من يملك افضل فحل اوضح في المملكة؟

[مكشاتي ١٤٣٢]

وش افضل فحل اوضح ومن مالكه؟افيدوني الله يبارك فيكم

[ساحووق]

الفحول واجد طال عمرك

لكن افضل فحل كحيلان والكنق

ومالكهم الشيخ عليان الطهيمي الحربي

صوووورة الكنق







http://almzayan.com/files/2060.jpg






http://almzayan.com/files/2061.jpg



http://almzayan.com/files/2059.jpg

[طير رماح]

افضل فحل اوضح عند فنجال الشيباني

[قزيزالنعام]

1-افضل فحل اوضح الكنق بعير الشيخ عليان الطهيمي
2-فاهيان بعير محمد الفصام الدوسري
3-بعير الباتل غافلان

[مكشاتي ١٤٣٢]

كحيلان صوت
الكنق صوتين
فحل فنجان الشيباني (ايش اسم الفحل) صوت
فاهيان صوت
غافلان صوت

ممكن تحددون المنطقة اللي موجود فيها صاحب الفحل جزاكم الله خير
بارك الله فيكم

[قرشعو]

اذا كنت اخوي تقصد افضل فحل من حيث الانتاج

فا الكنق لايظهر له انتاج الى الان وفي راعي افضل فحل في الانتاج

هو غافلان الباتل اللي هو ابو حشاره ومغيضه ملكات جمل الوضح

[alharbi 2011]

1+ الــــكـــنــــــق > اسم على مسمى .

2- جمل حسن بن عمار المطيري .

وكل واحد له نظره .

[عاااشق الطير]

اخواني جميع الي شاركو في الموضوع مافيه فحل افضل من فحل لاشفت الفحول كلهاء احترت وانا بكذر جميع الفحول الطيبه في الجزيره ولاافضل فحل عن فحل كلهاء كفو
1فحل رمان ابو يد المشهور وهو قد مات عند صاحب السموء الامير عبدالعزيز بن فهد
2الهدب وهو ملك ولي العهد الامير سلطان بن عبدالعزيز
3الاهلالي عند الامير نايف
4عويجين عند ابن صاهود
5بويضان عند ابن مهناء
6الزعيم عند فنجال
7 كحيلان عند الطهيمي
8غافلان فحل الباتل
9السعودي ملك ابن وديد المرشدي
10هياف ملك مبلش وايضاء البارز
11تمام عند هيف
12وياكثر الزين الباقي ولاكن ذكرت اشهرهاء وكلهاء كفو وراعي النضر يحتار يفرق فيهاء وهاذا الكلام الصحيح

[مكشاتي ١٤٣٢]

بارك الله فيكم على الافادة

[محمد الظاهري]

اشهر السلاله في الجزيره العربيه
هي سلاله طفحان وطيحان
ومن انتاجه طفحان الفحل كحيلان او الكنق
والفحل التاج
والفحل الباتل هي من اصل الفحل كحيلان
وكلها يعود اصلها إلا الطوافح وهم الدواسر
انا بانسبه للمغاتير
لئن اعرف من يقتنيها
تحياتي

[يوسف 206]

اعتقد ان افضل فحل بالمملكة من ناحية الانتاج تمام للمالك هيف القحطاني

[barraq]

1 - كحيلان الطهيمي
2 -الكنق الطهيمي
3- المسكت الطهيمي
4- تمامين هيف
5 - رمان ابو يد
6 - تمام هيف
7- البارز - ابناء الملش المرزوقي (رحمه الله)
8- نبع الجود ابناء مبلش المرزوقي(رحمه الله)
وهذا رائيي

[ابو قحط 505]

اعتقد ان افضل فحل بالمملكة من ناحية الانتاج تمام للمالك هيف القحطاني

:good2::good2::good2:

[مكشاتي ١٤٣٢]

جزاكم الله خير على الافادة

[ساحووق]

نطقتهم من ساحة العرض تنطيق //خلولك الساحه وراحم طقيقي

[سهيل الازهرا]

غافلان -الباتل
تمام- هيف
كحيلان- الطهيمي
رمان (ابويد)مالكه الفصام سابقا
الشيخ -مالكه العزيزي سابقا
الهدب- الامير سلطان بن عبدالعزيز
كل هذي فحول وضح طيبه وسلالتها فاخره
ويحتار راعي النظر فيها

