با ترول 2010 LE من تجارب ملاكه ،،،،،، النتيجه = راسب

[بروق ساق]

http://nissan-arabia.info/Mlffat/files/789.jpg


بختصر لك المفيد من تجربتي للباترول وجدت فيه المكينة 400 حصان من صدق اما مشكلة التنسيم على سرعة 100كم ،، طقة الشفت على ما اعتقد ،، الصرصرة عن قيادته خارج الطرق المعبدة ،، اكثر من مرة يحرق علي فيوز وتظهر اشارات تشيك انجن واي بي اس اوديه الوكالة يستبدلون الفيوز وتصح فترة بعدها ترجع ،، احتراق احد لمبات الزينون الامامية وتم استبدالها مدري ليش احترقت!! صوت طقطقه في الاستيرنج عند القيادة خارج الاسفلت الوكالة عملت تشحيم راح ورجع مره ثانية ،، البنفر الامامي خفيف جداً عند اي قلص لسيارة اخرى يجب الحذر من ان لايمس الحبل الصدام بكل اسف انكسر بشكل مخزي امام الناس وتم استبداله ،، لم اجد ميزة الزحف على حسب كلام معجبي الباترول واكتشفت انها حصريه فقط على اللاند واللكزس والبرادو ،، الباترول يكون دفع خلفي فقط وليس دفع رباعي مستمر مثل اللاند فقط عند الاختيار يتم تشغيل الدفع الرباعي،، مدري مشكلة تشيك انجن وتراكشن كنترول ويش مشكلتهم معهي بالباترول اروح الوكالة يغيرو فيوز ويروحن وترجع مره اخرى .. السبب مثلما اخبرني المدير بأنه عيب مصنعي..

صلحته واستبدلته باللاند الجديد 5.7 لكن شكله حد ضرب الموتر بعين والبطارية عثرانه معي مدري شو مشكلتها بعد..

شكل اللاند انزل شوي واحلى جاي شبابي اكثر من الباترول اللي جاي عائلي اكثر وعموما اللاند اللي عندي لحد اللحين حصلته هادي اكثر من الباترول ..

على فكرة الباترول فيه ميزات ما حصلتها بالاند 5.7 ... مثل الرادار،، تحديد المسار،، وطوي المرايا زيد فوق هذا قوة محركة 400 حصان بالمقارنه مع 362 حصان بالاند لكن لما تسوق الباترول في الصحراء وتسوق اللاند بتحس الفرق لصالح اللاند مدري ليش..

الشيء الأخير والمهم احد الاخوة عطاني معلومة مدري هي صح ولا لا وهي ان الباترول لا يسوق في اليابان ولا حتى اكبر مستورد للسيارات في العالم اللي هو امريكا .. ليش مدري على عكس اللاند.. وفي النهاية كل موتر له ميزات وله عيوب لكن اللي ردني على اللاند انه له شرايه بعد الاستعمال انا اشتريت الباترول 280000الف تقريباً لكني لما استبدلته باللاند خسرت فيه بكل اسف..

ادري ان كلامي ما بيعجب عشاق الباترول لكن هذي الحقيقة وابحث عن عيوب الباترول 2010 بتحصل الشخص الجرئ فقط هو اللي ينزل عن مشاكله اما البقية فلو يحترق عليهم بيقولك ما فيه شيء مدري ليش ما يكون الحد صريح .. ترى هو موتر وصانعه ادمي .. حتى اللاند بتحصل فيه عيوب لكن كل شيء اهون من شيء والله العالم..

[Tamimi.fars]

اتوقع انه عين جت على الباترول

[HCW]

كيف يتم الحكم من تجربه شخص واحد فقط

[سلمان 2000]

وجه نظرك ونحترمهـــــــــــــــــــــــــــا


شكرا

[صحراء الدهناء]

كيف يتم الحكم من تجربه شخص واحد فقط

صدقت شخص واحد لا يمثل المجموعة

[الصــرح]

بروق ساق

نحترم وجهة نظرك وتجربتك محل التقدير

ولكون الباترول الجديد لازال حديث الطرح

فلا غرابة من العيوب التي ذكرتها

ومن وجهة نظري أرى بأن الباترول الجديد

قلب الموازيين والمفاهيم

حتى تويوتا وغيرها إستحثت مصانعها لإنتاج

محركات قوية تنافس الباترول

وبدون الخوض والإسترسال في مدح

أو ذم شركة أو نوع معين

من السيارات

فعلى قولك بأن السيارة من صنع الإنسان

وأي سيارة لا تخلو من العيوب

(إلا أنه عندي سؤال بسيط)

