قدر الله وحصل حادث على ولدي يبلغ من العمر 16 سنه [الأرشيف]

احلى البشر

29/06/2011, 07:48 PM

السلام عليكم ورحمة الله وبركاته ..
بارك الله فيك اخواني الكرام ...

قدر الله وحصل حادث على ولدي يبلغ من العمر 16 سنه على سيارة خاله وعلماّباأن السياره لايوجد تأمين عليها
صدم السياره من الخلف وانقلب الجيب على الجهه اليسرى للسواق.

المرور حمل أبني الخطأ 100% سيارته موديل 95غمارتين تويوتاوالسياره الي صدمها موديل 2006 جي اكس آر
والصدمة في( الجهه اليسرى+الصدام الخلفي +الكفرات )
وعلى كلام صاحب السياره لقسم الحوادث ان الماكينه خبطت والقير انكسر... ... الخ
تقريباًالجهه اليسرى كامله ):no2:

وقدر شيخ المعارض فرق السيارة قبل وبعد الحادث ب50000 الف ريال :eek::mad::eek:رفضت التسعيرة بحجة ان التسعيره كثيرمبلغها:confused:

هل يحق له يجيب قطع وكاله

سؤالي هنا : هل نظام المرور يجبرني على قبول قطع الغيار الوكاله ؟ وهل في نظام المرور يجبرني على ذلك ؟؟
اتصل بي رجل المرورللحضورودفع المبلغ؟؟ورفضت قبول التسعيره!!
وقالي رجل المروراحول المعاملة للمحكمة الشرعية للنظر في الموضوع المعامله

وش راح يحكم الشيخ؟؟

وهل يقبل الشيخ بتسعيرة المعارض و الفصل في ذلك هو تقدير شيخ المعارض ؟؟
وهل يحق لي اطلب تسعيره جديده من ورش الصناعيه
افيدووووووووووني جزاكم الله الف خير,,,,ماهو الحل؟؟؟
وعسى الله يكتب لنا ولكم اللي فيه الخير ..

™¶¾»§«¼¶احلى البشر¶¼»§«¾¶™

رشيد22

29/06/2011, 07:51 PM

الحمد لله على سلامة الولد . والله ماعندي علم يفيدونك الاخوان

ماتشوفون شر

البيضاني

29/06/2011, 07:54 PM

أولاً حمد لله على سلامة الولد وباقي الامور تساهيل أما بخصوص تسعيرة قطع الغيار فحسب علمي أن تسعيرة الوكالة لموديل 2010-2011 ولكن لعل الرجل يرضى وحاول أن تتواصل معه ورح أنت ويه لورش الصناعية وتخلص أمور بينكم الحمد لله على سلامة الولد

الصــرح

29/06/2011, 08:10 PM

الحمدلله حمد الشاكرين

على سلامة إبنك(رأس المال)

والله يحفظنا وإياكم وجميع المسلمين

.........

أتمنى منك إستشارة محامي

وعسى الله أن يفرج همك

آمــــين

ms662

29/06/2011, 08:37 PM

الحمد لله على السلامه
وتسعيره الوكاله في الحوادث تكون لاخر ثلاث موديلات
اقل من كذا تكون في الورش التابعه للمرور
الا اذا كانت الاضرار قوية فيكون من شيخ المعارض يقدر السيارة قبل وبعد الحادث والمتسبب بالحادث يدفع الفرق بين السعرين

شاص نيسان 93

29/06/2011, 09:06 PM

^^^^^

كلام سليم

اذا الاضرار قويه يقدرها شيخ المعارض قبل وبعد

كلم الرجال وتفاهم معه افضل حل .. لان حكم الشيخ نفس كلام المرور

لو تروح انت واياه للصناعيه وتوديه لافضل ورشه وصلحها له هذا افضل حل

شعيب النمر

29/06/2011, 09:22 PM

السلام عليكم ورحمة الله وبركاته ..
بارك الله فيك اخواني الكرام ...

قدر الله وحصل حادث على ولدي يبلغ من العمر 16 سنه على سيارة خاله وعلماّباأن السياره لايوجد تأمين عليها
صدم السياره من الخلف وانقلب الجيب على الجهه اليسرى للسواق.

المرور حمل أبني الخطأ 100% سيارته موديل 95غمارتين تويوتاوالسياره الي صدمها موديل 2006 جي اكس آر
والصدمة في( الجهه اليسرى+الصدام الخلفي +الكفرات )
وعلى كلام صاحب السياره لقسم الحوادث ان الماكينه خبطت والقير انكسر... ... الخ
تقريباًالجهه اليسرى كامله ):no2:

وقدر شيخ المعارض فرق السيارة قبل وبعد الحادث ب50000 الف ريال :eek::mad::eek:رفضت التسعيرة بحجة ان التسعيره كثيرمبلغها:confused:

هل يحق له يجيب قطع وكاله

سؤالي هنا : هل نظام المرور يجبرني على قبول قطع الغيار الوكاله ؟ وهل في نظام المرور يجبرني على ذلك ؟؟
اتصل بي رجل المرورللحضورودفع المبلغ؟؟ورفضت قبول التسعيره!!
وقالي رجل المروراحول المعاملة للمحكمة الشرعية للنظر في الموضوع المعامله

وش راح يحكم الشيخ؟؟

وهل يقبل الشيخ بتسعيرة المعارض و الفصل في ذلك هو تقدير شيخ المعارض ؟؟
وهل يحق لي اطلب تسعيره جديده من ورش الصناعيه
افيدووووووووووني جزاكم الله الف خير,,,,ماهو الحل؟؟؟
وعسى الله يكتب لنا ولكم اللي فيه الخير ..

™¶¾»§«¼¶احلى البشر¶¼»§«¾¶™

اول الحمدلله على سلامة ابنك

ثانيا قطع الغيار تكون من الوكالة بغض النظر عن الموديل ؟؟؟؟ اليس من المعقول ان تسبب تلف سيارة ثم تشتري له قطع تجارية ؟؟؟ ما ذنب من اتلفت سياراته بشراء له قطع تجارية مهما كان الموديل النظام الاخير ان تكون من الوكالة فقط فأن لم تتوفر بالوكالة تحضر تسعيرة من اي محل قطع بموافقة المتضرر

ثاني تسعير المعارض تكون ثلاث معارض ويأخذ المرور التسعيرة المتوسطة وهذه المعارض مصرح لها من المرور بتقيم قيمة السياراة

احلى البشر

29/06/2011, 09:58 PM

مشكوركل شخص رد ع الموضوع

والله يستر عليكم ويحفظ لكم لكم اولادكم

الرجال جلس اسبوع وهو ماحضرالثلاث تسعيرات الى اليوم الصباح جابهم والرجال راكب راسه

يبي الفلوس ولا يتفاهم مع احد والعسكري وقت الحادث ماسلم منه يتلفض عليه؟

وناوي يضرب الولد ويهددانسان غريب للاسف صعب التفاهم معاه!!!!!!

العتيبي 88

29/06/2011, 10:00 PM

اولا ياغالي
الف الف الحمد لله على سلامة الولد والله يخليه لك وأخوك وأهم شي سلامة الارواح ولا الحديد تساهيل ياغالي ..
أنا من رايي تكلم الرجال وتواجه وتقوله راح اوديك لاحسن ورشه .. واجيب للك قطع قطع غيار اصليه ... وتفاهم أنت وياه وأن شاء الله مايكلفك .. فوق 25 الف ريال الله يسر آمورك ..

اخوي اذا صار الرجال مايتفاهم للك أسلووب .. قله ماعندي شي أدفعه كاش ولو راحت للمحكمه ابي اخرك وأخر شي يمكن اعطيك اقساد قله منت مستفيد شي لانها اذا وصلت للمحكمه جلسه ورى جلسه ... فحاول تتفاهم معه قل الورش اي تشتغل واجد والقطع ابشر بها من الوكاله

ابو صقر 111

29/06/2011, 10:06 PM

وسع صدرك ولا تستعجل ما دام الرجل احمق ومع سعة الصدر وعدم الحضور الا بالكلده رايح يرضى بالحمى بعد المليله ترى نظامنا غرض البطول

احلى البشر

29/06/2011, 10:14 PM

الله يسمع منك اخوي ابو صقر ويهديه

الحصان 1

29/06/2011, 10:20 PM

الحمد لله على سلامة الولد
والشرع مطهرة خليهم يحولونها للمحكمة

شعيب النمر

29/06/2011, 10:34 PM

اللي يقول الرجل احمق ومن هالكلام ؟؟؟ عيب عليكم

نحن لا نعرف الطرف الثاني ولم نسمع وجهة نظره وليس عيب ان يطالب بحقه
الرجل اتلفت سيارته وربما هي ملكه بهذه الحياة او ربما هي ليست له ؟؟
فلماذا نحكم عليه ونحن لم نسمع وجهة نظره ؟؟؟؟

Turki1

29/06/2011, 11:04 PM

اولا: الحمدلله على سلامه الولد .
ثانيا: ضع نفسك مكان الطرف الآخر واحكم بما يرضيك.