[مكشاتي ١٤٣٢]

جزاكم الله خير

يقولون اخطب لبنتك ولا تخطب لولدك وانا جالس ادور لبكرتي المزيونة فحل طيب:)

[عاشقـ البر]

غافلان الباتل

[راعي طلاع]

يالطيب من ناحية الانتاج من اثبت وجوده في الساحه تمام بعير هيف بن محمد القحطاني

من ناحية الزين به فحول واجد طيبه واكثرها ابشر بالزين وقت العروض

وكم سنه وتسمع بس ذكرها اما انتاجها على ارض الواقع فهو فشوش والامثله واجد

والدليل المشترى القوي كل سنه والبعير صعب جدااااااااااااااااااااااااااا............

[ذيب السفاله]

الكفو / ابناء مبلش بن سفر المرزوقي البقمي

[راعي عجله]

افضل فحول الابل بعير

سعـد ابن ثنيان الحافي عليان

ولا فيه زيه في المملكه

[ذيب العيالي]

غير بعير هيف تمام لاتدور ويدلك على طيبه ثمنه (14مليون)

[عقيدالخيل]

صباح الخير

الــــزين واجد ...

مثل ماقالو الربع بعدين انت تبي تضرب اي واحد منهم بيجيك منه زين ان شالله

لاكن من ناحية ازين فحل انا اعتقد الكــــنـــق ويدلك على ذلك سعره لانه مسيوم بـــ30 مليون واللي سامه ابراهيم المهيلب

[أبو بندر2755]

1 - كحيلان
:-الكنق المالك عليان الطهيمي المدينه حائل
http://www.youtube.com/watch?v=DHYEK6fNvZc&feature=related (http://www.youtube.com/watch?v=DHYEK6fNvZc&feature=related)
2-تمامين هيف القحطاني
http://www.youtube.com/watch?v=IbTZw1caBl8&feature=related[/URL]
3- تمام فحل هيف القحطاني
[URL="http://www.youtube.com/watch?v=yxRotrTWHsk"]http://www.youtube.com/watch?v=yxRotrTWHsk (http://www.youtube.com/watch?v=IbTZw1caBl8&feature=related)
4- فاهيان فحل الفصام
http://www.youtube.com/watch?v=QZltJ48Ou3o&feature=related (http://www.youtube.com/watch?v=QZltJ48Ou3o&feature=related)

شوف واحكم بعينك

ملاحظه : ماحصلت مقاطع لفحل الطهيمي كحيلان

مودتي ,,

[مكشاتي ١٤٣٢]

جزاكم الله وبارك الله فيكم

هيف القحطاني في اي منطقة؟

[خيط العنكبوت]

مشكور ين على الأفاده.

[مكشاتي ١٤٣٢]

الله يجزاكم خير
يارب طول في عمر هيف :)
يارب ابشركم ان بكرتي لقحت منه دعواتكم

[خالد777]

غافلان -الباتل
تمام- هيف
الشيخ -العزيزي

[ابن طاحوس]

البارز
نبع الجود
الكفو


لابناء مبلش البقمي رحمه الله

[قرشعو]

ههههههههههههههههه

الدعوووه راحة عنصريه كل واحد مع ابن عمه

اللي يذكر الفحول يذكر فرديه من بناته

غافلان الباتل ابوحشاره فردي ام رقيبه وابو سلطانه فردي ام رقيبه

وابومغيضه منافسه في الفرردي يعني افضل في الانتاج في المملكه بل في الوضح

جــــــــــــــــميع ويكفي ان بنته حشااره اللي يبطي اهل الوضح ينتجون مثلها

[ABU MANSOUR]

وهذا وش رأيكم يستاهل نحطه معهم ولا نشيله من القائمة

http://im4.gulfup.com/2011-07-08/1310100897501.jpg

[ابو زنعاف]

الفحل الي عند الامير نايف بن عبدالعزيز الي جده او بوه حديجان من بعرين الروسان ذوي جزاء بن عون

[الحبرتي يرتي]