وهو للجميع طبعاً

لو كانت شركة الحمراني وكيل سيارات نيسان

بالسعودية ومن بينها الباترول

بنفس قوة وقدرة شركة عبداللطيف جميل

تسويقاً وإنتشاراً وصيانةً وقطع غيار و..و..و..إلخ

هل تستمر سيارات تويوتا في ريادة السوق

السعودي ؟؟

[عبدالعزيز بن احمد]

السيارات حظوظ وانا اخوك

ركبت فيه مره مع واحد كم اخوياي ماشاءالله تبارك الله الله يعطيه خيره ويكفيه شره

والموتر على الاستعمال وانا اخوك .. الله يكون في عونك يارب

[Abo gssar]

اولا الله يعوض عليك في فرق السعر ..
ثانيا وجهة نظرك محل احترام الجميع خصوصا انك مقتني السيارة ومجربها
وممكن مثل ماقالوا لك بالشركة ان هذه عيوب مصنعية
ومن الطبيعي اول ماتنزل الشركة تصميم جديد
ماراح تتوقف عن تطويره وتلافي العيوب والاخطاء في الموديلات القادمة .
..ومع اني لا اتحيز لشركة بعينها الا اني ارى الباترول الجديد حاز على اعجاب
شريحة كبيرة حتى من المتعصبين لشركات اخرى غير النيسان .

[أبو أسامة]

يا أخوان الرجال ما يملكه وأقول له يا رجال أسمح لي أنت بكل بساطة نصاب وعيب تنقل الكلام هدا وأتحداك أن البترول الجديد فيه عيوب مصنعية من الكلام اللي قلته وأنا أملك واحد ولي معارف في الوكالة و أعرف كل أسرار الباترول الجديد ....... وأظن أن عمرك صغير وعشان ماتزعل الفكسار أحسن شيء بالدنيا .................

[سفاري959]

مع احترامي اقص يدي ان كان هالشخص مستخدم الباترول الجديد هذا شخص متعصب وبكل اسف والي يبي يتأكد يتابع مواضيعه وردوده يعني نصدقك ونكذب ناس كبار نجلس معهم كل يوم والله العظيم عيب الواحد يكبر عقله الباترول واللاند عينين في راس وكل موتر له عشاقه وكلاً له ميول بس ما يذبحك الا اذا جاك المتعصب ونسج لك قصه من ضرب الخيال عشانه يحب الموتر الفلاني صار لازم يسب الموتر المنافس ما ادري متى بتنتهي هالظاهره من هالمنتدى الطيب الله يصلح حالك وانا اخوك بس ؟؟؟؟؟؟؟؟؟؟؟؟؟؟

[شعيب النمر]

الجيوب الصينية العظيمة سوف تسحب البساط من الاند والباترول تلك السيارات التى ضحك علينا بهن كثيرا والمصنوعات من ورق في كراج مصانع الصين تحت تستر الوكيل ..... وكالة الحاج حسين سوف تنهي هذا العصر الظلامي بتعاملها الصادق من العميل .......انتبهوا الجيوب الصينية قادمة

[Joker fj]

مشكور اخوي واشكر لك صراحتك وهذي نيسان مافيه شي صنعته بدون مشاكل يعني الفيوز صار مثل سالفة الباترول الاول هي فيوز او قطعة كهربائيه المهم له دخل بالسويتش على ما اتوقع وتستمر تخبطات نيسان والباث القديم مسامير الثلاجه والاكستيرا كارونه والألتيما قير اما القير والله يالربع ان رفيقي غير القير بكبره ورجع خرب وإلى الآن معاناة تحسف انه قرب نسيان وشي ماهوب جديد على نيسان يالربع ترا عادي يصير فيه خرابات
ماهوب حرام عادي متعودين على نيسان وعيوبهم
اخوي شعيب النمر إلى الحين انت والسيارات الصينيه وشركة الحاج هههههههههههههههههههههه الله يوفقك يابعدي انت وشركة الحاج وصينياتك ههههههههههههههههههههههههههه

[سفاري959]

