ ميتسو بيشي 24

[دل البحار]

أأأوه ميتسوبيشي
أو جنرال لكن يكون جنرال الزقزوق
بطران بكل معنى ونصيحه لاتقرب ال 18 مشاكله اكثر من 24

[كانو1]

جنرال من الوكيل الزقزوق وبس !!!!!!!!!!!!! الله يعينك على السعر
اشرط مع التركيب بسبب الظمان
يقولون اللي ماهو من الوكيل يخوف .

[كسير الحظ]

السلام عليكم


عندك الفوجي ياباني والكمبرسور حقه نفس كمبرسر الاوه جينرال
وكيل الفوجي الاساسيه ( المشهوره بمكيفات سانيو و مكيفات قري )

وعندك الاوه جينرال ( الفوجي ارخص منه ونفس الكفاءه و التبريد حسبي رايي الشخصي )

نصيحة لو كنت مكانك ما بعدت عن واحد منهم اوه جينرال او فوجي
والخساره بالعمر وانا اخوك

[سفير القدس]

السلام عليكم ورحمة الله

قبل عدت ايام ذهبت الي الصندوق الاسود

وخبرني صاحب المحل ان المكيفات اغلبها اصبح تجميع السعودية وخاصة ال جي

وقال لي اذا وجدت مكيف لاتأخذ تجميع السعودية

[كهربان]

انحش عن ال ال جي فكنك مركب مكيف شباك ماهو مكيف سبيليت انواع الصجه والنفخ والازعاج .. فانا ماخذ منه ثلاثه كله قربعه ..
لكن ان كان القريشات على قدك فلا يفوتك ماندو الصيني فهو رخيص وجيد ويمدحونه اكثر المحلات بعد ان قطعتها تقطيع ..
مع العلم اني ماخذ يوجين وفريقو وكلها احسن من ال ال جي من ناحيه الصوت والهدوء بمراحل .. ولكن الدعايه تلعب دور ..

[بربنجي]

اسال عن السامسونج
وعندك حسب علمي الميتسوبيشي هو الوحيد الي يجي ياباني ولا تسترخص شي في المكيف
المثل يقول يا مسترخص اللحم عند المرق تندم
وحسب علمي ال جي ما يمدحونه ناس كثير
والله اعلم

[عاشق النفود 111]

وعليكم السلام ورحمة الله وبركاته

ابي ارشح حسب السعر

الاعلى سعر : فوجي

السعر الاقل : يوجين

أقل سعر : هام

الاول ممتاز .. الباقيات تؤدي الغرض أحسن من غيرها

[عالي الكيف]

قري gree الصيني

مناسب في سعره وتبريده

ثلااااااااااااجه ماشاء الله تبارك الله

[Tracer]

الله يجزاكم خير يا أخوان
للأسف الدايكن ماعد منه تايلندي الموجود كومبرسر صيني
وقررت آخذ 2 طن فوجي للغرف والمجالس
والمطبخ بآخذ Gree طن ونص
وشرايكم

[mobe]

نعم بالفعل أخوي تراسر الدايكن ماعاد باقي تايلندي.
أخذت هالسنة للملحق صيني دايكن لكن ماهو مثل الأول التايلندي.
الفوجي رائع جدا وأهم شي إنتبه تغلط غلطتي .ركبت للصالة 30 ألف وحدة الدولابي عشان السعة.لكن بعدما سكنت تبين لي إن صرفيته عالية جدا في الكهرباء .والعيال الله يصلحهم يروحون ينامون وينسونه شغال والحسابة بتحسب.ولذلك صرنا مانشغله إلا في المناسبات ونكتفي بالصحراوي.لو إني مستدرك أمري ركبت 2 مقاس 18 كان أوفر وأفضل .

[wafi4sa]

ننتظر باقي الأراء حيث انني ابي مكيف سبلت بس ابي صيني
واحد رشح ماندو وابن عمتي مركبه ببيته دائما يمدح فيه
والله يوفق الجميع

[نديم القهوة]

شف طال عمرك
افضل الوجود (الأن) فوجي ، جنرال ، LG الكوري فقط ..
واحذر اللي يجي كمرسره أو تجميعه صيني أوسعودي الناس ما تمدحه والله اعلم
LG الكوري ركبت عندي منها (8) واخترتها لجوده الخدمه ما بعد البيع فمحمود شاكر وكيل LG معروف بالصيانة ومراكزه متوفره باغلب المدن مع ان سعره غالي شوي في الكوري طبعاً ..

