انتبهو من الفورتشنر 2011

[الليث الذهبي]

ياجماه الفزعه واحد من الربع شاري فرتشنر 2011 ماشي 18 الف والرجل محافظ
وطلع صوت اغلب الظن انه فالقير والصوت يشبه صوت المعاميل فالغظار لا خظيتهن
اذ مشيت عليه النمره الرابعه ينقطع الصوت وباقي النمر فيها صوت
حتى لاصار واقف فيه صوت اذا ظغطت على الكلتش انقطع الصوت
ياليت اذا فيه احد يعرف بلاه
وكيفيت التعامل مع الوكاله الموتر منتضم على الضمان الصراحه طاح الموتر من عين صاحبي هل يعوظونه بغيره :D
طبعن وداه الوكله واخذو الاذن انهم يفكون القير
بس حرام موتر ماكمل الاشهور يفك قيره

[ساري 111]

هذي فحمه الكلتش جايه رمل

تاكد اذا هي فحمه كلتش عااادي ماتضر

[سلكي نت]

الله واعلم انه صوت الفحمات
الصوت هذا سامعه بالسيارة عندي من 3 سنوات
عرزت السيارة بدفين الين طلعت ريحة صحن الكلتش
مريت بها الوكالة قالو عادي , واذا تبغانا نصلحة يدك على 1500 قيمة فك قير غير قطع الغيار
فكرت وقلت خلنا نجرب مدام فيها فك و 1500
خله لين يقطع
وفعلا عادي
نفس العزم والسرعة والقدرة خط اسفلت او بر
والى يومك هذا الصوت مثل ماهو
ولا عندي نيه اصلحة

ان شاء الله اني افدتك

[مخاوي العشه]

يمكن من فحمات الكلتش

او شيك على جلد الكبووت

[موادع الشرقيه]

هذي مشكلة متكررة
نفس مشكلة الهاي لوكس من 2006 وفوق

[اسبيدر مان]

هذا صوت فحمة الكلتش
وهو صوت عادي وموجود في البرادو القير العادي وايضا الاكستيرا القير العادي والنفارا واغلب السيارات القير العادي موجوده به هذا الصوت ولا يأثر لكن تبي الصراحه
والله يضايق هصوت لذا اغلب الناس يشرون تماتيك

[**عاشق الشواهين**]

طول الله عمرك والسامعين والقارئين هذى فحمة الكلتش

[HILUXES]

اخوي اذا على كلامك هذا صوت فحمة الكلتش وماهي في القير هي بين القير والمكينه
وتراها ماتضر بس صوت
واي شي يصير حنا في الخدمه

[فيصل البلوي]

http://www.grraf.com/vb/thread45102.html
هذي نفس مشكلة الهايلكسات الجديدة وهي نفس الفورتشنر وهذا الرابط فيه حل المشكلة

[m3ax]

يا فحمة الكلتش او صوت البيرنق حق القير ..

لكن ارجح فحمة الكلتش لان بيرنق القير يطلع صوت ونه مثل ونة الكارونه وتختفي من الدعس على الكلتش

[شبح الصحراء]

الصوت اللي يختفي لما يدعس على الكلتش هذا موجود حتى في الهايلوكس الشكل القديم ويمكن حتى في بعض الجيوب القير العادي ولا يأثر على اداء السيارة ونصيحتي لا يركز رفيقك على الصوت ولكن على الأداء اذا حس ان اداء الموتر تغير فخله يوديه للوكاله إلا اذا كان الصوت قوي مرررة وبصراحة اصعب حاجة انك تحكم من الصوت بس وبعض الأحيان تبي تعالج الصوت وتتورط بمشاكل اكبر وتقول يا ليتني ما تعبثت في السياره ، موضوع الأصوات مرة محير وكلنا عانينا منه ودك تروح الأصوات بس ما ودك تتعبث بالسياره :confused: .

[alimuhammed]

الاخوان اللي يقولون فحمة كلتش ما عندهم سالفة

الرجال يقول اذا ضغط الكلتش راح الصوت و اذا عشق الرابع راح الصوت

المشكلة اخوي عندك في رومان عمود الشجرة تبع القير و يمكن نقص الزيت فقط

تحليل المشكلة اذا ضغطت الكلتش يوقف القير عن الدوران تبدأ الفحمة بالدوران مع الصحن الكلتش فيتوقف الصوت لأن القير توقف عن الدوران
و عند تعشيق القير في نمرة اربعة يكون عمل القير مجرد وصلة عامود بين الماكينة و عامود كردان و يرتاح عمود الشجرة من الحمل فترتاح روماناته فيسكت الصوت

الحل:

ابدأ بالاسهل شيك على زيت القير فان كان ناقص فكمله
حاول تغيير زيت القير الى الاثقل
النهائي تغيير الرومانات تبع القير

