طلب ..الله لايهينكم

[مشعل15]

يالربع أن رايح من أبها إلى الطائف وبعدها إلى مكة عمرة إن شاء الله

طلبي الله لايهينكم وش أحسن طريق من أبها
ياليت اللي عنده خبر يفيدنا
يقولون فيه ثلاث خطوط وش أحسن طريق ومميزات كل طريق
وأهم شيء المسافة والوقت

الله يوفق الجميع

[ابو مشاري 99]

يوصلك ربي بالسلامه من اي طريق
كنت اتمنى اساعدك بس للاسف
بس ان شاء الله الاخوان ماراح يقصرون معك
تحياتي

[الواصل44]

هلا وغلا اخوي

مالك غير طريق ابهاء الباحه الطائف

بس انصحك انك ما تمشي غير بالصباح

والله يستر عليكم

[الصقر المهاجر]

اخوي فيه عندك طريق من ابها - محائل عسير - المخواه ثم تطلع عقبة المخواة للباحة وتواصل مع الطريق السياحي للطائف .... لكن الطريق سيء ومسار واحد مزحوم وما انصحك فيه !!!
الطريق الثاني والمعروف عند اكثر الناس من ابها تمسك طريق الطائف السياحي والذي يمر قرى كثيرة جدا بلحمر وبلسمر والنماص وتنومه وحتى الباحة ثم الطائف وهو طريق سياحي ومناظره كثيرة ونصيحة لا تمشي معه الا بالنهار طبعا الطريق الان يمر بمشاريع توسعة وانشاءات كثيرة ولم ينجز منه الا القليل بدايته من ابها والى مسافة تقريبا وماني متاكد مره 60-80 كم مزدوج وممتاز والباقي الله يعينك حفريات وتحويلات والشغل فيه بطئ جدا حسب العادة طبعا في اغلب طرقنا الله يخلف !!!
والمسافة طبعا من ابها للباحة 300 كم تقريبا وبعدها 250 كم تزيد او تنقص شوي للطائف !!!
عموما هذا ما لدينا واي استفسار مستعدين في اي وقت يالحبيب وسفرا سعيدا باذن الله وبالسلامة !!!