(باترول ربع + باثفندر)

[ذعار الغامدي]

سلام عليكم
اخباركم يالربع طيبين
الوكاد انا عقلي ضرب من الحيررة
بين (باثفندر 2005 قيرعادي + باترول ربع بخاخ 2004 )
فما ادري وش افضل
تحمل
كرف
نشاط
اهم شي بالبر :good:
وعلى فكرة ترا ماني راع مقاوم اوسرعه
مايهمني المظهر او الشكل
علمن اني ان الباث يتفكك وفوق ذلك ينقص وكلتشه مااش
فما ادري:(
وش افضل بالبر لان ترا راعيين اماكن وعرره وجبال وبر يبيلها سيارة كفو ماتتفكفك متماسكه يعني ..
اعذرونا يارياجيل كثرت هرج لكن زي ماقلتلكم تراني متحير
واتمنى افادتكم .:good:

[غلطه ثمنهاروح]

وعليكم السلام
لاتحتار ولا شي
ومن قال لك الباث يتفكك
من واقع تجربه 4 سنوات
بالباث وماء شاء الله
وغير كذا فكر 4 أبواب
والباترول 2بابين
وأترك لك حسن الإختيار

[رااعي الفزعات]

البــاااتروول . .
والله يكتب لك الخيره . .
تقبل مرووري . .

[سوبر VTC]

الباترول
قوة تحمل و كرف
يكفي قوة دفرنساته و شاصيه و مكينة قير
لكن مشكلته نوعا ما صرفية بنزين
ضيق من الداخل
عندك
راعين المرهمات و سباقات الدراق ريس يركبون مكاين مرهمه على باترول ربع

الباثفندر اقل صرف بنزين نشيط 280 حصان و طالع
مريح بر سفر ديرة وذف ممتع بالقيادة
خفة نفس بالنفود بعكس الباترول
يشيل معك 4ركاب
و هن توافيق بعد الله من ناحية الاعطال الكهربائية + نقص الزيت



لا تنسى الاستخارة بعد الاستشارة
بعض اللي يبون يشرون مواتر جديدة يستاجر موتر و يجربه
فانت حاول تجرب موتر من ربعك و شف اللي ترتاح له

روابط


http://www.mekshat.com/vb/showthread.php?t=31745



http://www.mekshat.com/vb/showthread.php?t=101940



http://www.mekshat.com/vb/archive/index.php/t-224143.html

[ذعار الغامدي]

يعطيكم العافيه ياشباب ماتقصرون والله

بس وش الي يخدم اكثر بالبر ...؟

[ذعار الغامدي]

على فكرة ترا ماني راعي مراقى (تطعيس)
بسس الباثفندر هل يتحمل المكده والبران والخطوط علما ً اننني مهمل شوي للسيارة وليس بدرجة كبيرة لاكن احيانا اطنش السيارة وما يهمني المطاب والخوض في مياه الشعبان !!!! يتحملني ولا اتوكل على الله واطق باترول !

والحين اكتشفت عذروب بالباث الي هوه الحرارة ...!!

[أبوعابد 22]

والله السفاري هندي احسن من الباث لان الباث حرارة ترتفع

[ريحه الخزامى]

مشكله البآث فنـدر ، أنه ينقص نص علبه او علبه كل 3000 تقريباً ..،،

يعني كل مآتـم 3000 تغلق علبه !!

ومن نآحيه النشآط البآث أنششط ...

ومن نآحيه القيآده البآث أزين
....

أمآ البآترول ، فمآ عليه كلآم ..،،

البآتـرول معروف قوه دفرنسآته وتحمل دفرنسآته ..،،

والقيـر مآشاءالله

والمكينه مآتنقص بأذن الله ..،،

وأرفـع من البآث ، وأزين لك بالطرق الوعـرهـ ...

انا أقول من رأأي البآترول أزين لك ...

