مشوي الدخّل بالصور !!

[السمح]

http://www.mekshat.com/pix/upload02/images73/mk17809_salamalikoom.jpg


المشوي بجميع أنواعه من لحوم ودجاج وأسماك لذيذ ، وله عشاقه الكثيرون الذين يتفنون في إعداده وتجهيزه . وبما أننا - أصحاب الرحلات والصيد - نعتقد أيضاً أن المشوي لذيذ ، وخاصة لبعض الطيور مثل الدخل ، أحببت أن أشارككم طريقتي في شوي هذا النوع من الطيور ..



1- المطلوب الحصول على عدد 100 دخلة لخمسة أشخاص ، وإذا حصل إن اللذين يصيدون يكونون محترفين بحيث يحاولون التهديف على الرأس حتى ما تتمزع الدخلة يكون أفضل ..
2- ضع الدخل في كيس نايلون في داخل البرادة بين الثلج ، وهذا مهمته أنه يسهل عملية النتف بشكل كبير وسهل فيما بعد إذا كان الدخل بارداً ..
3- أخرج الدخل من البراد ليقوم المجموعة بنتفه ، ويتفرغ أحدهم لاستخراج جوف الدخل فقط ، وبعملية فنية بحيث لا يفتح فتحة كبيرة في بطن الدخلة .. مع ملاحظة الإبقاء على أرجل الدخل ، من أجل أن تكون مثل المقبض اثناء الأكل ...
4- بعد الانتهاء من هذه العملية يغسل الدخل بالماء العادي وينظف جيداً ..

http://www.mekshat.com/pix/upload/images/mat/kich/b1.jpg


5- يقوم اثنان بعملية التسييخ وهي ادخال الدخل في أسياخ الشوي ، وعلى أن يشك الدخل من الجنب الأيمن إلى الجنب الأيسر أو العكس على أن يتبع نفس النظام في بقية المجموعة بحيث تكون الأرجل على جهة واحدة من أجل أن تكون عملية الشوي فيما بعد متساوية في الجميع ، وترص المجموعة بشكل متلاصق جداً ، حتى لا يتعرض الدخل للجفاف اثناء الشوي ، وستجد أنها طرية ولينة بعد اتمام العملية . لا تخف سوف تنضج بشكل لذيذ وجيد حتى وهي متلاصقة ..

http://www.mekshat.com/pix/upload/images/mat/kich/b2.jpg


6- في هذه الأثناء قم باشعال النار حتى تعطيها وقتاً ليصبح الجمر جاهزاً .. أما الدخل بعد عملية التسييخ فيصبح بهذا الشكل ..

http://www.mekshat.com/pix/upload/images/mat/kich/b3.jpg


7- بعد استواء الجمر قم بتعديله وتسويته بحيث يناسب مقاس الأسياخ من حيث الطول والعرض ، ثم ضع مركاب في الوسط ، ويوجد الآن أنواع من المراكب مخصص للشوي وهو مثالي لمثل هذه الحالة ، ثم ضع الاسياخ عليه بحيث تكون الصدور للأسفل ، ولا تغفل عنه إذ يجب تقليبة باستمرار ..

http://www.mekshat.com/pix/upload/images/mat/kich/b4.jpg


8- إذا لا حظت أن الدخل بدأ يصبح رطباً بسبب ذوبان الشحوم رش عليه قليلاً من الملح وفي كلا الجانبين ، ثم أكمل الشوي بتقليبه باستمرار ..
9- الدخل لا يحتاج إلى وقت كثير على الجمر ولا تنتظر حتى يتحول لونه إلى البني لأنك في هذه الحالة ستخسر صيدك ويصبح غير لذيذ ، ولكن بمجرد أن ترى أن اللون أصبح أشقراً فهذا يكفي ، وأفرغ محتويات السيخ في صحن مجهز لذلك ..

http://www.mekshat.com/pix/upload/images/mat/kich/b5.jpg


10- أفرغ بقية الأسياخ ليصبح الجميع جاهزاً للأكل بهذه الصورة ..

http://www.mekshat.com/pix/upload/images/mat/kich/b6.jpg

11- البعض يفضل أن يصاحب الدخل بعض الطحينة والخبز ، والبعض الآخر يفضل أن يأكله لوحدة .. وللكل بالهناء والعافية ..