مساااكم الله بالخير جميعا ,,,,,

اخوي العزيز انا عندي ولد الزعيم وهو لفنجال الشيباني اشتريته من حائل وجبته عندي في الشرقيه وباقيله شهرين ويصير لقي يعني شهر 10 وانا عارضه للبيع لانه كان عندي نيه احتفض فيه والضروف ماجت على الكيف ... اذا بعت الله يبارك لشرايه واذا ما بعت بتشوفه بام رقيبه بعد شهرين ان الله احيانا تحياااتي

[طالب المعرفه]

انا في اعتقادي ان ازين فحل في الجزيره العربيه


هو الي في السوق او عند احد جيرانك سق ناقتك عليه واضرب وريح راسك

[ABU MANSOUR]

مساااكم الله بالخير جميعا ,,,,,

اخوي العزيز انا عندي ولد الزعيم وهو لفنجال الشيباني اشتريته من حائل وجبته عندي في الشرقيه وباقيله شهرين ويصير لقي يعني شهر 10 وانا عارضه للبيع لانه كان عندي نيه احتفض فيه والضروف ماجت على الكيف ... اذا بعت الله يبارك لشرايه واذا ما بعت بتشوفه بام رقيبه بعد شهرين ان الله احيانا تحياااتي



ممكن صورة للقعود


.

[البدائع 2010]

افضل فحل الكنق عليان الطهيمي الحربي

[جبل راف]

كل اللي ذكرتوا فحول طيبة واهلها اطيب

[محمد الظاهري]

سلاله رمااان هو السلاله الطيبه
ومن انتاجه رمان هو كحيلان والكنق والتاج والمسكت زمل الطهيمي


وبعير الفصام
وابل المهيلب وابل ناصر بن مهنا وثلاب
وابن قرنين وابو اثنين
وابن شويه وان قريع وغيرهم الكثير الكثير
اشهر السلاله في الجزيه العربيه يعود اصلها لي رمان
والطوافح
ولكن في السنوات الاخيره اختلفت المسميااات

[GMC 111]

افضل فحل تمام للمالك هيف القحطاني

[المداوي2]

سلاله رمااان هو السلاله الطيبه

ومن انتاجه رمان هو كحيلان والكنق والتاج والمسكت زمل الطهيمي


وبعير الفصام
وابل المهيلب وابل ناصر بن مهنا وثلاب
وابن قرنين وابو اثنين
وابن شويه وان قريع وغيرهم الكثير الكثير
اشهر السلاله في الجزيه العربيه يعود اصلها لي رمان
والطوافح

ولكن في السنوات الاخيره اختلفت المسميااات





:good2::good2::good2::good2::good2::good2::good2:

[محطم عنيد]

الفحول الطيبة صاحبة الغنتاج الطيب

كثيرة منها مهاو مشهور ومنها ماليس مشهور

ولكن الأشهر الآن : الكنق لأبوفواز الطيهمي عليان

[الهاشمي999]

أسم الفحل : المتفوق
المتفوق ولد بويضان ولد عويجين بعير ابن صاهود

وأمه من أباعر أبن كمعان اللي شراها ابن مهدي للامير / سعود بن محمد

اللي شرى منها هيف البل وجد البعير من أمه بعير الشبلي

http://www.mzayan.com/vb/showthread.php?t=27907

[سنا البررق]

ياسلام ياسلام

[ذيب مجزل]

غافلان تبع الباتل
كحيلان تبع الطهيمي
هي الافضل بالانتاج انتاجهم ماشا الله يباع بالملايين

[قرشعو]

غافلان تبع الباتل
كحيلان تبع الطهيمي
هي الافضل بالانتاج انتاجهم ماشا الله يباع بالملايين



بيــــــــــــــــض الله وجهك وعزالله

انك ذكررت الصحيح يا نااس اصحوو

فحل الباتل مايجي جنبه فحل ابو (حشاااره )

[أبوعابد 22]

افادوك الربع

[KASHTAT]

بالنسبة لكحيلان اللي شراه الطهيمي فهو على بعير ابن غصين الدوسري
واشتراه عليان الطهيمي وأنتج عنده الرمانات سلالتهن من ابن غصين

[KASHTAT]

ولاتنسون بعير ابو عجاريد
وبعير ابن فنيسان السبيعي
وزمول ابن هلال الميموني

[وليم]

تمام وبس والله اني اقولها ونا عارف وباخص ولاهي عنصريه