إهداء لأخوي ابو سعوود تجهيز الباترول فتك 2011 ( ثلاجة 11 لترويكو وبطارية ومثبت )

[الحاتمي2006]

بسم الله الرحمن الرحيم



اخواني في منتدى مكشات



في بداية الأمر أحب أن أشكر كل من ساعدني في الحصول على ما أريد ولا أملك لهم إلا الدعاء وأخص بالذكر :



أخوي أبو سعود




أخوي الخولاني



أخوي سوبرVTC



أخوي أبو ناصر



أخوي نديم الخيال



أخوي يوسف من القصيم ولا أدري هل له معرف هنا ولا لا ( وهو من قام معي بهذا الموضوع من البداية حتى النهاية )



( يوجد لهم ولكم هدية بنهاية الموضوع )



أولاً نبدأ



نوع السيارة / باترول VTC2011 سياحي أبو رفارف



صورة من الوكالة
http://www.mekshat.com/pix/upload05/images222/mk27257_img_0181.jpg





صورة أخرى


http://www.mekshat.com/pix/upload05/images222/mk27257_img_0182.jpg


صورة عامة بعد التجهيزات
http://www.mekshat.com/pix/upload05/images222/mk27257_img_0363.jpg
الآن نبدأ بالتجهيزات




أولا تركيب كشافات وكالة




حيث أن الأفياش جاهزة فقط تم استبدال عصا النور بموديل 2009 فل كامل تجي مجهزة بمفتاح للكشافات وكالة وإضافة فيوز لتشغيل الكشاف ( فقط إضافة وليس تسليك )



هنا صورة الكشاف من الأمام


http://www.mekshat.com/pix/upload05/images222/mk27257_img_0364.jpg


ثانياً تركيب فصالات


http://www.mekshat.com/pix/upload05/images222/mk27257_img_0380.jpg



ثالثا تركيب بطارية إضافية


http://www.mekshat.com/pix/upload05/images222/mk27257_img_0365.jpg


شاحن البطارية ( من رفيق الدرب )
http://www.mekshat.com/pix/upload05/images222/mk27257_img_0367.jpg
رابعاً تسليك لمبات ( شريط )



http://www.mekshat.com/pix/upload05/images222/mk27257_img_0377.jpg





وهنا


http://www.mekshat.com/pix/upload05/images222/mk27257_img_0378.jpg


وهنا المفاتيح


http://www.mekshat.com/pix/upload05/images222/mk27257_img_0379.jpg


خامساً تسليك للثلاجه الخلفية


http://www.mekshat.com/pix/upload05/images222/mk27257_img_0375.jpg


سادساً تسليك للآيكوم


http://www.mekshat.com/pix/upload05/images222/mk27257_img_0374.jpg


سابعاً تركيب ثلاجة ويكو 11 لتر واللي وصلت عن طريق أبو سعود الله لا يحرمنا منه



وكان متحمس للمشروع وهو اللي شجعني بتنزيل التقرير



http://www.mekshat.com/pix/upload05/images222/mk27257_img_0369.jpg


تم استغلا الفراغ المتبقي بوضع درج لاستخدامه للدربيل أو أي شيء آخر


http://www.mekshat.com/pix/upload05/images222/mk27257_img_0370.jpg
تصلح تكاية على أحسن ما يكون ( مو أنا اللي مصور نفسي )
http://www.mekshat.com/pix/upload05/images222/mk27257_img_0373.jpg



صورة وهي مليانة ههه




http://www.mekshat.com/pix/upload05/images222/mk27257_img_0310.jpg


http://www.mekshat.com/pix/upload05/images222/mk27257_img_0311.jpg



وأخيرا مثبت السرعة من الداخل


http://www.mekshat.com/pix/upload05/images222/mk27257_img_0366.jpg


صورة للمثبت بالدركسون


http://www.mekshat.com/pix/upload05/images222/mk27257_img_0368.jpg


وهذي الهدية /
http://www.mekshat.com/pix/upload05/images222/mk27257_img_0199.jpg


للمعلومية
الثلاجة الخلفية والثلاجة الأمامية ولمبات الشريط على الجانبين والآيكوم .... جميعها على البطارية الإضافية
جميع التسليكات لدى العثيم بالقصيم مع تركيب الثلاجة