مشكور اخوي واشكر لك صراحتك وهذي نيسان مافيه شي صنعته بدون مشاكل يعني الفيوز صار مثل سالفة الباترول الاول هي فيوز او قطعة كهربائيه المهم له دخل بالسويتش على ما اتوقع وتستمر تخبطات نيسان والباث القديم مسامير الثلاجه والاكستيرا كارونه والألتيما قير اما القير والله يالربع ان رفيقي غير القير بكبره ورجع خرب وإلى الآن معاناة تحسف انه قرب نسيان وشي ماهوب جديد على نيسان

غيض من فيض بدو يطلعون اهل السوالف والقصص الحقيقيه الله يعينكم على نفوسكم ؟؟؟؟؟؟؟؟؟؟؟

[التعـ King ـديل]

وجهه نظر واحترمها وبما اني من عشاق الباترول ويمكن كلامي مايعجب البعض .. بقولك شي انت تكلمت عن تجربتك مع الاند والباترول واسمح لي اتكلم انا

شريت باترول 2010 قبل سنه تقريبا من العين بالامارات مستعمل ماشي 15 الف كيلو وكان وقتها الباترول نازل بالسوق له شهرين وسعره جديد 245 الف

شريته انا ب 225 الف بعد جدال مع صاحب السياره واخذ وعطاء بالكلام لحد ماوصلت هالسعر معه شيكت على السياره من زيوت وبانزين وطلعت للرياض

وصلت الى مدخل الرياض لمبه البنزين توها تولع والمسافه من العين الى الرياض 1000 كليو تقريبا علما اني جيت مع طريق حرض ومتوسط السرعه

عندي مابين 140 الى 150 واحيانا اوصل 170 تخيل اني امشي 170 في منطقه صحراويه ولا احس بالهواء الخارجي اللي انت تقول تنسيم على

سرعه 100 حسستني انك شاري جيب صيني مب نيسان ياباني .. ماعلينا من تجربتك لانها تظل وجهه نظرك سواء قبلنا بها ام عارضناها هل تعلم عزيزي

اني لمن وصلت الرياض وبعت الجيب في ظرف 4 ايام من وصوله بكم بعته ؟؟ وهو ماشي 17 الف وسعره جديد كما ذكرت لك 245 الف ؟؟؟؟؟؟؟؟

بعته بمكسب 11 الف ريال اي ب 236 الف وللعلم اللي شراه صاحب معرض مشهور ومعروف في معارض الشفا يعني مو مستخدم عادي يعني اكيد

عارف ليش دفع هالمبلغ وهل بيستفيد او لا مالك بالطويله .. وبعدها بكم اسبوع رحت للعين لاني اشتري الجيوب دائما من هناك لوجود معارف وربع بالعين

اشتريت فكسار فل الفل ماينقصه الا علامه لكزس بس ونقول عنه لكزس بس عيبه اسبيرين واللكزس اسبير واحد طبعا اشتريته 2009 وكما نعلم ان سعره

جديد ماينزل عن ال 250 الف تدري بكم اشتريته مع العلم مافيه طقه شاكوش بس ماشي حوالي ال 50 الف اشتريته ياطويل العمر ب 180 الف درهم

حوالي 185 الف ريال سعودي وجبته للرياض والله اني امشي بالطريق لا رساوه تذكر والله ان البرادو اللي كان عندي اصرف منه بالخط ماعلينا من هذا

جيت ودخلته على معارض الشفا وبعته على معرض معروف بسيارات تويوتا ب 200 الف ريال وشاهدته بعدها بورقه مكتوب عليها 220 الف ولم

يشتريه احد وقعد بالمعرض حوالي 4 اشهر تقريبا حتى اجازه الحج وبدا اقبال الناس على الجيوب واشتراه واحد ب 208 الاف ريال ؟؟؟؟؟؟؟؟؟؟؟

تقدر تقولي ليش طاح 70 الف عند الشراء من الامارات ويالله انباع بنقص 42 الف عند البيع من المعرض عزيزي موترك معك والمعارض قدامك

رح وشف اذا لقيت سومه تعادل 10% خساره من قيمته فاانت كسباان مع ان موترك جديد واللي يقولي التويوتا مايطيح وهو مستعمل

فالاكيد انه مايطيح وهو جديد يمر على معرض الفلاح بالنسيم ومعرض نجد بالنسيم ومعرض الجنوب بالشفا ويشوف جيوب تويوتا بطاقه جمركيه

كم سعرها ولمن تركب عليه لوحه كم سعره وتعرف ان تويوتا مقلب شربناه من زمان ولا زلنا متمسكين بالمقلب لحد يومنا هذا وشعارنا اللذي لايتغير

