حساس ينبهك عند انخفاض ضغط الكفرات أو ارتفاع حرارتها (تجربة شخصية)

[رواق]

السلام عليكم :)

اشتقت للمنتدى واللي فيه كثيرا ، ومامنعني عنكم إلا ظروف الدراسة والاختبارات .. باقي ترم وآخذ الماجستير دعواتكم :)

ندخل في الموضوع :

قال لي أخي عن تجربته في شراء حساس كفرات يخبرك عند نزول الهواء في الكفر ، أو إذا ارتفعت حرارته وأوشك على الانفجار ، وكيف انه استفاد منه بعد ما نبهه الجهاز إن أحد الكفرات نزل هواه ، فتلقائيا أخوي رفع رجله عن البنزين وخفف السرعة .. وإذا بالكفر يضرب عليه !! والحمدلله إنه ما ضرب و هو مسرع .

المهم .. قال لي أيضا أنه بحث عن هالجهاز في مكشات ولقاه بأسعار مابين 600 - 900 ريال جاي من برا بالانترنت وماعليه ضمان ولايوجد له قطع غيار ..

بينما اللي معه يباع بـ 520 ريال ، وعليه ضمان سنة ، وقطع الغيار متوفرة حسب كلام الشركة .. واشتراه من محل كفرات في الغرابي

هذي أهم "التفاصيل" ، وأترككم مع "الموجز" :D

اخوي تحمس وكتب هالايميل ، لكن ماعنده يوزر في مكشات ، فأنقله لكم ( أنا ما أحتاجه سيارتي حساسها منها وفيها .. بس يمكن فيه أحد يحتاجه وخاصة إننا في صيف وسفر )

حذفت رابط مدونة المؤسسة لأن أنظمة المنتدى ماتسمح كما أظن ، لكن مرفق صور أرسلها لي أخي للجهاز ومواصفاته حسب البروشور ، أما الكرتون فهو بعدستي العظيمة :

======================


جهاز ضغط الهواء وقياس حرارة الكفرات ..

http://www.mekshat.com/vb/../pix/upload05/images220/mk11921_clip_image001.jpg




قررت أشتري الجهاز بعد مافكرت بأنه يحمي بعد الله سبحانه وتعالى من مخاطر (انفجار) كفر السيارة ...تخيّل وانت طالع من الدوام الظهر بهالحر ينخفض هواء الكفر..وانت ماتدري؟

من يبي يقعد يفك ويركب الاستبنة؟؟ أقل شيء من يبي يروح يركب ليموزين بهالظهر ويروح لبيته ويرجع يتبهذل؟؟

هذا المثال على أبسط شيء....لكن من فكّر إنه ماسك خط ومسرع وينزل معه الهواء وهو مايدري؟؟




ما أبي أطوّل عليك... لكن صار معي هالموقف بعد ماركبت الجهاز بيوم .


http://www.mekshat.com/vb/../pix/upload05/images220/mk11921_dsc_1159.jpg






ركبت الجهاز بالليل وبرمجته وأنا واقف عند البنشري ..ومن بكرى الظهر عطاني تنبيه ( بعد مانزل الهواء عن 30 ) ..البنشري كان حاط 35 هواء ..يوم بدأ يعطيني التنبيه قلت وش السالفه؟؟

معقولة يكون الجهاز علّق ؟؟ هديت السرعة ...والحمدلله إنه نبّهني لأنه بعد ماهدّيت السرعة : ضرب الكفر !

وكانت أحلا تجربة عملية مباشرة وفي لحظة الحدث . فرق يوم من تركيبي الجهاز .

كفراتي كان لها سنتين وكارفها ..رحت غيرتها على طووول ...ورجعت ركبت الحساس ومازال شغّال معي زي الحلاوة .

نصيحة...لايفوتكم .

http://www.mekshat.com/vb/../pix/upload05/images220/mk11921_4.jpg

هالجهاز يقيس ضغط الهواء في الإطار ويقرأ ضغط الهواء وحرارة الكفر

تركيبه سهل ( عند أي بنشري ) وبرمجته أسهل .

من مزاياه واللي ماراح تحصل مثلها بالأجهزة الثانية:

1- قراءة ضغط الهواء وحرارة الكفر تظهر على الشاشة بنفس اللحظة ( الأجهزة اللي بالسوق بعضها لازم تضغط (زر) علشان تبدّل الشاشة وتشوف حرارة الكفر والبعض الثاني يطلع لك قياس الهواء وبعدها بلحظات يطلع لك قياس حرارة الكفر.. وبعضها مايطلّع لك الا قياس ضغط الهواء بس )


2- ضمان سنة من الوكيل ( الأجهزة الثانية ماعليها ضمان !! )

3- إمكانية تبديل قطع الغيار إذا تعطلت..بسعر مناسب ( الأجهزة الثانية إذا تعطّل حسّاس واحد ..يتعطّل الجهاز كله ...وبرضو ماعليه ضمان !! )



من مزاياه الثانية..

* الشاشة تشتغل بدون توصيل كيابل ومشاكل وتخريب للطبلون (الكترونية ) .. (بعض الأجهزة ماتشتغل الشاشة إلا بتوصيل كيبل ولازم يشق لك الطبلون ويحط لاقط ..وقروشة )

*بطارية الحساسات مدتها ست سنوات ...والشاشة فيها موفر طاقة يطفيها بعد نص ساعة من وقوف السيارة وتشتغل الشاشة معك لمدة اسبوعين ومعها شاحن عن طريق ولاعة السيارة يشحنها في ساعتين .

* برمجته سهلة ..وفيه دليل للمستخدم وداخله كرت الضمان .

* سعره مناسب جداً بالنسبة للأجهزة الثانية اللي في السوق واللي مافيها مزايا وماعليها ضمان وسعرها أغلى !!.



وهذي المدونة الخاصة بالمؤسسة وفيها معلومات مهمة عن الجهاز وطريقة تركيبه موثقة بالصور .

[احمد الشمال]

جهاز رائع ومهم

والحمد لله على سلامة اخوك


وكل الشكر لك وبارك الله فيك

[((ابوملاك))]

وين نلقاهـ

[أخو المري]

مرحبا اخوي رواق


جهاز ممتاز

ولاعليك امر ..

نبغي من هالاجهزة وين نحصلها ؟؟؟؟؟

[ابومناحي]

ياخوك تصلح نركبها على الحصنيه

[أبي عبدالله]

وين نلقاة تكفى أرجوا الرد

[ذئب اليل]

عطناء خبر هل البيع عن طريقك او موجود في محل حصري

[قناص*07]

ليتك تدلنا وين نلقاه وايش اسم وكيله ورقم تلفونه
انا احتاج منه 5 حبات


جزاك الله خير وبارك الله فيك والله يوفقك ونشوفك احسن دكتور في تخصصك

[مخاوي دابذريع]

أنا ما أحتاجه لأن موتري باروراما 2011 :p:p:p

الله يعافيك ويجزي لك الاجر والمثوبه والدال على الخير كفاعله ...

