المساعد الشخصي الرقمي

مشاهدة النسخة كاملة : سيرا على الأقدام من الخليج إلى البحر الأحمر


ولد الهوامير
02/01/2006, 09:53 PM
السلام عليكم

من يرغب بالقيام برحلة سيرا على الأقدام تبدأ من ساحل الخليج وتنتهي بساحل البحر الأحمر مرورا بالمدينة المنورة ومكة المكرمة، طبعا يكون مرتب لها تماما...



وشقولكم؟
سواق الوايت
03/01/2006, 08:03 AM
والله مهيب شينه

بس متى وكيف

ووش لون

ياليت تفيدنا
ع.ف.الدرويش
03/01/2006, 08:07 AM
السلام عليكم ورحمة الله وبركاته

بصراحة بتكون رحلة ناجحه إن كان مجهز لها
لكن بتاخذ وقت طويل.. ياليت تعطينا معلومات أكثر

..
beddo
03/01/2006, 02:12 PM
فكرة رائعة ولكنها مهيب سهلة تحتاج وقت واحب اضيف على الفكرة ان كل من يرغب ينضم اليها من موقعه ولا يشترط ان يبدا ها من بدايتها
ابوذيب
03/01/2006, 05:06 PM
فكره حلوه بها الشتا
بس يبغالها ترتيبات منها
1- فحصطبي
2- ابلاغ المراكز الحوميه التي سيمر الفريق منها
3- مصاحبة سيارة اسعاف خاصه او من الفريق نفسه
4- حمله اعلاميه قويه وايجاد ممولين اعلاميين لها
5- توفير انواع من الالبسه واللاحذيه
ناهيك عن العديد من الامور الخاصه والهامه

تحياتي لك وللجميع
A7MAD
03/01/2006, 11:52 PM
تبون تمشون من الدمام الى جدة على رجليكم
بعيد وبتملون وتقصرون
بالسياره من القويعيه الى مكة نتعب
وش لون لو نمشي على رجلينا
انا منيب رايح معكم
الله يحفضنا واياكم
سواق الوايت
04/01/2006, 08:33 AM
شكلنا يا أحمد بنروح معهم واذا وصلنا القويعية قلنا خلاص تخاويكم العافية

كملوا لحالكم


والا وش رايك
القصيم-الرس
04/01/2006, 09:38 PM
أنا أبمشي برجليي
على وراء
من الشرق للغرب
ومن الشمال للجنوب
(يعنني قوي لو أروح من بيتنا لبيت جيراننا أتعب)

إذا بغيتوا تروحون علمون عشان أمر من عندك
وأضحك شوي
عليم الظمى
05/01/2006, 08:58 AM
انا معك بس بشرط تكون الرحلة على جمال
وان يكون الوقت مناسب


اللهم انصر المجاهدين في كل مكان
امين امين امين امين امين امين امين
ابو حسان
20/01/2006, 02:26 AM
انا موافق واذا على شرط الاخbeddo اعتبروني وصلت البحر الاحمر من الان



ابو حسان
أبو رشود
20/01/2006, 04:20 AM
فكرة طيبة .. وأنا عندي دوام والا كان تشوفني أول من يمشي معك يا شيخ

لكن مثل ما قالوا الشباب .. يبيلك تغطية إعلامية ، ودعم مادي ، وبالنسبة للملابس والأحذية الي قالوا الشباب، هذي يشملها الدعم المادي.

ولابد ان يتخلل الرحلة المرور على بعض المناطق الأثرية واستكشافها ،،

بالعربي يبيلك بحث متكامل لمعالم المنطقة الي بتمر عليها ......

وشكراً


وأقول لـ(بعض) الأعضاء : قل خيراً أو اصمت






أخوك/ أبو رشود
ابو حسان
24/01/2006, 01:13 AM
ابو رشود مساك الله بلخير
قدم اجازة ترى الدوام مايخلص



ابو حسان
أبو رشود
24/01/2006, 02:46 AM
8
8
أبو حسان

أخوك في الله طالب ..







أخوك/ أبو رشود
الربذي
24/01/2006, 04:53 PM
هلا
السلام عليكم اخوي ولد الهوامير
تصدق اني من عشاق هذة الرياضه بس الاسف لم اجد رجال والي اطلبه منهم هو مائة كيلو فقط مشيا على الاقدام ولم اجد رجل من كل من حدثته اجد الاستهجان فقط
والبعض يقول خبل انت ولاخر !!!!!!!!
لكن هذة مسافه طويله جدا اقصر مسافه بين البحرين هي حوالى 1800 كم ومشيا صعب الا على اناس قويي التحمل وداعمهم هامور !!!!
graffiti
24/01/2006, 11:38 PM
خذ معك خواجه وحرمته وتشوف الدعم والتئشجيعلان قومنا لا يعترفون بابداعات وعقول ابنائهم والله المستعان
الربذي
27/01/2006, 08:14 AM
كرافتي تصدق لم تظلمهم بهذى ماكوتشجيع لاي موهبه وهذا سبب تخلفنا
تجد النابغه تتبناه الدول العظمي وتستفيد من خبراته
اما العرب !!!
راعي الكيف
27/01/2006, 01:52 PM
مبدأ الفكرة جميل .... بس يخوي ماتحس انك مبالغ فيها حبتين ..؟؟

يعني لو كانت 200 كلم .. ممكن اقصى حد 500 كلم .... بس 2000 كلم ؟؟.... احس ان لو تعيد النظر بهالشكل يكون اكثر واقعية ..!!

بس مدري ... حاط في بالك كم شهر راح تمشي كل هالمشي ؟؟ تراك تبي تطقها كعابي !! ايه موب مثل المثبت الله يخليه لنا !!

عموما زي ماقلت لك ... المبدأ جيد ... بس لو تخلي درجة الصعود حبة حبة .... هالمرة 200 كليوا ... والمرة الجاية 500 كيلوا ... وهكذا

بس انا اللي في بالي واتمنى انه يطرح بشكل مفعل وكبير جدا .... سباقات الرالي في المملكة ....

والله لو نظمت بشكل جيد ... والله يالمردود السياحي والمادي علينا بيصير بالهبل !! وهذا هم بدو يشتغلون بالرالي اللي بيمر من حايل .... بس ولو نبي راليات ..... المملكة ماشاء الله كلها صحاري .... واي نوع صحرا تبيها موجوده عندنا لاتشيل هم أنت أشر ويودونك

هذا اللي احس انه بيقرقع العالم قرقعة .... تبي تشوف هالعالم تجي من كل مكان .... ولايهونون الخواجات ... والله يانهم يموتون بهالامور .... إذا اجذبهم بها !!

هذا مالدي ... واعتذر عن الاطالة .... واشكرك اخوي ولد الهوامير على هالموضوع