المساعد الشخصي الرقمي

مشاهدة النسخة كاملة : ابي اركب ( مثبت سرعة ) على اللاند كروزر ... مشورتكم ونصايحكم ..؟


ابو يعقوب 2
09/07/2011, 12:35 AM
بسم الله الرحمن الرحيم


السلام عليكم ورحمة الله وبركاته


يسعد صباحكم / مسائكم بالخير والمسرات يـاآل مكشات ..


معي لاند كروزر موديل 2000 GX
(قير عادي)..
وأبي اركب عليه مثبت سرعة
لاني بصراحة تعبت من الصاجة ثقيلة وطول الخط
داعس ..


ياليت اللي عنده علم عن اي مثبت يركب على اللاند ..
مب لازم يكون المثبت من نفس نوع السيارة ,


لو يكون مثبت اي سيارة ثانيه عادي .. لو من التشليح ماعندي مشكلة ..
بس اهم شي يكون مزبوط وشغله عدل .. ويركب زين ..!


ابي نصايحكم لاهنتم
سلكي نت
09/07/2011, 12:55 AM
هلا اخوي ::
اذا انت بالرياض عندك ابو ناصر يجيك لمحلك ومعاهـ كل عدته وسعره معقول وشغله يمدحونه
واذا انت بالزلفي عندك حمدان الحمدان سعودي وله عشاقه وشغله مافيه كلام
واذا انت برياض الخبراء لا تعدى فيليب انا مجربه شغله محترم
وارقامهم تجيك برساله على الخاص
هذا ما يحضرني الان وهم افضل الموجود بشهادة الاعضاء
ابو يعقوب 2
09/07/2011, 01:09 AM
هلا اخوي ::
اذا انت بالرياض عندك ابو ناصر يجيك لمحلك ومعاهـ كل عدته وسعره معقول وشغله يمدحونه
واذا انت بالزلفي عندك حمدان الحمدان سعودي وله عشاقه وشغله مافيه كلام
واذا انت برياض الخبراء لا تعدى فيليب انا مجربه شغله محترم
وارقامهم تجيك برساله على الخاص
هذا ما يحضرني الان وهم افضل الموجود بشهادة الاعضاء



وصلت الرسالة
بيض الله وجهك على سرعة ردك وخدمتك ..

أشوى اني فرغت من الرسائل شوي .. كانت مليانه :D ..
وحاولت ارد عليك بس يقول انك حاط عدم تلقي رد مدري وش سالفته ..!
,,,,

,,,,
فيليب خابرهـ وشغله ماعليه كلام
مركبين عنده مثبت باترول ...
بس انه غويلي الله يهديه يرصعك :D ..
وحمدان اشوف ( سوبرVTC) يمدحه بس مارحت له والله ..
وابو ناصر بشوف وضعه ..


لاهنت يالذيب وجزاك الله خير :)
mtc_959
09/07/2011, 02:31 AM
طيب يليتكم علمتونا الطريقه ولا كم التكلفه ؟؟
shoja
09/07/2011, 09:01 AM
هلا اخوي ::
اذا انت بالرياض عندك ابو ناصر يجيك لمحلك ومعاهـ كل عدته وسعره معقول وشغله يمدحونه
واذا انت بالزلفي عندك حمدان الحمدان سعودي وله عشاقه وشغله مافيه كلام
واذا انت برياض الخبراء لا تعدى فيليب انا مجربه شغله محترم
وارقامهم تجيك برساله على الخاص
هذا ما يحضرني الان وهم افضل الموجود بشهادة الاعضاء

