اعطال الدبل ممكن استفسار

[العقيد99]

السلام عليكم ورحمة الله وبركاته
بالنسبة للدبل عندي مايمك احد يحووووق
جيب صالون تويوتا
نزلت الفرارات قلت شكلها معلقة
واليوم جربت الدبل نفس المشكلة اي طلعة يجلس يفحط بالكفر الخلفي ولا يطلع
بعض الاماكن جربت سيارة اخوي وسيارات ثانية كلها جيوب تطلع بدون دبل
وعندي بدون الدبل بالدبل الثقيل l4 كلها سوى تفحط ولا تطلع
اذا عشقت الدبل السيارة تثقل السيارة وتطلع حنتها لكن ماتطلع
هل فيه مشكلة بالدبل ؟؟؟
اذا على السواق جرب السيارة كل الشباب ونفس المشكة
على فكرة الدبل الثقيل قير l4 والخفيف h4 زر
احد عنده حل ؟؟؟

[العقيد99]

55 مشاهده ولا رد واحد ؟!

[بدوي جنوبي]

عليكم السلام

بالنسبة للدبل عندي مايمك احد يحووووق
هذي ما فهمتها ؟

نزلت الفرارات قلت شكلها معلقة
كيف نزلت الفرارات ؟

حاول تفصل بين كل سطر او كلام بعلامات تنقيط


عموما
اذا انت مركب فرارات المشكله منها ما تشبك معك
حتى لو عشقت الدبل والفرار فيه مشكله ما راح يلقم معك الدبل .


بالتوفيق

[قناص*07]

اخوى الدبل ماهو شغال

لان الدبل الكرباء اذا ما اشتغل الخفيف فالثقيل ما راح يشتغل معك

كان معي ربع خليجي والدبل الخفيف نظام هواء وكهرباء و الثقيل يدوي وكان يفصل اذا سخن وبعض الاحيان من نفسه وكنت اعاني من نفس مشكلتك.
و السياره الثانيه GXR موديل 2002 خليجي والخفيف زر و الثقيل عصى ويوم وانا ماشي 140 ضغط الزر بركبتي وبعدها احتجت الدبل ولا اشتغل معي لا خفيف ولا ثقيل.

مر كهربائي وخله يشيك لك عليه

[العقيد99]

بالنسبة للدبل يحووق ( يعني وجوده زي عدمه)
بالنسبة للفرارات نزلتها نهائيا
علامات التنقيط يبي لها مدرس لغة عربية


أخوي قناص 07
جبت الحل عسى الله يوفقك
قريت ردك امس واليوم مريت الكهربائي وبالفعل طلعت المشكلة من الكهرب
وكل الشغله طلعت كتاوت وحساس الدبل
والحين الدبل زي الحلاوة بيض الله وجهك ياقناص 07 وكثر الله من امثالك
والله اني كنت افكر اغير الدبل واثر المشكلة ماتستاهل