جوالك نوكيا وسيارتك تويوتا وبس

[التعـ King ـديل]

برق ساق .. طبعا بما انك ملكت السيارتين ياليت تزودنا بصور لها عند باب بيتكم

[السيف الشريف]

وجهة نظر خاصة فيك
بس لفت نظري هذا الكلام
صلحته واستبدلته باللاند الجديد 5.7 لكن شكله حد ضرب الموتر بعين والبطارية عثرانه معي مدري شو مشكلتها بعد


سبحان الله كل المشاكل اللي جاتك من الباترول ما كانت عين ويوم أختربت بطارية اللاند صارت عين !!!
على العموم الموتر قرب يكمل معي السنة والحمد لله
وماشفت منه إلا كل خير

[سفاري959]

وجهة نظر خاصة فيك

بس لفت نظري هذا الكلام
صلحته واستبدلته باللاند الجديد 5.7 لكن شكله حد ضرب الموتر بعين والبطارية عثرانه معي مدري شو مشكلتها بعد


سبحان الله كل المشاكل اللي جاتك من الباترول ما كانت عين ويوم أختربت بطارية اللاند صارت عين !!!
على العموم الموتر قرب يكمل معي السنة والحمد لله
وماشفت منه إلا كل خير






اسأل مجرب ولا تسأل ؟؟؟؟؟ بارك الله فيك اخوي السيف الشريف ودايم يهمنا رأي المستخدم للسياره وليس رأي المتعصبين بغض النظر عن نوعيه السياره الله يبارك لك بحلالك تحياتي

[كاشت وحداني]

في جميع الاحوال تبقى المشكلة لدينا مشكلة وكيل وليست مشكلة سيارة
وقد يكون الاخ برق ساق جا حظه في موتر فيه عيب مصنعي واعرف ناس حدث لهم عيوب في اللاند وناس في اليوكون ولم تكن حكرا على نيسان فقط
للمعلوميه لم امتلك سيارة نيسان في حياتي علشان محد يقول اني متعصب

[طير جنون]

يكفيك انه ما اشتهر مثل التايوتا

[ملك الفكتوريا]

أنا أشوف الباترول الجديد حلو من ناحية الكشخه والمواصفات


لكن بالبر أحسه ما يصلح للمهابد يستخدم مثل استخدام الاكسبدشن ما بيقول لا

[زمان وطاف]

وجهة نظر خاصة فيك



بس لفت نظري هذا الكلام
صلحته واستبدلته باللاند الجديد 5.7 لكن شكله حد ضرب الموتر بعين والبطارية عثرانه معي مدري شو مشكلتها بعد


سبحان الله كل المشاكل اللي جاتك من الباترول ما كانت عين ويوم أختربت بطارية اللاند صارت عين !!!
على العموم الموتر قرب يكمل معي السنة والحمد لله


وماشفت منه إلا كل خير



لله درك ياشيخ


والله أحسن رد قريتهـ منك


ومنـ أخوي كنق التعديل


وبعض الردرو تعصبببببب


وأنا والله موتري تويوتا


لاكن أتعب عمري بهالمواضيع الي ماتقدم ولا تأخر علشان كومة حديد:mad:


الله يكون بالعون











أتمنا لكم نقاش ودي بعيد عن التعصب والكلام


الي ماله داعي



زمـــــــان و طــــــاف

[التعـ King ـديل]

يكفيك انه ما اشتهر مثل التايوتا

اذا رحت تقنص شف المواتر وتعرف الشهره .. الدعوه مب شهره واغلب اللي يسب النيسان الحين

تلاقيه رديف على باترول بالمقانيص لانه مايقدر يقنص على البطه

[طحنون]

السيارات الجديده كلها مشاكل
سياراتي باترول 2009 لاحد يقول متعصب واحب السيارتين وقبلها باترول 2005

[عالي الكيف]

(( البطاريه عثرانه )) , (( مادري شو مشكلتها ))

الأخ قصيمي ولا امراتي ولا شامي ؟؟؟

[برهان1]

متى بتخلص هالمواضيع اللي كل واحد يغلط على الثاني ولا تسال اللا اللي جرب الموتر وان حصل باعه لأن غالبا بعض الناس يتحفظ على العيوب لأن اذا بيبينها بيحس انه مغبون بالموتر والله مافيه موتر مافيه عيوب لكن هالمواضيع حساسه ومن انصح لك زعلت منه معروفه نافقني تصير حبيبي امدح سيارتك عشان مايقولون ماتوفقت وما تفهم