[اهم ثاني واحد]

شكرااااااااااااااااااااااااا

[رواق]

العفو يا الربع ، ما أبي منكم إلا الدعاء

وشكرا للأخ قناص اللي وضع المعلومات ، أنا حذفتها عشان ماتعتبر مادة إعلانية

عموما الجهاز يباع في محل كفرات في شارع حسان بن ثابت بالنسيم اسمه "*****" وعليه لوحة فوكس

وأيضا موجود في الغرابي

[سليمان الربيعان]

بارك الله فيك وعافك الرحمن من كل سوء
وان شاء الله نجربه والله يكفينا الشر ... والله يوفقك بدراستك وعقبال نشوفك دكتور,,,

[رواق]

الله يجزاك خير اخوي سليمان ... وشكرا لك على هالدعوات الجميلة .

[قناص*07]

العفو يا الربع ، ما أبي منكم إلا الدعاء

وشكرا للأخ قناص اللي وضع المعلومات ، أنا حذفتها عشان ماتعتبر مادة إعلانية

عموما الجهاز يباع في محل كفرات في شارع حسان بن ثابت بالنسيم اسمه "*****" وعليه لوحة فوكس

وأيضا موجود في الغرابي


العفو وانا اخوك
كلنا مكملين بعض و المغزى ان الفائده تعم وربما تنقذ حياة شخص او اسره بهذا الجهاز وتكون كسبت الاجر الكثر

ومن احياها احيا الناس جميعا

بارك الله فيك وفي اخيك وفي صاحب الشركه وكل من ساهم به

[راعي الاندكرو]

اخوي لفيت امس الغرابي كله ما حصلت الجهاز وكلهم يقولون لا علم لديننننننا
ممكن تزودنا باسم المحل !!!

[ماون ماركز]

مشكور أخوي
بس هذا يحتاج برمجة كل ما بنشرت .. ويحتاج شحن للشاشة كل أسبوعين حسب كلامك


أعتقد جهاز أورنج أفضل منه

أنا أفضل أورنج على اي جهاز أخر

للأسباب التالية

لا يحتاج برمجة
لا يحتاج شحن
لا يحتاج اي شيء
وبطاريته 7 سنوات
وعليه شهادة جودة عالمية
ومتوافق مع المواصفات الأميريكية ومعتمد لشركات السيارات الأميركية
　
http://www.shrpic.com/mx/image-B40B_4E109EB8.jpg (http://www.shrpic.com/mx/share-B40B_4E109EB8.html)




التكسير والأسلاك للي ما يعرف يشتغل بيده بمهارة
فقط شخص محترف يركبه بكل سهولة

يكفي الحجم .. أصغر من اللي كتبت عنه بكثير


ولايفرق بالسعر الأ 50 ريال


وجزاك الله خير
والنية الفائدة للجميع وليس لغيرها

[ماون ماركز]

اخوي لفيت امس الغرابي كله ما حصلت الجهاز وكلهم يقولون لا علم لديننننننا
ممكن تزودنا باسم المحل !!!

محل الأقصى .. مقابل الضمان الأجتماعي
عنده أجهزة متنوعة ..

[سلكي نت]

اخواني انا اتصلت على الادارة وجاوبني الاخ/غسان السعدون مدير التسويق
وذكر انهم باعو اكثر من 2000 جهاز من شهر 3 الماضي
اما بالنسبة لحجم الجهاز فهو بحجم نصف دائرة قطرها 5 سم تقريبا مختزل منها وتر من احد اطرافها
يعني تقريبا 3 ارباع الدائرة
وذكر بان الجهاز لايحتاج الى برمجة الا اذا اردت تغيير ضغط هواء الكفر المبرمج مسبقا الى 35
وقد زودني برقم موزع ينبع البحر وان شاءالله ناوي اخذ واحد

[رواق]

اخوي لفيت امس الغرابي كله ما حصلت الجهاز وكلهم يقولون لا علم لديننننننا
ممكن تزودنا باسم المحل !!!

سألت أخوي وقال لي محلات كفرات اسمه صقر أو الصقر في مدخل الغرابي بعد ماتلف من عند الإشارة يسارا ويصير وجهك شرق ثالث محل كفرات عنده لوحة ميشلان .. قبل يجيك شارع الزينات والتنجيد

يقول يركبونه لك ويرصصون الكفرات

[رواق]

مشكور أخوي
بس هذا يحتاج برمجة كل ما بنشرت .. ويحتاج شحن للشاشة كل أسبوعين حسب كلامك


أعتقد جهاز أورنج أفضل منه

أنا أفضل أورنج على اي جهاز أخر

للأسباب التالية

لا يحتاج برمجة
لا يحتاج شحن
لا يحتاج اي شيء
وبطاريته 7 سنوات
وعليه شهادة جودة عالمية
ومتوافق مع المواصفات الأميريكية ومعتمد لشركات السيارات الأميركية
　
http://www.shrpic.com/mx/image-B40B_4E109EB8.jpg (http://www.shrpic.com/mx/share-B40B_4E109EB8.html)





التكسير والأسلاك للي ما يعرف يشتغل بيده بمهارة
فقط شخص محترف يركبه بكل سهولة

يكفي الحجم .. أصغر من اللي كتبت عنه بكثير


ولايفرق بالسعر الأ 50 ريال


وجزاك الله خير
والنية الفائدة للجميع وليس لغيرها





أخوي ماون ماركز .. الشكر لك على إضافتك


لاشك أن رأيك له احترامه وتقديره

وفي النهاية الهدف هو فائدة الأعضاء لأنك كما ستعينهم على اختيار الأفضل فأنت تجد منهم عونا مثله في مواضيع أخرى يفيدونك فيها كما أفدتهم

لكن من وجهة نظري - وأنا لم أجرب الجهاز كما ذكرت - مواصفات رودسيفر أفضل ، ومن كلامك يثبت هالشي وليس من كلامي :

1- تقول لايحتاج برمجة ، لا أعلم ماذا تقصد بالبرمجة

جهاز رودسيفر كما شرح لي أخي مجرد ماتشغله مضبوط الهوا على ٣٥ باعتباره ستاندر ، ومنبه الحرارة مضبوط على ٨٠ ، أول ما تركب الحساس في الكفرات يرسل لاسلكيا للشاشة ويشبك معها .. وأى تغيير في المعيارين تنبهك الشاشة بالجرس واللون الأحمر ، أي أنه لايحتاج برمجة إلا إذا كنت من هواة نفخ الكفرات على ٤٠ هنا لازم تغير المعيار بضغطة زر

وإن كان قصدك بعد مايضرب عليك كفر ، فقد سألت أخوي عن هذه النقطة لأتأكد وقال لي أنه بعد أن وضع الكفر الجديد شبك الحساس مع الشاشة مباشرة بدون أي مشاكل .

2- لايحتاج شحن . بطاريته ٧ سنوات .

أيضا لم أفهم ماذا تقصد بالذي لا يحتاج شحن وبطاريته ٧ سنوات ،

الشاشة لازم تشحن إلا إذا صارت مشبوكة بالولاعة أو ممدد لها، وشلون تبي تشتغل كل هاللمبات الله يرضى عليك بدون شحن أو كهرب ؟ :) ربما شاشتك بتمديدات وتشبيك لذلك تقول مايحتاج شحن .. بينما رود سيفر تشبكه بالولاعة كل أسبوعين مرة ..

