خبراء الجيوب الله لا يحرمكم الاجر تفضلوو

[ابومقدام]

السلام عليكم ورحمه الله وبركاته

اخواني اقترضت مبلغ وقدره واريد شراء

جيب يكون عملي

ويدوم معي فاعجبني جيب

ميستوبيشي باجيرو سبورت 2011

وش رايكم فيه

تكفون رايكم يهمني الله لايحرمكم الاجر

[email man]

وعليكم السلام ورحمة الله وبركاته
أخوي أبومقدام الباجيرو سيارة عملية بس مشكلته بأسعار القطع فقط
أنا إستعملت من الجيوب باثفندر وإنفوي والباثفندر بيض الله وجهه ماواجهتني فيه مشاكل شريته سنة ألفين وإستعملته خمس سنوات ونص ولا شفت منه مشاكل . والإنفوي مشكلته البدي خفيف ومزعج بالسفر
أنا أشوف لو تسأل عن الفورد إكسبلورر أحسن من الباجيرو .

[حزيزبون]

السلام عليكم بومقدام
بالنسبة لجيب المستوبيشي قطعه غياره مكلفه وفوق هذا راح يفرش عليك من الخلف مع الوقت وعزمه يضعف مع الوقت وطبعاً هذا كلام قريب لي بالكويت كان يستخدمها ، وعلى ما أعتقد إن مكينته تجي نوعين


واذا بودك جيب اقتصادي بالبنزين فشف جيبي شيروكي 2006 ليبرتي مسويله اعلان وعلى فكرة تراني سافرت عليه للإمارات مره والبحرين 3 مرات والدمام مرتين وما اشتكيت منه بشئ ماشاء الله ولاتخاف مسويله صيانة ممتازة بإشرافي بنفسي وحتى مع تركيب القطع الإستهلاكيه - يعني ماني من الناس اللي يرمي موتره ويخليه -
وازيدك بعد وانا راجع من دبي ومن منفذ الغويفات للرياض بقى ثلث التانكي مع العلم إن الفل ب30 ريال بنزين 91
والموتر عملي من الدرجة الأولى وبالنسبة للمكيّف فممتاز عندك حار وبارد بتقنية يابانية شد بلد


وتقبل مروري بود

[كاشت وحداني]

اذا تفكر تبيع في فتره قريبه
تراه يطيح سعره وكذلك قطع غياره غاليه
اذا بستختدمه لين يقول هذا مكاني لاباس

[فهد الربش]

انحش عنه قطعه غاليه ولا جيت تبيعه بعد سنتين تطيح قيمته حول الثلاثين وازود

طالما وانا خوك انك مقترض الدراهم

فدورلك على ربع تويوتا لا يخرب وقطعه زينه وشيك في جيبك لاعتزته في البيعه

[راكان العطوي]

اخوي قال لك التويوتا وبس اذا تبي باب واحد ربع مقفص مافي كلام بعد عن المستبيشي واذا بابين عندك المقفص الفيبر كبير وحلو وكويس اشتري وانت مغمض تويوتا وبس لاتقول نيسان ولا كل السيارت

[راكان العطوي]

صح بعدين تشتريه بي 50الف تروح تبيعه بي45 الف او 48 الف

[سطام vip]

بسم الله الرحمن الرحيم

وعليكم السلام ورحمة الله وبركاته

اخوي ابو مقدام

من معلوماتي المتواضعه وانا من مجربي جيوب ميستوبيشي انها عمليه جدا

وبالنسبه للباجيرو سبورت يأتي دفرنسات امامي وخلفي بعكس الباجيرو العادي

يكون فريولات اهو صراحه شكله مميز مشكله الميستوبيشي ما يمسك قيمته لو بغيت تبيع

وشركه الكهرباء عميل دائم للباجيرو لولا جودتها كان شافوا غيرها

ومن ناحيه الشور طبعا كلنا نعرف ان سيارات تويوتا طايره بالسماء اسعارها وكذلك النيسان

وماهي بالجوده السابقه في الصناعه كما كانت

انا لو مكانك ابشوف اليوكن او التاهو سعر معقول واذا بتبيع يمسك قيمته

وفي الاخير الراي لك انت الي بتستخدم لا تشتري سياره مالك خاطر فيها بتمل منها

ولو كل الناس شرت تويوتا او نيسان كان قفلت باقي الوكالات

ولا تنسى الاستخاره والله يكتب لك الي فيه الخير

[فاهمهم]

اولا اتمنى لك التوفيق
ورد اخوي راكان ليس في محله ابدا واعارضه اصلا من يوم قال مقفص وانا غاسل يدي
ياخي الرجال يقولك مقترض مبلغ يعني متخسر الله يوفقه تقوله ربع تويوتا لا وكمان فيبر سبحان ربي كيف بعض الردود الرجال متخسر يعني يبي شي يريحه في السفر و في البر الربع يا حبيبي يكسر ظهره و غير مريح و سريع انقلابه و من ناحيه المكده يعتبر جدا عادي بل النيسان افضل منه انا مستخدم المتسوبيشي والله انه اقوى من التويوتا بس سعر قطعه ناااار هذا عيبه الوحيد لكن راي اخوي المشرف هو الصحيح واتمنى لك التوفيق

[شيخ العزوبية]

خذلك جيب شيروكي جديد 2011 بـ 86 الف .