[بروق ساق]

التجربه ليست لي بل هذاعضو بتويوتا العربيه ينقل معاناته من التجربه لكن العجله شينه لم أكتب منقوووووول ،،، بس بعض الناس غلط علي ــ سامحكم الله ــــــ

[.أبوعبدالرحمن]

الله يعطيك العافية ، وجهة نظر نحترمها بحكم لك تجربة بالسيارتين

[rpk]

عيب الموتر انه حوليك ناس عيونهم خرازه بس والدليل ان الاند لحقه في العيبوب (الاند والباترول كل واحد يقول الزين عندي من وجهة نظري)

[سيف الظفير]

معنا فكسار 2009 ببيعه واشتري ابو 400 حصان عز الله انه عطي الله

[راعي البحرية]

السلام عليكم ورحمة الله وبركاته:
احترم أراء الأعضاء اللي ردوا قدامي لكن ياشباب متى ننتهي من مسألة تويوتا ونيسان; للتويوتا هواته وللنيسان كذلك بس ماله داعي نتكلم على بعض لازم نحترم رأي الطرف الآخر حتى لو لم يعجبنا كلنا أخوان ولا بينا فرق إنشالله وبالنسبة للبر والمقانيص كلهم كفو وأنا ماجربت النيسان;لأني من ملاك الهدد الشكل القديم;ما أقدر أتكلم عنه ولكن أنا والحمدلله مرتاح مع موتري ولا أبدله بأي موتر ثاني وفي ناس من ربعي عندهم نياسين ولا يبدلونها والشكل الجديد بدري نتكلم عليه ماشفنا خيره من شره أتمنى أنكم تأخذون كلامي بصدر رحب .

[أبو عمار الخالدي]

فيه بلا ولا عين

اعرف واجد مستخدمين ولا قالو هيك

[bader7787]

الجيوب الصينية العظيمة سوف تسحب البساط من الاند والباترول تلك السيارات التى ضحك علينا بهن كثيرا والمصنوعات من ورق في كراج مصانع الصين تحت تستر الوكيل ..... وكالة الحاج حسين سوف تنهي هذا العصر الظلامي بتعاملها الصادق من العميل .......انتبهوا الجيوب الصينية قادمة


هههههههههههههههههههههههههههههههههههههههههههههههههه هههههههههههههههههههههههه

انت :good2:

[sgl2002]

http://nissan-arabia.info/Mlffat/files/789.jpg


بختصر لك المفيد من تجربتي للباترول وجدت فيه المكينة 400 حصان من صدق اما مشكلة التنسيم على سرعة 100كم ،، طقة الشفت على ما اعتقد ،، الصرصرة عن قيادته خارج الطرق المعبدة ،، اكثر من مرة يحرق علي فيوز وتظهر اشارات تشيك انجن واي بي اس اوديه الوكالة يستبدلون الفيوز وتصح فترة بعدها ترجع ،، احتراق احد لمبات الزينون الامامية وتم استبدالها مدري ليش احترقت!! صوت طقطقه في الاستيرنج عند القيادة خارج الاسفلت الوكالة عملت تشحيم راح ورجع مره ثانية ،، البنفر الامامي خفيف جداً عند اي قلص لسيارة اخرى يجب الحذر من ان لايمس الحبل الصدام بكل اسف انكسر بشكل مخزي امام الناس وتم استبداله ،، لم اجد ميزة الزحف على حسب كلام معجبي الباترول واكتشفت انها حصريه فقط على اللاند واللكزس والبرادو ،، الباترول يكون دفع خلفي فقط وليس دفع رباعي مستمر مثل اللاند فقط عند الاختيار يتم تشغيل الدفع الرباعي،، مدري مشكلة تشيك انجن وتراكشن كنترول ويش مشكلتهم معهي بالباترول اروح الوكالة يغيرو فيوز ويروحن وترجع مره اخرى .. السبب مثلما اخبرني المدير بأنه عيب مصنعي..


صلحته واستبدلته باللاند الجديد 5.7 لكن شكله حد ضرب الموتر بعين والبطارية عثرانه معي مدري شو مشكلتها بعد..


شكل اللاند انزل شوي واحلى جاي شبابي اكثر من الباترول اللي جاي عائلي اكثر وعموما اللاند اللي عندي لحد اللحين حصلته هادي اكثر من الباترول ..