مثبت السرعة لدى الجهابذة فيليب ومون


تم بحمد الله واعذرونا على ردائة التصوير



أخوكم أبو حــاتم واي استفسار أنا حاضر

[الثويرات]

ماشاء الله تبارك الله شغل متعوب عليه.

لاكن الثلاجة فيها كمبرسر او لا. وكم سعرها الله لايهينك

[الحاتمي2006]

ماشاء الله تبارك الله شغل متعوب عليه.

لاكن الثلاجة فيها كمبرسر او لا. وكم سعرها الله لايهينك

مايحتاج أكيد كمبرسر وتثليج بعد

وسعرها من 2000 إلى 2400 تقريبا واصله لديرتك

[أبوعابد 22]

مشاء الله الله يطعمك خيره ويكفيك شره بس بسالك كم كلف عليك الله لا يهينك

[التفق]

شغلك:good2: الله يعطيك خيره ويكفيك شره يعجبني اللي يستفيد من كل شيء في الموتر من تجهيزات .يكشت وهو مرتاح امدك الله بالصحه والعافيه:lr

[راعي الطلعات]

مشاءالله تبارك الله

شغل متعوب عليه ومرتب

الله يعطيك من خيرهم ويكفيك شرهم

بالتوفيق

[الحاتمي2006]

مشاء الله الله يطعمك خيره ويكفيك شره بس بسالك كم كلف عليك الله لا يهينك
البطارية الإضافية مع تسليك الثلاجة واللمبات والآيكوم 1100 ريال
قيمة الثلاجه حوالي 2300
الفصالات 450
عصا الكشافات 175
كشافات الوكالة 700
المثبت مع التركيب 1800 شامل تركيب الكشافات وأزرار الدركسون
تلبيس عادي 600
تضليل 100
حامي أنوار من البلاستك 100
جهاز أنذار وقفل 240
تلبيس سبير خلفي 50
شاحن رفيق الدرب 300
هذي الحاجات اللي متذكرها / 7915 ريال
الأكيد أنه فوق 12000

شغلك:good2: الله يعطيك خيره ويكفيك شره يعجبني اللي يستفيد من كل شيء في الموتر من تجهيزات .يكشت وهو مرتاح امدك الله بالصحه والعافيه:lr

الله يحييك وياهلا بك

نبي نطرب هالراس وش نسوي هههههههههههههههه

[ابوسعودد]

ماشاء الله تبارك الله عليك يابوحاتم
اهدائك وصل طال عمرك وعلى صدري وسام

عز الله كفيت ووفيت وانا طال عمرك ماسويت الا الواجب وانت واعضاء مكشات يستاهلون الخير كله

واشكرك لمبادرتك بوضع التقرير ولمبادرتك واهتمامك بمراسلتي على الخاص برابط التقرير ... تحياتي الخاصه لك .



الله يطعمك من خيره ويكفيك شره ... تقرير مميز ويستاهل النجوم والتثبيت بعد .





هذا رابط تقرير الثلاجه اللي بين المراتب وللمعلوميه وبعد تجربه شخصيه تكفي لعدد 13 علبة ببسي
http://www.mekshat.com/vb/showthread.php?t=309623

[طويق 2010]

ما شاء الله عليك
تجهيزات حلووووووة
جعله داخلاً عليك بالبركة ... بس لي ملاحظة
باقي الونش
تحياتي ,,, وتقديري ,,, وتقبل مروري ,,,

[كم كيلو باقي]

مركوب البركة يالغالي


باقي الونش .. ولاتنس اذكارك وانا اخوك

[الحاتمي2006]

ماشاء الله تبارك الله عليك يابوحاتم



عز الله كفيت ووفيت وانا طال عمرك ماسويت الا الواجب وانت واعضاء مكشات يستاهلون الخير كله


واشكرك لمبادرتك بوضع التقرير ولمبادرتك واهتمامك بمراسلتي على الخاص برابط التقرير ... تحياتي الخاصه لك طال عمرك .



