طريق الباحة النماص ابها ادخل واجب عن عما يلي (( مدرس متأثر بالاختبارات))

[القلب المحروم]

انا ان الله اراد ناوي اروح الى ابها عن طريق الباحة النماص ابها فودي اسال عن مايلي

1_ كم المسافة وكم الوقت
2- وش المناطق اللي تمر عليها
3- سيارتي فكتوريا هل تتحمل الطلعات والعقبات موديلها 2001
4-وش افضل وقت امسك به الطرقات معي عائله ووش اصعب عقبة تمر عليك بالطريق لاني من اهل الرياض ولا اعرف وش ذا العقبات
وش النصايح للشخص اللي اول مره يمسك ذا الخط

[طريح575]

سلام عليكم ورحمة الله وبركاته
اخي الكريم اعرض لك بعض معلوماتي البسيطه وان شاء الله ان الشباب يفيدونك اكثر
اما معلوماتي فهي
1- من الطائف الى الباحه يوجد طريقين واحد يسمي طريق بني سعد وهو ذو انفاق وجميل بمناظره وهو ليس سريع ويوجد اكتاف للطريق ،والاخر يمر بطلعة شمرخ وهو يعمل سيدين سريع ولا علم لي هل هو انتهى ام لاوالمسافه تقريباً 250كم
2- من الباحه حتى ابها يوجد طريقين واحد يمر بعقبة الباحه مروراً بالمخواه وذي عين وبعض المناطق الجميله ، والاخر يمر بالنماص وتنومه والنماص بها منتزهات جميله وكذلك تنومه والطريق جميل بمناظره والمسافه تقريباً 350كم
3- النصائح هي السير في النهار حتى يتسنى لك التمتع بجمال تلك المناطق ومشاهدتها في النهار وتفادي لاخطار الطريق ليلا وان لاتكون من بعض الناس الذين تكون رجله دائم على البريك وتحتمي الفحمات وتبطل العمل ويجب استعمال القير في بعض المنحدرات والوقوف بعض الوقت اذا احسست بان الفحمات قد احتمت واهم شي عدم السرعه وهي السبب الرئيسي للحوادث لا قدر الله وكلامي هذا ليس للتخويف وانما اخذ الحيطة والحذر لوجود اناس لاتبالي بارواح البشر سواء من اهل تلك المناطق او من الزوار وادعو لك بلتوفيق وبالرحلة الجميله الخالية من المنغصات وان تعود الى بلدك سالماً غانم بالمعلومات والمناظر الجميلة والرحلة الموفقة
والسلام عليكم ورحمة الله وبركاته

[القلب المحروم]

طيب ما جاوبت على السيارة تتحمل ام لا لان موديلها قديم نوعا ما

[طريح575]

السلام عليكم ورحمة الله وبركاته
اخي الكريم انت من يقرر مدى صلاحية سيارتك للطريق اما بالنسبة لي فهي سيارة ممتازه ولاكن انت من يقرر ان كانت سيارتك ممتازه من ناحية المحركات مثل عزم المكينه والقير وجودة الفرامل فلا خوف ان شاء الله فليس هناك ما يخيفك الطريق سالك ومريح للسياره ويوجد بعض العقبات الخطره مثل العقبه التي تنزل على رجال المع فهاذه خطره ويمنع نزول السيارات ذات القير الاتماتيك ويوجد نوعيات من السيارات الهريانه ويسير بها اصحابها ولاكن بحذر واما بالنسبة لسيارتك فأعتقد انها سيارة ممتازه وانت من يقرر ونصيحتي لك عدم السرعه وعدم التخوف والسير بعفلانيه من اجل سلامتك وسلامت عائلتك ورحلة سعيدة وموفقه
والسلام عليكم ورحمة الله وبركاته

[المهند تمير]

ما قصر أخونا طريح ..

وأحب أن أضيف ..

طريق الباحة النماص ... ممتع ومرعب ... يعني اللي يبي يأخذه على سعد الصدر يبي يستانس من هالمناظر وهالبراد .. وطوله من الباحة للنماص حول 200 كيلو .. لكن عيبه هاللفات والطريق مرة يضيق ومرة يزدوج ..

أما النزول مع عقبة الباحة إلى المخواة .. فمن رأيي أنه ما يصلح .. أنت رجال رايح تدور البراد .. والوناسة .. والنزول غثيث وزود على ذلك موسم ( الغبرة ) والعج بادي عندهم له فترة ..

من النماص إلى تنومة 25 كيلو هوينه ونصفها سيدين وخط زين ..

أما تنومة إلى أبها فهي 125 كيلو وطريق مزدوج ووسيع .. ولا يضيق إلا عند الكباري أو الديار االلي على الطريق ..

أتمنى أني أفدتك ..