على فكرة الباترول فيه ميزات ما حصلتها بالاند 5.7 ... مثل الرادار،، تحديد المسار،، وطوي المرايا زيد فوق هذا قوة محركة 400 حصان بالمقارنه مع 362 حصان بالاند لكن لما تسوق الباترول في الصحراء وتسوق اللاند بتحس الفرق لصالح اللاند مدري ليش..


الشيء الأخير والمهم احد الاخوة عطاني معلومة مدري هي صح ولا لا وهي ان الباترول لا يسوق في اليابان ولا حتى اكبر مستورد للسيارات في العالم اللي هو امريكا .. ليش مدري على عكس اللاند.. وفي النهاية كل موتر له ميزات وله عيوب لكن اللي ردني على اللاند انه له شرايه بعد الاستعمال انا اشتريت الباترول 280000الف تقريباً لكني لما استبدلته باللاند خسرت فيه بكل اسف..


ادري ان كلامي ما بيعجب عشاق الباترول لكن هذي الحقيقة وابحث عن عيوب الباترول 2010 بتحصل الشخص الجرئ فقط هو اللي ينزل عن مشاكله اما البقية فلو يحترق عليهم بيقولك ما فيه شيء مدري ليش ما يكون الحد صريح .. ترى هو موتر وصانعه ادمي .. حتى اللاند بتحصل فيه عيوب لكن كل شيء اهون من شيء والله العالم..




لو سمحت لي عندي بعض التعليقات على كلامك وانا قمت بتلوين النقاط اللي عليها تعقيب:
1- عندي باترول 98 والتنسيم مايطلع إلا بعد 140 كيف عاد 2010
2- بالنسبة لصرصرة والله لو أنك راكب ددسن 85 ماهو باترول 2010
3- بالنسبة لاحتراق الفيوز والتيك انجن شيك على فيوزك أنت يمكن احد محرقك بعين لأن كل كلامك مايصدقه عاقل إلا بعد استخدام الموتر أكثر من 3 سنوات على الأقل
4- احتراق لمبات الزنن والله لو إنك مركبها من الغرابي ،، حتى حقت الغرابي ماتحترق إلا بعد سنتين
5- بالنسبة للصدام الأمامي ،، تكفا ياللاند الحين اللي أول ماتمسك الخط تفكك مع الأطراف تقول كورولا
6-بالنسبة لميزة الززحف هذي خلها على جنب ،،، هذي لو تسأل فيها ورع عمره 5 سنوات عرفها ، لأنها ميزه متخصص فيها الباترول من عام 90 وهي الزحف وارتفاع الموتر في الفزه
7- بالنسبة للباترول لايسوق في اليابان ولا أمريكا ،،، أدخل على اليوتيوب وشوف زين الله يهديك
8- أنا جربت الباترول 98 وجربت شاص 2009 عرفت ان تويوتا تلعب على الناس ، ياعمي الشاص مايقيش مع الباترول في القوة ، حتى اول يوم معي الشاص دايم أخاف من التعليق في النفود والمناطق الجبلية ، الحين بالباترول أروح وأنا مرتاح لما شفت منه من مميزات عجيبة (( هذا وهو 98 )
9- اللي لمسته بين تويوتا والنيسان أسعار قطع الغيار فقط لصالح تويوتا ، لكن نيسان إذا ركبت أصلية شلها من ميزانيتك لأنك مابتركبها مره ثانية

[sgl2002]

[QUOTE=bader7787;6945547]



الصيني مانفع في الألعاب والاكسسوارات عشان ينفع بالمواتر

[VTC 2002]

يأخوان لا تخلون كومة حديد تفرق بينكم ولا تغلطون على بعض بسبب حديد
انا بصراحه من عشاق الباترول واعرف ان اغلب الناس عندنا اخذين مقلب بالتايوتا واكثر مايقهرني اذا جاك واحد وقال التويوتا شيك ولو تسأله عن الطريقه التي استنتج منها هذا الكلام بلش واغلبهم مثل الببغاء يردد الكلام فقط
واخيراً حدث العاقل بما لا يعقل فإن صدقك فلا عقل له
واحترم وجة نظر الاخ بروق ساق ولكن اقول له تأكد من الخبر قبل نقله وشكراً

[Hwer]