[عبدالرحمن السالم]

والله يالغالي لا ازيد عن كلام الاخوان خصوصاُ الاخ سوبر VTC
انا معي الباث له 8سنوات ياربي لك الحمد لاقربعه ولا تفكك رغم اني اجلده
مافيه مكان مارحت فيه ، والحمد الله هذا من فضل ربي ما اشتكيت منه لدرجه اقسم بالله كل تحت الموتر وكاله اللهم الاذرعه مغيرها قبل شهر بس ، والله يعطيني خيره ويكفيني شرهه وبيني وبينك الموتر يبي له مداراه عشان يعيش معك
بالنسبة للحراره هذا بقير الاوتو لان رديتره رصه وحده وإلى يحتمي زيت القير عشان كذا يفور الرديتر ، الكلتش كل السيارات الجديده كلتشه ضعيف عندك الربع التويوتا يحتمي على طول كلتشه رغم قوته وتماسكه ، لكن على كلامك اذا تبي تضرب به ضلعان واماكن وعوره ولا انت تهتم بالسياره فأنا اقول خذ الباترول ماشاء الله ماعليه كلام دفرنسات دبلات تحمل والله يكتب إلى لك فيه خير وصالح
موفق خير

[على رمشي تمشي]

الله يكتب لك الخير واستخر وشف من يملك هالسيارتين وقارن بينهم

[ابو طاهر]

انا افضل الباترول والله يكتب في الخير

[الليث الذهبي]

والله حيرتني
لكن شف سلبيات الموترين وايجابياتهن
مثل الباث ايجابيات :-1- الراحه2- القوه3- الوذافه 4- صرفيت البنزيم معقوله 5- اوسع يصلح للعائله الصغيره
سلبيات :-1- صيانه شبه دوريه
والباترل عكس الباث اتوقع مافيه من الايجابات الاوحده وهي صبره وتحمله اذا والله تهمك هذي اكثر من سلبياته
وسلبياته عكس ايجابيت الباث 1- يرفع الضغط عزمه الددسن انشط منه 2-صرفيت البنزيم 3- ما يقارن براحت الباث وثباته 4- ضيق شوي ما تدري وين تودي اغراظك

[المنيعي1]

من خلال تجربة الموترين لأكثر من خمس سنوات ممكن أفيدك بمايلي:
الباترول-أستخدام لمدة خمس سنوات ماطب الورشة ولاحطيت به مسمار واحد بأستثنا صيانة الوكالة يمكن مرة وكذلك الرديتر خرب معي وغيرته مع أستخدام وكرف جلد مايطفي خلال خمس سنين مشيت عليه مايقارب 300 ألف كلم وبعته وهو ماشاء الله كأنه وكالة , ولكن يعيبه الثقل في القومه ولامع الخط ماعليه .
الباث -أذا تبي من 2006 وفوق مافيه مشاكل أما 2005 جربته ومعي ألى الأن يحتاج صيانه دورية وملاحظة يمشي معك صح تهمله ألله يعينك ,طبعاً مميزاته الأيجابية واجد وهذي الي مرغبه الناس به.

[العنابي 616]

الباثفيندر خراباته واجد و ما يتحمل
أما الباترول فما يقول لا إكرفه إلين تقول بس

[العرض داري]

والله الباث مضلوم
انا مجربه سنتين مديل (2003)والله لاخراب وعزمه نااار وخفيف


لكن الباترل شي ثاني اقوى لكن صرفيه

وانا من جهتي اقول الباترل لانه حق بر ولاتنسى انك بتضحي ببعض الركاب لان الباث يشيل 5 مع الفش ورا اما الباترل بيشيل 2
والله يوفقك

[ذعار الغامدي]

يعطيكم العافيه ياشباب والله ماقصرت

واللي يقول الباترول ثقيل قلتلكم ماني راع سرعه او مقاوم
اهم حاجه عزمه بالبر ..

تحياتي لكم يالذيابه .

[المرتهي]

حياك الله اخوي

حاب اشارك بهالموضوع

أنا املك باثفندر

باثفندر / راحه ( بر - خط ) / قوي / حجمه صغير / صرفية بنزين معقوله كجيب / قطع غيار مناسبة ( كل سيارة قطع غيارها الأساسية غالية ) / شكل جميل ( شبابي - عائلي ) / خفيف / عزم مجنون ( مثل الفهد لا جاك بأول شبابه - تبطي عيال الذيخ خلفه طوابير ) < أحد الأعضاء مالك باثفندر هههههه / صرفية زيت فيه ناس تصرف مكاينهم وفيه ناس والله ماتصرف على حسب ضغطك على الموتر .

الباترول / مأكذب عليك وأقول لك أعرفه زين

قبل الوالد كان عنده باترول مشاء الله عليه ماعليه كلام بصراحة

بس أذا حاب تاخذ بابين من الباترول أفضله على الباثفندر
واذا ربع لا افضل الباثفندر

تقبل تحياتي