أبي أروح الصمان وشلون

[مشعل2000]

السلام عليكم ورحمة الله وبركاته
ياشباب أبغى أروح الصمان ( بس بدون قارمن )
وأبغى أقرب فيضة للصمان وأنا جاي من دوار حفر العتش تجني لوحة مكتوب عليه ( الصمان يمين 92 )
رحت يمين معها ثمن مشيت 92 كم وبعدين وين أروح


ملاحظة:

وهل فية شيء قريب يستاهل أروحلة وكم (كم) أمشي لأقرب شي

وهل فيه شي حلو غير ( التنهات - شعيب محارق - خريم - الشوكي - نورة )

علمون ياشباب يعطيكم العافية

[ابوذيب]

الصمان خطير ويمكن تتيه فيه لان هو متياهه ، واذا لايوجد قارمن ولا دليله ولا جهاز لاسلكي فانك ناوي تنتحر اذا ماتعرف بالنجوم والبران ،،،،،،،،،،،،،،، احذر ثم احذر تروح لحالك بدون الاجهزه ترى احرمك من الميراث بعدين

تحياتي

[منتصر]

السلام عليكم ورحمة الله وبركاته
مشعل 2000
الامر سهل اللة يسلمك بعد ما تتعدا الدوار والدهناء رايح تكون في اول الصمان واصل الين تاصل الرفيعة راح تكون في قلب الصمان ومن الرفيعة اذهب حيث تريد الى قري الصمان مثل اللهابة,الشيحية,العاذريةوام الهوشات, او تتجة يمين ناحية البويبيات,شوية وقبل تاصل شوية وانت قادم من الرفيعة ياتي على يدك اليمين الطريق الى روضة هجريات وام المصران والصمان الجنوبي. وبعد سفلتت الطرق لايوجد مشكلة محطات بنزين بقالات ورش امان كل شئ متوفر وللة الحمد والمتعة في المغامرة لكن اعقل وتوكل

[مفتون الصمان]

انبه اخى الكريم ترى المسألة ليست سهلة هي سهلة اذا توفرت الوسائل المساعدة والا سوف تضيع فى البر ويخلص عليك البنزين
وبعدين ترى القارمن سهل ومتوفر ولا هو بصعب
الله يحفظك ويسمح دربك

[أحساس شاعر]

أخوي مشعل:
سلام أول شي.
مثل ماقال لك أخوي منتصر بعد ماتعدى الرفيعه ينتهي الخط يعني حرف تي. تروح يسار لأم الهوشات واذا أقبلت عليها تشوفها تجيك ردميه على اليمين أدخل معها وكمل معها تراها تجنب الين برقا ثمن تغرب الى شويه والرياض لافيه تغاريز ولا يحتاج جهاز كم كيلو الين توصل الفياض هذا مابعد جربته أنشالله بعد العيد انا رايح أستكشف الطريق وأجيب له كروكي مايخرش الميه.
اذا شفت أرض زينه حول عليها والله يوفقك.

[سواق الوايت]

أنا أأويد اخوي منتصر

لكن خذ اغراضك

وشيك على البنزين والمويه أهم شي


وتوكل على الله

[جو الصمان]

الله يهديك وش التهور انا عندي قارمن مر خذه وإذا رجعت جبه لي وترا الوضع عادي
ارسل رساله على الخاص وارسلك ويني فيه انا في الرياض وشكرا

[السمح]

حياك مشعل2000 ..
نصيحة ناصح الصمان بدون أجهزة أو شخص يعرفه تمام المعرفة لا تطلع من الاسفلت ، لأن الصمان كله متشابه وكل حزم يشبه الثاني ، وما فيه أسرع من الضياع والقصص على ذلك في السابق كثيرة ، هذا أولاً وثانياً المناطق من الجهة التي ذكرتها لا يوجد بها ما يسوى العنوة هالسنة ، وعسى الله يجيب الخير .

[مشعل2000]

يعطيكم الف عافية
مشكورين على الرد