يااخوان اين تقف سيارات ساهر من طريق القصيم وحتى الدمام

[قمة افرست]

السلام عليكم ورحمة الله وبركاته

سؤال لاهنتوا يااخوان اين مواقع ساهر من طريق القصيم الرياض حتى الشرقية
الي عنده فكرة لايبخل علينا

[ذئب اليل]

لا اعلم وفي انتضار الخوان

[ليالي حلوة]

أول خمسين كيلو وأنت طالع من القصيم لا بد فيه ساهر هذا اللي أعرفه وخاصة إذا تجاوزت أول نقطة تفتيش تجد ساهر بعدها بكيلوين أو ثلاثة والله يستر عليك

[rpk]

قبل تفتيش الرياض بشوي بشكل ادق قبل محطه البساتين

[gomr-15]

كل يوم لهم محل ما يثبتون ابد في موقع واحد

عشان كذا انتبه يالغالي وكن حذر

وانصحك بعد ما تسرع وشوله العجله والخساير مخالفات وحوادث وغيرها الله يسر عليك ...,,,

[gx-low]

مثل ما قال الاخ اللي فوق

كل يوم لهم محل

امش 130 -140 وبيمديك تهدي

والشعب السعودي مب مقصر بالتكبيس والفلشرات

اغبى شي ساهر على السريع

اللي نكبه صدق اللي بوسط الديرة

[خالدالعلي]

الله يهديك ويصلحك المفروض ما تكون عون للشيطان على اخوانك والنبي صلى الله عليه وسلم يقول : (من سن سنة سيئة فعليه وزرها ووزر من عمل بها الى يوم القيامة )صحيح مسلم . فكل من عمل بموضوعك هذا فهو عاص لله ورسوله ولولي امره ولو قدر الله عليه حادث فسيكون وزره على من دل عليه اول مرة لاتكن مفتاحا للشر وعونا للشيطان على اخوانك
ثم ارجو من المشرفين اغلاق اي موضوع مثل هذا الموضوع حتى لايكون المنتدى باب للشر واذا التبس على احد امر اوشيء فالحكم بيننا هو ما حكم الله به (يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُوْلِي الأَمْرِ مِنْكُمْ فَإِنْ تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِنْ كُنتُمْ تُؤْمِنُونَ بِاللَّهِ وَالْيَوْمِ الآخِرِ ذَلِكَ خَيْرٌ وَأَحْسَنُ تَأْوِيلًا)

[قمة افرست]

خالد العلي سلامات يبو
شكلك حافظ الايات ومنت عارف معانيها

ياخوي سؤال مافيه شي وسؤال عن مواقع ساهر صارت معصية

وبعدين انا عن نفسي امشي بسرعه معقولة ولاكن احيانا يسهي الواحد ويلقطه ساهر على فرق بسيط ماهو سرعه وترى بالدين لاتؤاخذ امتي على السهو وساهر ماعنده هالنقطه يمررها
ونت الله يصلحك بس خرجتنا من الدين وطلعتنا عاصين وش قالوا لك بنفجر ساهر
ولاشكلك فاهم وداخل الموضوع غلط

هذه الاية الكريمة اش دخلها بالموضوع
يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُوْلِي الأَمْرِ مِنْكُمْ فَإِنْ تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِنْ كُنتُمْ تُؤْمِنُونَ بِاللَّهِ وَالْيَوْمِ الآخِرِ ذَلِكَ خَيْرٌ وَأَحْسَنُ تَأْوِيلًا)

الله يرد لك عقلك ويهديك الناس تقول تروح وتجي بالسلامة ونت اش يرد عيلك الواحد بالله

لاحول ولاقوة الابالله

[راعي حثروبه]

انصحك اولا عن السرعه وثاني شي اطعج اللوحه من جهت اليمين ويختفي معك اول رقم وبالسلامه

[خيال الغلبا]

خالد العلي لاتضع الايات والاحاديث في غير موضعها

وخف ربك

[التعـ King ـديل]

امش 120 وتشوفهم :D

[شهادة مجروحة]

نصيحة لا تسرع وثبت السرعة على 120 الان تم تركيب كابينات في الوسط تلقط الجهتين غير انتشار سياراتهم بكثرة ومتنقلة .

[دحيم الفزعة]

نصيحة لا تسرع وثبت السرعة على 120 الان تم تركيب كابينات في الوسط تلقط الجهتين غير انتشار سياراتهم بكثرة ومتنقلة .





السلام عليكم


بأي طريق ركبو الكابينات هذي ؟

[ملك الفكتوريا]

والله الشباب بالخط ما يقصرون

لكن بعطيك اللي بالرياض

اذا جيت عند كبري الفحص فيه كاميرا للرايح والجاي ثابته


بتجيك نقطة الرياض تعداها وتمشي حتى تجيك محطتين على يسارك وعند الكبري الثاني فيه سيارة تصور الكاميرا الخلفية


وبعدها حط رجلك ما حولك احد

تجيك النقطة الثانية الرئيسية لان يمكن تجيك نقط زياده

تعداها حتى تجيك كوبري ومفرق صلاصل والديار هذي يمكن تلقى عندها او بعدها عند المحطه قبل الدمام بحدود 150 كيلوا

وبعد المحطة بحدود 30 كيلوا فيه سيارة بالظلام وعلى لفه


وعند كوبري بقيق فيه سيارة تصور من الخلف

وبعد نقطة الدمام فيه مقابل محطة بتروسحاب سيارة والحمد لله على السلامه



طبعا هذي الثابته والاماكن المعروفة


يمكن تلقى ببعض الاماكن سيارات لكن هذي المعروفه



وتوصل بالسلامه

[omar 3]

ذهبت الاسبوع الماضي الى الدمام صادفني قبل الدمام 5 سواهر ... وحضرت عرس بنفس اليوم مشيت وانا طالع من الدمام صادفني كذالك 5 سواهر .. حسبي الله ونعم الوكيل

[You Like Me]

اهم شي لا صرت لحالك بالخط لا تطير
واذا قدامك سيارات مثل ما ذكر الاخ ملك الفكتوريا
الشباب ما يقصرون بالفليشرات

[.أبوعبدالرحمن]

مخالف لقوانين القسم