الواحد يختار اللي على مزاجه ، يبي يمدد يمدد ... يبي يرتاح من التمديد يشحنه كل أسبوعين



3- حجم الشاشة كما يظهر لي أن رودسيفر أصغر وشكله أفضل فهو دائري وصغير ، وأخوي ملصقه على الطبلون بلصقة جاية مع الجهاز

وهذا يعيدنا لمسألة التمديد والأسلاك .. كما فهمت منك أن جهاز اورنج لابد من تركيب أو مثل ماقلت أنت شخص محترف ، بينما رودسيفر يشتغل لاسلكيا بدون تركيب محترف ، والشاشة مايطلع منها ولا يدخل أي سلك حتى إنك تقدر ترميها عند القير أو في أي مكان قريب بحيث تسمع صوت الإنذار لو حدث ، ولاتحتاج أن تراقب الشاشة كل شوي ( هذا كان اقتراحي لأخوي :good2: )




4- - ملاحظة من عندي : لاحظت أن شاشة جهازك مافيها إلا ضغط الهواء فقط ، لا أعلم هل هو يقيس الضغظ والحرارة كل وحدة في شاشة أم هو مثل حساسات السيارات شد البلد لايقيس إلا الهوا فقط ( عندي في الاكسبلورر ينبهني إذا نزل الهواء فقط وليس له علاقة بحرارة الإطار )

في جهاز أخوي موجود الضغط والحرارة جميعها في الشاشة ، مايحتاج تتنقل بين شاشات ( لمن يحب أن يراقب الشاشات )

لكن ...

في رأيي المتواضع بصفتي مهتم بالوعي الاقتصادي والاستهلاكي أعتقد أن كل هالمسائل ماتفرق كثير ... يعني مافرقت الحساس عمر بطاريته 7 أو 6 سنوات الله يحيينا حياة طيبة ، ولا شاشة وحدة أو شاشتين ، ولا تمديدات أو بدون

لايهم كل ذلك أمام فرق كبير جدا أو بالأصح فرقتين .. قصدي فرقين :D

الفرق الأول : الضمان ... فجهاز رودسيفر مضمون لمدة سنة بفاتورة وكرت ضمان

بينما اورانج ماعليه ضمان وهو مدخل للسعودية عن طريق الانترنت يباع في المنتديات أو بالتسويق على محلات الزينة وأدوات السيارات

الفرق الثاني : توفر قطع الغيار .. جهاز رود سيفر تتعهد لك الشركة بأن مقرها في السعودية وقطع الغيار متوفرة إذا احتجت لشراء قطعة معينة

بينما جهاز اورنج ولأنه محضر من الخارج بشكل شخصي .. فإذا خرب عليك حساس أو الشاشة .. ماراح تستفيد من الجهاز ، لازم تشري جديد

ومع ذلك اورنج أغلى بـ 50 ريال !

وفي نظري كمستهلك ، وكنصيحة للمستهلكين : أنا أدفع 100 - 200 ( ويمكن أكثر على حسب قيمة السلعة ) كزيادة في سلعة مقابل هالنقطتين تحديدا : الضمان وتوفر قطع الغيار ، حتى أضمن - بمشيئة الله - أني لن أخسر قيمة الجهاز كلها لو طلع فيه عيب مصنعي مثلا ولن أجد وكيل يبدله لي بجديد على الضمان ، أو حتى لو انكسرت الشاشة وصار الجهاز بالحساسات حقته ماله قيمة !

وهذي أتبعها ويتبعها كثيرون بشكل ملاحظ في الجوالات قديما ، اللي يذكرون أيام الرهيب والعجيب وغيرها ( غبار ) كنت أدفع زيادة 150 ريال عشان ضمان مشاعل الخليج ، وأيضا في السيارات .. يدفع الواحد مبلغا أكبر في سيارة من عند البيان وغيرهم لمجرد أننها مضمونة 6 شهور أو سنة



عموما ماقلته أعلاه عن جهاز رودسيفر بناء على معرفتي واطلاعي على تجربة شخصية ، إن أصبت فبتوفيق من الله ، وإن أخطأت فمن نفسي ومن الشيطان ... وأرجو ألا يشتري المستهلك أي سلعة إلا بعد اطلاع على جميع الخيارات المتاحة في السوق وعقد المقارنة حتى يحفظ ماله من الضياع ، ونفسه من الاستغلال . والله أعلم .

شكرا لك أخي ماون مركز مرة أخرى على حرصك وإضافتك :)

[ماون ماركز]

أخوي ماون ماركز .. الشكر لك على إضافتك
لاشك أن رأيك له احترامه وتقديره
وفي النهاية الهدف هو فائدة الأعضاء لأنك كما ستعينهم على اختيار الأفضل فأنت تجد منهم عونا مثله في مواضيع أخرى يفيدونك فيها كما أفدتهم

أكيد يا بعدي .. أحنا جميعاً أجتمعنا للفائدة فقط
ولا نطلب الأ الدعوة من الجميع



أخوي ماون ماركز .. الشكر لك على إضافتك
1- تقول لايحتاج برمجة ، لا أعلم ماذا تقصد بالبرمجة

أنت كاتب * برمجته سهلة ..وفيه دليل للمستخدم وداخله كرت الضمان .
يعني يعني لازم يبرمج قصدك . بعكس الأورنج ما يحتاج برمجة اي شيء


أخوي ماون ماركز .. الشكر لك على إضافتك
جهاز رودسيفر كما شرح لي أخي مجرد ماتشغله مضبوط الهوا على ٣٥ باعتباره ستاندر ، ومنبه الحرارة مضبوط على ٨٠ ، أول ما تركب الحساس في الكفرات يرسل لاسلكيا للشاشة ويشبك معها .. وأى تغيير في المعيارين تنبهك الشاشة بالجرس واللون الأحمر ، أي أنه لايحتاج برمجة إلا إذا كنت من هواة نفخ الكفرات على ٤٠ هنا لازم تغير المعيار بضغطة زر

الأستاندر هو 25 بي اس آي وليس 35 بي آس أي وعندي موضح بحساس الكفرات اللي من مصنع فورد في شاشة الطبلون
حق بلده يعطيني أنذار على 25 وجهاز أورنج يعطيني أنذار على 26
وجربها بسيارتك .. نزل الهواء تحت 25 بعطيك الطبلون تحذير
أنا معاي ماركيز يعطيني على 25 بس اس آي



أخوي ماون ماركز .. الشكر لك على إضافتك
2- لايحتاج شحن . بطاريته ٧ سنوات .

أقصد البلف في هذا الجهاز مدته 6 سنوات حسب اللي موجود بموقعهم
وأورنج 7 سنوات بطارية البلف تشتغل



أخوي ماون ماركز .. الشكر لك على إضافتك
أيضا لم أفهم ماذا تقصد بالذي لا يحتاج شحن وبطاريته ٧ سنوات ،
الشاشة لازم تشحن إلا إذا صارت مشبوكة بالولاعة أو ممدد لها، وشلون تبي تشتغل كل هاللمبات الله يرضى عليك بدون شحن أو كهرب ؟ ربما شاشتك بتمديدات وتشبيك لذلك تقول مايحتاج شحن .. بينما رود سيفر تشبكه بالولاعة كل أسبوعين مرة ..
الواحد يختار اللي على مزاجه ، يبي يمدد يمدد ... يبي يرتاح من التمديد يشحنه كل أسبوعين

هذا اللي أقصده بالشحن .. كل اسبوعين
أورنج موصل على طول وتنسى شيء أسمه شحن



أخوي ماون ماركز .. الشكر لك على إضافتك
3- حجم الشاشة كما يظهر لي أن رودسيفر أصغر وشكله أفضل فهو دائري وصغير ، وأخوي ملصقه على الطبلون بلصقة جاية مع الجهاز

