نصيحه للي بيشتري سيارة فورد من الوكاله

[الرحال050]

اخواني الاعزاء السلام عليكم ورحمة الله وبركاته
نصيحه للي بيشتري سيارة جديدة من وكالة الفورد لايركب شاشة منهم ترى نوع الشاشه
الي يركبونها نفس الي في محلات الزينه يعني فلوس زياده على الفاضي
انا كلفتني الشاشه الاماميه 7000 ريال ضنيت انها نفس الي راكبه على الاكسبدشن الدرجة الاولى طلعت الشاشه افلون نفس الي يبيعا محلات الزينه والتكلفه 1050 ريال
والله قهر وحتى الشاشه السقفيه نفس الشي يعني تركب من بره الوكالة ارخص
ويمكن في خيارات اكثر

[ابوياسر1971]

المشكله في جميع الوكالات للاسف ما فيه احد يقولهم ليش .

[أبو السيفين]

الذي يجبر الكثيرين على التركيب في الوكالة هو الضمان فإذا تم اضافة اي قطعة خارج الوكالة يلتغي الضمان حسب القطعة المركبة سواء مايخص الكهرباء او الميكانيكا

[T-Tamimi]

ذلونا بذالضمان
تلقى نفسك سايق لهم 20 الف زياده على سعر السياره كله لعيون الضمان
بينما ما فيه سياره جديده تكد خمس سنوات وتخسر صاحبها المستخدم العاقل 20 الف الا بقدره القادر سبحانه

ياليت تتاكد يالغالي اذا الشاشه الاماميه الي بالمحلات هي نفس الشاشه الي بالوكاله لاني ناوي اركبها
كلت مقلب وركبت شاشه السقف ب 3000 ولقيتها بالغرابي ب 700
الشاشه الاماميه بركبها من الغرابي وصدقني والله مايدرون انت مركبها عندهم ولا برا
المصري الي يركب الشاشات كانك قابلته تراه يمشي بدهن السير
يعني ركب في الغرابي شاشه وتعال للمصري وعطه 200 ريال ويعطيك فاتوره انك مركب من عندهم
المحتال مالك الا تتحايل عليه ولا بتروح طعام جحوش الله يكرمكم

[الرحال050]

ذلونا بذالضمان
تلقى نفسك سايق لهم 20 الف زياده على سعر السياره كله لعيون الضمان
بينما ما فيه سياره جديده تكد خمس سنوات وتخسر صاحبها المستخدم العاقل 20 الف الا بقدره القادر سبحانه

ياليت تتاكد يالغالي اذا الشاشه الاماميه الي بالمحلات هي نفس الشاشه الي بالوكاله لاني ناوي اركبها
كلت مقلب وركبت شاشه السقف ب 3000 ولقيتها بالغرابي ب 700
الشاشه الاماميه بركبها من الغرابي وصدقني والله مايدرون انت مركبها عندهم ولا برا
المصري الي يركب الشاشات كانك قابلته تراه يمشي بدهن السير
يعني ركب في الغرابي شاشه وتعال للمصري وعطه 200 ريال ويعطيك فاتوره انك مركب من عندهم
المحتال مالك الا تتحايل عليه ولا بتروح طعام جحوش الله يكرمكم

حياك الله اخوي وشكرا على المرور
الشاشه الاماميه الي ركبوها في السياره اسمها افلون اسئل عنها في محلات الزينه
وحتى الكرتون عليه صورة داخلية الاكسبدشن يعني تقول مخصصه للسياره
انا بنسبالي قلت خل اركب الاصلي
طلع تجاري على العموم السيارة عاجبتني بس الي قهرني سعر الشاشه مبالغ فيه
ولو أن تركيب الوكاله اضمن وانضف ويكفي لوصار اي شيء لاسمح الله يتحملونه
بس يالله كل اسطار بتعلومه
اشكر كل الي شاركو في الموضوع والله يجزاهم خير

[alturki1386]

أنا لما سئلتهم عن التكلفة (للأكسبدشن قياسي) مع سعر التظليل طلعت 4700 ريال. والمشكلة إنك مجبر تركب عندهم علشان الضمان. أما اللي يقول عليها الأخ (T-Tamimi) فمسألة فيها نظر.

[mm23ss]

انا ركبتها عندهم بسبعة الاف وهي ماتسوى الف ريال

[الدوكالي]

مرحبا
انا ركبت عندهم كاميرا خلفية وشاشات خلف المقعد ب6500 وهي ماتستاهل كله من اجل الضمان لكن اللي يهون على الواحد ان السيارة عاجبته .
مع اني دفعت مبلغ الكاميرا و الشاسة مع مبلغ السيارة و بعدها بيومين وقبل تركيبها كلمت الموظف اني لااريد الاضافات لكنه تعذر انهم لا يستطيعون اعادة المبلغ وقلت هذه اولها مشي حالك وبصراحة الاضافات ماتستاهل ربع المبلغ .

حسبي الله عليهم

[ابومضاوي22]

ودك الواحد يراسل الشركة الام ، ويوضح الي حاصل بها الوكالات ، وانا في اعتقادي انه اذا الكثير سوى كذا الحال بيتغير ، مشكلتنا السكوت ، اذا كان البلد الي انت عايش فيها يا الواحد ما فيها حقوق مستهلك تحميه ممكن الرجوع للشركة الام .

الشي الغريب انك تشوف وكلاء في الخليج يقدمون مواصفات جيدة للسيارة وكذلك ضمان الصيانة .

الشركات الي برى تهتم بالمستهلك وخدمته ما بعد البيع بشكل كبير جداً .

موفقين خير

[السيد-99]

يا اخوان كلمة يلغي الضمان هذه لعبه يلعبونها علينا ان سيارتي اكسبدشن2008 ركبت شاشه امامية وثانية بالسقف طبعا خارج الوكاله وبعد فتره طويله حول سنه ونصف عطله البطاريه وديت السيارة للوكاله غيرت البطاريه جديده مجانا طبعا بعد اخذ ورد