شكري وتقديري الخاص لمشرفنا الغالي ( الخبير ) الذي قام بتصوير ما عملته .. ولا أنسى أن أشكر كلاً من ( شقردي وشقران ) اللذين شاركا في الأكل ..:D :D

[الخبير]

و الله ياهو شوي و طعم خيال .

و الله ما قصرتوا في الصيد و الشوي و الاكل :D
ويا جعله بالعافية
===============================

http://nobody.jeeran.com/jkduhpma1.gif

[سيف السيف1]

شكراً لك ابو تركي شغلك شغل والله شهويتنا وشوقتنا ,, وبعدين المبدعين مجتمعين لازم انشوف ابداع ,, ياعل مداخيله العافيه ان شاء الله :hot::D

[السمح]

الخبير :
الله يعطيك العافية على كل شي ..
وماقصرت وأشهد إنك ذيب ..
مشكور على الزيارة والتعليق ..

=============

ابوفارس :
أنت راعي الاوله ياالغالي ..
والعفو العين ما تعلى على الحاجب ..
بارك الله فيك وهلا بك ..

[خوي راعي كيف]

يالله من فضلك يابو تركي ..

والله انهن تقل طابورابتدائي ;) عز الله مابقى شي من الدخل ماشا الله قضن ان كان هذا صيدكم

لكن هني وعافية عمي ابو تركي . وتسلم والله على هالشوي؛؛؛ شبعت من نضرتهن بس .

[مكشات]

وش هالزين ؟ يخزي العين .. رهيب من جد الله يسلمكم جميع
شوي وأمد يدي وآكل من زينه .. ماشاء الله تبارك الله
كل الشكر للي صاد وصور وشوى وأكل وطبعا للي كتب هالموضوع الحلو :)
إشتقنا لهالسوالف والعلوم الطيبة ، عسى الله مايحرمكم من خيره
وبالهناء والعافية
تحياتي لكم
مكشات

[الموجه]

مساكم الله بالخير جميعاً
وجزاكم الله كل خير على هذا الموضوع الفاتح للشهية والمتسبب على المشاهد لهذه الصور الجميلة بالجوع وسيلان اللعاب والإلتفات يمينا وشمالاً بحثاً عن أي مسلي يحرك الضرس ، وبيض الله وجيهكم على الكشتة اللي فاتتنا عز الله ولا لحقنا عليها ـ الله يهديكم يا مشرفينا الأفاضل ـ لكن خيرها في غيرها والجايات أكثر بس عساكم ما تنسونا .
إييييه هذي هي الكشتة والا بلاش مهيب كشتة بعض الربع ـ الله يذكرهم بالخير ـ
كاشتين على النت هذي جهدتهم يسلون أنفسهم وبس .
مع الاعتذار للإخوة الأفاضل

على العموم لا نقول إلا : ( اللهم عافي من صنعه وهنيء من أكله وعجل الله لنا ولكم بدله ) .

وتقبلوا مني أطيب تحية وتقدير .

والسلام .

[رحال]

مساك الله بالخير مشرفنا (( السمح )) والله لك وحشه يالغالي ويعطيك العافيه على هذا الجهد الكبير
وتراك والله شهويتنا على الشوي .

انا والله مااصيد دخل لكن بعد اللي شفته شكلي نويت عليه نية قشره وراح اصيده علشان اجربه وراح اعطيك رايي فيه بكل صراحه .

تقبل تحيات اخووووووك الرحاااااااااال

[عاشق الصحراء]

من طول الغيبات جاب الغنايم:)
عز الله انك جبت غنايم تفرح:D بس يا ابو تركي لو
ما شويتهن كلهن يالغالي :D ما خليت بعيضهن للحبايب;)
تصدق...تصدق اني على طول للهندي راع النتافة و اخذت
منه سمان حي و جبته و نتفته بالبيت :good: و نفس
طريقتك يا طويل العمر و حشرت اهل البيت و الجيران
بالدخنه:hot: وطول هكاليوم حاطن الحرة بالشوي.
و خذ يا شوي.. و خذ يا شوي.. و خذ يا شوي:mad:
الله يجيرك ما دريت الا يوم فحمن كلهن:hot:

الله يهنيكم يالغالين و ياعلهن مداخيل العافيه.