الله يطعمك من خيره ويكفيك شره ... تقرير مميز ويستاهل النجوم والتثبيت بعد .





هذا رابط تقرير الثلاجه اللي بين المراتب وللمعلوميه وبعد تجربه شخصيه تكفي لعدد 13 علبة ببسي
http://www.mekshat.com/vb/showthread.php?t=309623
ياهلا ابو سعود

أنت راعي الأولة وبيض الله وجهك
واللي سويته مو قليل

ويكفي أنا أشغلناك مع الرجال وسلم واستلم والله يعين بس .....

وقفتك معي تدل على شهامتك ونخوتك ورجولتك

وحسن ضنك بي بدون سابق معرفة كافي للدلالة عليك

أخ وصديق وعزيز وتشرفنا بمرورك علينا ولا نسامحك أن مريت ولا شفناك

لك أخو بالشمال أي وقت وأي حين وأي غرض لا عدمناك ولا عدمنا الطيبين شرواك

تحياتي

[الحاتمي2006]

ما شاء الله عليك

تجهيزات حلووووووة
جعله داخلاً عليك بالبركة ... بس لي ملاحظة
باقي الونش

تحياتي ,,, وتقديري ,,, وتقبل مروري ,,,

الله يحلي أيامك

ويبارك فيك

والونش بالطريق ان شاء الله

مرورك وملاحظاتك تشرفنا

وتحياتي وتقديري لشخصك الكريم

[الحاتمي2006]

مركوب البركة يالغالي


باقي الونش .. ولاتنس اذكارك وانا اخوك

الله يبارك فيك ويجزاك بالخير

الله يغنينا بحلاله عن حرامه وبه عمن سواه

اللهم لا تجعل الدنيا أكبر همنا ولا مبلغ علمنا ولا إلى النار مصيرنا آمين

الله يجزاك خير وشاكر مرورك الكريم

[ابن عكاش]

ماشاء الله تبارك الله الله يبارك لك ويعطيك خيرها ويكفيك شرها آمين
تجهيزات مهمه اراعي الصيد والمكاشيت
وفقك الله

[الحصان 1]

ماشاء الله
الله يعطيك من خيره ويكفيك شره

[راع النوايف]

ماشاء الله تبارك الله
شغل متعوب عليه
وواضح انك مطنوخ وراعي كيف

[محسن اليامي]

كفوا والله ماااااااشاءالله تبارك الله هذا الشغل ولا بلاش

[* ابو باسل *]

ماشاء الله تبارك الله الله يكفيه شر كل من فيه شر وتبليه بالعافيه .

[حاب الربع]

السلام عليكم

الله يطعمك خيره ويكفيك شره
ما شاالله شغل مرتب وممتاز
سؤالين ياغالي الله لا يهينك
لمبات الشريط وين ألقاهن؟وهل تنصح بهن ؟
الفصالات وش فايدتهن ؟ (يقولون الباترول مايفرق معه الفصالات لان عمود الدبل ماله حره)
معي فتك قيرعادي تنصح اركب فصالات
شكرا

[نديم الخيال]

ماشاء الله يبو حاتم الله يبارك لك فيه وحنا ماسوينا شي طال عمرك كل الافكار والتكميلات من تخطيطك والفزعه للي شرواك شرف لنا
عسى الله يعطيك من خيره ويكفيك شره

[ابوهيبه]

ماشاء الله يابو حاتم شغل متعوب عليه
وترى ماسويت الاالواجب
وخدمك واجوب انت واعضاء مكشات
واي شي تبيه من انا جاهز
اخوك يوسف

[سوبر VTC]

