المساعد الشخصي الرقمي

مشاهدة النسخة كاملة : تكفون الفزعة يا النشاما قبل ما اشتري اخر فورد اكسبلورا 2010 في المملكة؟؟؟


madmad99
06/07/2011, 09:06 PM
تكفون قررت اشتري اكسبلورا الفئة الثانية(حساسات + بلوتوث+ارقام سرية) علما كان لي رغبه في الاستاندر لانه ارخص ولكن كلام الموظف وبعد اسبوع وهو يدور لي حصل هالفئة اللون الاسود حسب رغبتي وقال يالله يالله اني حصلت هالفئة .ولكن يا شباب ابي نصحيتكم قبل تقديم الاوراق الاسبوع القادم .
طبعا نظام تاجير منتهي بالتملك سعر السيارة 102850 ريال كاش
اقساط عن طريق بنك الراجحي مقدم 30الف قسط شهري 1395 ريال دفعه اخيرة 25500 ريال كيف تشوفون السعر . وهل الراجحي افضل من الاهلي . وهل تنصحوني اشتري لان الشكل الجديد مافيه دبل الا في الفئة العالية تكفون الي جرب السيارة + سعرة كيف تشوفون+ يستاهل ؟+ ابي نصيحه من اخ لاخوه الصغير ؟؟؟؟انتظركم
madmad99
07/07/2011, 12:37 AM
ياشباب وين الردود قلت فزعه يا رجال
al7eran
07/07/2011, 03:03 PM
حسب فلوسك

اذا بتنتظر الجديد

اكيد السعر اغلى

الحالي اسعاره مناسبه اخوي
madmad99
07/07/2011, 04:22 PM
بس من وجهة نظرك كيف تشوف شكل الاكسبلورا الحالي ؟؟
عبدالعزيز51
08/07/2011, 03:04 AM
رديت عليك في موضوع رابطة ملاك الاكسبلورر وأعيد لك بالنسخ واللصق..
شوف طال عمرك من أسبوع ونص طلعتلي 2010 ماشاء الله بس انه ستاندر لون أسود أعجبني بصراحه الله يعطيني خيره ويكفيني شره..سياره حلوه شبابيه عائليه في نفس الوقت..بالنسبه للسعر مره مناسب لأني طلعتها ايجار منتهي بالتمليك من الراجحي وطلعت تقريباً 134000 ريال طبعاً بدون دفعه أولى وقسط 1500 ريال يزيد 75 ريال سنوياً .. وموفق ان شاء الله.. وحط في بالك أي سياره في الدنيا تعتمد على الاستخدام الشخصي لصاحبها من الدرجة الأولى.. الله يعطيك خيرها ويكفيك شرها..
madmad99
08/07/2011, 04:41 AM
الاخ عبدالعزيز أولا الله يعطيك خيره ويكفيك شره يا رب
السؤال سلمك الله تقول القسط 1500 بدون دفعة أولى . بس ما فهمت زيادة سنويا 75 ريال السؤال بارك الله فيك
انا لو طلبت بدون دفعة اولى او نقول اعطيتهم 10000ريال كم بيطلع القسط .انتظرك
الف وميم
08/07/2011, 12:11 PM
احذر من بنك الراجحي فهو نصاب في نظام التأجير ما فيه غير سلخ


الشئ الثاني الدفعة الأخيرة كما اسمع حرام


نصيحة حاول بشتى الطرق التحويل لبنك آخر و اطلب قرض جديد


ولو عليك قرض في بنك الراجحي عندك بنك الجزيرة يشتري المديونية من الراجحي وتحول عليه ويعطيك قرض بنسبة خيالية أعتقد راح تطلع كسبان 100% فبدلا من أخذ فائدة من قبل الراجحي في نظام التأجير 40000الف ممكن لو أخذت قرض جديد سواء من الجزيرة أو غيره من الممكن تكون الفائدة 7سبع الاف اقول ممكن و وفر المبلغ المقدم لك انت أولى به
جرب ما انت خسران شئ واسأل جيدا
لأني بصراحة ارى انها ظلم مقدم 30 الف ومؤخر 25 الف وفائدة 40 الف


وقد كانت لي تجربة مريرة سابقة مع تأجير الراجحي ولكن الحمد الله حليتها بتحويل المديونية ولك الله وفرت 25 الف مع العلم كانت فائدة الراجحي علي مقاربة للـ40 الف
لكن الحمد لله نزل البنك الجديد 25 الف وقد كنت لي سنتين مستأجر السيارة من الراجحي بس حتى تشوف مقدار النصب حسبي الله عليهم
هذه تجربتي حبيت انك ماتغلط غلطتي


لكن لابد عليك من السؤال حول مشروعيتها قبل الاقدام على اي خطوة فأنا لا أدخل شئ في ذمتي
madmad99
08/07/2011, 12:57 PM
الف ميم : جزاك الله خير وابشرك والله البارح استخرت وحسيت براحة لما قررت شراء سيارة كاش وبطلت اشتري من الوكالة . سلمك الله راتبي على بنك الرياض وعندي حوالي 40000ريال في الحساب وطالب من البنك قرض تكميلي يعني بيطلع تقريبا 30000 ريال بس والله لي ثلاثه اسابيع من يوم قدمت ولا احد قال كيف الحال ما ادري وش المشكلة وانا انتظر علشان يتصلون ويقولون تعال وقع ونزل القرض .مدري لو قلنا من 60 الف الى 65الف هل بيجيب لي اكسبلورا نظيف
T-Tamimi
08/07/2011, 01:41 PM
60-65 الف ممكن تجيب لك مديل 2007 - 2008 حسب النظافه والمواصفات

اذا معك المبلغ كاش فك راسك من الاقساط وغثاها

وعلى فكره مديلات 2008 اغلبها عليها ضمان خمس سنوات و 200.000 كلم
يعني ممكن تلقى موتر نظيف وعلى الضمن المهم يكون راعي مواضب على الصيانه لكي لا يسقط ضمانه

اشوف انك تشتري بالكاتش الي معك سياره تشيل رجلك وتستفيد من القروض في قطعه ارض او استثمار افضل لك والله اخي الحبيب . خصوصا ان 50 الف كافيه تجيب لك سياره مناسبه ,, ترا كله حدييد والجديد بعد شهر يصير قديم
يعني مايفرق تاخذ 2007 او 2010
بالتوفيق
الصخرة
11/07/2011, 01:18 PM
8888888888

كلم سليم 100 %
الباثفندر 3.5
11/07/2011, 06:57 PM
السياره سيئه جدا فيها مشاكل بالقير و الدفرنس
لا يغريك سعرها و انت بكيفك
T-Tamimi
12/07/2011, 04:49 PM
السياره سيئه جدا فيها مشاكل بالقير و الدفرنس
لا يغريك سعرها و انت بكيفك
ايه الباث زينه اجل ههههههههه

الله يصلح الحال
ياخوي السياره من 2006 والحمد لله ماشيه ولا عليها خلاف ابد
سيارتي 2009 والحمد لله ما اشتكيت من شي
ايضا واحد من الحبايب معه 2007 وهذا مايصبر على رجله حراثه وموتره ماشي ولا عليه خلاف الحمد لله.

لاتحكم على السياره من كلام الناس او من مشكله صارت مع واحد

على فكره القيور من 2005 وتحت فيها مشاكل كثير حسب الي نشوفه بالمنتدى ونسمعه من كلام الناس
وفي الوكاله سالتهم يقولون من 2006 تم تعديل القير

والله يوفق الجميع والله مهوب داخل مخباتي ريال من ذالكلام لكن فزعه مع موتري بس