[السمح]

خوي راعي كيف : :heart:
وش هالساعة المباركة يابعدي ..
الله يبارك بالدخل اللي خلانا نشوف اسمك ..
ياهلا ثم هلا بالغالين وريحة الأحباب ..

==========

mekshat.com : :heart:
مشكور على الزيارة والمجاملة الرقيقة ياعيوني ..
وطيب السوالف من عندكم منبعها ..
هلا بك ومرحبا ..

==========

الموجه : :heart:
هلا والله بالمبدع دائماً ..
وابشر بكل ما يرضيك .. وإذا تبي حق ترى مستعدين باللي تامر عليه .. لك علي دين المرة الثانية أحط عندك خبر على الأقل نسعد برفقة الطيبين مثلك وشرواك ..
مشكور وكثر خيرك على كل دعوة تدعوها بها المنتدى ..
الله يحييك ..

==========

رحال : :heart:
ما يوحشك غالي يالغالي ..
وهذا من طيبك عسى الله يخليك ..
وترى الدخل فعلاً يستاهل من يتعب عليه ..
ولو تجربه مرة ما تنسى سواء شوي أو مقلقل ..
ما قصرت ومشكور ..

==========

عاشق الصحراء : :heart:
يقطع بليسك يا عاشق الصحراء ..:D ..
أجل رد المشوي جب المشوي وآخرتها أحرقت السمان اللي كله ملح وزين :D
عندي لك اقتراح .. أنت كل يومين ثلاثة جب لك 50 دخلة وتعال أعلمك علشان ما يحترق :good:
وش رايك ؟؟
هلا بك والله وغلا .. وشرفت أخوك بزيارتك للموضوع ..

السلام عليكم

[شقران]

ياحليل هاك الأيام يابوتركي.
والله من امتع الايام اللي مرت علي ولايهونون الاخوان.
ترا الطعم ولابالخيال وابوتركي والله ماقصر ان اشهد انه وليده وخبير ولااكبر مطابخ فرنسا يوصلون لعلمه وخبرته يالربع لافي صيد وفي نتف ولافي طبخ اما عاد انا ووابوعبدالله خبراااااااااااااااااااااااااااااااء اككككككككككككككلللللللللللللللل من الدرجه الاولى دامك يابوتركي انت الي بتزينه ياخلفهم.

ومانيب قايل الا جزاك الله الف مليون خير على هاك الطلعه اللي ماتنسي ياخالي

وتحياتي لجميع الاخوان

[خوي راعي كيف]

المهلي مايولي يابو تركي والله يبارك بعمرك يابعدي .

وانت ادرى بالضروف هاليومين بس عاد وش نسوي تأتي الرياح بما لاتشتهي الدداسن:p

اما ريحة الاحباب فهي عندكم اخذتوه عنّا هو ريحته بس يبي يجيبه الشتا انشا الله .

[السمح]

شقران : :heart:
والله الرحلة من أفضل الرحلات اللي مرت علي ، وبوجودك يابوفجر ووجود بقية الإخوان صارت بهالحلا ..
فأنت زينة المجلس والسوالف الطيبة وعلوم الرجاجيل ..
عسى الله يخليك يابعدي .. وأشهد إنك ما قصرت .. ولا عليك زود ..

==========

خوي راعي كيف : :heart:
أسأل الله الكريم ، رب العرش العظيم أن تتحسن الأحوال إنه على ذلك قادر ..
نعم أخي أبوفهد مقدر الظروف .. وعندي الخبر ..
ولكن ما يمنع إنك تخطم علينا وتقول سلام عليكم أنا هنا ..
ترى مكانك بالمنتدى شاغر حتى اللحظة ..