مو أصغر .. قارنته الأورنج طلع الأورنج أصغر
الأورنج 3 سم في 4 ونص سم



أخوي ماون ماركز .. الشكر لك على إضافتك
4- - ملاحظة من عندي : لاحظت أن شاشة جهازك مافيها إلا ضغط الهواء فقط ، لا أعلم هل هو يقيس الضغظ والحرارة كل وحدة في شاشة أم هو مثل حساسات السيارات شد البلد لايقيس إلا الهوا فقط ( عندي في الاكسبلورر ينبهني إذا نزل الهواء فقط وليس له علاقة بحرارة الإطار )

لا .. الأورنج يقيس الحرارة والضغط وكهرباء الدينمو
تتغير الشاشة كل 2 ثانية .. بس اللي صورت لك كانت لحظة قياس الحرارة
أنا حاط ضغط الكفرات 31 قدام و 30 وراء .. لو أحطها 44 أنهبلت ههههههه
اللي بالشاشة بالصورة هو حرارة الكفرات وليس الضغط



أخوي ماون ماركز .. الشكر لك على إضافتك
في جهاز أخوي موجود الضغط والحرارة جميعها في الشاشة ، مايحتاج تتنقل بين شاشات ( لمن يحب أن يراقب الشاشات )

ما يحتاج أنتقل .. هو كل ثانيتن ينقل الى عرض أخر



أخوي ماون ماركز .. الشكر لك على إضافتك
الفرق الأول : الضمان ... فجهاز رودسيفر مضمون لمدة سنة بفاتورة وكرت ضمان
بينما اورانج ماعليه ضمان وهو مدخل للسعودية عن طريق الانترنت يباع في المنتديات أو بالتسويق على محلات الزينة وأدوات السيارات

الضمان لصالح الجهاز اللي ذكرته
لكن الجودة لصالح أورنج لأن معه شهادات دولية معتمدة
وستنادر يركب في بعض السيارات الأميركية منها الفورد اللي معك
تراها تقنية أورنج .. بسيارتك لكن خاصية الضغط فقط
ولا تكلمني عن الضمان .. تراني أكره شيء اسمه ضمان بالسعودية
ههههههههههههههههااااي
وفي السعودية ما أحد يعطيك شيء اذا جاء الجد
أجهزة بالألاف ما فادنا ضمانها للأسف الشديد
يوم أنت تقول أجهزة جوال وسيارات وضمان ..
أنا كرهت مشاعل الخليج بسبب ضمانهم .. وعلى فكرة ترى مسحوب منها التوكيل من كم سنة بسبب عدم التزامها بالضمان تجاه المشترين
وسحب توكيل بعض السيارات من وكلائها بسبب الضمان
أنا اشوف الضمان بالسعودية ما يعطيك الحق اذا جاء الجد
ممكن ينكرك ويرفض .. لأن ضامن أن ما أحد بواجهه مسؤلي وزارة التجارة
والشواهد كثيرة .. ما علينا .. كلها 500 ريال ونشتري جهاز ثاني لو خرب
وأقرب مثال .. الجميح .. ينكرك عيني عينك
مشكلتين حصلت معنا.. مرة كلمنا الشركة الأم بأمريكا
والمشكلة الثانية كلمنا مكتب الشركة في دبي

وسيارتي 2010 ولا فكرت بضمان الحرامي الثاني الحاج حسين رضا
ولا مريت عليهم عقب ما طلعتها ..


أخوي ماون ماركز .. الشكر لك على إضافتك
الفرق الثاني : توفر قطع الغيار .. جهاز رود سيفر تتعهد لك الشركة بأن مقرها في السعودية وقطع الغيار متوفرة إذا احتجت لشراء قطعة معينة
بينما جهاز اورنج ولأنه محضر من الخارج بشكل شخصي .. فإذا خرب عليك حساس أو الشاشة .. ماراح تستفيد من الجهاز ، لازم تشري جديد

النت ما خلت شيء .. لو تبي مسمار من أمريكا جاك بالبريد
و أورنج بأمكانك طلب اي قطعة من موقعهم
بس أكيد تحتاج الى الأنتظار


أخوي ماون ماركز .. الشكر لك على إضافتك
عموما ماقلته أعلاه عن جهاز رودسيفر بناء على معرفتي واطلاعي على تجربة شخصية ، إن أصبت فبتوفيق من الله ، وإن أخطأت فمن نفسي ومن الشيطان ... وأرجو ألا يشتري المستهلك أي سلعة إلا بعد اطلاع على جميع الخيارات المتاحة في السوق وعقد المقارنة حتى يحفظ ماله من الضياع ، ونفسه من الاستغلال . والله أعلم .
شكرا لك أخي ماون مركز مرة أخرى على حرصك وإضافتك
بارك الله فيك وشكرا لردك الجميل

[بركا111ن]

وين نلقاة تكفى أرجوا الرد

[himaa]

السلام عليكم

نرجو ممن جرب جهاز اورنج

http://www.mekshat.com/pix/upload04/images188/mk75124_51ie3jgv5jl__sl500_aa300_.jpg


او جهاز رود سيفر
http://www.mekshat.com/pix/upload05/images220/mk11921_dsc_1159.jpg

وضع راية
والعيوب والمميزات

نأمل التفاعل للاهمية

مع الشكر لصاحب الموضوع

[منوخ الذيابه]

عطوونا مكانه يالربع محتاجينه لموتر
تعرفون رفيع وخطير فالسفر
رد سريع تكفون

[ناصح]

السلام عليكم

نرجو ممن جرب جهاز اورنج

http://www.mekshat.com/pix/upload04/images188/mk75124_51ie3jgv5jl__sl500_aa300_.jpg


او جهاز رود سيفر
http://www.mekshat.com/pix/upload05/images220/mk11921_dsc_1159.jpg

وضع راية
والعيوب والمميزات

نأمل التفاعل للاهمية

مع الشكر لصاحب الموضوع


أنا مجرب أورنج


على سيارتي لاند كروزر


وعلى 4 سيارت أخرى متنوعة


وهو رائع جدا


وهذا موضوع كتبته عنه


http://www.mekshat.com/vb/showthread.php?t=353315 (http://www.mekshat.com/vb/showthread.php?t=353315)



أما الثاني ما جربته


فلا أستطيع أن أقارن بينهم

لكن بشكل عام انصح بشدة باستخدام هذه النوعية من الأجهزة التي تقيس هواء وحرارة الإطارات وقت القيادة لا سيما في السفر .

بعد التوكل على الله سبحانه

[himaa]

أنا مجرب أورنج




على سيارتي لاند كروزر


وعلى 4 سيارت أخرى متنوعة


وهو رائع جدا


وهذا موضوع كتبته عنه


http://www.mekshat.com/vb/showthread.php?t=353315 (http://www.mekshat.com/vb/showthread.php?t=353315)



أما الثاني ما جربته


فلا أستطيع أن أقارن بينهم


لكن بشكل عام انصح بشدة باستخدام هذه النوعية من الأجهزة التي تقيس هواء وحرارة الإطارات وقت القيادة لا سيما في السفر .