راعي الpath

29/06/2011, 11:39 PM

السلام عليكم

اولا الحمدلله على سلامة الولد وهذا المهم

ثانيا اذا تقدر تتفاهم معه على انك تصلحها في الورش زين ولا عطه الفلوس ترى تحويلها للمحكمه بيعطلك وبيعطله وفي النهايه بتكون نفس المبلغ. ولا تلومه صادمه من الخلف ومعدم المكينه و القير والجهه اليسرى

ثالثا اتمنى من الجميع التامين على سيارته علشان ما تتكرر هذي المشكله

ديزب

29/06/2011, 11:43 PM

أولاً حمد لله على سلامة الولد وباقي الامور تنحل بمشيئة الله ...
بالنسبة لموضوع القاضي أنا حضرت مرة جلسة بين متخاصمين أمام القاضي
فكان المتسبب مخطيء 100% وكان تقدير تصليح السيارة 8000ريال شاملا قطع غيار أصلية على ذمة صاحب السيارة المصدومة فحكم القاضي بأن يدفع المتسبب 3000 ريال لصاحب السيارة فاعترض صاحب السيارة بان القطع لوحدها تكلف من الوكالة أكثر من 5000 ريال فرد القاضي سيارتك مستعملة وكان موديلها 97 والموديل الجديد آنذاك 2003 ويجب عليك ان تشتري قطعا مستعملة لسيارتك (بهذا اللفظ )
فأذعن لحكم القاضي وقبل بالثلاثة تلافيا لطول المطالبة وقلة الفائدة
هذا ما لدي في هذا الموضوع والحمد لله على السلامة أولا وآخرا

ساحووق

29/06/2011, 11:43 PM

الحمد لله على سلالامة الولد وهذا اهم شي
وااضنه من حق الرجال انه يلزمك بالاصلاح من الوكاااااله او من غيره الانه ولدك المخطي
واهم شي السلالالالامه

ابوعقل

29/06/2011, 11:46 PM

الحمد لله على سلامة ابنك

ولا تزعل

هذا حق الرجال ولازم تدفعه له

وزي ما قالو اخواني اللي قبلي

حط نفسك مكانه

اكيد ما تسكت عن حقك وتبي تاخذه

الله ييسر امرك ان شاء الله

abu fares

29/06/2011, 11:48 PM

الحمد لله على سلامة ولدك

والله يعوضكم خير

شعيب النمر

29/06/2011, 11:49 PM

ثالثا اتمنى من الجميع التامين على سيارته علشان ما تتكرر هذي المشكله

التامين حرام كما افتى كبار اهل العلم امثال الشيوخ بن باز وبن عثيمين وبن جبرين رحمهم الله وماتوا على ذلك ولم يغيروا او يبدلوا وهم ثقة عندنا نحن اهل السنة والجماعة ومقلدين لهم .. والتامين هو اكل مال بالباطل وعدم اتكال على الله ومغامرة وتالي على الله .

عنيزاوي999

29/06/2011, 11:53 PM

الحمد لله على سلامت ولدك يالغالي

لكن مالوم الرجال جيب موديل 2006 ويجي ولد عمره تحت السن القانوني وسامح له الله يهديك يسوق
ويعدم موتره دافع الرجال دم قلبه فيه ويمكن متبهذل بقرض من بنك وتبي تركب له تجاري
والله لو هو الغلطان ان ماتدفعه الا اصلي ولا تقبل التجاري
مع العلم ان الرجال خسرااااان حتى لو عوضته موتره ماراح يجيب له سعر زي اول لو يبيع

وعلى العموم الرجال نظامين التسعيره تكون من 3 ورشات وفاتوره للقطع من الوكاله

وربي يعينك

دل البحار

30/06/2011, 12:10 AM

أولا الحمد لله على سلامة ولدك قبل كل شيء وسلامة من صدمهم
شوف شيخ المعارض قدرها ب 50 الف بنائاَ على سعرها قبل الحادث انها تجيب من 85الف الى 100 الف تقريباَ ..
ممكن توصلون لحل لو تتفاهم مع صاحب السياره بأنك ستقوم بأصلاح السياره لأنه مابيكلفك 50 الف الا اذا انت بتسويه في شركته
ممكن المحكمه تعفيك من الاصلاح في الشركه وتصلحها بورشه ارخص من الشركه

أبو عزّيز

30/06/2011, 12:36 AM

أحزنني طريقة طرحك للموضوع

وايضا رد صقر ولا مستانس على رده !!!!

دايم احنا السعوديين انانيين وما ننظر ابد إلا من جهتنا فقط

أجل اخلاقه رفت وينافخ واحمق قسم بالله لو انا بمكانه أن يمكن ارتكب جريمة !!!

يا اخي انا عن راعي الجيب اقول أنقد لك 10.000 ريال بس فكنا من ولدك

يعني الرجال ما صدمكم انتم اللي متبلين عليه

وحتى لو غيرتوا له قطع غيار اصلي برضه السيارة ما راح ترجع ابد زي اول

وانت تدري ان موتره غالي ويمكن ما عنده غيره

ويمكن شاريه عن طريق قرض ولا دين ولا تقسيط

يعني اعدمتوا سيارته و غايب عن عمله واشغاله وحالته حاله

بالله تبيه يحب راس ولدك ولا يضحك معه

.............

ولو انا بمكان القاضي أقول يسعر الموتر بموديله وممشاه وبديه قبل الحادث يسعر عند ثلاث معارض

ثم يباع على التشاليح ثم يدفع المتسبب فارق المبلغ ويروح الرجال يدور له موتر سليم

يعني إذا سعّر بـ 120 الف وباعه بالتشليح 50 ألف يدفع المتسبب 70 ألف

..............

ولا توفير جميع القطع إذا لم تكن من الوكالة فاقل تقدير من التشليح وتكون سليمة

أجل تبي تركب لي تجاري يعني يطلع جي إكس أر صيني أبو ريالين

........................

زي واحد من خوياي شرى اكورد فل 2010 فوق الميه

ويا ساتر بزقه ضف جنب السيارة كامل

وكلفته قطع غيار 13000 ريال من غير شغل اليد

ورفض ابو البزر الدفع ورفع قضية بالمحكمة وصلحها بوكالة هوندا

................

أقول ضفوا بزارينكم ترى دمي حار والبي بي تحت المرتبة وأنا رجال داج ومشغول

............

معليش اخوي لاكن طرحك للموضوع وردودك استفزتني

.............

عنيزاوي : ردك يدل على احساس بمعاناة الاخرين وهذا شيء طيب

أجل حمق !!!

أبو راكان101

30/06/2011, 12:50 AM

بعد التحيـه لكم وبحكم تواجدي الوظيفي قريب من هالمهـام انت مايصلح انك تعترض على حكم شيخ المعارض لأنهم بيحولونها للشيخ انت من حقك تطالب بإعادة النظــر في وضع الحادث وليه وضعو عليك نسبة 100%
اكيد ان الطرف الآخـر بيكون ماشي بسرعه جنونيه لأن هالأشياء صعبه تكون ناتجه من صدمته للهايلكس 2005 بحكم البدي شوي قووي والغريب من هذا كيف وصلت الصدمه للمكينه والقيـر انت المفروض تعترض على موقف الحادث مو تعترض على تسعيرة شيخ المعارض وهذا الشيء الوحيد اللي يمكنك تطالب فيه اما اعتراضك على تسعيرة شيخ المعارض فهو شيء قليل يكون من مصلحتكـ وياشباب والله السرعــه هي سبب كل هالأشياء كل يوم نسمع حوادث تقشعر منها الأبدان الله يستر علينا وعليكم
طالب بإعادة النظر في وضع الحادث واطلب منهم خروج ضابط يقدر الحادث مع احترامي للأفراد واذا انت مصور اثــار الفرامـل من صاحب الجيب يمكن يكون من مصلحتك واللي انا اتوقعه وحسب تقديري 70% عليه وعليك 30%

واللي استغربته عمر ولدك صغير على القيادهـ طال عمرك المفروض انك تخاف عليه الحمد لله على سلامتـه تحياتي لك

دنياك صعبة

30/06/2011, 03:10 AM

الحمدلله على سلامة الولد ( لا سلم العود فالحال تعود )
اخوي العزيز قبل 4 شهور صار لي حادث وعلي الخطا سرعة 25% والطرف الثاني 75% مع العلم ان سيارتي موديلها 2003 وعلى التأمين
وطلبت من المرور قطع من الوكالة لأن الموتر منعدم ولايرضيني غيرها فرفض المرور وقالي مالك الا تروح تثمن سيارتك عند ثلاث ورش معتمده حنا نوجهك لها , قلت ليش طيب؟ً! قال : ماي}مايؤخذ
من الوكالة الا آخر اربع موديلات !!!
عسى الله يسهل امري وامرك ...

(((.ابوتميم .))))