[المهاجر انا]

من ناحية الصيانة ال جي ومن ناحية ركب وانس وتبريد فوجي وترتيبه في الصيانة رقم اثنين بعد ال جي

[t3ebt]

ابتعد عن ال جي

ال جي از غيره تحصل مكينته الخارجيه كبيره واللي داخل هم بعد حجمه كبير

لكن الاهم هو الكمبرسر صغير جدا بالنسبه لحجم الجهاز ولو وصلت الحراره فوق 45 يالله يلحق ويتعب وعلى طول شغال ويصرف كهرب


عن تجربه اكرر لك ابتعد عن ال جي مع اني اخذت افضل نوع طنين ونص لكن للاسف كان مزعج جدا ومايلحق يبرد المكان والسبب اني ساكن في الدور الثالث يعني الشمس تضرب المكان طول اليوم


والحين عندي فوجي طنين ونص في نفس الموقع

مشاء الله

تبريده جدا ممتاز وهادي جدا

[المنور1]

عن تجربة شخصية


أنا كنت حااايس زيك وش آخذ الكل يقول التايلندي وأسأل عنه الا أسعااااره نااار تقريباً فول الأربعة آلاف وحواليها


والصيني والوطني يقولوا انحش منه


الا وها اللي يقول ترى فيه سامسوق تايلندي توووه جاي وعليه عرض بـ 2800 ريال مع التركيب


وأقزح يمهم وأسألهم قال لي صح وأصك لي بواحد تبريده يبرد القلب لكن جاب لي المسؤل في المعرض مهندس متعاون للتركيب من برا ماهو تبع الشركة وأنا أنصح ان لا تطيعهم يعني لازم مهندس الشركة نفسها والا بلاش


ولكن بعد مدة يجي اسبوعين والا عاد يطلع هواء حار وما يبرد دقيت على الصيانه حقتهم ويعطوني موعد المهندس تبع الشركة


وجاني وشاف المكيف قال لي العيب في المهندس اللي ركب ما شد الصاموله مزبوط ودقوا عليه وقالوا لازم تمر على الزبون تعبي فريون

وصاروا كل شوي يدقوا علي من الشركة هاااه وش اللي صار معك وأسأله كثير من الرياض ومن جده ومن عندنا بالمدينة مركز الصيانه يعني يحسسوك انهم مهتمين في الزبون وأن تكون معهم مرتاح


ولكن بعد حوالي كم ساعه والا رجع زي أول دقيت على المهندس وجاء الله يهدينا وياااه وقلت ترى لو ما زبطته المره هذي ترى بأتشره منك قال لي اطمئن


شيك عليه قال لي الصاموله اللي بأشد به تبين لي انها مكسورة من جوى وغيرها وعبى فريون والحين ماشاء الله زي العسل والحمد لله



والله يوفق الجميع

[hawe-albr]

.fd;nfl. 'dfl






FD'IF[

[alwadi711]

مكيفات شركة فوجي احسن شي

[أبوسليمان السهر]

أخوي أشور عليك بما أنك طلبت المشورة
(ماندوو) ممتاز والمقاس 24 وبإذن الله ترتاح

[ابو عذال]

خذ فوووجي والرزق على الله ينفخ نفخ

[الصيهد.......]

فيه نوعيه طيبه انا والله ركبتها له 3 سنوات
صناعه الصين والكمبرسر هيتاشي
وهي ماندور بلس 24

والله يكتب لك الي به الخير

[mekshaat]

الماندو يمدحه أحد الأشخاص شعال بالتكييف وعنده أنواع كثيره
سمعته يقول الماندو جيد وذكر لي مكيف الصراحه نسيت
اسمه ممتاز لجو الشرقيه ويتحمل وأثبت قوته حسب تجربة شخص
صديق له ساكن بالشرقيه يقول مانركب الا هو من سنوات ولافيه أي
مشاكل ودي اني أعرف اسمه عشان أذكره لك.

[خالد777]

او جنرال
فوجي
هيتاشي

مجربه و ممتازة

[المحلاني]

اسأل على

KG