[الحزين]

العين عليك بارده يابو تركي ولااله الا الله عليك والله يحرسك من العين ,,,,

الله يعطيكم العافيه دائما وأبدا ,,

100/100 رحلتكم جميله وممتعه ,,, ليه ؟؟

وجميع اللي معك مرتاحين ومبسوطين ,,, ليه ؟؟

والله موفقكم بصيدكم الحلال ,, ليه ؟؟

وطلعتكم ماتنسي أبدا ودائما تسولفون فيها ,, ليه ؟؟

والكل يتمنى انها تتكرر مره ثانيه بأسرع وقت ,, ليه ؟؟

ومرت عليكم بسرعة البرق والاسبوع كأنه يومين ,,, ليه ؟؟؟؟؟؟












الجواب : معاهم واحد :good: وزنه دهب ينقاله السمح !!

[السمح]

الحزين :heart:
شوي شوي على أخوك يابعدي ترى بديت أحس إن ثيابي بدت تضيق علي :D وطاقيتي ما تدخل براسي من كبره :rolleyes:
وداري إنك تسوي أعظم من كل هذا ، ولكن نفسك وروحك الخفيفة تأبى إلا أن تكيل لي من المديح والثناء ما لا أستحقه ، وهذا يدل على طيب المعدن ..
عسى الله يخليك ويشرف مقدارك ..

[al-nashmi]

حبيب قلبي السمح انت خطير ومبدع وفنان ومجرم بعد يشيخ حرام عليك خليتني ادوخ من ريحه الشوي ولذت الطعم اللي وصلتني عبر الشاشه:looney:

وبعدين هالمره ليش خليت السمر ورحت للشقر:confused: :D :heart: :flog: ؟؟؟؟؟؟؟؟؟؟؟



وتقبل تحيات اخوك النشمي

[راعي عنيزة]

الله يالدنيا راعي عنيزه ما تعرفونه الا عند الهوشات
اما البلع والوناسات انواع الجحددددددددددي ;)

احمدو ربكم منب احب الصيد ولا اكله ولا كان ما يفككم مني ولا ابن ابوه :P

[الموجه]

كاتب الرسالة الأصلية راعي عنيزة
الله يالدنيا راعي عنيزه ما تعرفونه الا عند الهوشات
اما البلع والوناسات انواع الجحددددددددددي ;)
احمدو ربكم منب احب الصيد ولا اكله ولا كان ما يفككم مني ولا ابن ابوه :p

:p اسمح لي يا راعي عنيزة ـ جعلك تسلم ـ أصارحك بالحقيقة ولو إن ما لي دخل في كشتتهم والوناسات اللي تذكر . يا أخوي لا تلومنا في الهوشة معك تبي الصراحة والله انها بحد ذاتها وناسة ويمكن تغطي على كشتة الربع اللي تِشَّره عليهم بسببها .

(( ويومك تقول انك ما تحب الصيد ولا أكله )) الظاهر انك سويت سوات اللي يقول تف عليك يا حويمضه مسوي لي تغلى .

أرجو أن تتقبلها بصدر رحب وهذا تأكيد لقولك : ( راعي عنيزة ما تعرفونه الا عند الهوشات )

استلم هالهوشة على شاني مبطي ما تهاوشت واياك .

والسلام ختام .

[السمح]

al-nashmi :heart:
هلا بك مرة ثانية .. وصحة وعافية اللي أكلت من المشوي :D عاد ترى ما يخدم بخيل نبي بداله 10 قميري بس .. وبعدين ياخوي نقل فؤادك مع كل الألوان .. ليش تقصر عمرك على لون واحد :p

==========

راعي عنيزة : :heart:
والله صادق أشوى اللي منتب راعي صيد وطيور .. وإلا كان وش يفكنا من لسانك .. خابرك يابعدي شري نمرة واحد ;) .. ولكني أتفق مع أخوي الموجه إن المهاوش معك بألف كشتة .. العسل ما يجي منه إلا عسل .. :love2: ..
مشكور أبوحمد على تشريفك هنا .. وننتظر أبوحمد الأول ;)