30/06/2011, 03:32 AM

حرام وانا خوك بر ذمتك تراك انت الي متبلي عليه انت وولدك
الضعيف ماطلب شي ماطلب الا حقه
اجل تركب بزر فوق ظهر الموتر ويصدم الرجال ويعدم موتره
يكفي الروعه الي جته بس هذي في كفه لحالها
وموتره جيب 2006 غالي وبسعر الفلاني تلاقيه ماخذه دين والا اقساط وصدمه وانقلب وانت تقول مانيب معطيه
ترا الدنيا فيها موت وحياه وجنه ونار في الاخره
خف ربك وبر ذمتك وعط الرجال حقه وحط في بالك ان سيارته راحت وانقلبت وخوفته ويمكن معه احد وعطلته عن اشغاله وخسرت دراهمه في استئجار سيارة
عطه الي يبي وريح بالك وذمتك
ولاتشغله وتسحبه في المحاكم ولاتطول السالفه وتمطط فيها
ترا دعوه المظلوم مستجابه
وكان فيك حره طلعها على ولدك بطق وكفوف واحرمه من السياقة الا اذا تعدل وترا هذا من صالحه
ترا اروح الناس مهوب لعبه ومنهم ولدك تراه ضناك

انا قلت كذا ترا مهوب هذا تحيز لاكن الصدمه من وراء والولد جاي على سرعه مررررره والدليل القلبة
وولدك ماصرح له انه يسوق
كل هذا وتبي الرجال ماتشين نفسه واخلاقه انت خليت فيها اخلاق اصلا وش تبيه بالله يسوي يحب راس ولدك ويقول شكرا
تراك رجال كبير ابوعيال حكم عقلك وبر ذمتك وتذكر ان ولدك غلطان 100%%%% وان دعوه المظلوم مستجابة
اعذرني كاني قسيت با الكلام لاكن والله مابي الا انصحك
تحياتي

معدات ثقيلة

30/06/2011, 03:38 AM

السلام عليكم

اذا انت شايف ان التسعيرة مبالغ فيها اعرض عليه شراء السيارة

اذا كان شيخ المعارض قدرها بـ 100 الف قبل الحادث و 50 الف بعد الحادث
فا اعرض عليه انك تشتريها بـ 100 الف و صلحها بـ 20 او 30 و بعها بعد اصلاحها

و طبعآ هو لن يرفض و انت الربحان بشرط تكون متأكد ان التسعيرة مبالغ فيها

و الحمد لله على سلامة الولد و على سلامة صاحب اللاندكروزر .

أبو راكان101

30/06/2011, 03:43 AM

بعد التحيه ....!!!!!!!!!

اول : شيء اسف توقعت ولدك اللي انصدم من ورى <<< يعني لف على راعي السيارهـ وهو ماشي بسرعه وتوقعتك مظلوم يالغالي رجعت قريت الموضوع لان بعض الردود مااعجبتني وقلت لازم نرجع السالفه 100 مرهـ لأن الدعوهـ امانه .
ثانياً : بما انه انقلب موترهـ اتوقــع 50 الف قليله بحقــه انت حاول مع الطرف الثانـي انه يقلل لك وان نزل لك هذا دليل على انه اصيـل وفيه الخيــر وان مانزل لك يبقى الحـق معــه واسف على اللبــس وانشاء الله انك بتاخذ الموضوع على محمل الجد وترانا الحمد لله ديرتنا مليانه ناس طيبه والله ان كلمته بالطيب صدقني بينحرج منك وبيخصم لك والله يجعله اخر علمك بالشــر . والقارئين انشاء الله .

ابو سليمان 11

30/06/2011, 04:15 AM

سوال ولدك وينة
هو في الحجز ؟؟؟؟؟

الأديب

30/06/2011, 05:28 AM

اولا الحمد لله على سلامة الولد ويجعلها سلامة دايمه
ثانيا الموضوع احد امرين اما انك تتوقع التسعيره مبالغ فيها فهذا لك حق الاعتراض
او انك مقتنع ان هذي هي التكلفه الحقيقية لتصليح الموتر وهذا الاقرب فهذا وانا اخوك عط الرجال حقه ولاتماطل فيه وتذكر ان الله سلملك ولدك ووالله لو كان حصل له شي لاسمح الله كان والله ان تقول ادفع اضعاف المبلغ هذا بس يسلم ولدي تذكر ذلك وخف من المماطله بصاحب الحق فوالله لن تغني عنك عشرون الف او ثلاثون توفرها بطرق ملتويه كما نصحك للأسف البعض بأن تلمح له بانك سوف تماطل فيه وتطيل الموضوع لكي يقبل بأقل من المبلغ المطلوب فوالله مانصحوك وانما للأسف غشوك وهذا لايمنع انك تحاول ان تقنعه بالحسنى ان يخفض لك ان قبل والا ذلك حقه قلت ذلك وانا لك من الناصحين وفقني الله واياك والجميع لما يحب ويرضى

خ الفياض

30/06/2011, 05:30 AM

الحمدلله على سلامة الولد اولا ولا سلم العود الحال يعود
وثانيا وجهة نظر وانا مريت موقف شبيه
50الف قليله فعلا
جي اكس ار
2006
مقلوب ومصدوم والمكينه مخبطه والقير ضرب
وش بقي في الموتر
طيب افرض انه سواه كم يجيب له
اعرف واحد بايع 2005 مقلوب على جنب واحد ب85 بعد التصليح وبعد عرضه لمدة طويله
افرض ان شيخ المعارض حط السياره بعد الحادث 35 او حولها اتوقع انه عدل
وبعدين احمق ولا خبل ولا اللي يكون دام ان الغلط عليك الله يعينك تحمل والظلم ظلمات
لاتظلمه نصيحه اعطيه 50 الف وراضيه والله الدنيا ماتسوى

موقفي صدمني واحد والخطاء عليه 75 بالميه وكان معي جيب جي اكس ار 99 وقدر شيخ المعارض الفرق ب45 علما بأنه مو 2006 ولا المكينه مخبطه ولا القير ضرب ولا انقلب الموتر كانت صدمه بالوجه والتنده وجنب كامل معدووووووووووم

طيع شوري واعطيه حقه واتوقع ان حقه اكثررررررررررر من ال50

وسلامتكم جميعااااااااااا

معشي الذيب77

30/06/2011, 05:39 AM

دام سلم العود الحال يعود

الشنه

30/06/2011, 12:10 PM

وسع صدرك ولا تستعجل ما دام الرجل احمق ومع سعة الصدر وعدم الحضور الا بالكلده رايح يرضى بالحمى بعد المليله ترى نظامنا غرض البطول
يعني هذي وجهة نظرك

حط نفسك مكان المصدوم
اخي العزيز صاحب الموضوع
لا يحق لهم طلب تسعيرة قطع الغيار من الوكاله الا لموديل 2011/2010 فقط
انت خذ قائمة قطع الغيار وجبها للورشه بنفسك قطع غيار اصليه لكن من وكلاء
مثل الضحيان او العامودي

ةسلم الفاتوره لراعي الجيب 2006
وهو بيقتنع طالما القطع اصلي

كلنا يعرف ان الوكاله ما تعطي خصم واللي تبيعه ب 500 تلقاه برى 400

اما السمكره فياخذون التسعيره الوسط لا الرخيص ولا الغالي
وفيه حل اخر

اشتر الموتر من راعيه بتسعيرة شيخ المعارض قبل الحادث
وصلحه انت بمعرفتك وبعه بتكون خسارتك اقل

((ابوملاك))

30/06/2011, 01:16 PM

ياخي حسستني انك انت المظلوم وانت المصدوم

الغلط راكبك 100% قبل ولدك

الحين انت مسلم موترك بزر

وصادمن رجال وخلى قيره يخبط ومكينته تخبط ومنقلب

وتقول جاي ينافخ يبي فلوسه ؟

وتقول عسى الله يهديه !

اقول عسى الله يهديك انت !

احمد ربك انه بس نافخ قسم بالله لو انك مسوي بي كذا اني ما اخليك حي يا رجل خلنا واقعيين !!!

يعني اشتري موتر وتركب ولدك بمكان السواق وتقول له رح وين ماتبي

ويروح مسرع وطاير ويصدم له رجال ويخليه ويقلب ويعدم موتره

وتسوي نفسك مظلوم وتمسكن !

اقول ادفع الله يجزاك خير بس

شئ يقهر صراحه !!!!!!!!!!!

ملك الفكتوريا

30/06/2011, 02:15 PM

والله لو انك مصدوم قبل أو صار لك حادث بسبب اهمال أو غلطه من أحد وحسيت بالمراره ما تقول الكلام هذا وتعطيه حقه دايركت وعلى طول

اخوي مكينه وخبطت قير وخبط والسيارة انقلبت وش باقي حرام عليك

هي الخمسين بتكفي التوظيب او تغيير المكينه والقير والسمكره وباقي القطع

والاهم من هذا البلاوي اللي راح تطلع من التصليح

والله اني حسيت بالرجال وبمرارة الالم وتقضية المشاوير بالتكاسي

اذا هو نافخ بس أنا مسكت مندوب شركة وهم يماطلون وما فكنا الا الناس اللي كانوا حولنا جلدته جلد

أنا اقول اعتبر الخمسين راحت لكن ولدك بقى معك

وترى من الحين الولد رح يعقل واهم شئ لا تجيه حالة نفسيه من السواقه

احنا كبار وجتنا النفسية فكيف هو

وقوله الحدث بسبب السرعه ومحد يقدر يسيطر على السيارة وقت الحادث

الهداوة حلوه وراحه لك وللسيارة زيادة عمر وسعر

سلكي نت

30/06/2011, 05:03 PM

اخي في الله
الحمد الله على سلامة الولد
والرجال هي من يجيب الفلوس ماهو العكس
وانا من رايي انك تدفع للرجال حقه ابراءاً لذمة ابنك وذمتك
ضع نفسك مكان الخصم ...... لو كانت الف او الفين ستجد من يقف معك
سبق ان حضرت جلسة بالمحكمة سبقت جلسة لنا بخصوص صك اعالة وكان طرف مدعي على طرف اخر تخيل بكم .....(800) ريال نعم 800 ريال وحكم له الشيخ بها لانها من حقوقه
لكن سيارة 2006 والله شيء يقهر ... لكن هذا قدر الله عليه ... يمكن الرجل ماله شهر او شهرين مخلص اقساط على اساس الاقساط 5 سنوات.
ان مبدئي في الحياة : اذا تسببت في مشكلة يجب ان اتحمل كل ما يتبعها دون تأفف او تشكي
اعانك الله .. وثق ان لك فيها خيرا .. وانها امتحان وابتلاء من الله
فهل سترفع الظلم عن المظلومين
اما بالنسبة للشيخ بالمحكمة فسيكون رايه مسنتدا لراي شيخ المعارض وإلا بامكان الخصم الاعتراض
نصيحة:
اد الحقوق الى اصحابها فهذا من اسباب البركة ... فابنك سبب وانت مسؤول عن ابنك
50000 ريال ترى قليلة على الاعطال والتلفيات وما يتبعها من كرهه للسيارة
حماكما الله وجميع المسلمين

