مانوع هذا الصقر

[هاوي بندق]

السلام عليكم يالصقاره انا لقيت صورة هالطير
بقوقل واعجبني لاني ماشفت طيور نفسه
دايم الى اشوف تكون فاتحت الولن مثل الحر والوكري
اما الاسود ماكد شفت واتنما منكم تقولن لي وشو نوع ذا الطير
وكم سعره وهل يوجد بالمملكه
http://www.gulfstream-falcons.com/assets/images/autogen/a_75__Gyr-Peregrine_female_30452W__07_1.jpg

[أبوعابد 22]

والله عني أول مره أشوف مثل هاذا النوع
يفدونك الشباب

[راعي طلاع]

اخوي هذا جير شاهين وهو من الطيور المفرخه او المهجنه وموجود منها بالسعوديه والخليج ...........

[السومر]

هذا جير

.................

[الذحاح]

اخوي ذا جير بيور او جير حر مهجن (جير + حر نوع الاتاي ) على حسب النسبه وسعره على حسب المزرعه فيه بعشره وفيه بعشرين وفيه بخمسين ولو تسافر انت وتشتري بنفسك احسن شي
واطيور المجهمه الجير البيور المجهم+الحر البيور المجهم اللي هو (السنجاري)ومتعارف عليه عالميا بصقر الالتاي ويتواجد اكثر شي في جبال التاي بين الصين وروسيا وكذلك قرغيزيا وباكستان وجبل سنجار بالعراق اما عداذلك فجميع الطيور من وكاري و شياهين جبليات وبحريات ووكاري فهي مهجنه ولا يمكن ان تجدها بيور

[هاوي بندق]

شكرا على الافاده يارجال

[خلف الفار]

هذا جير تفريخ:
فيهن الصالح وفيهن الطايح

[الاربع وعشرين]

بسم الله الرحمن الرحيم
السلام عليكم ورحمة الله وبركاته

ابي اتفلسف والي يجيب علوم الطيور المتابع لها عن بعد .واما الصقار تتداخل عليه الصور ويضيع التمييز كل ماتعمق مع الطيور كل ما صعب عليه التمييز بين الطيب والخيب والحبيب
اما الي عندي راي
ثم نرجع للصقارين بال اخير
هذا طير هجين بين الحر الخضر
والبحريه الزرق ويوجد عند شيوخ الامارات صقارين متخصصين بالتهجين والانتاج لمثل هاذي النوعيات واغرب بعد واما بالسعوديه فيه ناس يجيبون خبر هذي اللعبة ويميزون
بينها بدقه ولا يرغبونها لانها تاخذ وقت بالتطبيع ويبي وقت نقل اكثر ويشغل الصقار بنقل
الصيد ودايم مايكون صامل بالطرد ولا يحل عن الصيد لو وراء الشمس يعني عرضه لل غديه الله يستر وفعله يهول الصقار وغير الصقار عند الهدد وهذا الي يجزم الصقار يقنيه

[هزاع01]

الطير جير حسب النسبة بس ما انصحك تشتري أمراض الجير كثيرة وما يرتفع في الحوم ولا الطيران خذ لك وحش

[هاوي بندق]

جزاكم الله خير على المعلومه
اخوي ابي توضيح لوسمحت : ولا يحل عن الصيد لو وراء الشمس يعني عرضه لل غديه الله يستر وفعله يهول الصقار وغير الصقار
وشلون مافهمت

[الذحاح]

جزاكم الله خير على المعلومه
اخوي ابي توضيح لوسمحت : ولا يحل عن الصيد لو وراء الشمس يعني عرضه لل غديه الله يستر وفعله يهول الصقار وغير الصقار
وشلون مافهمت
هلا اخوي الرجال يقصد انه النوع ذا ساطي ما يفوت الطريده لو وش صار بس انك لو تصيد جير وحش من مواكره باوروبا او تشتري واحد من مزرعه محترمه تنتج سلالات طيبه وتدهل الطير زين وتسوي له هك اي تطير وتعلمه على الارتفاع لان غالبية مشاكل الصقور المفرخه ان الطرايد اذا ارتفعت بالجو كما الحباري والبط الطيارما يلحقها لانه يوم كان بالمزرعه كان متعود يهد على الطريده وهي بالارض ولا هالنوع طيب جدا جدا لكن مشكلته انه اذا كان مفرخ بمزرعه ما يندرا كيف تم تعليمه عشان كذا دايم يسالون عن المزرعه اللي تم تفريخه فيها

[الافلاج علاج]

الله يخليه لكم

[عبدالرحمن بن ذياب]

فادوك الاخوان و اسعارها لو تحب تاخذ لك فرخ جير من مزرعه ب حوالي 11 ألف

[ركن برزان]

عزالله الشباب ماقصرومعك يالغالي

[ابن الاصيل]

هاذا تفريخ وانت وحضك لانه يغرك بشكله ولاشريته مايطرح الجراده

[راعي الونه]

اخواني انا اعتقد انة سنجاري والعلم عند الله
ومبين اكثر شي انة جير والعلم يضل عند الله لنة
لامعروف مهجن او لا الله يقطعهم اهل التهجين
وانا هذا رايي تقبلو مروري