==========

الموجه : :heart:
طع شوري واربح الغنيمة ... لا تدخل مع هالمريوح بنقاشات حادة .. ترى والله يفضح بك مثل ما سوى ببعض الناس .. :D .. أدري إنك مستعد للرجال ومتسلح .. بس ترى ماهوب سهل .. لقد أعذر من أنذر .. :)

السلام عليكم

[نجمة سهيل]

ماشاء الله عليك مشرفنا الغالي:heart:السمح:heart:مشوي ولاأروع منه جعل مداخيله العافية ذكرتني بمره من كشتاتنا لبويب ماندري وشلون نطبخه من كثره؟ مشكوووووووور وماقصرت والله يعطيك العافية.
~~~~~~~~~~~~~~~~~~~~~~~~~~~~~~~~
تقبلوا تحياتي___
>نجمة سهيل<:heart:

[السمح]

نجمة سهيل : :heart:
هلا بك ومرحبا ..
بس شوي زعلان عليك :( .. أجل عندنا قريب في بويب ولا تقول تفضل ..
على الأقل هالدخل اللي منتب عارفين وش تسوون فيه أعلمكم وشلون :D ..
وترى المسألة سهلة .. رن رن ألو السمح ؟ تعال الله لا يهينك عندنا دخل .. وبس نص ساعة أكون عندكم .. :D
حياك الله أخوي نجمة سهيل ومشكور على الزيارة ...

[نجمة سهيل]

اخوي ابو تركي ابشر بسعدك يابعدي والجايات انشاء الله اكثر من الرايحات . وانشاء الله في النزله الثانيه يكون لنا نصيب بالصيد مع بعض وشكــــــــــــــــــــــــراً.
~~~~~~~~~~~~~~~~~~~~~~~~~~~~~~
تقبلوا تحياتي___
>نجمة سهيل<:heart:

[أيمن]

( لقد تم إضافة هذا الموضوع إلى المواضيع المميزة والشيقة في هذه الخيمة (http://www.mekshat.com/vb/showthread.php?s=&threadid=8667) )
مع الشكر للجميع ،،
http://www.mekshat.com/pix/upload/images/flow12.gif

مشرف الخيمة

[الفضلي]

بصراحه أحسن طريقة شوي شفت في المنتدى ولا 000 صيد بعد
الله يعطيك العافيه يالسمح أسلوب ممتاز وصور أروع
عساك على القوه:good:

[الجوني]

الرسالة الأصلية كتبت بواسطة al-nashmi
حبيب قلبي السمح انت خطير ومبدع وفنان ومجرم بعد يشيخ حرام عليك خليتني ادوخ من ريحه الشوي ولذت الطعم اللي وصلتني عبر الشاشه:looney:

وبعدين هالمره ليش خليت السمر ورحت للشقر:confused: :D :heart: :flog: ؟؟؟؟؟؟؟؟؟؟؟



وتقبل تحيات اخوك @الجوني@

[السمح]

الإخوان :
أيمن :heart:
الفضلي :heart:
الجوني :heart:

مشكورين على الزيارة وتشريفكم هالموضوع
وعسى الله يخليكم ذخر لنا

أحلى تحية

[القانوص]

الله يعطيك العافيه ياالسمح
وعليك بالهنى والعافية انت ومن معك على الطبخة الحلوة والمشهية وخاصة بالذي يعرفها وذاقها قبل
هالمره.

[عبار درب]

والله ثم والله اني شميت ريحت شوي دخل في المربعانية من زين صورك ياكبتن:eek::eek::eek:;)

[السمح]

القانوص :
حياك الله ، وتصور هالمشوي بهالأجواء ما يصير :D

عبار درب :
أشهد إنك راعي صنف :D اللي تشم ريحة المشوي .. بس ما تلام كنت مبطي عن هالصور يوم شفتها اليوم كني أشم ريحة مشوي طلعت علي من سماعات الجهاز :D
أما عاد مشوي دخل وبالمربعانية .. كثر منها
أشكرك كثيراً على المرور وعلى الكلمات اللطيفة وتسلم .. يالغالي

أحلى تحية

[نبض البوسنة]

تسلم على الصور الجميلة

[ولـد الدوادمي]

اخوي وين كل ذولي صايدينهن فيه ؟

[زهرة الوادي]

والله اتحريت صراصير ...

