ان كان لديك تجربة أو فكرة عن البناء بالطين ..أرجو الدخول

[شملول]

لدي نية باذن الله عمل استراحة:

سور وغرف بالطين..

ولا أقصد بناء بلك ثم رشها بالطين..:no2:

وانما أقصد بلبن الطين..شغل الأولين..

فالذي عنده تجربة في ذلك يمدنا بذلك..

وله مني أجزل الشكر والدعاء..

من الأسئلة التي تدور في ذهني:

هل هو مقاوم للمطر..؟


كيف طريقة تسليك الكهرباء..؟


وهل هناك مشاكل أخرى تذكر..؟

الله يعطيكم العافية..

[ابولولو]

اخوى شملول اعانك الله وعساك على القوه
اول شى خير مافكرت
الامر فيه سعه
وعندى معلومات وسط
1-اهم شى تحط حجر دار مادار يعنى زى الميده لحمايه الطين من الماء من تحت لان الطين عدوه الماء وياكل فيه
2-هو مقاوم بس بشرط ان الطين ينقع بماء اسبوع احسن شى ولو زاد احسن يتشرب الطين ويتماسك جيد والتبن بوجه العدو اهم شى لازم يخلط ويكثر شوى مع الطين ظرورى ظرورى
3-تسليك الكهرب بسيط تقدر وانت تبنى الطين تحط الى الاحمر او بعد الانتهاء تفتحله باالطين وتليص عليه الطين والطريقه الاوله احسن من فتح الطين وجه نظر
ونصيحه مالك ومال عور الراس حط ابلك واذا بغيت عازل ادبل الجدار او حط بلك عشره ثنتين وخل بينهم فراغ وحط طين عزل صح
اذا مساحه السور اشوى والغرف شوى وصغيره سو الطين كله لانه مايكلف واذا الفلوس متوفره ماشاءالله سوى الكل طين الله يقويك
بس انتبه لازم بزوايه الفرف عمدان لان الطين مع بعضه يفك راح طين من اول:D
واول الغرف صغيره والامور ماشيه
والسور لازم عمدان خاصه اذا صار طويل وحط الميده حصى لك وللزمن
هذا طال عمرك الى عندى من خبره سنين بسيطه
اتمنا انى افتك ولو بشى بسيط
لاتنسانا من دعواتك وعازيمك باالاستراحه اذا قضت:p:p

[ابوعمرالفاروق]

أخوي شملول الله يوفقك في مسعاك
ولو تروح وتلقي نظرة فاحصة على بيوت الطين قبل كل شيء فهو أفضل
بيوت الطين كانت بدائية ثم تطورت وقد سكنت في أكثرها تطورا الله المستعان
اول شي تسويه تجيب حصى إذا كانت الأرض فيها رطوبة مثل ما قال أخوي ابو لولو
والحصى من المقاطع يجاب وتلفت حولك تبي تلقاه إن شاء الله ولو حددت مكان الإستراحة أدلك إن شاء الله
وقل تجيب الحصى شف لك من يقوم بعمل اللبن ولا بد يكون رجل متخصص واللبن له قالب يسوونه منول من خشب الأثل ويمكن تلقاه اليوم حول مواقع المصنوعات الأثرية في الحسا ولا ديرة الرياض ويمكن عمله عند أي نجار من خشب قوي على نظر الاستاد والطين طين حر ما فيه صباخ ولا يخالطه رمل ولا زم له تبن ويبي له خلط قوي ويتشرب الماء وفي الجنوب كانوا يتركون البقر يدوس فيه أقوى له كم يوم
إلى هنا أترك الحديث لنرى ما تقوم به ومن ثم إبشر بالمشورة شوي شوي وارسل لي رسالة مكشاتية إذا أردت المزيد لأكتب الرد هنا لأني ربما أنسى
وفقك الله

[ابو عمررر]

الله يعينك

[شملول]

اخوى شملول اعانك الله وعساك على القوه
اول شى خير مافكرت
الامر فيه سعه
وعندى معلومات وسط
1-اهم شى تحط حجر دار مادار يعنى زى الميده لحمايه الطين من الماء من تحت لان الطين عدوه الماء وياكل فيه
2-هو مقاوم بس بشرط ان الطين ينقع بماء اسبوع احسن شى ولو زاد احسن يتشرب الطين ويتماسك جيد والتبن بوجه العدو اهم شى لازم يخلط ويكثر شوى مع الطين ظرورى ظرورى
3-تسليك الكهرب بسيط تقدر وانت تبنى الطين تحط الى الاحمر او بعد الانتهاء تفتحله باالطين وتليص عليه الطين والطريقه الاوله احسن من فتح الطين وجه نظر
ونصيحه مالك ومال عور الراس حط ابلك واذا بغيت عازل ادبل الجدار او حط بلك عشره ثنتين وخل بينهم فراغ وحط طين عزل صح
اذا مساحه السور اشوى والغرف شوى وصغيره سو الطين كله لانه مايكلف واذا الفلوس متوفره ماشاءالله سوى الكل طين الله يقويك
بس انتبه لازم بزوايه الفرف عمدان لان الطين مع بعضه يفك راح طين من اول:D
واول الغرف صغيره والامور ماشيه
والسور لازم عمدان خاصه اذا صار طويل وحط الميده حصى لك وللزمن
هذا طال عمرك الى عندى من خبره سنين بسيطه
اتمنا انى افتك ولو بشى بسيط
لاتنسانا من دعواتك وعازيمك باالاستراحه اذا قضت:p:p


الله لايهينك أخوي على المعلومات... وأبشر بسعدك :D

[abdulaziz_1414]

الله يعطيك العافيه