التعـ King ـديل

30/06/2011, 05:09 PM

الوكاله تاخذ اخر 3 موديلات .. لكن انت لو وصلتها للمحكمه او على قولتهم شرع ممكن تدفع 10 الاف وممكن تدفع اكثر من 50 الف

انا مع رد ابو راكان راجع الحادث وراح تلاقي نسبه الخطاء على ولدك 75% وان شاء الله تلاقي له حل

العواد 2

30/06/2011, 05:12 PM

الحمدلله على سلامة الولد اولا ولا سلم العود الحال يعود
وثانيا وجهة نظر وانا مريت موقف شبيه
50الف قليله فعلا
جي اكس ار
2006
مقلوب ومصدوم والمكينه مخبطه والقير ضرب
وش بقي في الموتر
طيب افرض انه سواه كم يجيب له
اعرف واحد بايع 2005 مقلوب على جنب واحد ب85 بعد التصليح وبعد عرضه لمدة طويله
افرض ان شيخ المعارض حط السياره بعد الحادث 35 او حولها اتوقع انه عدل
وبعدين احمق ولا خبل ولا اللي يكون دام ان الغلط عليك الله يعينك تحمل والظلم ظلمات
لاتظلمه نصيحه اعطيه 50 الف وراضيه والله الدنيا ماتسوى

موقفي صدمني واحد والخطاء عليه 75 بالميه وكان معي جيب جي اكس ار 99 وقدر شيخ المعارض الفرق ب45 علما بأنه مو 2006 ولا المكينه مخبطه ولا القير ضرب ولا انقلب الموتر كانت صدمه بالوجه والتنده وجنب كامل معدووووووووووم

طيع شوري واعطيه حقه واتوقع ان حقه اكثررررررررررر من ال50

وسلامتكم جميعااااااااااا

المهاجر انا

30/06/2011, 05:22 PM

هذا هو نظام المرور عندنا

escape_man

30/06/2011, 05:28 PM

اولا: الحمدلله على سلامه الولد .
ثانيا: ضع نفسك مكان الطرف الآخر واحكم بما يرضيك.

الحمد لله على سلامة الولد اولاً .. وثانيا خلك من الشيخ والمرور

مثل ماقال اخوي تركي .. حط نفسك بمكان المخطى عليه وعطه حقه لين يرضى وطلع ذمتك برية قدام رب العالمين ..

الـ 50 الف ماتسوى شي قدام سلامة ولدك والي جابها يجيب غيرها.

لاتغبن الرجال وانا اخوك ثم يدعي عليك ..

يكفي تعطيلته هذي فيها نوع من الظلم.

صقار الوشم

30/06/2011, 05:30 PM

اولاً الحمد لله على سلامة الولد ..... في الحديد ولا فيه
وانا اشوف ان 50 الف شوية على جي اكس 2006 .. الا احمد ربك مهوب في اكس ار وقطع غياره اغلبها زي اللكزس ..
المهم انا ارى بأنك تعطيه حقه اذا هو يطالب بالحق لانه في ذمتك
وقل ( اللهم اجرني في مصيبتي واخلف لي خيرا منها )

اولا: الحمدلله على سلامة الولد .
ثانيا: ضع نفسك مكان الطرف الآخر واحكم بما يرضيك
( هذا الكلام )

احلى البشر

30/06/2011, 06:23 PM

شعيب النمر

اللي يقول الرجل احمق ومن هالكلام ؟؟؟ عيب عليكم

نحن لا نعرف الطرف الثاني ولم نسمع وجهة نظره وليس عيب ان يطالب بحقه
الرجل اتلفت سيارته وربما هي ملكه بهذه الحياة او ربما هي ليست له ؟؟
فلماذا نحكم عليه ونحن لم نسمع وجهة نظره ؟؟؟؟

اخوي شعيب النمر

انا قلت ان الرجال احمق لانه بعد الحادث ضرب
الولد وقال كلام ماله داعي اذكره لك وشتم العسكري وقام يهدد الولدوالولد
بالمستشفى؟يجوزهذا اخوي اعتقد ماترضى انك تصدم قضاء وقدرمانتي متعمد
وينزل عليك الطرف الثاني ويبداء يشتمك ويطول لسانه عليك؟؟؟صح كلامي ولا
انا غلطان؟؟؟

Turki1

اولا: الحمدلله على سلامه الولد .
ثانيا: ضع نفسك مكان الطرف الآخر واحكم بما يرضيك.

راعي الpath

السلام عليكم
اولا الحمدلله على سلامة الولد وهذا المهم
ثانيا اذا تقدر تتفاهم معه على انك تصلحها في الورش زين ولا عطه الفلوس ترى تحويلها للمحكمه
بيعطلك وبيعطله وفي النهايه بتكون نفس المبلغ. ولا تلومه صادمه من الخلف ومعدم المكينه و القير والجهه اليسرى
ثالثا اتمنى من الجميع التامين على سيارته علشان ما تتكرر هذي المشكله

ياخواااااااااااااااااااااااااااني لاتفهموني غلط؟؟؟؟؟؟
اناراح ادفع له حقه بس المشكله المبلغ واجدولا هو حق تصليح السياره,,,,جايب تسعيره لوحده من المعارض
ومن ضمن التسعيره جايب ان الماكينه مخبطه والقير مكسور من الحادث وهو الحادث بسيط....وفوق كذالماقلب
الجيب جاء وشن المرورعشان يعدله وقلب على كفراته وانعدمت انا وش ذنبي ادفع المبلغ هذا,,,,والشخص صاحب الجيب
رافض اني انا استلم السياره واصلحها له؟؟؟

مغلي

30/06/2011, 06:30 PM

الحمد لله على سلامة ولدك والطرف الثاني ايضا

المصدوم ما ينلام
سيارته جيب موديل 2006
ويجي ولد عمره 16 سنه ويعدم موتره

الرجال دافع دم قلبه فيه ويمكن متبهذل بقرض
(((كان الله بعون صاحب الجيب ... احتمال كبير انه يمنّي عائلته بسفره صيفيه بسيارته وولدك حاس امورهم حوس)))
ولدك مخطي 100% ... المسأله كلها 50 الف ريال ... . لو كانت فيها وفيات 6 او 7 اشخاص ... وش بتقول ؟؟؟؟
بعدين .... على اي اساس تبيه يركب قطع تجاري ... هل السياره كانت مسمكره كلها من قبل ... او شد بلد ومحافظ عليها صاحبها .... وانت تبي تلفق موتره بقطع تجاري

حط نفسك مكانه ................... ثم احكم .... ولا تنسى ان الله يطلع على الخافي

بعدين ان احمد الله على سلامة الانفس كلها .... وادفع له ال 50 الف عشان تبري ذمتك ويرتاح ضميرك انك ما ضلمته
.
.
.
وعلى طاري الشرع والمحاكم .... ترى القاضي ممكن بشكل كبير يكون بصفك ... ويخليك تدفع 5 الاف بس (استهبال القضاة) لكن ستدفع الباقي يوم الحساب عند اعدل القضاة
.
.
%%%%%%%%%%%%%%%%%
.
.
كمثال ... شقيقي معاه فكسار ... وصدمه هندي سواق باص مدارس والخطا على الهندي 100% المرور قدرو الصدمه والتصليح ب 7000 وعيا صاحب الباص يدفع
وطلب الشرع
وعند القاضي .... صاحب الباص عرض يدفع لأخي 3000 ريال فقط وقال هذا الي معي تبيه ولا بسلامتك
القاضي التفت على اخوي ... وقال له .. خذ الفلوس ... ولا ترى ابخلى الهندي يحلف انه ما اخطى عليك ... وان حلف الهندي بذالك ... فمالك ولا ريال .... اخوي خاف منهم ... واخذ ال 3000 ريال ... وكل ماتذكرهم يدعي عليهم ( صاحب الباص + الهندي + القاضي)
.
.
فتبرئة الضمير .... مايعادلها ثمن وانا اخوك

واول وتالي ... الحمد لله على سلامة ولدك والطرف الثاني
.
والله يبعد عنا الحوادث

(http://www.mekshat.com/vb/newreply.php?do=newreply&p=6936012)

شعيب النمر

30/06/2011, 06:34 PM

[CENTER][B]الحمد لله على سلامة ولدك والطرف الثاني ايضا

... وكل ماتذكرهم يدعي عليهم ( صاحب الباص +[SIZE="6"][COLOR="Blue"] الهندي + القاضي)
.
.