ياصاحب الموضوع انت غلطان وشكلك موسوس الله يهديك معقوله نيسان فيه صوت هواء ومعقوله تحترق فيوزه ومعقوله يحترق الزينون ومعقوله صوت قرقعه ياخي راجع نفس يمكن الي معك تاتا
عاد تصدق ماعمرى سمعت راعي باترول من القديم والا الجديد يشيل معه كتاوت طرمبة بنزين ولافيوز والا مسامير ثلاجه والا حساس قير

[محسن اليامي]

فديت خشيشته وبس

[أبوعابد 22]

يأبن الحلال زيد اخوي عبيد
كل السيارات التاليات مامنها خير ولا تصلح للبر
فقط كشخه وسفريات وتخب

[سارق الكحل]

بالنسبة لسعر الباترول يطيح
انا شريت باترول باب واحد نظيف قبل 5 سنوات او اكثر بعد شوي
شريتة بـ 20 الف

والربيع الي راح سيم مني بـ 28 الف
ولا حلفتوني ان فيه ناس مادريت والا انهم فوق راسي بالعمل ما اعرفهم قالوا من الاخر نبي حدك بـ 30 بعت
قلت انا راعي طيور وهات رقمكم واذا لي نيه بالبيعة والله اول ما اكلم انتم

قال ماحد يرغبه
ياعمي ما اروح بنده والا القى الاوراق على القزاز للبيع الموتر مع ارقامهم والا القى ناس متجمعين عنده

طال عمرك اذا هديت طيرك ودفيت الباترول من تحته
باذن الله مايروح طيرك عن عينك ولا يوصلك اهل الاند والا وطيرك قد تعشى وبرقعته

[سيف الظفير]

http://dc10.arabsh.com/i/01984/9g3p6wkedzpr.jpg


اعبر من الحر الاشقر عزم لا صار مهدود

مفلسً قبل من صيده وعشي قوبعه

[قنيص الرمله]

والله كذب انا عندي واحد ولو ااقولك اطلق موتر ركبته بحياتي خل الهرج بس انا استخدامي

مقناص وخطوط بعيده والحمدلله يسوى المواتر بلا فكساار بلا لكزس والكل مجربهن


نيسان وبس

[ALBDRANE]

أشم ريحة شريطية !!!

[ابن عكاش]

يأبن الحلال زيد اخوي عبيد
كل السيارات التاليات مامنها خير ولا تصلح للبر
فقط كشخه وسفريات وتخب
:good2: عز الله جبتها كراتين مجمعه الله يخلف على الدراهم اللي تحطها فيها

[رسلان الوايلي]

يربع على هونكم شوي تر كله سيارات

[رسلان الوايلي]

ياصاحب الموضوع انت غلطان وشكلك موسوس الله يهديك معقوله نيسان فيه صوت هواء ومعقوله تحترق فيوزه ومعقوله يحترق الزينون ومعقوله صوت قرقعه ياخي راجع نفس يمكن الي معك تاتا
عاد تصدق ماعمرى سمعت راعي باترول من القديم والا الجديد يشيل معه كتاوت طرمبة بنزين ولافيوز والا مسامير ثلاجه والا حساس قير

TATA ,وبس هههههههههه

[عبدالله الضويان]

التجربه ليست لي بل هذاعضو بتويوتا العربيه ينقل معاناته من التجربه لكن العجله شينه لم أكتب منقوووووول ،،، بس بعض الناس غلط علي ــ سامحكم الله ــــــ

اخي الكريم
مادام التجربه ماهي لك كان ما حطيت الموضوع من اصله لانك حكمت على موتر يمكن فيه احد صدق كلامك وسوس وبعدين سياسة المنتدى تمنع المواضيع المنقوله من منتديات اخرى وانت جزاك الله خير ما وضحت انه منقول وتقول تجربتي
وبعدين ناقله من منتدى تويوتا وش تبيهم يقولون في منتدى تويوتا تبيهم يمدحون النيسان ويسبون التويوتا والعكس صحيح حتى في منتدى نيسان لازم يمدحون النيسان ويسبون التويوتا نصيحتي مادام انك تقول ناقل الموضوع بلغ الاداره واحذفه
وبكل صراحه تعذرب في سيارات ناس دافعين دم قلبهم فيها ولاتبيهم يقولون شي حتى لو كان الموضوع منقول يعني مثل اللي ينقل الاشاعه وهو ما يدري عن صحتها
اتمنى تقبل رايي بصدر رحب

[كيري ميري]

هذا قطري وده يسب الموتر وماعرف . وربعه تركوه لانهم مايحبون الباترول لانه عقدهم البطل .