انا توني شاري واحد وبحكم مبدئي على السياره ممتازه جدا

[Abu Sary]

اولاً: على حسب احتياجة للسيـارة ..

إذا كنت راعي بر وقنص كل شوي ..

دور لك تويوتا ..

وإذا والله بالسنة حسنـة تروح للبر ..

لأ والله اشتري راحتك وخذ الميستوبيشي ..

إذا كانت طلعاتك للبر قليلة ماراح تشتكي منه ..


والله يقدم لك اللي فيـه الخيـر ..























( اللهم حسن الخاتمة )

[أطلال نجد]

السلام عليكم
الباجيرو سبورت سيارة ممتازة وشكلها مميز حقيقة وأنا شخصياً أفضلها على بعض سيارات تويوتا
السبورت تختلف تماماً عن الباجيرو العادي حيث أن قاعدة السيارة هي نفسها قاعدة الميتسوبيشي بك آب L200
مع بعض الأختلافات البسيطة في نظام التعليق
طبعاً قوة السيارة 3.5 CC
184 حصان وهي قوة ضعيفة نسيباً مقارنة بمنافسيها الفور تشنر والإكستيرا من نيسان حيث أن قوة السيارتين الأخيرة تبلغ 4.0 CC
أعقتد بأن الكثيرين لا يعرفون هذه الباجيرو سبورت بحكم أنها لا تزال جديدة على السوق الخليجية وليس لها انتشار كما الباجيرو العادي لكنها سيارة عملية جداً ومن الشركات التي تستخدمها الآن شركة الاتصالات السعودية وشركة الكهرباء.
ما يعيب السيارة من وجهة نظري هو طريقة توزيع التكييف الخلفي حيث أنه يأتي على الجانب في الصف الثالث !
بينما لا يوجد توزيع في الصف الثاني للأسف .
بالنسبة لأسعار الباجيرو لدى الوكيل في تقديري تعتبر مناسبة مقارنة بأسعار تويوتا ونيسان !
قطع الغيار أنا أنصحك بزيارة فروع الموزعين لقطع غيار ميتسوبيشي والاستفسار عن أسعار القطع الاستهلاكية وبعض القطع الأخرى كأسعار الأنوار الأمامية والخلفية وبهذا أنت من سيقرر غلاء القطع من عدمها وهل الأسعار مناسبة لك أو لا .
أخيراً أنا أنصحك بالباجيرو العادي مكينة 3.8 فل كامل خليجي تجد السيارة في معارض النسيم بالرياض لدى بعض الموزعين يباع بأسعار الباجيرو السبورت
أتذكر العام الماضي مثل هذا الوقت تم شراء باجيرو جديد 2010 فل كامل بـ 114 ألف
حالياً ليس لدي علم تام عن أسعار 2011 لكنها في بحر 120 ألف .
موفق للخير ،،،

[أبو ترركي]

أبحث عن تويوتا بانواعها يالحبيب
وفقك الله .

[عبدالله7777]

بالتوفيـق للجميع ,,

[abu ziyad]

الباجيرو الكبير فل كامل لؤلؤي

وادع على من ظلمك وووبس

منظر خارجي وفخامة داخلية وسعره ممتاز

والقطع مانت بحاجتها دامه جديد

[الملك 704]

2014 باجيرو سبورت كاميرا وشاشة عرض وشاشة معلومات وبوصلة وحساسات ودفلوك وبلوتوث 99500 ريال


يابلاش

[سحابة غائمة]

انا مجرب الباجيرو السبورت صراحة سيارة عملية وقوية واسعار القطع مناسبة

[المدير1]

سيارة العصر
سيارة السوق
سيارة البيع
تويوتا

[مخاوي روحه]

اخوي الغالي دامك بتاخذ سيارة جديده لاتشيل
هم الاصلاحات لانه على اقل تقدير بتخدم 3 سنين بدون طلب
ومن باب تجربه انا ارشح الباجيرو
من ناحية الشكل طيب قوة 3800 جيده جدا الى ممتاز
يكفيك مواصفاته وانه ياباني ياباني مو مثل المواتر الثانية
وقبل كل شي لاتنسى الاستخااااااااااااااااااره

[إبو عبدالعزيز]

موفق يالغااالي