ما شاء الله تبارك الله
شغل طيب ابو حاتم
الله يطعمك من خيره و يكفيك شره
كم كلف المثبت ؟
صيد فايد مداخيل العافية

[الحاتمي2006]

ماشاء الله تبارك الله الله يبارك لك ويعطيك خيرها ويكفيك شرها آمين
تجهيزات مهمه اراعي الصيد والمكاشيت
وفقك الله
ياهلا ابن عكاش
الله يبارك فيك ولا يحرمنا طلة الأجواد



ماشاء الله


الله يعطيك من خيره ويكفيك شره

الله يجزاك خير
آمين
الله يثبتنا وياك على الطاعة

[الحاتمي2006]

ماشاء الله تبارك الله
شغل متعوب عليه
وواضح انك مطنوخ وراعي كيف
الله يبارك فيك أخوي راع النوايف جا على بالي قصيدة إهداء لك ////
كب الهجوس وطرب الراس ياشيخ
وانصب نظر عينك وميل عقالك
وابعدعن هروج الرخوم المداليخ
سود النوايا لوتناخوا قــــــبالك
بيض الخدود أهل القلوب المفاضيخ
أفعالهم تـسكـت الياضاق بالك
خـلك رفيق (ن)للثلاث المطانيخ
حـلالهـم عند الـلوازم حـلالك
مايكنزون المال ماهم طخاطيخ
يصفون وان كان الردي ماصفالك
منزالهم في عاليات الشواميخ
ترهم ضلالك وانت وكد ضلالك
ياصرت رابع للثلاث المطانيخ
لاعاد تنخا بس ميل عــقــــالك
تحياتي لمرورك

كفوا والله ماااااااشاءالله تبارك الله هذا الشغل ولا بلاش
الله يحييك أخوي محسن



ماشاء الله تبارك الله الله يكفيه شر كل من فيه شر وتبليه بالعافيه .


الله يعافيك دعائك في الصميم

الله يجزاك خير ويبيض وجهك على غير سوء



السلام عليكم


الله يطعمك خيره ويكفيك شره
ما شاالله شغل مرتب وممتاز الله يحييك
سؤالين ياغالي الله لا يهينك سم آمر
لمبات الشريط وين ألقاهن؟ عند العثيم بالقصيم ركبتهن وهل تنصح بهن ؟ بقووووة لقلة استهلاك الطاقة وكثرة الإشعاع
الفصالات وش فايدتهن ؟ (يقولون الباترول مايفرق معه الفصالات لان عمود الدبل ماله حره)معي فتك قيرعادي تنصح اركب فصالات
شكرا
الفصالات توقف الدفرنس الأمامي عن العمل

وموجودة بكتاب الوكالة حق الباترول

وينصح في حالة وجود الفصال أن يتم شبك الفصال كل شهر على الأقل 16 كيلو وذلك لتحريك الزيوت والتروس




ماشاء الله يبو حاتم الله يبارك لك فيه وحنا ماسوينا شي طال عمرك كل الافكار والتكميلات من تخطيطك والفزعه للي شرواك شرف لنا
عسى الله يعطيك من خيره ويكفيك شره
ياهلا بالغالي نديم
واللي سويته كثير الله يقدرني وأكون عند حسن ضنكم بي


ماشاء الله يابو حاتم شغل متعوب عليه
وترى ماسويت الاالواجب
وخدمك واجوب انت واعضاء مكشات
واي شي تبيه من انا جاهز
اخوك يوسف
عاد يوسف وش ماسويت
ألا أشغلناك ونص
الله يخليك لعينن ترجيك
ولا يحرمك من رحمته يوم الدين

ما شاء الله تبارك الله
شغل طيب ابو حاتم الله يطيب حالك يالغالي
الله يطعمك من خيره و يكفيك شره آمين يارب العالمين
كم كلف المثبت ؟ شغل يده مع القطع والحساسات 1400 + أزرار الدركسون من الوكالة 200 ريال
صيد فايد مداخيل العافية الله يعافيك
وشاكر مرورك يالغالي

