العزم طايح ><

[ن ن ن 3 3 3]

السلام عليكم ورحمة الله
حيا الله الشباب كلن باسمه ورسمه :$

عندي جيب باثفاندر الله يطول بعمره ويحفظه موديلة 2005 فل اوتو ..
ماشي 215 تقريبا .. توني شاريه مستعمل ...

لكن مشكلته ان عزمه طايح >< مزعجني ومقلقني .. وطفرني ><
غيرت البواجي ,, وقالو لي الكويلات سليمه ,, وفرغت الدبه وما زالت المشكلة
وفلتر الهوا والزيوت والقير والمكينه كلها سليمة .. ومفحوصه كبيوتر وكلها ok


لما تدعس البنص كامل على خط الموتر بالكااااااااااااااد توصل سرعته 160 كيلومتر .. حتى لو كان الهوا معك !!
وإذا كنت واقف على الزيرو ودعس البنص كامل ما يفز ولا يفاحط ولا شي .. يمشي مؤدب مثل البقره يقهر ><
أنا أعرف العزم الطبيعي للباثفاندر زين .. مب مثل اللي معي أبد
ياشيخ أقدم اكسنت أو أي كسره تقوم علي بالراحه .. << انذليت ههههههه
مع العلم اني مب راعي مقاومات .. لكن حاولت اقارن عزم موتري مع المواتر بس !

وهاليومين طلعت لي مشكلة جديدة صار يقطع تقطيع واجد وسرعته ما توصل 130 ..
وولعت لمبة المكينه .. وخفت عليه ووقفته ما حركته من يومين ><

مدري إذا كان أحد يقدر يفيدنا تكفون يا حبايب :$

[المنيعي1]

هذي يبيلك ميكانيكي فاهم يشيك لك على البنزين الكهرب والبرمجه .
بس وين موقعك علشان نقدر ندلك على المتخصصين في الباث.

[أبوغيث 2003]

اذا كنت غيرت فلتر الهواء عند البنشري فهذا سبب التقطيع أتوقع

بالنسبه لتفريغ الدبة ترى ماله فايده للباثفندر وما يزود العزم

[فارس الحربي1]

شيك على بلوف الماكينه هي اللي تخلي العزم يقل وفيه تقطيع

[ن ن ن 3 3 3]

مشكورين حبايبي ,,
فيه واحد ينصحني يقول شيل الدبات وركب مواصير !
يقول واضح جدا ان صوت التقطيع من الدبات !
طبعا هو ميكانيكي خبرة 22 سنة بالرياض :)

شرايكم بكلامه .. ؟!

[أبوغيث 2003]

سؤال/ امبير الضغط يوصل 3 ولا يبدا يقطع قبل ما يوصل 3؟؟؟

[ن ن ن 3 3 3]

إذا كانت السيارة باردة يقطع قبل 3 ..
وإذا كانت وسط فوقها بشوي ..
وإذا كانت محتميه من 4.5 وفوق .

طبعا التقطيع يستمر إلى التغيير من نمره إلى نمره ><

[رفيق العرب]

اتوقع والله أعلم الطرمبه

[patrol-fa]

السلام عليكم .

انا ما افيتك بس إلي اعرف عن تقطيع وعزم السيارة

فلتر الهوا .. صفاية البنزين .. تنظيف البخاخات غالبا تتحكم بسرعة السيارة

وإن كان قصدك الفزة البواجي

والله اعلم

[patrol-fa]

السلام عليكم .

انا ما افتيك بس إلي اعرف عن تقطيع وعزم السيارة

فلتر الهوا .. صفاية البنزين .. تنظيف البخاخات غالبا تتحكم بسرعة السيارة

وإن كان قصدك الفزة البواجي

والله اعلم

[وليه ياباشا]

عندك والله اعلم مشكلـــه
في طرمبة البانزين ودفعها ضعيف
وصفاية البانزين
وسلامتك الله يحفظك من كل مكروه
انت ومن يقراء ردي

[قلم آخر]

الله يعينك
كلن يعطيك من جهة
فلتر الهواء - الطرمبة - البواجي

[غرايب الدار]

انا اقول الله يبارك لك يارب بالسياره والله يطعمك خيرها ويكفيك شرها يارب

من ناحية التقطيع احتمال الشاكوش الخاص بالديلكو والطرمبه الخاصة بالبنزين والصفيات

والله يعين