بعد التوكل على الله سبحانه




بيض الله وجهك اخوي ناصح
لكن وين احصله بسعر مناسب

وشكراً لك

[ماون ماركز]

السلام عليكم

نرجو ممن جرب جهاز اورنج



او جهاز رود سيفر


وضع راية
والعيوب والمميزات

نأمل التفاعل للاهمية

مع الشكر لصاحب الموضوع


أنا جربت أورنج ..
ميزة .. وضوح الشاشة مميز بأرقامه الكبيره وسهولة قرأتها حيث لا يوجد اي شيء أخر غير أربع أرقام أمامك ..

عيوب .. لم يظهر لي أي عيوب منذ أن ركبته ولله الحمد



اما رود سيفر قرأت عنه فقط .. ولم أركبه ولا جربته



لكن بشكل عام انصح بشدة باستخدام هذه النوعية من الأجهزة التي تقيس هواء وحرارة الإطارات وقت القيادة لا سيما في السفر .

بعد التوكل على الله سبحانه

[gasgasg]

السلام عليكم

انا قاعد اتابع الموضوع من بدايته واضح ان هناك فريقين كل يدافع عن الجهاز اللي مرتاح له وانا من خلال المتابعة كونت فكرة وبالتالي قررت على جهاز منهم حسب المعطيات الموجودة بالموضوع

اولاً

جهاز اورنج
ميزته
انه مجرب حسب كلام الاخوان فقط
عيوبة
لابد من التثبيت واسلاك يعني اضف الى سعرة الاساسي سعر تركيبة
شاشة تتنقل بين الحرارة و الضغط
لا يوجد وكيل او ضمان
القطع لابد طلبها من امريكا يعني انتظر كم اسبوع

رود سيفر
عيوبة "انا لا اعتبره عيب"
جديد و لم يتم تجربتة ( رغم ان اخوا رواق سرد تجربة عملية ولصالح رود سيفر *اقصد انه فعلاً قام بتنبيهة بالخلل قبل حدوث حادث والحمد لله )
ميزاته
بدون اسلاك او تثبيت و الشاشة متحركة ( اقدر استخدمها معيار وانا عند الكفر لحظة نفخة )
ضمان سنة ( اتوقع ان الوكيل سيحترم الضمان ليثبت اقدامة بالسوق امام المنافسين ) و يا اخوان وش دخل مشاعل الخليج و الجميح والحاج رضا اذا هم ما التزموا بضمانهم يعني نحكم على الجميع غلط يعني نحاسب شركة رود سيفر بسبب ان شركات اخرى لم تلتزم هذا يعتبر اجحاف
قطع غيار متوفرة ميزة قوية
السعر الفرق اكثر مما قالة الاخوان حيث ان اورنج سعرة في حدود ال 800 ريال بدون تركيب يعني اضف سعر التركيب الفرق راح يكون اكثر من الضعف كيف يكون الفرق 50 ريال
كذلك احب اضيف ان عدد الاعضاء اللي ردوا على الموضوع تقريباً 17 شخص 2مؤيد لاورنج و 15 لصالح روسيفر بين مؤيد و و سائل اين يجدة

بالتالي حسب المعطيات السابقة انا قررت اركب رود سيفر

دمتم بود

[ماون ماركز]

بيض الله وجهك اخوي ناصح
لكن وين احصله بسعر مناسب

وشكراً لك

تحصله في الرياض بشارع الغرابي

[قناص*07]

أنا مركب رود سيفر ولله الحمد له يومين وممتاز و اداه عالي وعكس الكلام اللي انكتب عنه وتم المخاطبه مع الشركه وكان تعاملهم جدا راقي وضمانه علا الحساسات و الشاشه وهذا يكفيني كمستهلك

[رواق]

السلام عليكم

نرجو ممن جرب جهاز اورنج

http://www.mekshat.com/pix/upload04/images188/mk75124_51ie3jgv5jl__sl500_aa300_.jpg


او جهاز رود سيفر
http://www.mekshat.com/pix/upload05/images220/mk11921_dsc_1159.jpg

وضع راية
والعيوب والمميزات

نأمل التفاعل للاهمية

مع الشكر لصاحب الموضوع

اللي مجرب رودسيفر هو اللي أنا كاتب الموضوع بناء على تجربته ، اقر الموضوع :D



اخوي ماركيز ... فعلا حساس الاكسبلورر عندي يعطيني تنبيه إذا نزل الهوا عن ٢٥ ... ميزة رودسيفر إنه ماينتظر إلى أن تاصل ٢٥ ... أول ماينزل الهوا ويصير ٣٤ يعطيك تنبيه ، وكذا تحافظ على عمر الكفر

أما الضمان .. فحنا مالنا إلا ورق وفواتير تقول فيه ضمان ، وما أعتقد أن واحد تعبان على مؤسسته أو شركته وجايب هالجهاز يبي يفرط بسمعته عشان قطعة بـ ١٠٠ ولا ٢٠٠ أو حتى جهاز جديد بـ ٥٢٠ وخاصة وهو يدري إن المستهلكين ماراح يرحمونه في المنتديات وبيخسر كل شي

يعني ما راح أقول لك يبي يخاف من وزارة التجارة لأن وزارة التجارة عندنا دجاجة صقعا ، تخوف المستهلك وماتخوف التاجر ، لكنه يبي يخاف من تشويه سمعته عبر المنتديات

بالنسبة لي ميزة هامة إني أشتري حاجة والقا لي واحد أكلمه وأتفاهم معه لو خرب أي شي أو عندي أي استفسار ، وهذا متوفر في رودسيفر .. ومو متوفر في اورنج وغيره من الأجهزة الموزعة بشكل شخصي



ينطيكم العافية جميعا على هالتفاعل الحلو والآراء المختلفة ، وفي النهاية مثل ماقلنا أهم شي إن المستهلك يوازن المميزات والخيارات قبل مايشتري

[حلم البحر]

حياك الله أخوي
أهم شي الحمدلله على سلامة أخوك
واشكرك على المعلومة الطيبة
تحياتي لك تقبل مروري

[رواق]

الله يسلمك ياحلم البحر جعلك ماتشوف شر إن شاء الله

[ماون ماركز]

اللي مجرب رودسيفر هو اللي أنا كاتب الموضوع بناء على تجربته ، اقر الموضوع :D



اخوي ماركيز ... فعلا حساس الاكسبلورر عندي يعطيني تنبيه إذا نزل الهوا عن ٢٥ ... ميزة رودسيفر إنه ماينتظر إلى أن تاصل ٢٥ ... أول ماينزل الهوا ويصير ٣٤ يعطيك تنبيه ، وكذا تحافظ على عمر الكفر



حط الأعدادات على 25 في الرود سيفر .. يصير يعطيك الأنذار على 25
على كيفيك .. ماهو ثابت تراه على 35 ..

الأورنج أول ما أخذته كان على 45.. ونزلت الأعدادات نفس ماهو جهاز السيارة 25
والحرارة كانت 80 .. نزلتها الى 75 ..