[سيف الظفير]

شاحن رفيق الدرب يالغالي اخبره بـ 150 ريال

والله يهنيك بحلالك

[majeds]

ممتاااااااز

[حصان القايله]

ما شاء الله شغل عدل

[المنيعي1]

ثانياً تركيب فصالات


http://www.mekshat.com/pix/upload05/images222/mk27257_img_0380.jpg





http://www.mekshat.com/pix/upload05/images222/mk27257_img_0310.jpg


http://www.mekshat.com/pix/upload05/images222/mk27257_img_0311.jpg




ماشاء الله عليك خوش شغل
الله يوفقك ويعوض عليك .
عندي ملاحظتين وسؤال نبدأ بالملاحظات:
الفرارات الي ركبته برازيلية نيكل جيدة ولكن الفرار الأسود نفس الشركة أفضل يجي وصلة وحدة بدون تشحيم وهذا من واقع تجربة.

الثلاجة أشوفه نفس سعة ثلاجةالوكالة الي تجي في السوبر ليش ماركبة حقت وكالة هل هي غير موجودة أو سعرها غالي.

السؤال /كم سعر المبروك وكالة وهل هو مكيف خلفي او لا.

[ابوسعودد]

الثلاجة أشوفه نفس سعة ثلاجةالوكالة الي تجي في السوبر ليش ماركبة حقت وكالة هل هي غير موجودة أو سعرها غالي.

السؤال /كم سعر المبروك وكالة وهل هو مكيف خلفي او لا.


للمعلوميه الخاصه لك اخوي المنيعي والعامه للاعضاء !!!!!
ثلاجة الباترول شد البلد تجي تقريبا 4 لتر وتكفي لعدد 6 علب ببسي بالضبط
واللي مركبها اخوي ابوحاتم 11 لتر وتكفي لعدد 13 علبة ببسي ( من تجربه شخصيه )

[الحاتمي2006]

شاحن رفيق الدرب يالغالي اخبره بـ 150 ريال

والله يهنيك بحلالك
ياهلا بك الغالي
الله يحييك
راجع هالرابط يالغالي
http://www.travelmate.com.sa/store/index.php?route=product/product&path=17_35&product_id=59

ممتاااااااز
الممتاز مرورك

ما شاء الله شغل عدل
ياهلا بك الغالي الله يحييك





ماشاء الله عليك خوش شغل




الله يوفقك ويعوض عليك .
عندي ملاحظتين وسؤال نبدأ بالملاحظات:
الفرارات الي ركبته برازيلية نيكل جيدة ولكن الفرار الأسود نفس الشركة أفضل يجي وصلة وحدة بدون تشحيم وهذا من واقع تجربة. ومنكم نستفيد الله يبيض وجهك على هالنصيحه
والحقيقة أنهم عرضو علي النوعين ومن غشامتي فضلت هذي بالشكل ..


الثلاجة أشوفه نفس سعة ثلاجةالوكالة الي تجي في السوبر ليش ماركبة حقت وكالة هل هي غير موجودة أو سعرها غالي. الثلاجه اللي تجي بالسوبر وكالة تاخذ اربع علب بيبسي فقط وهذي تاخذ 13 علبه أو 20 علبة مويه أبو نص متعاكسات غير الشوكلاتات اللي على الجمب
حقت الوكالة لازم تمديد مواسير وتشبيك مع الكمبريسر وسعتها ضعيفه وتكلف حوالي 1800 ريال إلى 2000 ريال فضلت هذي لأنها ما تحتاج إلا سلك كهرب وأوسع ومتناسقة مع شكل السيارة وفيها حامل أكواب ثنائي مع القدرة على التحكم بدرجة التبريد ~ إلى التجميد .



السؤال /كم سعر المبروك وكالة وهل هو مكيف خلفي او لا.سعره 143000 ومكيف خلفي ومراتبة الخلفية عرض .