(http://www.mekshat.com/vb/newreply.php?do=newreply&p=6936012)

وش ذنبه الضعيف هذا يدعي عليه

مهاجر للشمال

30/06/2011, 06:37 PM

مشكوركل شخص رد ع الموضوع

والله يستر عليكم ويحفظ لكم لكم اولادكم

الرجال جلس اسبوع وهو ماحضرالثلاث تسعيرات الى اليوم الصباح جابهم والرجال راكب راسه

يبي الفلوس ولا يتفاهم مع احد والعسكري وقت الحادث ماسلم منه يتلفض عليه؟

وناوي يضرب الولد ويهددانسان غريب للاسف صعب التفاهم معاه!!!!!!

ما ينلام
ماشي بامان الله وجاه بزرك وصدمه وخلاه ينقلب و اتلف سيارته، وش متوقع منه يدبك مثلا!!

احلى البشر

30/06/2011, 06:40 PM

ياخوان انا عندي استعداداتقبل السياره ع تسعيرة المعارض واخذالسياره واتقبلها واعطيه الفرق

بس ماتوقع انه راح يقبل اني اتقبل السياره؟؟

احلى البشر

30/06/2011, 06:43 PM

اخوي مهاجر للشمال

راجع كلامك عيب عليك تقول بزربكره تتزوج وراح تشتري سياره غصب عنك؟؟رجائي انك تحترم نفسك
ماله داعي الغلط فهمت احترمت لسنك وكلامك ولا ماله داعي تعلق بالموضوع؟؟

مهاجر للشمال

30/06/2011, 06:51 PM

اخوي مهاجر للشمال

راجع كلامك عيب عليك تقول بزربكره تتزوج وراح تشتري سياره غصب عنك؟؟رجائي انك تحترم نفسك
ماله داعي الغلط فهمت احترمت لسنك وكلامك ولا ماله داعي تعلق بالموضوع؟؟

انا اشهد انك انت الاحمق

* ابو باسل *

30/06/2011, 06:59 PM

اخي من حقه المطالبه بحقه واذا كان الخطأ على ابنك الله يعينك تتحمل انت وياه ولا احد يستطيع انه يجبره انه يتنازل عن حقه واذا سامح فأجر له وان طالب بحقه فليش تزعل ضع نفسك محله اذا كان شخص ماحفظ على موتره ومطلعه وكاله ولا جاه شي وفي الاخير يجي ابنك اصلحه الله واعدم عليه موتره الي يمكن هو راس ماله في الحياه وش بيكون ردة فعله ومادام شيخ المعارض افتى في السعر انتهى الوضع .
الله يعوضكم ويعوض صاحب السياره خير والحمد لله انها في الحديد ولا الارواح .

الوسام889

30/06/2011, 07:43 PM

اولا: الحمدلله على سلامه الولد .
ثانيا: ضع نفسك مكان الطرف الآخر واحكم بما يرضيك.

سلفاريو

30/06/2011, 10:22 PM

السلام عليكم ورحمة الله وبركاته ..

بارك الله فيك اخواني الكرام ...

قدر الله وحصل حادث على ولدي يبلغ من العمر 16 سنه على سيارة خاله وعلماّباأن السياره لايوجد تأمين عليها
صدم السياره من الخلف وانقلب الجيب على الجهه اليسرى للسواق.

المرور حمل أبني الخطأ 100% سيارته موديل 95غمارتين تويوتاوالسياره الي صدمها موديل 2006 جي اكس آر
والصدمة في( الجهه اليسرى+الصدام الخلفي +الكفرات )
وعلى كلام صاحب السياره لقسم الحوادث ان الماكينه خبطت والقير انكسر... ... الخ
تقريباًالجهه اليسرى كامله ):no2:

وقدر شيخ المعارض فرق السيارة قبل وبعد الحادث ب50000 الف ريال :eek::mad::eek:رفضت التسعيرة بحجة ان التسعيره كثيرمبلغها:confused:

هل يحق له يجيب قطع وكاله

سؤالي هنا : هل نظام المرور يجبرني على قبول قطع الغيار الوكاله ؟ وهل في نظام المرور يجبرني على ذلك ؟؟
اتصل بي رجل المرورللحضورودفع المبلغ؟؟ورفضت قبول التسعيره!!
وقالي رجل المروراحول المعاملة للمحكمة الشرعية للنظر في الموضوع المعامله

وش راح يحكم الشيخ؟؟

وهل يقبل الشيخ بتسعيرة المعارض و الفصل في ذلك هو تقدير شيخ المعارض ؟؟
وهل يحق لي اطلب تسعيره جديده من ورش الصناعيه
افيدووووووووووني جزاكم الله الف خير,,,,ماهو الحل؟؟؟
وعسى الله يكتب لنا ولكم اللي فيه الخير ..

™¶¾»§«¼¶احلى البشر¶¼»§«¾¶™

الحمد لله على سلامة الولد
والله يكون بالعون وييسر امرك وتخلص على خير
اذا ماوصلت معاه لحل حولها للشرع
الله يستر عليك والحمد لله على كل حال في الحديد ولا البشر
في امان الله

احلى البشر

30/06/2011, 11:15 PM

انا اشهد انك انت الاحمق

اشكرك اذا انا احمق وهذا يدل عل تربية اهلك حبيبي

احلى البشر

30/06/2011, 11:18 PM

اولا: الحمدلله على سلامه الولد .

ثانيا: ضع نفسك مكان الطرف الآخر واحكم بما يرضيك.

ياخي انتم من وين تفهمون انا ماني ماكل حق الرجال بس انا اقول المبلع كثيرانا شفت السياره

ماتتعدى 20000الف ريال وانا راح اعطيه المبلغ غصب عني ولدي غلطان وانا راح اتحمل غلطه؟

احلى البشر

30/06/2011, 11:26 PM

على العموم اخواني انا اااااااااااسف اشتشيركم ومشكورين اللي ردوباسلوب حلووالله يسامح من

وفعلا بعض الناس ما عندهم حسن للتصرف ..

طوووووووووولو لسانهم علي واقوله هذا من تربيتك من اهلك!!!!!!!

انا طلبت تحويل المعاملة للمحكمة .. يوم السبت واللي يحكم فيه

الشيخ انا راح ارضى فيه وادفع ثمن غلطت ولدي

بارك الله فيكم اخواني الكرام ...
وأشكر لكم مروركم وردودكم ... والحمد لله على سلامة ولدي وهذا اهم شي..

أبوراشد

30/06/2011, 11:41 PM

وسع صدرك الله يهديك أنت اللي طلبت المشورة
انت تقول انك مستعد تتقبل السيارة وماتوقع الرجال بيرفض بسعر السيارة قبل الحادث

أما بالنسبة لتقدير المعارض هو اللي يمشي بالشرع حتى لو ما حكم فيه القاضي التمييز لن يقبل
الموضوع مهوب اصلاح السيارة وقطع غيار على كلامك ممكن تصلح السيارة بـ 10آلاف بس اصلاح أي كلام
والحق ان السيارة طاحت قيمتها بعد الحادث وإذا وصل الضرر للمحركات يعني الضرر دائم
فمعه حق يقيم السيارة قبل الحادث وبعد الحادث(على حالتها)

fshgah

30/06/2011, 11:42 PM

ارفع قضية عليه بما انك ذكرت انه يريد ضرب الابن وتلفض بألفاض غير لائقة
والشيخ يحكم بحكم المرور لكن عليك برفض والاعتراض على الحكم وطلب نقضه حتى تأخذ وقت اطول وبذالك يكون قد تنازل او نسى الموضوع علما ان المعاملة تأخذ اشهر وعليك بالصبر والدعاء لأن ذلك مقدر عليك
واللـــــــــــــــه يشفي ولدك ويخلف عليك والله المستعان

احلى البشر

01/07/2011, 12:39 AM

اخوي أبوراشد
اشكرك على كلامك وردك

اخوي fshgah

اشكرك ع كلامك الرائع وهذا اللي راح يصير برفع عليه قضيه انه يريد ضرب الابن وتلفض بألفاض غير لائقة

وتهديده بالقتل العمدبعد ماتلفض امام رجل المرورورجال حاضرين وشهود بعد ماقال لو مات اخوي

راح اخذ حقه بيدي واذبحك هل هذا يطلع الكلام من انسان عاقل ولا ((احمق))

رامي ع الموت

01/07/2011, 01:35 AM

اشكرك ع كلامك الرائع وهذا اللي راح يصير برفع عليه قضيه انه يريد ضرب الابن وتلفض بألفاض غير لائقة

وتهديده بالقتل العمدبعد ماتلفض امام رجل المرورورجال حاضرين وشهود بعد ماقال لو مات اخوي

راح اخذ حقه بيدي واذبحك هل هذا يطلع الكلام من انسان عاقل ولا ((احمق))

وش تعتقد راح يسويله القاضي عشان التهديد . .. ولا شي لانه كلام بدون فعل وكلام في حالة غضب وقهر من فعل ابنك الله يصلحه بحلاله ..

وبعدين يمكن تقدر تماطله او تشكيه لقاضي او غيره لكن هو بيشكيك وابنك للي خلقكم ويمكن تفقد ابنك ولا عمرك لاجل ظلمكم ومماطلتكم ارجاع حقوقه وحرمانه واهله من الاستفادة من سيارتهم وتعطيل مصالحهم ..

نصيحة افقد 50 الف ولا تفقد ابنك او احد من اهلك بدعوة ليس بينها وبين الله حجاب ..

