شي غريب صار لي بطريق الملك عبدالله

[اكسبلورر سويدي]

شباب يمكن صار لاحد منكم


طبعا معي اكسبلورر 2010


البارح وانا بطريق الملك عبدالله بالرياض وانا ماشي في امان الله


فجأة الا السيارة كأن فيه شي يمسك الكفر الايمن الامامي اخذ يمكن نص دقيقة


وبعد شوي وترجع نفس الحركة ... قلت غريبة وصراحة خفت من السيارة لكن


مافي مجال اوقف واصلت لاحظت ان شكل الزفلت تغير ونفس الحركة رجعت


وتكرر مرتين يتغير شكل الزفلت وترجع الحركة طلعت مع الخدمة وواصلت


ورجعت السيارة طبيعي ورجعت للدايري الشرقي طبيعي


طبعا الاتجاه كان للغرب وقريب من مسار الشاحنات


صراحة مالقيت لها اي تفسير وحتى الزفلت طبيعي مافيه اي زوائد او حفر


قلت يمكن مرت على احد منكم


*******************


استفسار


هل وكالة فورد تشتري مسجل الاكسبلورر جديد ماستخدم بدلته بشاشة

[hytham]

وعليكم السلام ورحمه الله وبركاته
التجربه خير برهان ارجع امشي في الشارع نفسه ثاني مره وشوف بترجع الحركه او لا
قد يكون اختلاف اللون هو ماده الزفت ( وانت والقارئين بكرامه ) الموجوده في الزفلت وخلال مشيك عليها تكون مكونه ماده لزقه وينتج عنها هذا الاحساس ( هذا من اعتقادي ولست متأكد ) ولكن ارجع لنفس الشارع وامشي فيه كذا مره وحاول تختبر الماده هذي يعني وانت فوقها وبدت الحركه حاول تتفادها يمين او يسار وشوف هل تختفي هذي الحركه مع اختلاف الازفلت
اما بخصوص المسجل ما اعرف الصراحه الاخوان يفيدونك

[T-Tamimi]

المشكله غريبه ولا مرت علي

بالنسبه للمسجل فيه ناس هنا تشتريه
افتح موضوع وعرض المسجل للبيع وكتب مواصفاته وهل هو 6 سيدي ولا سيدي وحده وكذا

بالتوفيق ولاتنساني من السعي خخخخخخخ

[عابد الهذلي]

يمكن واللة واعلم مانع الانزلاق يعلق

[طلال عطيوي]

اخي الفاضل بعض الاحيان الحساس يعلق او تسير لخبطه في البرمجه جرب انك تفصل البطريه بس السلك السالب وخلها 10 دقائق وارجع وصل الصلك واصبر كمان 10 دقائق وبعدها شغل السوتش واصبر شوي بعدها دق السلف ( شغل السيارة ) وان شاء الله ترجع الامور طيبه واذا ما استفد ت شي روح لورشه فيها فحص كمبيوتر وقله ابي فص شامل على حساسات السيارة

[مكشات 1435]

سم بالله الرحمن الرحيم

فيه ملف أمر عليه باستمرار وحصل لي مرتين كأني مريت على حفر صغيرة ولم أجد شيء







ههههههههههههههههههههههههههه

أحيانا في الطريق يكون جزء خشن ويسبب احتكاك أكثر مثل حفر أو غراء سراميك الشوارع ( عيون القطط ) وبإذن الله ما يكون لديك مشكلة

[mo1965]

السلام عليكم

اكيد الجير على وضع اتوماتيك - وفي حاله ثقل بالأرض او التحميل تحس ان العجل الامامي كأن الفرامل ماسكه شويه - وغالبا تظهر هذه الحركه في الأرض الوعره او لو كانت السيارة بها حمل كبير والارض شبه رمليه مش اسفلت
وحصل لي هذا الموقف حينما كنت مسافر الى مكه ولما ادخل محطه بترول على ارض رمليه اشعر بنفس ماشعرت به أنت - وخصوصا وانا ماشي بطيئ - ولما امسك الطوالي - مافي شيئ على الاطلاق

والله اعلم

[النبع الصافي]

سمعت أن طريق الملك عبدالله الجديد فيه نوع (قار) مخلوط بمادة أخرى مثل كفر السيارة نفسها, عشان يخفف الانزلاقات والحوادث العرضية ويمكن تحس أنه مجود السيارة عليك وسلامتك ولا تشوف شر