[عاشق النفود 111]

ما شاء الله تبارك الله

الله يعطيك خيره ويكفيك شره

كنت اعتقد بان الباترول 2010-2011 الشكل الجديد فقط

معليش أخوي تأكد كم سنة الصنع على الباب ؟

حتى أقتنع ..

بالنسبة للفرارت اتوماتيكية ولا يدوية ..؟

مرتبة المعاون تجي قصيره ولا انت مغيرها ..؟

وهل توجد لمبات قراءه أمامية أم لا ؟

أعتذر على التدقيق وكثر الاساله .. أخوك راعي باترول .. ويتحقق

رحم الله والدينا ووالديك

وبالتوفيق

[ابو كليب]

ماشاءلله تبارك الله الله يعطيك خير ويكفيك شره

حبيت أسألك عن مثبت السرعه وين ركبته فيه

وشكراً

[ابوسند9]

ما شاء الله شغل عدل ومرتب
والله يطعمك من خيره ويكفيك شره
ناقص بس تبدل الجنوط بجنوط سفاري اخف واجمل
وعندي ملاحظه على البطاريه ايس ديلكو ليت ما ركبته لانه احتمال شهر او شهرين تضعف وتتعطل والاكل يشكو منها
تحيه لك

[الحاتمي2006]

ما شاء الله تبارك الله


الله يعطيك خيره ويكفيك شره آمين الله يعطيك العافية


كنت اعتقد بان الباترول 2010-2011 الشكل الجديد فقط


معليش أخوي تأكد كم سنة الصنع على الباب ؟ كثير من الناس يعتقد أن الباترول الشكل القديم وقف من سنة 2009 ولكن الكلام هذا غير صحيح بدأ الباترول بالشكل الجديد من 2010 وأقل فئة منة تجي بالشكل السياحي مع مكينة 4800 ومكيف خلفي ( كلاسيكي ) بدون أي مواصفات إلا في بعض دول الخليج يجي فيه ثلاجة وكالة
وبالنسبة لموتري 2011 متأكد 300%


حتى أقتنع ..


بالنسبة للفرارت اتوماتيكية ولا يدوية ..؟ الفرارات يدوية


مرتبة المعاون تجي قصيره ولا انت مغيرها ..؟ مرتبة المعاون ( أذا تقصد اللي جمب الراكب ) وكالة وهي قصيرة من وكالتها


وهل توجد لمبات قراءه أمامية أم لا ؟ والله مافهمت قصدك إذا قصدك لمبات السقف الأمامية نعم موجودة وموجود حافظة نظارات .


أعتذر على التدقيق وكثر الاساله لا تعتذر يالغالي ما طلبت شي ولا نزلنا هالموضوع إلا عشان نفيد ونستفيد .. أخوك راعي باترول .. ويتحقق يحق لك وتأمر أمر


رحم الله والدينا ووالديك


وبالتوفيق آمين يارب العالمين





ماشاءلله تبارك الله الله يعطيك خير ويكفيك شره



حبيت أسألك عن مثبت السرعه وين ركبته فيه



وشكراً

مثبت السرعة ركبته عند فيليب ومون ورشة برياض الخبرا عن القصيم 70 كيلو وأعتقد له مواضيع كثيرة هنا وهو فني محترف ويركب مثبتات من سنوات ولكن شغله حار شوي
يعني كلفني حوالي 1600 ريال مع أزرار الدركسون
ولكن شغله وكاله

ما شاء الله شغل عدل ومرتب
والله يطعمك من خيره ويكفيك شره
ناقص بس تبدل الجنوط بجنوط سفاري اخف واجمل
وعندي ملاحظه على البطاريه ايس ديلكو ليت ما ركبته لانه احتمال شهر او شهرين تضعف وتتعطل والاكل يشكو منها
تحيه لك
ياهلا بك الله يحييك

والجنوط تونا عليهن خلنا نكرف حقات الوكالة وبعدها لكل حادث حديث .

