المساعد الشخصي الرقمي

مشاهدة النسخة كاملة : ابي نصيحتكم يا اعضاء مكشات لا تخلوني


خالد الكويتي
01/07/2011, 10:38 PM
السلام عليكم ورحمة الله وبركاتة

شخباركم ان شاء الله بخير

بما اني اول مره اشارك بمنتداكم الطيب هذا والمفيد للي مايعرف شي عن البر

وهالاعضاء الطيبين الي ما يقصروون ان شاء الله

فحبيت استفسر عن كم شغله

بما اني مالي بالبر و لا اعرف شي عنه قلت استفسر منكم

شنو السياره الي تتحمل البر والطعوس الرقلات والحصى ( الحجر ) والقنص وما توهقني وتخرب في وسط البر

ولو بسافر عليها للمناطق الجبليه مثل الطايف ابها وماشابه ذالك

وشنو تنصحوني اركب عليها او اضيف لها شغلات

لاني والله بترك هالعالم وبصير بري على قولتهم ههههههههههه

لان الجلسه بالديره ماتجيب غير الذنوب والمصايب

انصحوني الله يعافيكم

وبنتظار مشاركة الجميع حتى لو يحط نقطه بالموضوع

وانا اسف اذا الموضوع مو مكانه الصحيح


وشكرآآآ
رهيب الرهيب
01/07/2011, 11:47 PM
مافيه سياره ماتهرقل بالذات السيارات الحديثه لاكن اشوات الموجود التويوتا الشاص هو الي يمكن يصبر اكثر شي على البر وفيه موصفات حلوه للبر منها الصندوق تقدر تشيل الي تبي من عزبه وجراكل ماوتصمم عليه الشد الي في بالكوغير كذا يجي تانكيين بنزيم وعزمه ينشد به الضهر ولاكن عندي لك بعض النصايح بماء انك مبتدي بطلعات البر يبي لك تخاوي ناس قديمين بالبر فتره بطلعاتهم ويبي لك سلاح تراه زين بالبر ربع مسدس مثلا والاهم القارمن والله يوفقك
ابوعبدالله 32
02/07/2011, 01:02 AM
شف وانا اخوك البر بريره والواحد لابد من الاقتناع بشي وهذي علوم الطيبين
ان كانك عزوبي ترى جيب الربع النيسان حليو مريح ورخيص اوهدد اوشاص روعه بس بعض
الناس تمله لانه متعب ولا يشتريه الا راعي حلال ولاهاويه اما بنسبه للبر عزالله انك بتستانس مع
الرفقه الطيبه اما بنسبه للعزب على حسب الموتر تقدر تفصل اللي يناسبك ويتكيف مع الموتر سواءً
كان شاص او اي جيب ومر على خيمة العدد وادوات الرحلات والاخوان الاعضاء ماراح يقصرون
معك
اتمنا للك التوفيق
رسلان الوايلي
02/07/2011, 02:02 AM
شف حبيبي فيه سيارة كثيره للبر واحسنه شاص تيوتا ربع تيوتا بترول نيسان ربع نيسان جي اكس ار
وزي ماقلو الرجاجيل خاولك رجال تعرف البراري واهم حجه ليشريت موتر من التجهيزات المهمه تنكي ماء جرمن مطور هواء سلاح
مسير عليهم
02/07/2011, 11:31 AM
حدد مبتغاك تبي ونيت او جيب تبي للعائلة او شبابي

اذا شبابي ونيت وعليك بالجمس غمارة حوض قصير وريح راسك

راحة وأمان ورساوة في الخط

الجيب انت ورغبتك اذا ماتهمك الراحة ولا الامان خذ لك على قولتهم ربع وراس ماله مكينة وقير ودفرنس ووانت تتحكم فيه
عاشق السيل
02/07/2011, 01:19 PM
والله طلبك يالغالي متشعب ويحتاج توصيف طويل عريض !!!

لكن لو حددت بعض النقاط مثل انت متزوج أو عزابي وإذا كنت متزوج عائلة كبيرة أو صغيرة ومثل عفشك كثير أو قليل يعني فيه خيام وعزب وإلا بس شناط سفر !!!

وعلشان ما اطلع بدون ماتستفيد مني أقولك احرص وأنا أخوك على الياباني إذا كانت رحلاتك داخل البر أكثر من الطرق المعبدة ،، وإذا تبيها سفريات وخطوط الأمريكي رائع وعلى وجه الخصوص يوكن تاهو إكسبدشن ،، أما الياباني أنصحك بالجي إكس آر أو سفاري أو باجيرو !!

والله يوفقك لكل خير .....
HAS5SAN
02/07/2011, 01:21 PM
السلام عليكم ورحمة الله وبركاتة
شخباركم ان شاء الله بخير

سياره الي تتحمل البر
والطعوس الرقلات
والحصى ( الحجر )
والقنص
وما توهقني وتخرب في وسط البر
ولو بسافر عليها للمناطق الجبليه مثل الطايف ابها وماشابه ذالك
وشنو تنصحوني
لاني والله بترك هالعالم وبصير بري على قولتهم ههههههههههه
لان الجلسه بالديره ماتجيب غير الذنوب والمصايب
انصحوني الله يعافيكم


(1)
أنا طالبك بوجهي وبوجه كل من رد على موضوعك
إذا قراءة ردي هذا على طول قم وض وضوء لأول مرة توضيه
حاول تستمتع بالوضوء أسبغ قدر المستطاع
ثمن رح صل لله ركعتين وتخيل الله أمامك وفعلاً تراك بين يديه سبحانه
ياليت تكون لحالك الآن أخرج الدموع من قلبك وليست من عينك
وشوف طعم العبرة إن هي خنقتك لله
ولا تنسى في سجودك أن تُقسم على الله سبحانه بأن يزيل همك وغمك
وشوف دموعك كيف تفضح طيبة قلبك مهما كابرت فالله أكبر
(2)
الموتر اشتر خويك ترى الاخويا ها الايام قلة او مصالح او تضييع وقت
ولو قلت له نفسي ابكي من همومي قال لا ياشيخ
انصحك بشروى ذا :

http://www.toyota4arab.com/forum/uploaded/282_1188387554.jpg

ركز على القير العايدي

http://www.toyota4arab.com/forum/uploaded/282_1188464426.jpg

(3)

9k48ApSTUAI
ذئب اليل
02/07/2011, 11:16 PM
والله يخي الكريم المقدمة ماهي في مكانة ضنيت ان الرجال واقع في نصيبة ماهو طالب إستشارة في سيارة ,,,,,,,,,,,,,,,,, وجهة نضر
KING FISAL
02/07/2011, 11:39 PM
الشباب ما قصرو
انصحك بالسفاري ربع نيسان بما انك مبتدئ و الله يوفقك حاول لا تتسرع في دخول لحالك لين تتمكن من معرفة السواقة في الطعس وتعرف انواعها وكيف تخارج نفسك لو حدث لك شئ مفاجئ و تجهزها من محلات ادوات الرحلات مثل الخيام الفرديه و الساكتون و الدوافير لانك ما تروح البر تطعس وترجع اكيد بتصيد و تطبخ تضبط الدله
بالتوفيق
ددسن 2008
03/07/2011, 03:20 AM
الله يوفقنا واياك ويسهل امرنا وامرك ..