يا اخوان ابغى مشورتكم ... وما خاب من استشار

[mohammad 858]

السلام عليكم
كيفكم يا اخوان

الوالد يبيني اشتري له سيارة ومحتار بين الهايلوكس ونافارا وددسن

فأبغى نصيحتكم ايهم افضل من ناحية القوة والعزيمة والسعر والفخامة ووو

أنا خبرتي قليلة وأنتم أدرى وأهل الخبرة

فأبغى مشورتكم أييهم أشتري للوالد

[بروق ساق]

هايلكس وبس مكينه كبيره وراحه بالخط ويمسك سعره ،،،،،،، قطع غيار رخيص ومتوفر
الددسن ما تغير شي نفس موديل 1986 هي هي
النافار ،،،، ما أدري عنه لكن سمعت قطع غيارها غـــــــالي جداً

[Tamimi.fars]

الديماكس عملي جدًا مكينته ٣٠٠٠ وب١٧ ريال يمشي الف كيلو

[أطلال نجد]

السلام عليكم

ما رأيك بـ أيسوزو ديماكس 4x4 ديزل تيربو 3.0 cc

سيارة قوية واقتصادية جداً

موفق للخير ،،،

[عاشق السيل]

الحقيقة إني ماجربت ولا وحدة فيها لكن لو الاختيار علي أخذت النافارا لأنه أفضل مواصفات ،،

وإذا تبي الراي السديد أنا مع الشباب بالإيسوزو !!!!

[mohammad 858]

شكرا لكم

ننتظر بقية الاعضاء

[رهيب الرهيب]

شف وانا اخوك السيارات الحديثه كلها متقاربه جودتها الى حد بعيد ولاكن الددسن ارخصهن سعر وقطعها تلقاها بي مكان واريح مطب من الهايلوكس فانا انصحك بالددسن واذا ماتبي الددسن خذ الهايلوكس اما النيفارا قطعها غاليه واغلب الشباب الي معهم نيفارا يقولون ليتنا اخذنا ددسن وقبل كل شي استخر

[mohammad 858]

شكرا رهيب الله يجزاك خير وشكرا للجميع