الددسن والهايلكس 2006 أثبتوا الفشل

[محتري السيل]

والشاهد أهل المعارض والوكالات

كل ما جيت معرض سيارات او فرع وكالة لنيسان وتويوتا يعلنون فشل الددسن والهيلكس 2006 بكل جرأة وصراحة

فقد يكون الأيسوزو المفر الوحيد لعشاق الهلي بعد الأحباط الذي الم بهم لرسوب الهايلكس 2006 شكلا ومضمونا

أما الددسن أبو عيون متنافصة ورفارف تقول جنحان جرادة يمكن يترقع شوي بجنوط وكفرات عراض

وعكس ذلك زادت مبيعات ددسن وهايلكس 2005 بالرغم من أرتفاع أسعارها

كما أن أغلب معارض بيع السيارات تقوم بتجميع ما تبقى في السوق من الموديلات السابقة الجديدة لتلبية زيادة الطلب




محتري السيل

[غيّام]

كلامك صحيح اخوي الكريم وفعلا من يوم ماطلع قلت لواحد من الربع وش ذا الشكل المخيس قال اصبر شوي ويالفون عليه الناس لكن والله كل يوم يزيد في عيني قبح واحس ان اللي يركبه يستحي يناظر في الناس

[ذيب حضن]

الحروه أن الكلام صحيح 00 لكن وش نشري

[الطرشي]

الهايلكس بزوووووود

اعوذبالله شكله غير مهضوم

بدي وش كبرة وفالاخير كفرات دباب مثل كفرات سوزوكي

[الطير الأبرق]

يقول المثل مالك الا خشمك لو هو عوج

الله يعين بس

[حـاتـم]

صدقتوا والله

اما الهايلكس الجديد يوم ركبته

قلت ذا مب يم سنع

شكله الداخلي مايواجه بر
والخارجي اخا ف اصدم بطعس يطيح صدامه الامامي
وجهه طلع زي الكورولا

بس في ناس يوم قلتلهم راي فيه قالوا حرام عليك
بالعكس

يعني فيه ناس معجبين فيه !!!

اما الددسن الله يذكر ابوفيصل_احد الاعضاء_ بالخير يسميه(( صيني احول ))

بس الددسن على لااقل صدامات حديد ومع الوقت صدق بتوالف عليه

بس الهايلكس مهيب الضنه والله


وشكرا


اخوكم / حاتم

[بن نويشر]

أنا لاحظة الداتسون بكب 4×4 غمارتين (ديزل) .. الحقيقة شكلة جيد ومقبول بالحيل ، عكس الهايلكس اللي شكله ما أقول إلا (اللهم لك الحمد) .

كما لا تنسى الاسوزو .. الحقيقة رزه بمعنى الكلمة ، كما سيارات المازدا ما قصرت منزله بكب شكله جداً مقبول وبمواصفات مره حلوه وبسعر معقول. وعندكم أيضاً الميتسوبيشي البكب (ديزل) الحقيقة شكله أيضاً ممتاز (استرادا) عملي جداً وقوي وشاهدته بكثرة بصلالة بسلطنة عمان حيث مناطق الرعي منتشره هناك بس سعر غالي شوي عند العيسائي .

[التجوال]

الهايلكس الجديد ما عاد هايلكس

[][الكاشت][]

من ناحيتي الهايلوكس الجديد 2006 (( الفل كامل )) الديزل ابو رفارف نفس اللون
والله شيء وارتفاعه ممتاز
بس العين بصيرة واليد قصيرة لان سعره 81 ألف وقهر الواحد يحطها بونيت !!!


تحياتي لكم

[أبو أديب التميمي]

المشكله في السيارتين الهايلكس والددسن عدم التناسق بالتصميم !! ودرجه التحمل للسيارة !!

يعني صارت المسألة تلفيق في تلفيق وتغطية لحاجة السوق بأي شكل من الأشكال وبأي طريقة !!


وتبون الصدق الشركات المصنعة ( هم يبون السيارة تخرب بسرعة !! لأنه من صالحهم بيطلعون قيمة السيارة دبل بقطع الغيار يعني ما تجي 10 سنوات إلا وانت حاط في السيارة ما لا يقل عن 15000 من توضيب ومن فحمات وبخخات واسلاك وبلاوي زرقا ) وتبون تشوفون الفرق شوفو الهايلكس والددسن أيام السبعينات عايش إلى الأن وزود على هذه ولا اقوى منه ولين حطيت قطعة غيار خلاص انس انها تخرب !!

والله يالربع ان عندنا هايلكس مديل 81 غمارة إنا نصدم به في شجر العشر بالبر والله ما ضرة شي !!

ذلحين رح اصدم شجرة عشر بـ 2006 إذا ما راح تشليح ماكون انا ابو فارس !!


تحياتي للجميع

[محتري السيل]

الأخوة الأعزاء

شكرا لكم على الردود

والحمد لله على كل حال

شرينا ددسن جديد 2005 4x4

والله يوفق الجميع للخير

[سواق الوايت]

أنا لاحظة الداتسون بكب 4×4 غمارتين (ديزل) .. الحقيقة شكلة جيد ومقبول بالحيل ، عكس الهايلكس اللي شكله ما أقول إلا (اللهم لك الحمد)


الله يرجك يا سنيدي

[أبو^أحمد]

أنا أضم صوتي لبعض الأخوان الددسن يبغالها شوية تبهير ويمشي الحال بس بالمقارنة مع الهايلكس ملك

والقرد في عين أمه غزال..

[أبو مسفر]

اما الهايلوكس 2006 الدبل أم الرفارف مسكتة ولا هيب شينة والددسن مالي بها نظر من طويل لا 2005 ولا 2006
أما ملك الونيتات من ناحية الشكل فهي الاسوزو ( الديماكس ) بلا منازع

[ابو رتاج]

السلام عليكم ورحمة الله وبركاته
والله يا أخوان تبون الصراحه لكل شخص وجهة نظر ولولا اختلاف الآراء لبارت السلع صح ...؟؟
بالنسبه لي انا معي هايلوكس 2006 وبصراحه قمه الفخامه والراحه من الداخل والعزم خذ عزم وربي اقوى واسرع من 2005 ولا تطامر مثل الاولات ابدا واسأل مجرب ولا تسأل طبيب ..بس يبيلها شوية تضبيط وتطلع شيء عجيب
وبصراحه اول ما سويت انا فكيت الدعامات السود اللي بالصدام وركبت دعامات برادو نيكل وربي طلع شكل الموتر شيء يجنن ما شاء الله ثم غيرت الكفرات والجنوط وحطيت الجنوط 16 بدل الوكاله 15 وخليت الكفرات عراض شوي وان شاء الله بنزل الصور وراح تغيرون آرائكم جميعاً

[العا ذر]

السلام عليكم ورحمة الله وبركاته يالربع جربت السيارات الثلاث م2005 وخرجت بالاتى ==========الهيلكس فيه رفع زايد=غير راسى-----الددسن راسى =سريع =مريح اقل استهلاك للبنزن===السيوزو=نظره=ثقيل فى القومه= قطع الغيار نار والله يعنك عن البحث عنها مع انها صناعه تا يلنديه

[بو خليفه]

لا تنسى الهايلكس صناعة تجاري و هي تايلندية الصناعة
الأفضل الإيسوزو

[salehhd]

السلام عليكم

الهايلوكس كأنك راكب بعير والدبل غير راسي ومرتفع كثير اما الدتسسن بالفعل ينهضم شوي بعد التتبيل والتبهير

واعتقد الدتسن راح يتغير السنة الجاية والله يعين