حياك

[روق الشرقيه]

مشكور أخوي



بس هذا يحتاج برمجة كل ما بنشرت .. ويحتاج شحن للشاشة كل أسبوعين حسب كلامك


أعتقد جهاز أورنج أفضل منه


أنا أفضل أورنج على اي جهاز أخر


للأسباب التالية


لا يحتاج برمجة
لا يحتاج شحن
لا يحتاج اي شيء
وبطاريته 7 سنوات
وعليه شهادة جودة عالمية
ومتوافق مع المواصفات الأميريكية ومعتمد لشركات السيارات الأميركية
　
http://www.shrpic.com/mx/image-B40B_4E109EB8.jpg (http://www.shrpic.com/mx/share-B40B_4E109EB8.html)




التكسير والأسلاك للي ما يعرف يشتغل بيده بمهارة
فقط شخص محترف يركبه بكل سهولة


يكفي الحجم .. أصغر من اللي كتبت عنه بكثير


ولايفرق بالسعر الأ 50 ريال


وجزاك الله خير


والنية الفائدة للجميع وليس لغيرها


الاخ العزيز ماون ماركز
لقد شوقتني لتركيب جهاز اورنج وحيث انني ان شاء الله يوم الخميس او الجمعه ابي اجي للرياض وابغي توصفلي موقع المحل الذي يبيعه ؟ اوتعطيني تليفونه .
اوترسله على جوالي رقم 0555860680 بعد اذن الاداره للاهميه
واشكرك لحرصك وتعاونك مع اخوانك في هذا المنتدى العريق,
والشكر موصول لصاحب الموضوع ومن شارك,
وتقبل تحيات اخوك ابو نـــايــف

[gasgasg]

هلا شباب امس ركبت جهاز رود سيفر بالغرابي بصراحة دقيق جداً لاني شرطت علية بعد التركيب اني انسم الكفر و اشوف سرعة استجابته و مقدار الضغط و ارجع اقيسة بالجهاز اليدوي و سويتها طلع دقيق جداً و سريع الاستجابة انتظروا صور التركيب والتجربة الحقيقية العملية للجهاز غداً لاني ركبته من هنا وسافرت على طول

دمتم بود×

[gasgasg]

حط الأعدادات على 25 في الرود سيفر .. يصير يعطيك الأنذار على 25
على كيفيك .. ماهو ثابت تراه على 35 ..

الأورنج أول ما أخذته كان على 45.. ونزلت الأعدادات نفس ماهو جهاز السيارة 25
والحرارة كانت 80 .. نزلتها الى 75 ..

حياك

هلا اخوي ماون ماركز بعد اذنك

اذا ممكن بس اوضح لك معلومة ضبط اعداد الانذار في جهاز رودسيفر من كتالوجهم و حسب ما جربتة انا عند البنشري بعد ما ركبتة اما اورنج لاني ما جربتة مدري وش هي طريقة حسابهم لبداية الانذار

انت اول ما تشتري الجهاز و تركبة يكون مضبوط على 35psi اللي هو الضغط القياسي انت تغيرة حسب توصية الشركة المصنعه لكفرك ثم الانذار يبداء اذا نزل ضغط الكفر بمقدار من 3٪ الى 5٪ من الضغط اللي انت حاطة يعني مثلاً حاطين 35 -5٪= 1.75 psi يعني 35-1.75= 33.25 psi هنا يبداالجهاز يعطيك الانذار

دمت بود

[شاط]

بصراحه جهاز مهم جدا

مشكورين ع النصايح

[روق الشرقيه]

هلا شباب امس ركبت جهاز رود سيفر بالغرابي بصراحة دقيق جداً لاني شرطت علية بعد التركيب اني انسم الكفر و اشوف سرعة استجابته و مقدار الضغط و ارجع اقيسة بالجهاز اليدوي و سويتها طلع دقيق جداً و سريع الاستجابة انتظروا صور التركيب والتجربة الحقيقية العملية للجهاز غداً لاني ركبته من هنا وسافرت على طول

دمتم بود×

مبروك تركيب الجهاز
والله يعطيك من خيره ويكفيك شره
واذا ممكن تعطيني عنوان المحل اوتلفونه وسعره
لانني جاي من الدمام الى الرياض اليوم مساء ان شاء الله وهل يفتح باليل
وشكرا لتعاونك
وتقبل تحيات اخوك ابونايف

[ماون ماركز]

الاخ العزيز ماون ماركز

لقد شوقتني لتركيب جهاز اورنج وحيث انني ان شاء الله يوم الخميس او الجمعه ابي اجي للرياض وابغي توصفلي موقع المحل الذي يبيعه ؟ اوتعطيني تليفونه .
اوترسله على جوالي رقم 0555860680 بعد اذن الاداره للاهميه
واشكرك لحرصك وتعاونك مع اخوانك في هذا المنتدى العريق,
والشكر موصول لصاحب الموضوع ومن شارك,

وتقبل تحيات اخوك ابو نـــايــف



هلا بك أخوي ابو نـــايــف

تم أرسال رقم الموزع على جوالك

تحياتي

[ماون ماركز]

مبروك تركيب الجهاز

والله يعطيك من خيره ويكفيك شره
واذا ممكن تعطيني عنوان المحل اوتلفونه وسعره
لانني جاي من الدمام الى الرياض اليوم مساء ان شاء الله وهل يفتح باليل
وشكرا لتعاونك

وتقبل تحيات اخوك ابونايف


وكالة الجهاز بالشرقية .. موقعهم وأرقامهم هنا
http://*******.com/ (http://roadsaver.blogspot.com/)

موزعهم بالرياض .. شارع الغرابي .. بنشر ا****

[ماون ماركز]

هلا اخوي ماون ماركز بعد اذنك

اذا ممكن بس اوضح لك معلومة ضبط اعداد الانذار في جهاز رودسيفر من كتالوجهم و حسب ما جربتة انا عند البنشري بعد ما ركبتة اما اورنج لاني ما جربتة مدري وش هي طريقة حسابهم لبداية الانذار

انت اول ما تشتري الجهاز و تركبة يكون مضبوط على 35psi اللي هو الضغط القياسي انت تغيرة حسب توصية الشركة المصنعه لكفرك ثم الانذار يبداء اذا نزل ضغط الكفر بمقدار من 3٪ الى 5٪ من الضغط اللي انت حاطة يعني مثلاً حاطين 35 -5٪= 1.75 psi يعني 35-1.75= 33.25 psi هنا يبداالجهاز يعطيك الانذار

دمت بود

في أورنج ما تحتاج لعملية حسابية ..

مجرد ما تحط الضغط المناسب للسيارة = مثلا 35
حط الأنذار لنزول الضغط = اللي تحب مثلا ( 34 , 33 , 32 , الخ .. لو تحب يكون 20 ) على كيفيك لو 34.5 Psi

بعده تحط أعلى حد للضغط .. مثلا 50 .. تحط الأنذار على كيفيك 45 او 40

تقدر تختار عدة أنواع من وحدات الضغط .. Psi .. Bar .. فيه عدة أنواع

وبعده تحط حرارة الكفر = 80 مثلا
تحط الأنذار على = 70 او 60 مثل ما تحب


تقدر تختار بين مئوية و فهرنهايت

والبطارية أنذارها ثابت
من يقل شحنها عن 10.5 يعيطك أنذار لمبة حمراء


تحتاج للعمليات الحسابية فقط اذا كنت تبغى تطلع ضغط وحرارة الكفر الصحيحة .
لأن كل نوع من الكفرات .. يتحمل ضغط وحرارة معينة .. غير مكتوبة عليه
بل مكتوب على الكفرات .. رموز A و B الخ
وكل كفر له أرتفاع وعرض وحمولة .. ربما تكتب وربما تحتاج الى عملية حسابية
وكل هذه العمليات مذكورة بجدول في دليل أورنج

مع جدول كامل لكل أنواع الكفرات المشهورة بالعالم محدد فيها ضغطها وحرارتها

ودمت بود

[قرم العيال]

والله كويس ورخيص فرق بالسعر باي مكان موجود !!