احلى البشر

01/07/2011, 02:12 AM

رامي ع الموت

للاسف من اسمك ماراح ارد عليك اسف اخوي

storm way

01/07/2011, 02:19 AM

السلام عليكم ورحمة الله وبركاته ..

بارك الله فيك اخواني الكرام ...

قدر الله وحصل حادث على ولدي يبلغ من العمر 16 سنه على سيارة خاله وعلماّباأن السياره لايوجد تأمين عليها
صدم السياره من الخلف وانقلب الجيب على الجهه اليسرى للسواق.

المرور حمل أبني الخطأ 100% سيارته موديل 95غمارتين تويوتاوالسياره الي صدمها موديل 2006 جي اكس آر
والصدمة في( الجهه اليسرى+الصدام الخلفي +الكفرات )
وعلى كلام صاحب السياره لقسم الحوادث ان الماكينه خبطت والقير انكسر... ... الخ
تقريباًالجهه اليسرى كامله ):no2:

وقدر شيخ المعارض فرق السيارة قبل وبعد الحادث ب50000 الف ريال :eek::mad::eek:رفضت التسعيرة بحجة ان التسعيره كثيرمبلغها:confused:

هل يحق له يجيب قطع وكاله

سؤالي هنا : هل نظام المرور يجبرني على قبول قطع الغيار الوكاله ؟ وهل في نظام المرور يجبرني على ذلك ؟؟
اتصل بي رجل المرورللحضورودفع المبلغ؟؟ورفضت قبول التسعيره!!
وقالي رجل المروراحول المعاملة للمحكمة الشرعية للنظر في الموضوع المعامله

وش راح يحكم الشيخ؟؟

وهل يقبل الشيخ بتسعيرة المعارض و الفصل في ذلك هو تقدير شيخ المعارض ؟؟
وهل يحق لي اطلب تسعيره جديده من ورش الصناعيه
افيدووووووووووني جزاكم الله الف خير,,,,ماهو الحل؟؟؟
وعسى الله يكتب لنا ولكم اللي فيه الخير ..

™¶¾»§«¼¶احلى البشر¶¼»§«¾¶™

راح اجيب لك المختصر المفيد

شيخ المعارض ما يسعر السياره الا اذا كانت تالفه كلياً

اما اذا كان تصليح يجيب تسعيره من 3 ورش بحضورك شخصياً معه

والقطع تقدر تجيبها من الوكيل

ويحق لك الرفض اذا كان هو جايبه وانت ليس معه

والحمد لله على سلامة الولد

storm way

01/07/2011, 02:24 AM

ياخوان انا عندي استعداداتقبل السياره ع تسعيرة المعارض واخذالسياره واتقبلها واعطيه الفرق

بس ماتوقع انه راح يقبل اني اتقبل السياره؟؟

خلها تتحول شرع واقبل بتسعيرة شيخ المعارض

وعطه قيمتها في المحكمه بشرط انها ما تكون مخبطه على كلامك

انت خلك جاد وما عليك من احد

ولا راح احد يجبرك الا الشرع فقط

ولا تقبل ولا توقع باي موافقه في المرور

خ الفياض

01/07/2011, 02:42 AM

شف يا بعدي
كلامك واقعي
دام ان الرجال ماسك معك خط الهواش والمحاكم دربها على المحاكم
انت عرضت عليه شي سؤال بسيط
كان انه صار قليل ادب وتلفظ وهدد على قولتك ممكن يعني بسويها
رح اشتكي شكوى ثانيه عند الشرطه وقولهم كل شي ان الولد غلطان وهو هدد بالقتل وجيب الشهود والله انه غير ينسجن ولا يطلع الا باقرار منه بعدم الاعتراض عليكم او على الولد وكفيل كمان وقتها تنقلب القضيه بدل مايكون حق له يصير عليه

يعني انت اول شي جيبها بالطيب شفت انه راكب راسه وحق وما حق وريه الحقوق كيف تنطلب مو والله يجي ويهاوش ويهدد ويبي حق والله يستريح انت منت واحد من عياله مع انك فعلا غلطان عليه

ومثل ما قلنا لك من البدايه على حسب وصفك ال50 الف قليله كان انه ماطلب ال 50 عز الله انه ماطلب الا حقه بس انا ما ادري كيف طلبها بصراحه

عاد انت ابوها وانت سمها وماعليك اهم شي انك ترضي ربك في المقام الاول

زادك الله من التقوى ومن البصيره والله يرفع عنكم ما أصابكم

في امان الكريم

مهاجر للشمال

01/07/2011, 06:39 AM

اشكرك اذا انا احمق وهذا يدل عل تربية اهلك حبيبي

اهلي ربوني على الطيب و عرفت اميز بين الردي والطيب
وانت ردي وعلومك بعيدة عن الطيب
الشرهة مهيب عليك والله

أطلال نجد

01/07/2011, 07:14 AM

السلام عليكم

أولاً الحمد على سلامة الولد وسلامة الطرف الأخر في الحادث

أعتقد أنه من حق الطرف الأخر صاحب الجيب إصلاح سيارته بقطع جديدة أصلية من الوكالة حتى لو كان موديل السيارة قديم

خصوصاً إذا كان الجزء المتضرر في السيارة الجيب لم يسبق أن تعرض لحادث أو سمكرة

وهذا من أبسط حقوقه عليك بغض النظر عن حكم القاضي أو تقرير المرور

ولا تنسى أخي أن سيارة المتضرر الآن وبعد الحادث والإنقلاب أصبحت معيوبة

( يعني تعرضت لحادث قوي وراح ينزل من سعرها الكثير في حال بيعها )

كذلك يحق لصاحب السيارة أن يصلح سيارته في أي ورشة هو يختارها ويحددها إذا كانت السيارة قديمة

لكن إذا كانت سيارته جديدة موديلها لم يتجاوز الثلاث سنوات حسب نظام المرور يحق له إدخال سيارته لصيانة الوكالة .

نقطة أخيره أريد أن أقولها لك أخوي

دائماً ضع نفسك مكان الأخرين وتمنى لهم ما تتمناه لنفسك ولأبناءك

موفق للخير ،،،

((ابوملاك))

01/07/2011, 11:34 AM

لا ما دامه اجل على ماقلت ضرب الولد وقعد يتفلت عليه ويتلفظ عليه

يا شيخ بهذله بالمحالكم بهذله ارفع عليه قضيه

وش اللي ينزل عليه يحط حيله ببزر

يعني كلهم مسوين حادث المفرض يتحمد له بالسلامه

ما يروح يتفلت عليه ويتلفظ

يا شيخ بهذله بهذله ما تاصل انه يتلفظ

والولد صادم بعد

ارفلع عليه قضيه انه هدد ولدك وتلفظ عليه والعسكري موجود ويشهد

لزام1

01/07/2011, 01:22 PM

الحمدالله على السلامه
بعدين تطالب وتعترض ونت مخلى طفل يسوق السياره ويعرض حيات الناس للخطر

أبوعمران

01/07/2011, 01:24 PM

الحمد لله على سلامة ابنك .. ^_^

وياأخي ترى هذي حقوق نااااااااااس بارك الله فيك .. ولو واحد صدمك ومامعه تأمين والله ماترضى الا بالوكالة والقطع الأصلية .. ^_^

انتبه من هالامور ولا تحط في رقبتك شيء وانا اخوك .. ترى دعوة المظلوم مستجابة ^_^

مغلي

01/07/2011, 03:39 PM

وش تعتقد راح يسويله القاضي عشان التهديد . .. ولا شي لانه كلام بدون فعل وكلام في حالة غضب وقهر من فعل ابنك الله يصلحه بحلاله ..

وبعدين يمكن تقدر تماطله او تشكيه لقاضي او غيره لكن هو بيشكيك وابنك للي خلقكم ويمكن تفقد ابنك ولا عمرك لاجل ظلمكم ومماطلتكم ارجاع حقوقه وحرمانه واهله من الاستفادة من سيارتهم وتعطيل مصالحهم ..

نصيحة افقد 50 الف ولا تفقد ابنك او احد من اهلك بدعوة ليس بينها وبين الله حجاب ..

