المساعد الشخصي الرقمي

مشاهدة النسخة كاملة : احتاج النصح والمشورة


وسام الخير
29/06/2011, 10:44 PM
السلام عليكم ورحمة الله وبركاته

قررت ان شاء الله اروح الجنوب

من جده مع طريق الساحل وعلى ابها الباحه الطائف ونختمها بعمره

السؤال الله يرعاكم

سيارتي فورد 2001

والتبديلات D 2 1 ... هل تنفع للسفر مع الخط ولأ لازم دبل

وايش افضل الوضعيات للقير

احتاج الى رائيكم ونصحكم
سرطوقا
29/06/2011, 11:27 PM
توكل على الله وبإذن الله تفي بالغرض
وسام الخير
29/06/2011, 11:53 PM
سرطوقا

مابي اخاطر... والاتكال على الله موجود

بس اباخذ بالاسباب

وما خاب من استشار .. ومن هذا المنطلق حبيت اسأل من جرب الخط
قناص*07
30/06/2011, 01:01 AM
ما يحتاج دبل وانا اخوك

من جده للمظيلف و افرق يمين للمخواه وارق العقبه ولا تضغط على السياره اكثر من الازم يعني لاتشحط والديها

اذا ثقلت معك حطها بـ 2 بس اول ما يستوي الخط شوي رجعها على D ولا تشغل مكيف عشان ما تسخن السياره معك
والله ييسر امرك

اما النزول من الطائف مع الهدا فخل راكد وحط السياره بـ 2 وخلها براحتها ولامس الفرامل لمس بدون كبسها عشان ما تسخن
KING FISAL
30/06/2011, 01:15 AM
حياك الله اخي الكريم
انصحك اولا بالعمره قبل الزحمه ثم اذا تبي تريح موترك تعال من جده مكه الى طريق السيل مافيه طلعات ولا نزلات مريح جدا ثم الطايف الباحه ابها واذا بغيت تنزل من عقبة ضلع عادي من ابها وترجع جده من طريق الساحل انا جيته زمان تعبان جدا
اما الفورد صديق لي يداوم عليه خمس سنوات يمر كل اسبوع على جميع العقاب طلوع ونزول الى العمل في ارامكو مافيها شي موديلها قديم بعد نصيحه لا تعشق القيرغير D حتى لا يسخن
لا تنساني من دعاك الله يجزاك الخير في العمره
بالتوفيق
mr.قهد
30/06/2011, 02:37 AM
شوف اخوي الخير\ موترك ان شاء الله بيوديك ويجيك بس اذ اعديت عقبات في الجنوب يبغالك تخلي الموتر في نمره تخليه تعشقه في D1 عشان مايضعف عزمه في الطلوع واكنت نازل مع عقبات او غيره زي نزله الهدا الكر في الطائف تعشقه D2 عشان الموتر مايفــتــر عليك مع اللفات والنزول اذ نزلت خلاص ماعاد بقى قدامك لفات فضي الموتر عشقه في الفاضي وخلي الموتر يدحدر عشان ماتشد عليه ويرتاح في النزول
تقبلو تحيااتي
النتاوي
30/06/2011, 03:36 AM
الوضع وأنا أخوك سهالات ..

بس أهم شيء لا تضغط الموتر في الطلوع

ووقت الطلوع الشديد والنزول D2 يفي بالغرض

رحت الجنوب بكيا كلارس اللي عزمها مشي حالك والحمد لله

وطلعت بكابرس89 والحمد لله سهالات (لولا التكتيمة) ههههههه

وطلعت بفورد 99 وما شاء الله ..
وسام الخير
30/06/2011, 03:24 PM
بيض الله وجيهكم واحد واحد

ما قصرتوووووو