الحمدلله طلعت طيور

بس ماشاءالله شكلها لذيذ ..

تسلموون

[ولـد الدوادمي]

كرم النعمه الله يجزاك الخير ؟

[قناص تميم]

جزاك الله خير على الصور والله موضوع مميز وشرح وافي بس ألحين موسم الحصد أو الجرجس أخو ك: صقار نجد ؟

[الجندي2005]

ليتكم عزمتوني كان جيت ركض هههههههههههههههههههههههههههههههههههههههههههه

[الضاري]

هذي عزيمة مشرفين ... أشوف الشلة كلهم هنا
مشاء الله عليك يابوتركي

والله يعافيك على الصور اللي تلصق الخشة على الشاشة

[لمصرقع]

حسبي الله على بليسك شوقتني للشوي ما ودك تعزمنا على طبخ من طبخك خاصة حنا الي ما لنا خبره في الصيد

[دحوش]

ماشاء الله تبارك الله علي ذي الصور الجميله جداجداجداجداجداجداجداجداجداجداجداجدا تقل مرووووووري

[ابن سليمان .]

جيت على الجرح يالسمح
دخل .. ومشوي ؟؟؟؟؟
حسبي على شيطانك
موضوع مميز وتشكر على جهدك الرائع يابو تركي

[عديمة احساس]

والله اني مدري وين ربي قاطني

ماعرف شنو الدخل عرفت انه له ريش خخخخخخخخخخخخخخخخخخ

بس موضوع شيق وحلو سلمت يدكم انشالله

[الغزال الشارد]

الله يعطيك العافيه ياالسمح
وعليك بالهنى والعافية
وتسلم يمينك
وتحياتي لك

[البكور]

صحوح وعافية بالروح

[الساخن]

شغلك شغل .............

[صصعفق]

شي من جد يدوخ

[أبوعمر السليطي]

الله يعطيك العافيه ..اكله روعه من شكله ..ومشكووووور

[أسد الصحراء..]

ماشاء الله عليكم الله يزودكم محبة وأخوة
وكذا أصدقاء الدنيا وإلا فلا

[الطبشي]

الله يعود الطلعه عليكم با الصحه والعافيه000

[دهران]

الأخ الغالي (( أبو تركي ))



http://www.mekshat.com/pix/upload02/images69/mk17809_123311113.gif


http://www.mekshat.com/pix/upload02/images69/mk17809_thanksgivi.gif


ما شاء الله تبارك الله لا إله إلا الله


اما لو يحصل سحور هالحين يابو تركي كان علوم ......


http://www.mekshat.com/pix/upload02/images69/mk17809_smailess (15).gif


تم إضافة الموضوع إلى :


المواضيع المميزة في الخيمة (http://www.mekshat.com/vb/showthread.php?t=8667)


وننتظر المزيد من إبداعاتكم ....


وتقبل أعذب وأرق تحية ....


أخوك (( أبو فارس ))

[Bader-M]

اول مره ادخل هذه الخيمة من سنه
والمشكلة يوم دخلتها صايم لا وفوق كذا دخل :p

يعني لو جاك مغص تراه مني :j

تحياتي اليك

[هدير الموج]

ما شاء الله

شكله يشهي

تسلم يدك

دمت بحفظ الله ورعايته

[1400]

مع أن الموضوع قديم لكن يستااااااهل

ماشاء الله تبارك الله عليكم

حبيت يرفع الموضوع عشان يشوفونه الاعضاء

:Dتقاطرت سعابيلي:D


ــــــــــــــــــــــــــــــــــ

[ابو نايف00]

يعطيك العافية على الموضوع الجميل

[ابو نايف00]

يعطيك العافية على الموضوع الجميل

[القطاوي 2008]

شكراً لك ابو تركي شغلك شغل والله عدل

[راعي الكبسات]

ماشاء الله خووووش شويه


تحياتي تقبل مروري