[abd135]

العفو يا الربع ، ما أبي منكم إلا الدعاء

وشكرا للأخ قناص اللي وضع المعلومات ، أنا حذفتها عشان ماتعتبر مادة إعلانية

عموما الجهاز يباع في محل كفرات في شارع حسان بن ثابت بالنسيم اسمه "العثمان" وعليه لوحة فوكس

وأيضا موجود في الغرابي

عفوا أخوي أنا توني جاي من المحل يقول ماعندنا وما نبيعه !!
هل هناك محل آخر على نفس الشارع ؟
علما بأن المحل الذي ذهبت إليه يأتيك على اليسار إذا تعديت القصر أمام مركز الشرطة تقريبا

[fahd_shamary]

مهم ونحتاجه خصوصاً باوقات الصيف

[روق الشرقيه]

هلا بك أخوي ابو نـــايــف

تم أرسال رقم الموزع على جوالك

تحياتي


وكالة الجهاز بالشرقية .. موقعهم وأرقامهم هنا
http://******t.com/ (http://roadsaver.blogspot.com/)

موزعهم بالرياض .. شارع الغرابي .. بنشر ال****

الاخ العزيز ماون ماركز (ابو فيصل)
بيظ الله وجهك على هذه المعلومات وخدماتك الجليله ورحابت صدرك,
وافيدك بأنني قد اتصلت على مدير المبيعات وهو رجل خلوق واعطاني جميع المعلومات عن الجهاز؟
ومن سرعة تعاملهم مع الزبون في ضرف 45 دقيقه والمندوب واصل لبيتي بالخبر ومعه الجهاز .
وذهبت للبنشري وركبته ومبدئياً كويس وغير معقد وجاري تجربته ان شاء الله.
واكرر شكري وامتناني لك يابو فيصل ,,
والشكر موصول لصاحب الموضوع.
وتقبل تحياتــــــــــــــــــــــــــــــــــــي

[اخر كلام]

السلام عليكم

قيل اذا اردت ان تحيره فخيره بارك الله فيك اخوي رواق ولبقية الاعضاء على الشرح الوافي واضافة الاخ ماون ماركيز الذي اثرى الموضوع باضافته
فتعدد السلع تؤدي نفس الغرض ممتاز جدا والمستهلك له الخيار في الاختيار الانسب
دمتم بود

[gasgasg]

هلا اخوي

انا ما اقصد ان لازم تسوي عملية حسابية لضبط جهاز رود سيفر

انا لما قريت الكاتلوج هم موضحين الية حساب نقطة الانذار شلون وانا لخصتها هنا فقط وجهاز رود سيفر يحسبها الياً بمجرد الوصول لها يعني اذا انت ضبطة على 35 راح ينذرك عند 33 تقريباً الياً

انا صار لي يوم من ركبتها بصراحة مبسوط منة

[gasgasg]

هلا رح للي انا ركبت عندة اسمه مركز الصقر بالغرابي متوفر عندهم و محترفين بتركيبة

[ماون ماركز]

الاخ العزيز ماون ماركز (ابو فيصل)



بيظ الله وجهك على هذه المعلومات وخدماتك الجليله ورحابت صدرك,
وافيدك بأنني قد اتصلت على مدير المبيعات وهو رجل خلوق واعطاني جميع المعلومات عن الجهاز؟
ومن سرعة تعاملهم مع الزبون في ضرف 45 دقيقه والمندوب واصل لبيتي بالخبر ومعه الجهاز .
وذهبت للبنشري وركبته ومبدئياً كويس وغير معقد وجاري تجربته ان شاء الله.
واكرر شكري وامتناني لك يابو فيصل ,,
والشكر موصول لصاحب الموضوع.


وتقبل تحياتــــــــــــــــــــــــــــــــــــي


الله يحيك يالغالي ..
أحنا لبعض والكل بالله . واللي نقدر عليه للجميع بنحاول نسويه والتوفيق من الله

مبروك جهاز رود سيفر والله يعطيك من الخير ويكفيك الشر بكل أنواعه

موفق باذن الله . وأكيد رايح أخذ أنطباعك بتجربتك لرود سيفر بعدين

تحياتي

[ماون ماركز]

هلا اخوي

انا ما اقصد ان لازم تسوي عملية حسابية لضبط جهاز رود سيفر

انا لما قريت الكاتلوج هم موضحين الية حساب نقطة الانذار شلون وانا لخصتها هنا فقط وجهاز رود سيفر يحسبها الياً بمجرد الوصول لها يعني اذا انت ضبطة على 35 راح ينذرك عند 33 تقريباً الياً

انا صار لي يوم من ركبتها بصراحة مبسوط منة

هلا بالحبيب أخوي

لا والله يالغالي .. أورنج .. أنت تعدل الأنذار بنفسك ما يحسب نقطة الأنذار من نفسه

في المدينة أنزل هواء السيارة 28 وأنزل الأنذار الى 25
وفي الطريق أرفع هواء السيارة الى 45 وأحط الأنذار على 44

وموفق يابعدي .. وربي يحفظك ويبعد عنك كل شر



هلا رح للي انا ركبت عندة اسمه مركز الصقر بالغرابي متوفر عندهم و محترفين بتركيبة

كتب لكم عنوانه في أول المشاركات ..
بس الظاهر الأخوان بعدهم يسألون وين يتركب ..
وسعره 520 مع التركيب .. لو زاد عليها شيء بلغ الوكيل

موفقين

[gasgasg]

هلا شباب امس ركبت جهاز رود سيفر بالغرابي بصراحة دقيق جداً لاني شرطت علية بعد التركيب اني انسم الكفر و اشوف سرعة استجابته و مقدار الضغط و ارجع اقيسة بالجهاز اليدوي و سويتها طلع دقيق جداً و سريع الاستجابة انتظروا صور التركيب والتجربة الحقيقية العملية للجهاز غداً لاني ركبته من هنا وسافرت على طول

دمتم بود×

السلام عليكم

رجعت من اجازتي امس و روقت بعد هالسفره الممتعة والله يعينا على الدوام:mad:

وعدتكم اني احط صور للتركيب وهذي الصور بين ايديكم ( اعذروني على ردائة الصور لانها من جوالي )


الجهاز اول ما فكيتة من كرتونة



http://store2.up-00.com/Jun11/o8A35088.jpg (http://www.up-00.com/)

الحساسات

http://store2.up-00.com/Jun11/Cga35098.jpg (http://www.up-00.com/)

http://up.arab-x.com/July11/gAq35825.jpg (http://up.arab-x.com/)

الشاشة اول ما فتحتها قبل تركيب الحساسات

http://store2.up-00.com/Jun11/G2335108.jpg (http://www.up-00.com/)

بعد ثواني من تشغيلها ولما لم تجد هناك ضغط بالحساسات بداء الانذار و تغير لون الشاشة الى الاحمر لاحظوا ان قيمة الضغط صفر والحرارة ما بين 26 و 28 ( هذا قبل تركيب الحساسات)

http://store2.up-00.com/Jun11/I8F35115.jpg (http://www.up-00.com/)

