بالون ولادنلوب للباترول

[comابوسليمانwww]

السلام عليكم ورحمة الله وبركاته .....
الاخوان اصحاب البواترل واهل الخبرة ابي رايكم عندي صالون باترول موديل 2004 وعندي جنوط هلل اضافية ومتردد اركب عليه كفرات بالون ولا كفرات دانلوب (لبنة) :
بعض الشباب قالي ابعد عن البالون لانه يضر الباترول يسبب الرجة ويعدم الجلب ولاادري عن صحة هذا الكلام
والكفرات الدانلوب حلوة وخفيفة لكنها غالية

علما ان المقصد من تركيبها ليس شكل ولا غيره ولكن لكثرة ترددي على البران واحس ان الكفر العريض مايخارج ..

[مقلع الرمث]

اخوي فيها كفرات طايحين فيها الناس نص بالون وهي هانكوك تجيك نفس الدنلوب حق الحوض واكثر الشباب

امركبينها

وميزتها انها خفيفه ورافعه الموتر ومطبه لين وزين للبر خاصه النفود لكن بالارض الوعره تجنب الحصى

وامورك سالكه انا على موتري بالون حاليا 900 مكسس واذا جاء تغييرهن بأذن الله راح اركب هانكوك

سعره اغويلي اشوي حول 600 او طمرها ممكن بس انصحك تمر الغرابي تاخذها من وكيله بالتوفيق

[درجلان الشمال]

البالون يريحك ويتعب السياره

[التعـ King ـديل]

البالون يريح الموتر وخاصه على جنوط الهلل ويخفف الصرفيه خاصه اذا كان مع فرارات

موتري فتك وكفراتي بالون ماكسس 8 غاط / 900 وهي كفري المفضل من اكثر من 8 سنوات

واللي يقولك يعدم الموتر ويخرب الجلب والزحمات ذي ماعنده سالفه .. اهم شي اذا ركبتها رصصها

ترصيص ارضي عند ميزان المجد واذا مشيت عليها 15 الف الى 20 الف حسب الاستخدام رصص

مره ثانيه وامورك طيبه خفه بالحركه والاستهلاك بالبنزين انا اعبي موتري دايم ب 20 ريال بنزين 95

ويكفيني لا يقل عن 100 الى 120 كيلو على حسب الدعسه داخل الرياض وبالسفر اعبيه فل تانكيين

ويمشيني تقريبا 800 كيلو الى 850 كيلو

[سلكي نت]

البالون جربته مره وحدة .... لكن طفشني بالترصيص
او انا مالقيت احد يضبط ترصيصه
ما ادري ليه مامشى حاله معي
فكرت بالجنوط وفكرت بالاذرعة وبالاخير ركبت غيره

[درجلان الشمال]

البالون يريح الموتر وخاصه على جنوط الهلل ويخفف الصرفيه خاصه اذا كان مع فرارات



موتري فتك وكفراتي بالون ماكسس 8 غاط / 900 وهي كفري المفضل من اكثر من 8 سنوات


واللي يقولك يعدم الموتر ويخرب الجلب والزحمات ذي ماعنده سالفه .. اهم شي اذا ركبتها رصصها


ترصيص ارضي عند ميزان المجد واذا مشيت عليها 15 الف الى 20 الف حسب الاستخدام رصص


مره ثانيه وامورك طيبه خفه بالحركه والاستهلاك بالبنزين انا اعبي موتري دايم ب 20 ريال بنزين 95


ويكفيني لا يقل عن 100 الى 120 كيلو على حسب الدعسه داخل الرياض وبالسفر اعبيه فل تانكيين


ويمشيني تقريبا 800 كيلو الى 850 كيلو

اخوي احترم رايك بس وانا اخوك ماتكلمت الا من تجربه طويله من عام 92 على سفاري معي وكاله وكنت عارف ان البلاوي اللي تحت مايهلكها الا البالون بس كان مريحني بعد التنسيم علما ان ديرتنا قريبه للحجره واقرب مكشات لنا بس مثل ماقلتلك البالون ممتاز جدا لاكن يستهلك الجلب ويهلك الرمان حتى الان اللي في السوق مظروب ماهو زي اول كثرت البنشره من تجربه الاخوياء ارجو تقبل ملاحضتي البسيطه الله يطول بعمرك

[التعـ King ـديل]

اخوي احترم رايك بس وانا اخوك ماتكلمت الا من تجربه طويله من عام 92 على سفاري معي وكاله وكنت عارف ان البلاوي اللي تحت مايهلكها الا البالون بس كان مريحني بعد التنسيم علما ان ديرتنا قريبه للحجره واقرب مكشات لنا بس مثل ماقلتلك البالون ممتاز جدا لاكن يستهلك الجلب ويهلك الرمان حتى الان اللي في السوق مظروب ماهو زي اول كثرت البنشره من تجربه الاخوياء ارجو تقبل ملاحضتي البسيطه الله يطول بعمرك