فعلا
دعوة المظلوم --- ليس بينها وبين الله حجاب
.
.
والعاقل يخاف الف الف مره من هذه الدعوه

خوي السرور

01/07/2011, 03:44 PM

اخي الكريم مغلي

هل كلمة استهبال قضاة لائقة هداك الله

احرص على ان تكتب ما يسرك ان تراه في صحيفتك يوم القيامة

نصيحة لك من اخ يحب لك الخير

احلى البشر

01/07/2011, 04:47 PM

انا والله العظيم وعلى ماقول شهيد ماني حاب اكل حلال احدوبنفس اليوم ارسلت
له قريبي ((نسيبه))واحنا بالاسعاف واتكلم معاه وقالي حصل خير ماصار شي؟؟
لما عرف اني ابي اشتكي على كلامه والفاظه وتهديته للولدوقلت خلاص انتهى الموضوع؟؟؟

وبعداسبوع من الحادث يوم الاربعاء الماضي والحادث صار الخميس الماضي جايب
تسعيرة ثلاث معارض واتصل بي رجل المروربحضوري ودفع المبلغ ورفضت
الحضوروقلت له ارفعها للمحكمه وفعلاًرفعها؟؟

سؤالي للجميع لماذا جلس كل هالوقت واحضر التسعيره ؟؟؟

عشان انسى موضوع الشكوى؟؟؟ولا كمان رايح للمعارض بدون مااذهب معاه ؟؟

اخوي لزام1
ماله داعي كلامك انه طفل واذا ابوه مريض واحتاج هالطفل على كلامك ماراح اخليه

يسوق....اذا انت طيب ومعافي ولا عندك سواق الناس ماهم ثلك اخوي؟؟

اخوي مهاجر للشمال

انا قلت لك انتهى الكلام معاك

واشكر كل شخص ردعلى الموضوع واعتقد ماله داعي نغلط على بعض ؟؟؟؟

انا جاي اسشيركم اخواني ؟

وانا ماني بحاجة اني اكل اموال الناس بالحرام

قال تعالى :

(يَا أَيُّهَا الَّذِينَ آمَنُوا لَا تَأْكُلُوا أَمْوَالَكُمْ بَيْنَكُمْ بِالْبَاطِلِ إِلَّا أَنْ تَكُونَ تِجَارَةً
عَنْ تَرَاضٍ مِنْكُمْ ۚ وَلَا تَقْتُلُوا أَنْفُسَكُمْ ۚ إِنَّ اللَّهَ كَانَ بِكُمْ رَحِيمًا 29
وَمَنْ يَفْعَلْ ذَٰلِكَ عُدْوَانًا وَظُلْمًا فَسَوْفَ نُصْلِيهِ نَارًا ۚ
وَكَانَ ذَٰلِكَ عَلَى اللَّهِ يَسِيرًا30)النساء

XML FLASH

01/07/2011, 04:50 PM

بغض النظر عن تحامله عالولد _ انت استشرت و الكل قالك صلح سيارة الرجال
50000 الله يعينك عليها............

سحاب1

01/07/2011, 05:05 PM

الحمد لله على سلامة الولد..
وما قصر الاخوان افادوك

احلى البشر

01/07/2011, 05:20 PM

اخوي طير جنون
انا حاولت ارسلك على الخاص وماقدرت كيف اتوصل لك
اتمنى تراسلني على الايميل ضروري محتاجك؟؟

للتواصل
k_alsaqer@hotmail.com

احلى البشر

01/07/2011, 05:37 PM

الله يسلمكم ولا يجيكم الشرحبايبي

سيف 11

01/07/2011, 05:41 PM

آسف يا اخي الحق حق وارجو ابعاد العاطفه
انت غلطان ميه بالميه دامك رضيت ولدك يسوق بأقل من السن القانوني ارض باللي يجيك

احلى البشر

01/07/2011, 05:49 PM

سيف 11

انا عارف اني غلطان وعارف الشي ذا بس الرجال سعروراح للمعارض لوحده هل هذا صحيح

ولا لازم اروح انا معاه....جلس اسبوع لما جاب التسعيره وزبط الوضع مع المعارض؟؟

اخوي لو كلامه صحيح ان الماكينه والقير والابواب وارفارف كلها غير صالحه هل يوصل

سعرهم بهذا المبلغ؟؟والضربه بسيطه ماتتوصل الى كذا؟؟

احلى البشر

01/07/2011, 06:04 PM

اخوي XML FLASH

انا ماعندي مانع اصلح السياره وغصب عن انفي ولا يهمك

راعي 2700

01/07/2011, 06:46 PM

اولا الحمدلله على سلامة الولد ,, وتكفى وانا اخوك لاتحسسه انه مسوي مصيبه وترا الفلوس تروح وتجي واعتبرها دفعة بلا ..

اما بالنسبه للتقديرات فانت ماتقدر تعترض عليها
ولو سعروها قطع صدقني بتطلع فو 100000 مئة الف

الحمدلله على قضاء الله وقدره
الخطاء على الولد 100% اولا ان الصدمه من ورا
ثانيا لو حولتها للمحكمه الشيخ بيحكم ضدك لان الولد ما عنده رخصه وساقته للسيارة غير قانونيه

اما بالنسبة لتعامل الطرف الثاني وسع صدرك ,, ربك يوكون بالعون

احلى البشر

01/07/2011, 10:27 PM

اخوي راعي 2700

والله ماراح ارد طلبك وابشر بعزك وراح اخلص مع الرجال واعطيه حقه ولا يهمك

ومن ناحية الولد والله ماقلت له شي ولاراح احسسه لاني انا اللي اعطيته السياره

وانا اللي مرسله واقسم لك بالله اذا انت قلت له شي اني انا ماقلت له ولا كلمه

بالعكس ماراح اجرحه واحسسه انه غلطان بل قضاء وقدر

من ناحية كلامك..... الولد ما عنده رخصه وساقته للسيارة غير قانونيه

حتى الطرف الثاني تقريباًنفس سن ولدي لا رخصه ولا شس السياره باسم ابوه

المشكله ....الطرف الثاني ماله دخل بالحادث بس انه السواق اخوه الصغير

بس هو انسان احمق وماهو شي احد بعينه حتى رجل المرور غلط عليه والمشكله الان
هو اللي يطالبني ماهو ابوه

بوخليفه77

01/07/2011, 10:52 PM

وعليكم السلام ورحمة الله وبركاته

اخوي الحمدلله على سلامة ابنك
وقدر الله ماشاء فعل
هذا قدر مكتوب والحمدلله جت في الحديد
............

ما ادري وش النظام عندكم في السعوديه
بس اعتقد القانون واحد مايختلف كثير

حسب علمي بالقضايا المروريه ان الطرف المتسبب هو يتعهد بتصليح اضرار الطرف الثاني على حسب القوانين المتاحه من الحكومه يعني لاخر سنتين يعني 2010 و2011 تصليح وكاله وقطع غيار وكاله اما تحت بسنه او سنتين تصلح في ورشه خارج الوكاله وغطع غيار وكاله اما تحت تكون التصليح في ورشه وغطع غيار مستعمله بس مثل مايقولون التصليح على حسب الاتفاق بين المتسبب والمتظرر .
وعلى فكره القانون يحمي ويرضي جميع الناس
الحمدلله محاكمنا وقضاتنا ((( بخير )))
يعني الحمدلله الذمه موجوده مافيه اي خوف
والي يروح عند القاضي يرجع راضي مثل مايقولون

اما في وجهة نظري ان في وضعكم هذا وعلى حسب طرحك واستماعنا لك يعني من طرف واحد وحتا لو من طرفين .
التفاهم هو اول شي بينكم بخصوص التصليح من وجهة نظري يكون التصليح في ورشه مش في الوكاله والقطع مستعمله بس تكون نظيفه وثاني شي تصليح يرضي الطرف الثاني بما معنا تصليح جيد
واذا مافيه تفاهم
مثل ماقلت سابقا
الي يروح عند القاضي يرجع راضي
والله يطيب النفوس وييسر الامور

وسامحني على الاطاله
تحياتي

احلى البشر

01/07/2011, 10:53 PM

همسة في أذن كل من رد علي في موضوع الوداع :

والله كان لردودكم أقوى سبب للعودة بااتخاذ قراري واعطاء صاحب الحق حقه وكم من رد تأثرت فيها كثير بشكل ما تتصورونه .

لكم الود كل الود ولكم مني أرق تحية وأقوى دعاء وأجمل ابتسامة وأعنف شوق ولكل أعضاء مكشات من صغيرهم لكبيرهم .

والحمد والفضل لله أنها جت سليمة
وقدر الله ماشاء فعل
هذا قدر مكتوب والحمدلله جت في الحديد

اخوكم/احلى البشر
خالدالصقر

اخوكم/احلى البشر
خالدالصقر

جوجل الجوف

01/07/2011, 11:01 PM

اذا الرجال شراني ويتهدد الولد
اول شي اطلب انت الشيخ

ماهي فوضة يهدد ابنك اذا لة حق ياخذة
وانت طالب بتعويض منة لجرحة مشاعرة وتخويفة بدل من مناصحتة
واول جلسة لا تحضرها عند الشيخ
والثانية احضر
واذا حكم الشيخ عليك بالدفع
قل ما اقدر ادفعها كاش
ادفعها اقساط
ولا تنسي عند الشيخ انة كان يبي يضرب الولد
وخالة ينطر لين يحصل الربيع
وانا معكم بردك الاخير

ابوعقل

01/07/2011, 11:03 PM

همسة في أذن كل من رد علي في موضوع الوداع :

والله كان لردودكم أقوى سبب للعودة بااتخاذ قراري واعطاء صاحب الحق حقه وكم من رد تأثرت فيها كثير بشكل ما تتصورونه .

لكم الود كل الود ولكم مني أرق تحية وأقوى دعاء وأجمل ابتسامة وأعنف شوق ولكل أعضاء مكشات من صغيرهم لكبيرهم .

والحمد والفضل لله أنها جت سليمة
وقدر الله ماشاء فعل
هذا قدر مكتوب والحمدلله جت في الحديد

اخوكم/احلى البشر
خالدالصقر

اخوكم/احلى البشر

خالدالصقر

الحمد لله على كل حال

والفلوس تروح وتجي

احلى البشر

01/07/2011, 11:08 PM

اخوي بوخليفه77

اخوي ابوعقل

كلامك عين الصواب واشكركم على ردكم الاكثر من رائع

احلى البشر

01/07/2011, 11:13 PM

اخوي جوجل الجوف

هلا بك اخوي اذا انت من الجوف اعتقد تعرفني وتعرف اولادي اللي يسوقون الهمر

واعتقد انهم ماهم حقين مشاكل ولا شيا ناماامدحهم انهم اولادي و اني ابوهم واذا

ماتعرفني

ولا تعرف اولادي اسأل عني وتعرف

اشكرك على ردك

أبوعمران

02/07/2011, 01:02 AM

همسة في أذن كل من رد علي في موضوع الوداع :

والله كان لردودكم أقوى سبب للعودة بااتخاذ قراري واعطاء صاحب الحق حقه وكم من رد تأثرت فيها كثير بشكل ما تتصورونه .