صورة بداية تثبيت الحساس بالجنط

http://up.arab-x.com/July11/JKI35825.jpg (http://up.arab-x.com/)

بعد التثبيت
http://up.arab-x.com/July11/Kd335825.jpg (http://up.arab-x.com/)

http://up.arab-x.com/July11/rpM35825.jpg (http://up.arab-x.com/)

http://up.arab-x.com/July11/2uP35825.jpg (http://up.arab-x.com/)

لاحظت شي حلو ان غطا البلف من الداخل فية ربلة حمرا عشان تمنع الغبار من الدخول للحساس

http://up.arab-x.com/July11/tMx36063.jpg (http://up.arab-x.com/)

http://up.arab-x.com/July11/RB736063.jpg (http://up.arab-x.com/)


انا استخدمتة الان تقريباً 12 يوم و بكل حيادية الجهاز رائع و دقيق وسعرة رخيص مقارنة باللي مثلة بالسوق و بضمان سنة (( اقلها اني لو انكسر الحساس ممكن اشترية لحالة بدون ما اشتري جهاز كامل واخسر القديم )) جربت اتصل فيهم ( رقمهم على كرتون الجهاز ) و سئلتهم اذا كان فية حساس بروحة وبكم قالوا فية وسعره 130 ريال والشاشة لحالها سعرها 150 ريال والشاحن 45 ريال

التركيب كان عند مركز الصقر بالغرابي حريفين وسريعين بالتركيب التركيب خذ 20 دقيقة بالضبط

دمتم بود

[gasgasg]

صورة اخرى للحساس مقلوب



http://www4.0zz0.com/2011/07/17/21/612222589.jpg (http://www.0zz0.com)

[bagazi66]

الي اعرفه ان صناعته صيني

[حديب الضميان]

الشكر لله عزوجل ثم لجميع الأخوة الذين أثروا الموضوع وأفادونا بما لديهم
وأسال الكريم العظيم ان يجزيهم خير الجزاء

[باسم40]

الرواق الله يبيض وجهك على الموضوع
وما دام انه مجرب
ياليت ترسل اسم المحل وعنوانه على الخاص
اللي معه سيارة عوايل في هالقيض يحتاجه
الله لا يهينك

[abd135]

الصراحة الجهاز مو خسارة فيه الفلوس
بعدين الوكيل حقه محترم
خرب علي 3 حساسات بعد شهر من شرائه
واتصلت على رقم الوكيل في الشرقية
وقام بارسال مندوب في الرياض في نفس اليوم وعوضوني جهاز جديد
وكان التعامل من جهتهم راقي

[باترول 4×4]

أخوي رواق الله لا يهينك
المحل اللي قلت بشارع حسان بن ثابت وين بالضبط ووش اسمه .
بارك الله فيك .

[BLA6K]

جزآكم الله خيرًا ، ووفقكم لما يُحبه ويرضاَه
والله يتقبل منا ومنكم الصياَم والقياَم

س/ هل تتأثر الحساسات عند دخول الكفرات فـ: المياه ؟

[ذيب العيص]

جهاز ممتاز ...بارك الله فيك
بعض السيارات ما تحتاج هالجهاز ...عندي كامري امريكي بمجرد انه ينقص هواء في احد الاطارات تلع لمبه صفراء للتنبيه...

[باسم40]

الصراحة الجهاز مو خسارة فيه الفلوس
بعدين الوكيل حقه محترم
خرب علي 3 حساسات بعد شهر من شرائه
واتصلت على رقم الوكيل في الشرقية
وقام بارسال مندوب في الرياض في نفس اليوم وعوضوني جهاز جديد
وكان التعامل من جهتهم راقي

اخي وين موقع الوكيل في الشرقيه لاهنت

[gasgasg]

بالصدفة اليوم جاني ايميل لقيت فية مقطع فيديو تعريف بالجهاز وطريقة تركيبة

حبيت انكم تستفيدون منه

http://www.youtube.com/watch?v=mhtI6nqI1JA&feature=player_profilepage

الجهاز بصراحة اثبت وجودة بقوة سواء بالمتانه او بالسعر او بتعامل وكيلة هنا بالسعودية

دمتم بود

[Abu Bandar]

الله يجعل لك في كل خطوة سلامة

[ابوالهواوي]

متوفر الأن بالرياض حصلته عند الرجال هذا وخذت منه وانصح به

×××××××××××

وعنده تركيب

[أبوفاطمة]

عندي جهاز أورانج وخترب حساس وطلبته من النت وركبته على الكفر وسويت البرمجة حسب الكتلوج المرفق مع الجهاز بس للأسف الحساس ما بين على الشاشة :( ولا أدري إذا أحد يعرف حل لهذي المشكلة في الأورنج

[ناصح]

عندي جهاز أورانج وخترب حساس وطلبته من النت وركبته على الكفر وسويت البرمجة حسب الكتلوج المرفق مع الجهاز بس للأسف الحساس ما بين على الشاشة :( ولا أدري إذا أحد يعرف حل لهذي المشكلة في الأورنج


تجد الطريقة في هذا الموضوع



http://www.mekshat.com/vb/showthread.php?t=353315&page=7



وتحديدا في المشاركة رقم 101

شكرا لك

[أبوفاطمة]

تجد الطريقة في هذا الموضوع



http://www.mekshat.com/vb/showthread.php?t=353315&page=7



وتحديدا في المشاركة رقم 101

شكرا لك


جزاك الله خير أخي ناصح لكن الطريقة هذي جربتها ولا أنفعة ( الضغط على الزرين لين يطلع اللون الأحمر و الأخضر و ثم الضغط على الزر الأسفل لين يطلع رقم خمسة ثم الضغط على الزر العلوي لين يكون على رقم الجهة المراد أستبدال الحساس لها ثم فش الكفر لين يطلع اللون الأحمر وهذا ما صار عندي ضل لون الرقم أخضر :( على إني حاولت عدة مرات ولا تعرف على الحساس )

[ناصح]

ياليت تكمل النقاش في موضوع الجهاز نفسه وليس هنا
وسوف تجد من يعطيك الحل

[أبوفاطمة]

ياليت تكمل النقاش في موضوع الجهاز نفسه وليس هنا
وسوف تجد من يعطيك الحل

تم نقل الموضوع و مشكور أخي ناصح

[نصوب المنشى]

جهاز رائع جدآ يعطيك العافيه

[أبو ليال]

الله يعطيكم العافية جميعا صاحب الموضوع وجميع من اثرى معلوماتنا بردودكم

جهاز مهم جدا لا غنى لنا عنه

[أبو ليال]

للاسف بحثت عن الجهاز لدى الموزعين ولم اجده ويقولون انه منقطع من فتره
وحاولت التواصل مع الوكيل ولكن للاسف الجوال مغلق والثابت لا مجيب

[قناص*07]

موجود عندي ٣ أطقم للبيع جديده من وكيلها

وكنت اوزعها في الغربيه

إذا رغبت أرسلي رقمك و أتواصل معك

[سليمان VIP]

قناص اذا متوفر قطع غيار له

ارسلي رقمك احتاج جهازين

[قناص*07]

قناص اذا متوفر قطع غيار له

ارسلي رقمك احتاج جهازين

القطع و الضمان عند الوكيل متوفره


مؤسسة حماية الطريق
وتقدر تبحث عنهم في النت و لهم مقطع في اليوتيوب

اذا ناسبك كلمني