يوسف الخليفة1
11/07/2011, 10:44 PM
بسم الله الرحمن الرحيم
السلام عليكم ورحمة الله وبركاته
المشيخه صارت دراويش واكناب=من عقب ماهي في صفوف الذيابه
شاخ الخرينق وانزوا بالخفا عقاب=والليث لايذ عقب سوط المهابه
منول الشيخه محاشه بمخلاب=ينالها الوافي رفيعن ذوابه
بذال حكمه من حشا الطيب كساب=مداري بيمناه درب المعابه
حاز النعم فوق الطويلات وثاب=الدين ساسه والسلوم اعتنا به
عند اللزوم حصان قطاع الاتعاب=ما تفتر سبوته بدربن سعا به
واليوم لا عالم ولا يقرا باكتاب=على الهوا كايف مزاجه سرا به
وين الشيوخ اللي على العالي تهاب=راحوا كما زلت رزيم السحابه
الحر جاب الحر واغرابها غراب=واحيان بيت العز يمسي خرابه
ما دامت الدنيا على غير الانكاب=اما استوت والا عسرك انقلابه
اليا ادبرت باحنوكها كشت الناب=واليا اقبلت ذيل الثعيلب غدا به
تندار في ساقك كما لوية الداب=واتعضك بغفلة مسيرك بنابه
كم من غني ردت غناويه لاتراب=وكم هافين عقب انحدار ارتقا به
ما كنها الا القاع بالقيظ لهاب=يزول مع قرب النواظر سرابه
ما كل دخان ارتفع فاح باطياب=نوبات من عفن الجلود اشتبابه
والسكر اليا جاه رشق البحر ذاب=والملح في حلو النهر بالاذابه
كذلك الانسان مع فوج الاصحاب=حسب جليسه في طريقن مشا به
كف الفتا لا بد ياخذ بالاسباب=من شان ينساق بطريق الاصابه
السيل مع دربه بالانجاد ينساب=وان جاه حاجر بالمحير التوا به
من يمضي بوصله على غير الاقراب=سوا القطاعه من قصايص ثيابه
لكن نهاية سعينا عرض واحساب=والفايز اللي بالنهايه نجا به
يوسف الخليفة ( أبو عبد الله )
السلام عليكم ورحمة الله وبركاته
المشيخه صارت دراويش واكناب=من عقب ماهي في صفوف الذيابه
شاخ الخرينق وانزوا بالخفا عقاب=والليث لايذ عقب سوط المهابه
منول الشيخه محاشه بمخلاب=ينالها الوافي رفيعن ذوابه
بذال حكمه من حشا الطيب كساب=مداري بيمناه درب المعابه
حاز النعم فوق الطويلات وثاب=الدين ساسه والسلوم اعتنا به
عند اللزوم حصان قطاع الاتعاب=ما تفتر سبوته بدربن سعا به
واليوم لا عالم ولا يقرا باكتاب=على الهوا كايف مزاجه سرا به
وين الشيوخ اللي على العالي تهاب=راحوا كما زلت رزيم السحابه
الحر جاب الحر واغرابها غراب=واحيان بيت العز يمسي خرابه
ما دامت الدنيا على غير الانكاب=اما استوت والا عسرك انقلابه
اليا ادبرت باحنوكها كشت الناب=واليا اقبلت ذيل الثعيلب غدا به
تندار في ساقك كما لوية الداب=واتعضك بغفلة مسيرك بنابه
كم من غني ردت غناويه لاتراب=وكم هافين عقب انحدار ارتقا به
ما كنها الا القاع بالقيظ لهاب=يزول مع قرب النواظر سرابه
ما كل دخان ارتفع فاح باطياب=نوبات من عفن الجلود اشتبابه
والسكر اليا جاه رشق البحر ذاب=والملح في حلو النهر بالاذابه
كذلك الانسان مع فوج الاصحاب=حسب جليسه في طريقن مشا به
كف الفتا لا بد ياخذ بالاسباب=من شان ينساق بطريق الاصابه
السيل مع دربه بالانجاد ينساب=وان جاه حاجر بالمحير التوا به
من يمضي بوصله على غير الاقراب=سوا القطاعه من قصايص ثيابه
لكن نهاية سعينا عرض واحساب=والفايز اللي بالنهايه نجا به
يوسف الخليفة ( أبو عبد الله )