فكر قبل ماتشتري سياره غاليه

[رهيب الرهيب]

السلام عليكم ورحمة الله وبركاته
احبتي الكثير يشتري سيارات بمبالغ باهضه وليس عن قدره بل بالاقساط وبالدين والمشكله تلقاه راعي بر وقد تكون السياره الوحيده عنده ولو فكر قليلا لشترى بقيمتها سيارتين يعني مثلا بدل ماتشتري لاندكروز او باترول بسعر يتجاوز ال200 الف تقدر تشتري فورشنر سوناتابقيمته ويمكن يزيد معك شوي ومن او اكستيرا وكورلا او غيرها وبكذا تكون حصلت على سيارتين تقدر تبدل بينهن بحيث مايصير الكرف على سياره وحده وبحيث انه لو يصير لاحد السيارات شي ماتروح تدور التاجيرواضف على ذالك ان اغلب الاحيان سيارات الدفع الرباعي الغاليه نفس مستوى سيارات الدفع الرباعي الي بنصف قيمتها من ناحية الاداء بالاماكن الوعره ان لم يكن اقل يعني على سبيل المثال البرادو بالبر نفس اداء جيب الكزس ان لم يكن افضل وقس على ذالك زبدة الموضوع لا بد الواحد يفكر بل مايدفع 200الف في سياره ويروح يقرشع بها بالبر

[فارس الشمال33]

بارك الله فيك كلام عين العقل

[MAGNUM]

والله كلامك هو الصحيح وعين العقل
لكن الناس تحب المظاهر والمهايط فتلقاه يكلف على نفسه وهو غير مقتدر

بارك الله فيك على الموضوع الطيب

[بدران الدوسري]

والله كلامك حلو

لكن مثل مايقولون بعض النآس يحب المظاهر

ويحب انه يشخص تشخيص ماله سنع

تلقآ راتبه مايتعدى الـ 5000 ويطق له موتر سعره مايقآرب الـ 300 ألف عشان المظهر

لكن كلن والي يرتاح له وكلن وتفكيرهـ

بآرك الله فيك على هالموضوع

[abo_ghala]

بارك الله فيك اخي الكريم


كلامك عين العقل وعن تجربة شخصية عندي واحد اعرفه خذاله لاندكروزر من الوكاله عندنا في الكويت بالاقساط

طلع قسطة بدون مقدم قريب من ال270 دينار كويتي

الله يسلمك انا خذيت سيارتين قسطي حول 250 دينار كويتي

لكن الله يسلمك سيارة 2010 و سياره 2009 وحده للبر ووحده للديره وكل وحده احسن من الثانيه

ولله الحمد على ما رزقني

[سلكي نت]

عين العقل مثل ماقالو الاخوان

[ملوك الجن]

الاكستيرا و الفورتشنر ما يعلى عليها من ناحية القوة بس الراحه و الفخامه مهيب زي اللاند و الباترول الجديد

و بعض العايلات لازم جيب كبير عشان العايلة كبيره ثمانية اشخاص مثلا

[.GT]

كلام سليم مبلغ 200 الف كثير

[رسلان الوايلي]

هذا الكلام

[hamido]

الاكستيرا و الفورتشنر ما يعلى عليها من ناحية القوة بس الراحه و الفخامه مهيب زي اللاند و الباترول الجديد

و بعض العايلات لازم جيب كبير عشان العايلة كبيره ثمانية اشخاص مثلا
طيب سكويا واكستيرا للطربه
ياناس حرام اجمد مبلغ وقدره على سياره ولو جاه شي طززت ماقدرت اصلحه ولو جا حادث بسيط بعت ملابسي عشان القطع

[الطرس ممدوح]

بارك الله فيك
كلام عين العقل

[محطم عنيد]

عين العقل وكلام سليم ومية بالمية

الله يزيدك نور ورجاحة

[رهيب الرهيب]

تحياتي لجميع من تفاعل مع الموضوع وبالنسبه للكشخه ترا فيه سيارات لها يعني بانورما لكزس بي ام واخوي الي يقول للعوايل الكبيره فيه فانات حلوه وسعر مناسب وفيه سيارات مخصصه مثل سوبر بان او سكويا مثل ماقال واحد من الشباب وسعرها حليل وعلى فكره تراها افخم مواصافت من بعض السيارات ام ميتين الف

[طير بيروت]

اسمحلي طال عمرك مادامك شباب وعندك فلوس السياره الي انت تبي خذا والاعمار يومين والشك زايل

[المصباح السحر]

كلام 100% ومؤيد وبسويها ان شاء الله

[طرخااام]

صدقت ونصيحة في محلها وياكثر الى محمل نفسه مالا تطيق
والدين هم وغم ومرض اما راعى الكاش لابله خله يستانس

[رهيب الرهيب]

طير بيروت يعطيك العافيه وانا اتفق معك اذا كان معه فلوس يعني مطنطخ لاكن جامع الك كم قرش عصارة عمرك وتبي تحطهن في سياره وحده هنا الاختلاف
المصباح السحري ربنا يوفقك وشاكر لك مرورك
طرخام راع الكاش يصار كاش وش عليه لاكن يصار راح عمره وهو يجمع فيهن ماينفع واما راع الدين والله ودك يقلل قد مايقدر

[ولد الأجاويد]

والله هذا الكلام جعلته سياسة لي قبل خمس سنوات وطبقته وإلى الآن وأنا عايش مثل الملك عاز نفسي لا خرب موتر دخلته الورشة ولا شلت له هم
وفوق هذا كله المواتر عرفت وش دورها اللي للبر واللي للديرة

أقول جزاك الله خيراً على نصيحتك

[saad_path]

ياسلام عليك اخوي وكلامك عيييين العقل

اوووما اني احط 200 الف في جيب واجلس اطعس واجلده بالشعبان والله اللي ماطرت
اشتريلي باترول 97 وارهم له حاجات تخص البر واجلد ابوه وحتى لا خرب مقدور عليه

بعدين انا ملاحظ ان اكثر اللي يشتري الجيوب الغاليه تلقاه مايطلع البر ولا يعرف يشغل الدبل
بس فشخره لا اكثر ولا اقل
بس من حظ ابو جميل