وبالنسبة للبطارية نبي نشفط والديها الحين وليا خربت أفراج
ههههه <<< .

[alrsash911]

شغل طرب الله يطعمك من خيره ويكفيك شره .. والشكر موصول للأخوان الي ذكرت خصوصاً ابو سعود فقد قام بخدمتي بموضوع سابق فجزاه الله كل خير ..

على طاري الهدية عطني الاحداثيات (ونغزن) إذا بدا الكاتم يتشتش خل نحمض مبطين عن القميري

[قناص الحاير]

الله يعطيك من خيره ويكفيك شره

[mm23ss]

ماشاء الله

[عبدالله العواجي]

السلام عليكم ورحمة الله وبركاته ..

أولا مبروك هالزين والله يعطيك خيره ويكفيك شره ..

ثانيا وهو الاهم ..

الثلاجه ابيك ولا عليك امر تفصل لي شوي بموضوعه ..

يعني هل هي بارزه من الخلف ..

وهل هي بقاعده حديد أو على أرضيت الساية على طول ..

وهل تضايق الجلنط أو لا ..

ولو ممكن صورة صورتين من الخلف والامام ..

ولك مني كل الشكر والتقدير ..

[ذئب اليل]

شايف خير ومكفي شارة وتجهيز ممتاز لا كن مكالف شوي

[الطرس ممدوح]

ماشاء الله تبارك الله
شغل متعوب عليه

[ذيب اللابه]

ماشاءالله تبارك الله الله يطعمك من خيرة ويكفيك شره والله تجهيز جبار

بس سؤال يا ولد ذحين الجيب سعودي ولا خليجي واذا كان سعودي من اي مدينه خذيته

[رحال الصمان]

موفق الله يطعمك من خيره ويكفيك شره مشكور على التعاون والشرح لقد افدت الكثير

[الحاتمي2006]

شغل طرب الله يطعمك من خيره ويكفيك شره .. والشكر موصول للأخوان الي ذكرت خصوصاً ابو سعود فقد قام بخدمتي بموضوع سابق فجزاه الله كل خير ..



على طاري الهدية عطني الاحداثيات (ونغزن) إذا بدا الكاتم يتشتش خل نحمض مبطين عن القميري

ياهلا بك يالغالي أبو سعود بيض الله وجهة مايصد عن أحد وهذي كلمة حق وبالنسبة للقميري ما تعشمت إلا بالطيب أبشر بعزك وباللي يدسم شاربك بس عطني راسك جاي ...



الله يعطيك من خيره ويكفيك شره

اللهم آمين شاكر مرورك يالغالي

ماشاء الله
جزاك الله خير وشاكر مرورك يالغالي



السلام عليكم ورحمة الله وبركاته ..
وعليكم السلام ورحمة الله وبركاته

أولا مبروك هالزين والله يعطيك خيره ويكفيك شره ..
الله يبارك فيك والعقبا لك ولمن تحب اللهم آمين

ثانيا وهو الاهم ..


الثلاجه ابيك ولا عليك امر تفصل لي شوي بموضوعه ..


يعني هل هي بارزه من الخلف ..بارزة من الخلف بمقدار 5 سم تقريبا ولا تضايق الراكب الخلفي اللي بالنص
وهل هي بقاعده حديد أو على أرضيت الساية على طول ..
بقاعدة حديد ولكن كان فيها حركة بسيطة على الجمب وعند استغلال درج الدربيل ثبتت .


وهل تضايق الجلنط أو لا ..أبداً ماتضايقه


ولو ممكن صورة صورتين من الخلف والامام .. ابشر ولك اربع صور
http://www.mekshat.com/pix/upload05/images222/mk27257_img_0392.jpg


http://www.mekshat.com/pix/upload05/images222/mk27257_img_0393.jpg

http://www.mekshat.com/pix/upload05/images222/mk27257_img_0395.jpg

http://www.mekshat.com/pix/upload05/images222/mk27257_img_0396.jpg
ولك مني كل الشكر والتقدير ..