بعد اذن صاحب الموضوع
الله لايهينك ياخوي ياليت ترسل ارقامهم على الخاص
سلكي نت
09/07/2011, 01:35 PM
ابشر .......... جاتك
العنابي 616
09/07/2011, 02:27 PM
السلام عليكم يا ليت لو تحطون الأرقام يا جماعة
بر وعزبة
10/07/2011, 09:30 AM
حبايبي المكشاتيين
الصراحة كنت يوم الخميس بالزلفي ورحت لم الرجال حمدان والله والنعم فيه وسبعت أنعام
الشغل حقه ممتاز وشفت طريقة تركيبه وكانت رائعة وعنده نوعين
نوع على مشبوك بالدركسون والنوع الثاني يكون بجنب ضغاط التانكي الثاني للي عنده تانكيين بالجيب
والصراحة رجعت لأني ما اخذت موعد معه ويقول اتصل علي قبل لا تجي لأن ماشاء الله زحمة مع الإجازات والسفريات ....
سيف الظفير
10/07/2011, 10:45 AM
حمدان الزلفي

يالغالي معروف ومميز ولا احسن منه

جربناه بعملية تشغيل لمبة الدفلك بطبلون الفكسار على جيب فكسار ونجح بأمتياز
شلفا تبوك
10/07/2011, 12:16 PM
حمدان الزلفي مجرب ومعروف
storm way
10/07/2011, 12:47 PM
الله لا يهينكم ممكن رقم حمدان بما انكم تشهدون له بالشغل الزين

ودي اخذ منه موعد وانا بالشرقيه ترا ما ابي ادق مشوار الا على وعد
ابو يعقوب 2
10/07/2011, 01:18 PM
حبايبي المكشاتيين
الصراحة كنت يوم الخميس بالزلفي ورحت لم الرجال حمدان والله والنعم فيه وسبعت أنعام
الشغل حقه ممتاز وشفت طريقة تركيبه وكانت رائعة وعنده نوعين
نوع على مشبوك بالدركسون والنوع الثاني يكون بجنب ضغاط التانكي الثاني للي عنده تانكيين بالجيب
والصراحة رجعت لأني ما اخذت موعد معه ويقول اتصل علي قبل لا تجي لأن ماشاء الله زحمة مع الإجازات والسفريات ....

ماشاء الله الله يوفقه ويرزقه على قد نيته ..


مشكور ياخوي بس ابي اسألك .. انا ابي اركبه على الدركسون < تحت يعني زي الـ VX-R


وعندي سؤالين لو تكرمت ؟
1- : هل هو يتكفل بالعـصآ ويجيبها ولا لازم اجيبها له أنا ؟
2 - كم تكلفة كل شي وكم ياخذ عنده الموتر إذا عندك خلفية عن هالشي ؟


أخيراً بارك الله فيك يالغالي


حمدان الزلفي



يالغالي معروف ومميز ولا احسن منه

جربناه بعملية تشغيل لمبة الدفلك بطبلون الفكسار على جيب فكسار ونجح بأمتياز



الله يجزاك خير وماقصرت يالغالي .. والله شفت له ناس كثير يمدحونه

وانا والله مابعد شفته ولا جربت شغله .. لكن بشوف بكلمه واشوف الوضع


لاهنت اخوي سيف

حمدان الزلفي مجرب ومعروف

الله يجزاك خير ويعافيك ماقصرت

الله لا يهينكم ممكن رقم حمدان بما انكم تشهدون له بالشغل الزين

ودي اخذ منه موعد وانا بالشرقيه ترا ما ابي ادق مشوار الا على وعد

حمدان هذا رقمه أرسله لي الغالي ( سلكي نت )


بعد إذن الادارة


0504224000
محمد ملك
10/07/2011, 06:24 PM
الله يجزاكم خي ع المعلومات

ياليت اللي يركب ينزل تقرير كامل

الطريقة والاسعار عشان نعرف وش حنا عليه لو بغى الواحد يركب لاهنتووووو
عاشق النفود 111
10/07/2011, 07:46 PM
وعليكم السلام ورحمة الله وبركاته

بارك الله فيك أخي الفاضل في إثارة هذا الموضوع الهام

وشكر أيضا للاخ الفاضل سلكي نت

أريد وصف ورشة أبو ناصر بالرياض؟ أو رقم جواله ؟
وكم تكلفت تركيب المثبت عنده؟

بارك الله فيكم جميعا