يقول على ما اعتقد . وهذا يحب يكذب ويخلق عيوب لكن الموتر اثبت وجوده . وكذب واحد ونواحه وصياحه كذب في كذب .

[Abusliman]

اتوووقع انها عين مثل ما قال اول رد ،، رغم اني مستحيل اشتري الباترول ومن محبي اللاند
لكن فيه رد لكنق التعديل استغرربت منه بصرراحة
عندي سؤال لكنق التعديل ليش دايم دايم دايم << ثلاث مرات قلت دايم
تجاربك مع تويوتا فاشله ومع النيسان افضل تجارب وتجارب خياليه بعد
وانا ما اقولها عشاني من عشاق تويوتا لاكن لاحظت بقوهـ ان تجاربك مع تويوتا وخاصتاً اللاندكروزر دايم فاشله وكانك تتكلم عن سيارة صينية اذا ما كانت الصينية ازين بعد
ومع نيسان مستحيل يطلع لك عيب واحد واحد فقط << وحدهـ من ثنتين يا انك متعصب لنيسان وتكرهـ تويوتا او انه حظظك نحسس مع تويوتا .. لانه مستحيل التويوتا يكون كذا

[التعـ King ـديل]

اتوووقع انها عين مثل ما قال اول رد ،، رغم اني مستحيل اشتري الباترول ومن محبي اللاند
لكن فيه رد لكنق التعديل استغرربت منه بصرراحة
عندي سؤال لكنق التعديل ليش دايم دايم دايم << ثلاث مرات قلت دايم
تجاربك مع تويوتا فاشله ومع النيسان افضل تجارب وتجارب خياليه بعد
وانا ما اقولها عشاني من عشاق تويوتا لاكن لاحظت بقوهـ ان تجاربك مع تويوتا وخاصتاً اللاندكروزر دايم فاشله وكانك تتكلم عن سيارة صينية اذا ما كانت الصينية ازين بعد
ومع نيسان مستحيل يطلع لك عيب واحد واحد فقط << وحدهـ من ثنتين يا انك متعصب لنيسان وتكرهـ تويوتا او انه حظظك نحسس مع تويوتا .. لانه مستحيل التويوتا يكون كذا


يعطيك العافيه يعطيك العافيه يعطيك العافيه ثلاث مرات علشانك

عزيزي هل تعلم اني اكتب في هذا المنتدى وامتلك فتك 2005 وفوتشينر 2011 انا لا اكتب ضد تويوتا .. والدليل ان افضل سياره عندي في ماركه تويوتا وعن تجربه

كانت البرادو .. احترم هالسياره بغض النظر عن انها تويوتا او شي .. جربت الباترولات موديلات اشكال والوان ابتداء من موديل 88 وحتى 2005 الفتك ولم يزدني ذلك الا اعجاب

بهذه السيارات بينما بدأت علاقتي مع التويوتا قريب من موديل 2002 كانت كامري ثم 2004 كانت برادو ثم 2007 كان فكسار ثم 2009 جيب لكزس وفكسار واقولها

من وجهه نظري انها سيارات اعطيت اكبر من حجمها واقولها صدقا لو الفكسار 2009 لو ماكان للتجاره ولا ماكنت شريته اما البرادو فنعم السياره دفعت فيها مبلغ واستخدمتها سنه ونص

وبعته بربح ولله الحمد والمنه عزيزي انا اتكلم عن تجارب قمت بها بنفسي وليس استماع لكلام الناس بالمجالس .. لو القصد اقول كلام المجلس بسب لك الشيروكي والجمس واليوكن

من كلام اللي اجالسهم ولكن عشقي للياباني بشكل عام والنيسان بشكل خاص خلاني اتكلم بهالشكل عزيزي الاند فقد هيبته من موديل 97 لان كان عندنا جي اكس سعودي مكيف واحد موديل 94

وكان ونعم السياره وجربت الهدد الفي اكس موديل 97 ونعم السياره لكن من بعد هالموديل بدأت تويوتا تتحدر من جرف لدحديره ولا تزعل مني وخلك صادق مع نفسك انت واي متعصب تويوتا

يقدر يقول كلامي غلط ؟؟؟؟؟

[درجلان الشمال]

نردد هالهرج اللي ماوراه الاملاقط وهياط
والمشرفين سبات طويل