ياهلا بك اي وقت وحاضرين للطيبين

شايف خير ومكفي شارة وتجهيز ممتاز لا كن مكالف شوي
أخوي ذيب الليل مشكور على الدعوة والثناء وبالنسبة للتكلفة .
تأكد يالغالي أن التكلفة هي الصحة واللي دون ذلك ونقدر عليه ماهو تكلفة واللي يحطه الواحد على نفسه مو خسارة
والخسارة بالعمر .




ماشاء الله تبارك الله


شغل متعوب عليه

الله يحييك يالغالي وياهلا بك

ماشاءالله تبارك الله الله يطعمك من خيرة ويكفيك شره والله تجهيز جبار

بس سؤال يا ولد ذحين الجيب سعودي ولا خليجي واذا كان سعودي من اي مدينه خذيته

ياهلا بك أخوي ذيب اللابة آمين الله يستجيب دعاك ويبارك فيك وبالنسبة للجيب سعودي من الشمال .

موفق الله يطعمك من خيره ويكفيك شره مشكور على التعاون والشرح لقد افدت الكثير
ياهلابك أخوي رحال

اللي يدخل المنتدى ويستفيد ولا يفيد هذا أناني

الرسول صلى الله عليه وسلم يقول
لا يؤمن أحدكم حتى يحب لأخيه ما يحب لنفسه

تحياتي للجميع

[vtccc]

ماشاء الله يابوحاتم شغل ممتاز بس ياليت لو تساعدني ابي مثل الثلاجه

[فتك بوسعود]

ماشاء الله
الله يعطيك خيره ويكفيك شره
يارب

الموتر قير عادي او تماتيك
طال عمرك ممكن تصور مكان البطارية الاضافية ؟.يعني كيف مركب القاعدة حق البطارية ؟؟؟ ضروري
والف شكر على المجهود الطيب

[vtccc]

مارديت علي يابوحاتم بخصوص الثلاجه

[سلطان الهاوي]

ماشاءالله متعو عليه

[henter666]

مشكور لكن كم سعرها وصاله وين نحصلها

[مكتف الكدري]

افزع لنا بالثلاجة شلون نحصلها واوناصلها وياليت تفاصيل العنوان ضروري الله لايهينك

[راع الشرقية]

السلام عليكم
الله يبارك لك بمووترك و ابداع ما شا ء الله عليك
بس اخوي عندي سوال .
المووتر من وين ماخذه واحد من الشباب يدوور جديد اصفاااار

[HAS5SAN]

ماشاء الله تبارك الله
اهنيك والله

[قناص*07]

للرفع و الفائده

[س.س.التميمي]

ماشاء الله تبارك الله تقرير رائع الله يعطيك من خيرها ويكفيك شرها

[manestar85]

شغل عدل الله يعطيك العافية ويعطيك خيرها آمين.....

[سوبر مكشات]

فيه مكان حط به لمبة لد

الشنكار اللي جنب الباب الخلفي فيه مساحه للمبة لد ام 8 حبوب مكان ممتاز
وينور عالشنطه وورا الموتر

بالتوفيق

[العقارب]

ماشاء الله تبارك الله
عز الله انك ابدعت .
عندي سوال عن لمبات الشريط وش رايك هي او الثمان حبات الي تجي على قاعده الاريل..
وليتك تدعمها ببعض الصور لاهنت ..

[ابو حسان الجنوبي]

ماشاء الله تبارك الله
عزالله انك ماقصرت

تقبل تحياتي ودمت بود

[ABO NeF]

السلام عليكم ممكن تشرح طريقه تركيب الكشافات ووين مكان الفيوز اللي تم تركيبه بالصور وهل يحتاج كتاوت ام لا لا السياره اللي معي نفس سيارتك لاهنت

[الحاتمي2006]

راسلني وتسب اصوره لك من عيوني
0561870800