على راسي .. بس ترا منت المقصود بكلامي اعلاه

وللعلم انا ماقريت ردك الاول الا بعد مارديت علي وعرفت ليش رديت علي

تقبل عذري وتاكد منت المقصود بكلامي وشكرآ

[comابوسليمانwww]

اخوي فيها كفرات طايحين فيها الناس نص بالون وهي هانكوك تجيك نفس الدنلوب حق الحوض واكثر الشباب

امركبينها

وميزتها انها خفيفه ورافعه الموتر ومطبه لين وزين للبر خاصه النفود لكن بالارض الوعره تجنب الحصى

وامورك سالكه انا على موتري بالون حاليا 900 مكسس واذا جاء تغييرهن بأذن الله راح اركب هانكوك

سعره اغويلي اشوي حول 600 او طمرها ممكن بس انصحك تمر الغرابي تاخذها من وكيله بالتوفيق

مشكور اخوي مقلع الرمث وماقصرت وفعلا انا اشوف كم واحد مركبه وانت زدت حيرتي

[comابوسليمانwww]

البالون يريحك ويتعب السياره

ما قصرت ,,, وواجد الي قالولي نفس كلامك وهذا الي خلان ما اجزم على البالون مع ان القلب مايل لهن ..

[comابوسليمانwww]

البالون يريح الموتر وخاصه على جنوط الهلل ويخفف الصرفيه خاصه اذا كان مع فرارات

موتري فتك وكفراتي بالون ماكسس 8 غاط / 900 وهي كفري المفضل من اكثر من 8 سنوات

واللي يقولك يعدم الموتر ويخرب الجلب والزحمات ذي ماعنده سالفه .. اهم شي اذا ركبتها رصصها

ترصيص ارضي عند ميزان المجد واذا مشيت عليها 15 الف الى 20 الف حسب الاستخدام رصص

مره ثانيه وامورك طيبه خفه بالحركه والاستهلاك بالبنزين انا اعبي موتري دايم ب 20 ريال بنزين 95

ويكفيني لا يقل عن 100 الى 120 كيلو على حسب الدعسه داخل الرياض وبالسفر اعبيه فل تانكيين

ويمشيني تقريبا 800 كيلو الى 850 كيلو


مشا الله تبارك الله ..
وانا مايهمن صرفية البنزين اهم شي عندي انه مايعدم الجلب و الي يخلين متردد اني شفت كم واحد من الي يشتكون من الرجة يقولون بعد ماركبت كفرات بالون

[أبوعابد 22]

شف وانا اخوك البوالين ماتصلح اذ انت راعي نفود ركب شواهين
وأذا أنت راعي شعبان ركب دنلوب حجري لبنه ترا فيه أنوع أحسن نواع بن زقر
تلقاها في الغرابي 580 أنا شاريه قبل شهرين

[comابوسليمانwww]

البالون جربته مره وحدة .... لكن طفشني بالترصيص
او انا مالقيت احد يضبط ترصيصه
ما ادري ليه مامشى حاله معي
فكرت بالجنوط وفكرت بالاذرعة وبالاخير ركبت غيره

والله البالون انه كفر مريح خصوصا للي يتردد على البران لكن زي ما قلت اخاف يعوكس معي

[comابوسليمانwww]

شف وانا اخوك البوالين ماتصلح اذ انت راعي نفود ركب شواهين
وأذا أنت راعي شعبان ركب دنلوب حجري لبنه ترا فيه أنوع أحسن نواع بن زقر
تلقاها في الغرابي 580 أنا شاريه قبل شهرين

والله يابوعابد انا راعي نفود وشعبان لكن الشواهين انا غير مقتنع فيهن واما الدانلوب عز الله انهن كفرات والله يكتب الي فيه خير

[رحّال 9]

انا مركب دنلوب نقشه شاهين .

من 6 شهور تقريبا في النفود ما عليها وفي الشعبان والحجر زينه .

لكن المشكله الوحيده اني رقعتها 3 مرات بسبب مسامير تدخل في جنبها .

لان جنبها ضعيف .

والبوالين ما جربتها لكن اعرف زملاء ركبوها مده شهر وفكوها من الرجه .

فلذلك مالك الا الدنلوب الحجري وهذا رأيي .

بالتوفيق .

رحّال 9

[سارق الكحل]

انا كنت مركب بالون مافيه أحلى منهم بالبر نسم هوا ولايرد شي وبدون دبل

بعدين غيرت للدانلوب لها معي الحين سنتين حلو بالخط والموتر تحس خفيف ويمشي طبلونه
بالبر حليوه بس لازم لازم تنسم كثير وجوانبها ضعيفه مثل ماقال احد الاخوان رقعته اكثر من مره من الجوانب رقعه داخليه

[أبوعابد 22]

ها وانا أخوك وش قررت عليك بالحجريات اللبنه ترها دواء
وانت ورايك

[comابوسليمانwww]

مشكور اخوي رحال 9 واخوي سارق الكحل
وابوعابد والله الى الحين ماجزمت على شي ,,,, لاني منب عجل مرة