------------------
و اذا السيارة تحت الضمان فهذا عيب مصنعي الشركة ملزمة بتغيير القير على حسابهم
لا تفتح مجال لهم باصلاح القير بل تغييره كاملا قدم خطاب للادارة و طالب بتغييره

[.أبوعبدالرحمن]

عنوان الموضوع في جهه والموضوع في جهه ثانية


و اذا السيارة تحت الضمان فهذا عيب مصنعي الشركة ملزمة بتغيير القير على حسابهم
لا تفتح مجال لهم باصلاح القير بل تغييره كاملا قدم خطاب للادارة و طالب بتغييره


وهذي تحصل في أطلق السيارات وعادي ، يعني إذا خرب في السيارة أي شيء ننبه الناس

من السيارة كلها !!! والله عجيب

كذلك قد يكون هذا الخراب من سوء استخدام وحتى لو كان الرجال محافظ على السيارة

ولكن يمكن لديه طريقة يستخدمها في القير خطأ وقد يكون عيب مصنعي وهذا وارد في المرسيدس

والبي ام والكزس يعني الوضع عااااااااادي

والنقطة الاهم أن راعي السيارة قله يروح الوكالة ولا يرضى بغير قير جديد

[مقلع الرمث]

هذا التايوتا كله تلفيق بتلفيق

راحت ايام التايوتا ٩٧ وتحت

2011 موديل السنه ومشاكل بالقير

الله يعيين على اللي جاي

[الليث الذهبي]

اشكر الجميع على تفاعلهم معي
واقرب احتمال زي ماقال
اخويalimuhammed
لان فحمت الكلتش صوتها خفيف ومعقول لكن هذا صوته مزعج يعني اليا مني بغيت اكلم رفيقي ارفع صوتي موب معقول الصوت تقل راكبن عراو متخلخله
والي يقول الموضوع مايركب على العناون اعتذر منه لكن جربت وكتبت موضوع قبله فما رد الا اثنين فقلت( الكلام على الموضوع )
ارجو من الاخوان العتاب على الكلام عقب ماننتهي من السياره الصراحه مالي خلق ومنقهر
لاني ابي الفزعه وطريقت التعمل مع الوكاله علشان اخذ حقي منهم
ولاكن للاسف يجيك واحد مقدر لحالك بكل ماتعنيه الكلمه ويقول ( لا تكتب كذا اكتب كذا)!!!!!!

[الليث الذهبي]

عنوان الموضوع في جهه والموضوع في جهه ثانية






وهذي تحصل في أطلق السيارات وعادي ، يعني إذا خرب في السيارة أي شيء ننبه الناس


من السيارة كلها !!! والله عجيب


كذلك قد يكون هذا الخراب من سوء استخدام وحتى لو كان الرجال محافظ على السيارة


ولكن يمكن لديه طريقة يستخدمها في القير خطأ وقد يكون عيب مصنعي وهذا وارد في المرسيدس
والبي ام والكزس يعني الوضع عااااااااادي


والنقطة الاهم أن راعي السيارة قله يروح الوكالة ولا يرضى بغير قير جديد


الرجال اعرفه زين يعرف يسوق وعيشته قبل الجيب على هايلكس هل قير الفورتشنر حساس الى هذه الدرجه ؟؟؟؟
والله حرام سياره جديده واخرتها يغيرالقير الموتر تعافه النفس وبالبيعه يطيح سعره
هل فيه طريقه اخذ فلوسي منهم او يعوضوني بسياره ثانيه

[صديق كلم رفيق]

الصوت عندي بشاص 2011 اعتقد طبيعي

[هولاكو1]

يالغالي انا حصل لى نفس المشكله مع 2008 فورنتشر على 2000 كيلو يعني والموتر توه على التمرين
ورجعت للوكاله وشيل وحط لين تم تغيير الكلتشات وبعد ذلك تم تغيير الكلتشات 3 مرات خلال سنتين على حسابي بالصناعيه لان الوكاله يطفشونك حتى تضطر تغيره برا على حسابك وذلك بتاخير السياره لديهم من اسبوع ل 10 ايام المشكله مصنعيه حيث ان الموتر دفع رباعي والكلتش ليس متوافق مع قوه المكينه والقير .
اذا تقدر تولف كلتشات رياضيه بتنحل المشكله لديك .
لاكن يعلم الله انى ما طربت لموتر زي هلموتر لا بلبر ولابالسفر مع العلم انه ضيق على .

[أبوعابد 22]

الوكاد انها فحمة كلتش

[الليث الذهبي]

يا جماعه مهيب فحمت الكلتش فحمت الكلتش صوتها خفيف
هذا الصوت مزعج مزعج مزعج
على العموم الحين الوكاله فاكين القير