لكم الود كل الود ولكم مني أرق تحية وأقوى دعاء وأجمل ابتسامة وأعنف شوق ولكل أعضاء مكشات من صغيرهم لكبيرهم .

والحمد والفضل لله أنها جت سليمة
وقدر الله ماشاء فعل
هذا قدر مكتوب والحمدلله جت في الحديد

اخوكم/احلى البشر
خالدالصقر

اخوكم/احلى البشر
خالدالصقر

والله وبالله .. لاتدري كم أدخل هذا الرد السرووور على قلبي .. ^_^

وفقك الله لما فيه الخير وحفظ أولادك ومن تحب وحفظكم من كل مكروه .. ^_^

سلكي نت

02/07/2011, 01:17 AM

همسة في أذن كل من رد علي في موضوع الوداع :

والله كان لردودكم أقوى سبب للعودة بااتخاذ قراري واعطاء صاحب الحق حقه وكم من رد تأثرت فيها كثير بشكل ما تتصورونه .

لكم الود كل الود ولكم مني أرق تحية وأقوى دعاء وأجمل ابتسامة وأعنف شوق ولكل أعضاء مكشات من صغيرهم لكبيرهم .

والحمد والفضل لله أنها جت سليمة
وقدر الله ماشاء فعل
هذا قدر مكتوب والحمدلله جت في الحديد

اخوكم/احلى البشر
خالدالصقر

اخوكم/احلى البشر
خالدالصقر

بارك الله لك بالولد قبل المال
ابريء ذمتك وذمت ابنك .... والله يعوضك خير
هذا ابتلاء من الله فأن صبرت عوضك الله

فتى الجوبه

02/07/2011, 01:29 AM

الحمد لله على سلامة الولد

عنيزاوي999

02/07/2011, 01:32 AM

الله يعطيك العافية
ويعوض عليك بخير

خ الفياض

02/07/2011, 01:51 AM

بشرنا عساك انهيت امره
يالله انها تفتحها في وجهك
والله ان ردك اثلج صدري
عزالله انك كفو وبيض الله وجهك
وسلامة ولدك في المقام الاول
وعساك على القوه

اخوك -----ابو معاذ

HAS5SAN

02/07/2011, 03:18 AM

اولا: الحمدلله على سلامه الولد .
ثانيا: ضع نفسك مكان الطرف الآخر واحكم بما يرضيك.
100%

. . .

موسيقار زماني

02/07/2011, 03:37 AM

على حسب التكلفة اذا كان الموتر قيمة تصليحه اقل بكثير

فيحقلك تنززل المبلغ

اما اذا كان الموتر يكلف اكثر من هالمبلغ ولا ودك تعطيه

فما ادري تعطي ولدك السيارة ويصطدم خلق الله ولا ودك تصلحها

احلى البشر

02/07/2011, 08:38 AM

[QUOTE=خ الفياض;6943472]
بشرنا عساك انهيت امره

يالله انها تفتحها في وجهك
والله ان ردك اثلج صدري
عزالله انك كفو وبيض الله وجهك
وسلامة ولدك في المقام الاول
وعساك على القوه

اخوك -----ابو معاذ

مشكور مشكور
مـشكـور مـشكـور
مــشكــور مــشكــور
مـــشكـــور مـــشكـــور
مــــشكــــور مــــشكــــور

لك مني اجمل تحيه

اخوي موسيقار زماني
قل خيراً او اصمت؟؟

™¶¾»§«¼¶احلى البشر¶¼»§«¾¶™

احلى البشر

02/07/2011, 08:43 AM

والله وبالله .. لاتدري كم أدخل هذا الرد السرووور على قلبي .. ^_^

وفقك الله لما فيه الخير وحفظ أولادك ومن تحب وحفظكم من كل مكروه .. ^_^

مشكور مشكور
مـشكـور مـشكـور
مــشكــور مــشكــور
مـــشكـــور مـــشكـــور
مــــشكــــور مــــشكــــور

^_^

لك مني اجمل تحيه

™¶¾»§«¼¶احلى البشر¶¼»§«¾¶™

اهم ثاني واحد

02/07/2011, 08:55 AM

بالنسبة للي قالك ماطله في المحكمة ترى انت الخسران
لان له الحق يطالبك بقيمه اجار سيارة مشابهه لسيارته

احلى البشر

02/07/2011, 11:05 AM

اهم ثاني واحد

مشكور مشكور
مـشكـور مـشكـور
مــشكــور مــشكــور
مـــشكـــور مـــشكـــور
مــــشكــــور مــــشكــــور
^_^
لك مني اجمل تحيه

™¶¾»§«¼¶احلى البشر¶¼»§«¾¶™

ابرق المستوي

02/07/2011, 11:16 AM

الحمدلله على سلامة ابنك (في الحديد ولا في الاوادم )
لاكن معلومه اخوي انا اللي اعرفه أن اخر اربع موديلات وكاله يعني
احنا في 2011 وهو 2006 اضن ماله حق وكاله
والله يستر عليك

احلى البشر

02/07/2011, 11:21 AM

ابرق المستوي

مشكور مشكور
مـشكـور مـشكـور
مــشكــور مــشكــور
مـــشكـــور مـــشكـــور
مــــشكــــور مــــشكــــور
^_^
لك مني اجمل تحيه

™¶¾»§«¼¶احلى البشر¶¼»§«¾¶™

storm way

02/07/2011, 04:16 PM

اخوي للمره الثانيه ارد لك ردي

لا يحق لطرف الثاني بالذهب الي الورش لوحده

وثاني اذا فيه تسعيره من شيخ المعارض كيف جاب تسعيرة ورش من الاساس

المرور يعطي خطاب واحد ويقررون بانفسهم

اذا السياره معدومه ولا تتصلح يرسلون خطاب موجه الي شيخ المعارض

واذا السياره فيها امل تتصلح خطاب الي 3 ورش

اتصل بي وافهمك كل شي اخوك خبير في الموضيع هذي

0558838514

احلى البشر

02/07/2011, 07:37 PM

هلا وغلا اخوي storm way

اشكرك على اهتمامك والمشاركه للمره الثانيه

المروراعطوه ثلاث اوراق تسعيره الى المعارض وجابهم بثلاث اسعارواختارو المرور

التسعيره الوسطى اللي هي 50000الف ريال

والسياره تتصلح مافيها شي انا شايفه الجهه اليسروالصدام وعلى كلام الرجل يقول خبطت
الماكينه وانكسر القير

على العموم حبيبي يكون بيننا اتصال وهذا رقمي 0505390001

اخوك خالد الصقر

احلى البشر

03/07/2011, 02:09 AM

انتهى الموضوع

يحذف من قبل الادارهـ

عاشق الغضا

03/07/2011, 09:11 AM

اللي يقول الرجل احمق ومن هالكلام ؟؟؟ عيب عليكم

نحن لا نعرف الطرف الثاني ولم نسمع وجهة نظره وليس عيب ان يطالب بحقه
الرجل اتلفت سيارته وربما هي ملكه بهذه الحياة او ربما هي ليست له ؟؟
فلماذا نحكم عليه ونحن لم نسمع وجهة نظره ؟؟؟؟

كلامك منطقي , ونفس كلامك

صلهامه

03/07/2011, 09:21 AM

الحمد لله على سلامة الولد
جعلها بالفلوس ولا بالنفوس والحمد لله ان الولد طلع سليم لا عاهه ولا شكوى
والحمد لله اللى الله هداك وعطيت الرجال حقه ولا ظلمته
ويازين التأمين والله يمدحونه لو انك مأمن كان قلت له رح لشركة التامين وهى تعطيك الطاق طاقين

ابن حلاسه

03/07/2011, 12:20 PM

حقه واذا ما اخذه منك في الدنيا بياخذه من حسناتك يوم القيامه انصحك اخي العزيز لاتماطل وتستهين بحقوق الناس والشغله واضحه مايبيلها نقاش ولدك صدمه والخطا على ولدك 100% والله نجاه وسلمه اهكذا تفعل بعباد الله بعد ان من الله عليك بسلامة ابنك

نصيحه لايدعي عليك الرجال ثم تجيك مصيبه وتاخذ المال والولد ولاحول ولا قوة الا بالله وصاحب الحق اولى بحقه ادفع له وبنفس راضيه واحمد لله في المال ولا في الولد والله يخلف عليك ويعوضك

سواح10

05/07/2011, 06:39 AM

هذا بلا أبوك يا عقاب
أعطي البزر سيارة ويروح يصدم خلايق الله وتعال خذلك فلسفة
من جد قله خوف من الله
حصلت معي قبل كذا
سيارتي محافظ عليها ويجي واحد طايش ويصفقها لي رد وجهها خلف خلاف وفي النهاية يبي يوديني لورشة مثل وجهه وقطع تجاري
إتق الله في نفسك ورد سيارة الرجال مثل أول بأي طريقه وأطلب منه السماح يامال ..
أستغفر الله العظيم